Iruñeko La Sangiovesa jatetxean egondako kaleratzeen aurkako protestengatik epailearen aurrean deklaratu behar izan du kaleratutako langileetako batek. Epaitegien aurrean, LABek gogoratu du La Sangiovesa prekarietatearen puntu beltz bat dela Iruñean, eta kaleratutakoak berriro hartu arte mobilizazioekin jarraituko dugula iragarri dugu.
Iragan uztailaren 6an jakin zen Iruñeko La Sangiovesa jatetxean lau langile kaleratzeko prozesua abiatua zutela, lau langile horiek LABen ekintza sindikala babestu zutelako. Orduz geroztik, protestak egin ditugu eta, langileen lan baldintzetan hobekuntzak lortu ditugun arren, kaleratutako lau langileetatik hiru berrartzea ez dugu lortu oraindik. Atzo, Iruñeko epaitegietan deklaratu behar izan zuen kaleratutako langileetako batek, uztaileko kaleratzeen aurkako protestak direla eta.