Udalbiltza auziko epaia ezagutu dugun honetan, auzipetutako 20 lagunek adierazitako pozarekin bat egiten du LAB sindikatuak. Espainiako auzitegietan eskutik izan dugu hamaika aurrekari Udalbiltzako epaiketa abian jarri izana eta bere ondorioak kezkaz eta arduraz bizitzeko.
Euskal herritarrok hasieratik argi genuena ondorioztatu du orain Espainiar Auzitegi Nazionalak, auzipetuak errugabeak direla alegia. Orain, galdera da nork erreparatuko dien auzipetuei eragindako kaltea eta sufrimendua.
Euskal Herriaren aurkako jazarpen eta kriminalizazio estrategiaren baitan abiarazi zuten Udalbiltza Auzia. Euskal Herrian aro berri baten aurrean gaudelarik, ez dugu zalantzarik, abian den prozesuarekin lortuko dugu euskal herritarren oinarrizko eskubideak behin eta berriz ukatuak izan diren aroa betiko atzean utzi eta, Udalbiltzako auzipetuek begitantzen duten moduan, etorkizun hobea eraikitzea.
Euskal Herrian, 2011ko urtarrilaren 21ean