LABen ordezkaritza batek larunbata eta igandean Compostelan (Galiza) egin den Confederación Intersindical Galegaren (CIG) VII. Kongresuan parte hartu du. CIG da Galizako sindikatu nagusia gaur egun. Ibon Zubiela LABeko kideak, CIGeko zuzendaritza uzten zutenak eta talde berrian sartzen zirenentzat zorion hitzak izan zituen bere hitzartzean, herrien arteko elkartasun eta samurtasuna gogoratzeaz gain.
Kapitalismoaren oldarraldiaren garaian, sindikalismo borrokalaria aldarrikatu zuen Zubielak. Preso politikoak ere gogoan izan zituen, Rafa Diez LABeko idazkari nagusi ohia aipatuz.
Borrokarako konpromisoa berretsiz, aliantzen aldeko hitzak izan zituen, herrien burujabetza prozesuei alternatiba eta eduki soziala emateko eragile sindikal, sozial eta politikoen artean.