Pasa den urriaren 19an eta 20an PAMEk antolatutako topaketa antiinperialista batean egon ginen Bruselan. Bertan, Europako hainbat sindikaturen ordezkaritza egon zen, eta gonbidatu berezi bezala izan genuen Siriako FSMko ordezkaria.
Siria, Palestina eta Kubako egoerak kontuan harturik, topaketan egon ginen sindikatuok EBk, NATOk eta AEBk aurrera daramaten politika inperialisten kontrako borrokan berretsi ginen. LABeko ordezkari Mikel Alvarezen hitzetan, "Thesalonikkan ekainean onartu zen deklarazioa oinarri hartuta, etorkizunera begirako mobilizazio posibleak aztertu eta konpromiso politikoak hartu genituen". Hain zuzen ere, Alvarezek berak nabarmendu bezala, "LABetik gure posizio politiko internazionalistan berresten gara, gerren kontrako aldarria zabalduz eta errefuxiatuen aldeko deiadarra eginez".