LAB eta ELA sindikatuek eginiko deiari erantzunez Corrugados Azpeitiako langileak greban dira enpresak egin nahi dituen 60 kaleratzeen aurka. Hasiera batean, astebeterako deitua zuten greba, baina atzo langileek hartutako erabakiaren ostean, hilaren 23tik aurrera greba mugagabean bihurtuko da. Langileek egunero elkarretaratzeak egingo dituzte enpresaren aurrean. Atzo 190 lagun inguru elkartu ziren bertan.
Ekainak 19
10.00etan Azpeitiko Olatz plazan.
Ekainak 21
11.00etan Donostian, Lan Delegaritza aurrean.
60 langile kanporatzeko erabakiaren batera, Corrugadoseko nagusi den Alfonso Alonso taldeak suspentsio EEE bat ere jarri nahi du martxan, hemendik urte amaiera arte iraungo duena eta enpresan geratzen diren 245 langileei, guztiei alegia, eragingo diena. Horrekin batera, %35eko soldata murrizketa eta urteko lanaldia 49 orduko igoera ezarri nahi diete.