Prefabricados de Hormigon Norten enpresako langileek greba mugagabea hasi zutela lau egun bete dira gaur. Pasa den astelehenean, hilak 25, hartu zuten langileek protestak indartzeko erabakia, zuzendaritzak akordioetara irisiteko inolako asmorik ez zuela ikusita.
LABetik salatu nahi dugu Norteneko zuzendaritzaren jarrera, berezi, azken bileran (ostiralean egindakoa) izandakoa. Bertan behera geratu zen batzarra, enpresak ez zuelako onartu enpresa batzordean ordezkatuta dauden sindikatuetako (CCOO, ELA, LAB) aholkulariek bertan izaterik.
LABek dio enpresaren itxikeriaren aurrean, alegia, hitzarmen propioa berritzeko beharrezkoak diren akordioak erdiesteko borondaterik ez duenez, horren aurrean borroka egitea beste biderik ez dela geratzen. Enpresa hitzarmena aplikatzeari uztea da zuzendaritzaren helburua, horren tokian hormigoizko prefakrikatuen eremuko Estatuko hitzarmena ezarriz. Horren ondorioz, soldatak %20 jaitsiko lirateke.
LAB sarean
{module[111]}
{module[111]}