Erandioko Sanitas Loramendi helduen egoitzako langileek borrokan jarraituko dute, atzo izandako bileran ez baitzuten ezer berririk jaso zuzendaritzaren aldetik. "Aurrerapausorik ez dugu eman, anbiguitate handiarekin hitz egin dute, argitasun falta handiarekin; bada, hasieran bezala jarraitzen dugu", adierazi dute langileen ordezkariek, eta urriaren 8an beste bilera bat izango dutela jakinarazi dute.