LABek Urriak 3 eta 4ean Portugaleko Palmela hirian ospatu den sindikatuen Nazioarteko Konferentzian parte hartu du nazioarteko Idazkaritzako Gaizka Zuriarrainek ordezkaturik. Bi egunetako nazioarteko konferentzia hau Portugaleko Zerbitzu Publikoetako FNSTFPS federazioak antolatu du, Munduko sindikatuen Federazioaren (FSM, WFTU) laguntzaz.
Horrela, nazioarteko konferentzia honetan “Langabezia Borrokatu, Lan Duinaren alde!” lelopean garatu den dokumentua eztabaidatu da. Dokumentu honek Langabezia aztertzen du esparru desberdinetik: zergaitiak, azpierregistroa,…
LABen interbentzioan Euskal Herriaren egoera azaldu, egin diren borroken berri eman eta etorkizunean ditugun erronkak azaldu dira. Langile mugimenduak egun jasaten duen kriminalizazioak ere izan du tokia, non, Urtzi eta Telle gazteek jasaten ari diren jazarpena salatu da. Jazarpen honek duen helburua gizarte protesta mugimendua bildurtu eta deuseztatzea da. Vallecaseko Alfon gaztearen egoeraren berri ere eman da testuinguru honetan.