Igorreko enpresako langileek lau orduko lanuztera deitu dute gaurko.
Igorren dagoen Gea-Kelvion enpresa multinazional bat da. Bertan 80 bat langile inguru lan egiten dute. 2017tik ez dute hitzarmenik eta behin eta berriz egin diote enpresari negoziatzeko eskaera.
Negoziaketak porrot egin ostean, langileak elkartaratzeak egiten egon dira bi astetan zehar. Enpresak ez du negoziatzeko inolako borondaterik agertu eta langileek lanuzteei ekitea erabaki dute. Hala, lau orduko lanuzteak eta mobilizazioak egin dituzte gaur. Protesta nagusia 13:00etarako dago iragarrita, manifestazio bat abiatuko baitute ordu horretan gasolindegitik.