2026-11-18
InicioNotasLAB sindikatuaMartxoaren 29an Greba Orokorra

Martxoaren 29an Greba Orokorra

LAB, ELA, STEE-EILAS, EHNE eta ESK sindikatuak greba orokorra egitera deitzen dizuegu Euskal Herriko gizon eta emakume guztiei martxoaren 29an. Inposatu berri diguten erreforma salatzera deitzen dizuegu, erreforma honen helburuak langileoi soldatak jeistea eta lan baldintzak guztiz okertzea delako.

Erreformak patronalak betidanik egin dituen eskakizun guztiak betetzen ditu. Lan baldintzetan eta eredu sozialean mende bat atzera egitea ekartzen du. Ez da erreforma orekatu bat, gaur ez dagoelako oreka posiblerik elite ekonomikoaren eskakizunen eta gehiengo sozialaren eskubideen artean. Kapitala inposatzen ari den ereduan ez dago inolako eskubiderik herritarrentzat, ez dago inolako eskubiderik langileentzat. Gobernuek badakite, eta bere egin dute eredu hori, paperik doilorrena betez: herritarren izenean herritarrei eskubide guztiak kentzea eta botere guztia patronalaren esku uztea, euren kasara erabaki dezaten nola jarraitu aberasten gu guztion bizi baldintzen gainetik, gure bizi baldintzen kontura.

Martxoaren 29an inposaketa berri hau salatzera kalera ateratzeko dei egiten dizuegu, erreforma honen atzean dagoen erabaki politikoaren kontra gaudelako. Erreformak adierazten du gobernuek herritarrak pobreziara kondenatzea erabaki dutela, gutxi batzuek aberasten jarraitu ahal izateko. Erreforma honek muturreko prekarietatea ekarriko du gehin gehienentzat, eta batez ere, gaur langabezian eta bazterketa sozialean daudenen egoera betikotu egingo du.

Gehiengoaren indarrarekin alternatiba badagoela aldarrikatzeko greba orokorra izango da. Alternatiba badagoelako: lana eta aberastasuna banatzea, eredu sozial berri bat eraikitzea da alternatiba. Euskal Herrian posiblea da eta behar- beharrezkoa da.

Euskal Herrian alternatibaren bide egitea erabaki behar dugu. Ze etorkizun nahi dugun erabakitzeko eskubidea dugu eta erreforma honi ezetz esatea erabaki dugu. Gure lan baldintzak erabakitzeko eskubidea dugu, krisi honen aurrean egin behar diren politikak erabakitzeko eskubidea dugu, gure bizi baldintzak ziurtatuko dituen eredu ekonomiko eta sozialaz erabakitzeko eskubidea dugu. Eta errespetatu dezaten borroka egingo dugu, patronalaren eta gobernuen aurrean.

Demokrazia eta justizia soziala aldarrikatzen dugu. Demokrazia eta justizia soziala Euskal Herriarentzat eta euskal langileontzat, hemen bizi eta lan egiten dugun guzti guztiontzat. Zilegia da, bidezkoa da eta krisi honek duen irtenbide bakarra da: euskal langileei hitza ematea eta erabakitzen duguna errespetatzea. Jai dugu erabakiak kapitalaren eta gobernu hauen esku uzten baditugu.

MARTXOAREN 29an KALEAK HARTUKO DITUGU, DENAK GREBARA!

AZKEN ALBISTEAK | ÚLTIMAS NOTICIAS

LAB, ELA, UGT, CCOO y ESK convocan jornadas de huelga en las subcontratas de Petronor ante el bloqueo de la negociación

Las plantillas de las subcontratas de Petronor llevan años soportando unas condiciones laborales muy duras. Reivindicar salarios dignos, estabilidad en el empleo, descansos adecuados, prevención de riesgos y unas condiciones de trabajo dignas no es pedir privilegios: son derechos y mejoras justas para quienes sostienen día a día la actividad de la refinería.

Necesitamos un SMI propio que responda a la realidad de las y los trabajadores de Euskal Herria

El Gobierno español ha aprobado hoy la subida del Salario Mínimo Interprofesional (SMI), así como un incremento del 4,5 % de los salarios del personal público. LAB considera que, aunque estas decisiones mejorarán la situación económica de parte de la clase trabajadora, tendrán un impacto limitado en Hego Euskal Herria y no responderán a las necesidades de nuestras trabajadoras y trabajadores. Además, la subida salarial del personal público es una imposición de Madrid y resulta insuficiente.

Nueva jornada de movilizaciones en Osakidetza

Ante la falta de avances suficientes en la Mesa Sectorial, los sindicatos LAB, SATSE, ELA, CCOO y UGT hemos convocado hoy concentraciones en todos los centros de trabajo: a las 11h en hospitales y a las 13h en Atención Primaria.