2026-11-16
InicioServicios PúblicosIpar Euskal HerriaBertan erabakitzeko aldarrikapena Euskal Hirigune Elkargora eraman dugu

Bertan erabakitzeko aldarrikapena Euskal Hirigune Elkargora eraman dugu

Euskal Hirigune Elkargoaren egoitzaren aurrean mobilizatu gara gaur, Baionan. Hain zuzen ere, bertan erabakitzeko eta hortarako behar diren tresnak eraikitzeko aldarrikapena Elkargoak ere bere egin behar duela aldarrikatu dugu, bertako negoziazio eremu bat Euskal Herrian sortua izan dadin. Hala, gutun bat helarazi diogu Elkargoko lehendakari Jean Rene Etxegarairi aldarrikapen honekin.

Hauxe da Euskal Hirigune Elkargoko lehendakari Jean Rene Etxegarairi igorritako gutuna:

2012tik goiti LAB sindikatuak Bertan Erabaki aldarrikapenaren bidez Euskal Herri mailan falta zizkigun instituzioen falta salatzen zuen. Garaian jadanik 2 aldarrikapen nagusi genituen :

1. Eremu sozio ekonomiko iraunkor bat izaitea.

2. CPL « commission paritaire locale » delakoaren moduko Negoziazio kolektibo eremu bat pribatuko langile guztientzat sortzea.

2014 an LABek bere aldarrikapena funtzio publikoari zabaltzen zuen Euskal Herri mailan CDG « centre de gestion » delako bat eskatuz bertako Lurraldeko funtzio publikoko langilentzat.

Azkenean, 2017 an lan eta gogoeta ezberdinei esker, bai hautetsi eta bai jendarte eta Batera plataformari esker besteak beste Euskal Elkargoa sortu da.

Honen bidez lehen aldiko Ipar Euskal Herriak benetako onarpen administratiboa lortu du.

LAB sindikatua kontziente da Euskal Elkargoak dituen erronkak ugariak eta konplexuak direla, baina uste dugu hori ez dela aitzakia izan behar langileok bertan erabakitzeko galdegiten ditugun tresnak ukatzeko.

Hara zergatik gaur gutun ideki hau Euskal Elkargoari helarazten diogun, lehenbailehen langile guzientzat benetako negoziazio kolektibo eremu bat sortua izan dadin. Legeak ematen duen parada segituz 2014tik LAB etengabe lanean aritu da pribatuan ari diren langileentzat Elkargoaren barne izango litzatekeen CPL moduko eremu bat sortzeko.

Hori egingarria izaiteko bertako ordezkaritza edo errepresentibitatearen zenbakiak behar genituzke eta gutun honen bidez beste behin ere zenbaki horiek ukaiteko egin beharrekoa egitea eskatzen dizuegu.

Bestalde, Lurraldeko funtzio publikoko langileei dagokionez, lehenbaitlehen bertako “CDG” delako baten sorrera beharrezkoa dela iduritzen zaigu. Jakinez gaur egun legeak ez duela hori baliabidetzen edo onartzen, momentuz 50 langile baino gutxiagioko egiturentzat « Comité Technique Paritaire intercommunal » delako bakar bat sortzea eskatzen dizuegu.

LABek departamendu mailan diren eskumen edo konpetentzia sozialak errekuperatzea galdegiten du, hemen lan egiten duten pertsona guztiak bertatik kudeatuak izan daitezen.

Ipar Euskal Herria Elkargoaren bitartez hemen bizi diren 300.000 biztanleak kudeatzeko gai bada, bertako langileak eta hauekin lotuak diren gai tekniko eta administratiboak kudeatzeko ere gai izan beharko litzateke. Horrez gain, hurbileko eta kalitatezko zerbitzu publikoak garatzea helburua izanik, lurraldearen errealitateari egokituak diren berezko formakuntzak bermatu beharko lirateke.

Besterik gabe, jakin ezazue zuen erantzunaren zain izanen girela eta zuekin mintzatzeko edo biltzeko prestutasuna beti hor izanen dela.

 

 

 

AZKEN ALBISTEAK | ÚLTIMAS NOTICIAS

La fuerza de la movilización obliga a Osakidetza a mover ficha, pero las propuestas siguen siendo insuficientes

LAB, SATSE, ELA, CCOO y UGT valoramos que la contundente respuesta de las y los profesionales en la huelga del pasado 30 de octubre...

La plantilla de la Residencia Foral de Leioa va a la huelga para denunciar la falta de trabajadoras y el deterioro de sus condiciones...

Han convocado la huelga para el 16 de noviembre, ya que trabajadores y trabajadoras planteado por la Dirección es insuficiente, se han deteriorado las condiciones laborales y la dirección no quiere negociar una relación de puestos de trabajo que responda a las necesidades reales del centro.

Criticamos que la nueva Ley Foral de Industria de Nafarroa prioriza a los inversores privados, aunque presenta avances en propiedad pública, deslocalización y jornada...

La nueva Ley Foral de Industria, aprobada ayer en el Parlamento de Nafarroa, sigue centrando su apuesta en facilitar la inversión privada mediante incentivos,...