LAB, ELA, ESK, Steilas, EHNE eta Hiru sindikatuok elkarretaratze batera deitu dugu larunbaterako, 12:00etan, Biriatuko autobidearen zubian. Hain zuzen ere, Bordele inguruan asteartean zendutako garraiolariaren lan heriotza salatzeko egingo dugu protesta. Euskal gehiengo sindikalaren hitzetan, garraiolarien lan baldintzak gero eta prekarioagoak dira eta sektorea ez dago batere arautua. Ondorioz, garraiolariek eurek pairatzen dituzten lan istripuek lotura zuzena dute euren eskubide faltarekin.