LABeko idazkari nagusiak solasaldi batean parte hartuko du bihar, apirilak 25, Zarautzen, ELAko ordezkari Joseba Villarealekin batera. Moderatzailea Imanol Murua Uria kazetaria izango da. "Erabakitze eskubidea eta burujabetza ekonomikoa" izango da mahai inguruaren izenburua, Zarauztarron Erabakia dinamikak antolatuta. Antoniano Aretoan egingo dute, 19:30ean. Urola Kostan bertan, Azpeitian, beste hitzaldi bat antolatuko dute asteazkenean; Ainhoa Etxaide ere izango da bertan, euskal esparru sozioekonomikoari buruz solasteko.