Gurutzetako hospitaleko sindikatuen prentsa oharra (ESK, SATSE, ELA, UGT, CCOO eta LAB)
Maiatzaren 26an, ESK, SATSE, ELA, UGT, CCOO eta LAB sindikatuek, Gurutzeko Hospitaleko langileen partehartzearekin batera, elkarretaratze bat egin genuen sukalde, garbiketa, mantenimendu eta TERen pribatizazioa salatzeko Urdulizeko hospitalean sari banaketa bat burutzen ari ziren bitartean.
Ekimen horretara sartzen saiatu garenean — langile garen heinean zuzendaritzak gonbidatu gintuen— segurtasun enpresako langileak LAB, UGT eta ESKko ordezkariak erasotu gintuen. Eraso honen ondorioz kontusioak, lepoko arazoak eta larruko higadura sufritu ditugu.
Jokaera bortitza eta neurrigabea izan zen. Adierazpen askatasunaren eta askatasun sindikalaren kontrako eraso argia. Jokaera antodemokraiko honekin Osakidetzak pribatuzazioen kontrako ahotsak ixilarazi nahi ditu. Pribatizazio hauek diru kutxa publikoentzat gastu gehigarria izango da, zerbitzuen kalitateak okerrera egingo du Nafarroako hospitaleko sukaldeetako pribatizazioen ostean herritarren salaketek adierazten diguten moduan eta lanpostu horietan prekarietateak gora egingo du.
Amaitzeko Osakidetzako propaganda kanpaina salatzen dugu. Langileok ez ditugu sariak behar errespetua baizik. Errespetua pertsonal nahikoa kontratatuz kalitatezko zerbitzua emateko, errespetua behin eta berriz krisi ekonomikoaren aitzakiarekin zanpatzen dituzten gure lan baldintzekiko.
Guzti horregatik, gertakari hauek salatzen ditugu eta Gurutzetako hospitaleko zuzendaritzari eta Osakidetzari eskatzen diogu eraso honen aurrean ardurak hartu ditzaten.