Azken hilabeteetan LABek zerbitzu sektorean aritzen diren langileegana jo du bizi duten egoeraren argazkia egin eta bizi duten prekarietateari irtenbideak bilatzeko. Gaur emaitzak ezagutzera eman eta patronalari zein erakundeei, langileen beharrizanak kontuan hartuz prekarietatea gure bizitzatik at utziko duten neurriak aldarrikatu ditugu.
Inkesta erraldoi hau egin den testuinguruan egiazta daiteke Euskal Herrian bizi dugun prekarietate egoera ez dela koiunturala. Kapitalak inplementatu du eta gobernuek ezartzen dute; ez bagara egoera iraultzeko gauza, gure artean gera dadin nahi dute.
Zerbitzu sektoreko beste arlo batzuen artean, garbiketa, merkataritza, jantoki eta telemarketingeko 3.369 langileak LABekin hitz egin dute eta bere egoera laboralaren argazki bat egiteko eta bizi duten prekarietate egoretik irtenbidea bilatzeko, galdetegi bat bete dute.
Galdetegiaren ondorio nagusia da langileen %80 uste dute beraien lan baldintzak prekarioak direla. Galdetegiaren bidez egoera prekariotik irtetzeko, hurrengo neurriak eskatzen dira langileen %90 baino gehiago:
- 1200 €/neto-ko gutxienezko soldata.
- 35 lanorduko astea.
- Bertoko eta erreformaren aurrean babestutako sektore hitzarmenak.
- Jardunaldi partzialeko kontratuak egin al izateko, gutxienezko ordu kopuru bat zehaztea.
- Enpleguaren egonkortasuna bermatzen duten neurriak.
- Lan zentruetan dauden lan baldintza errealen kontrol zehatza Lan Ikuskaritzaren partetik.
Gaur, galdetegien emaitzak ezagutara emateko eta patronalari zein erakundeei, langileen beharrizanak kontutan hartuz, prekarietatea gure bizitzatik at utziko dituzten neurriak aldarrikatzeko, Iruñan, Bilbo, Donostian eta Gasteizen kalera irten gara
LABek aldarrikapen hauek bereak egiten ditu, eta langileak pobretzeko kapitalak hartutako erabakiaren kontra baita, belaunikatuta nahi gaituzten bertoko gobernuen pasibitatearen kontra borrokatzeko konpromisua hartzen dugu. Gaurkoa, egoera prekarioan dauden langileen eguna dugu; eta LABek haien iritzien bozgorailua izan behar du.