2024-09-19
HomeEkintza SindikalaBabesa erakutsi diogu penaletik akusatu duten PCB-ITPko gure delegatuari

Babesa erakutsi diogu penaletik akusatu duten PCB-ITPko gure delegatuari

Zigor Azpiolea, LABeko delegatua PCB-ITPn, penaletik akusatu dute enpresak eta Ertzaintzak. Ondorioz, akusatu moduan deklaratu beharko du datorren ekainaren 24an. Enpresak, 83 kaleratzeaz gain, langileek greban zehar egindako ekintza sindikal eredugarriari egin nahi dio eraso.

Barakaldoko lantegiko atean, enpresa-batzordeak prentsaurrekoa eman du neurri honen kontra dagoela adierazteko, langileria kriminalizatzea beste helbururik ez duena. Era berean, akusatuarekiko elkartasunez abian jarri duten kanpainaren berri eman dute. Horrela, deia egin diote langileei albiste honetan atxikitutako kartelarekin argazkiak atera eta sare sozialetatik zabaltzeko #ITPErrepresiorikEz traolarekin. Martxan jarri duten Facebook-eko orriaren berri ere eman dute: ITP Errepresiorik Ez.

ITP Aero Castingo batzordearen prentsa-oharra:

BORROKA SINDIKALA EZ DA DELITUA!

Datorren ekainaren 24an, Barakaldoko eta Sestaoko lantegietako lanpostu guztiak defendatzeko greba eta borroka-egunetan izandako gertakariengatik ordezkari sindikal bati deklarazioa hartuko zaio, PCB-ITPko zuzendaritzak salatu ondoren.

Gertaera horiek lan-gatazkaren testuinguruan kokatzen dira, PCB ITP ko Zuzendaritzak kaleratze kolektiboa gauzatu  eta  83 lankideren lanpostua galtzearen ondorioz. Hilabete, aste, eta egun oso gogorrak izan dira. Enpresak kanpaina bat antolatu zuen, komunikabide batzuen laguntzarekin, langileen protestei zilegitasuna kentzeko. Polizia-dispositiboak izugarriak izan ziren egunero, batzordearen aldetik grebari buruzko informazio-lanak egin ezinik. Ertzaintzak osatutako dispositibo horrek biolentzia osoz jokatu zuten pikete informatiboen aurka borrak, ezkutuak, ostikadak eta mehatxuak erabiliz. Horren adibide izaten ari dira hainbat bidetatik dabiltzan irudi ugari, batez ere otsailaren 1ean, kaleratzeak egin ziren egunean, protesta baketsu baten aurrean Ertzainen erasoak ikaragarriak izan zirenean, eta Javi Sanchez CCOOko Industriako arduradunari sudur-trenkada hautsi ziotenean. Hemendik agur bero bat bidali nahi diogu.

Orain, haien jardunarekin pozik ez, eta langileen ordezkarien aurkako lege-ekintzak abiaraztea erabaki dute. Gure ustez, sindikatu-lanaren jazarpen-mota hori ez da hemen amaitzen. Zerbait orokorragoaz ari gara. Gaur PCB-ITPko zuzendaritzak salatu du, baina bihar gatazkan dagoen edozein lantokiren zuzendaritza izan daiteke salatzen duena. COVID-19ak eragindako krisiaren ondorioak betikoek ordaintzea nahi dute, eta protestak isilarazteko eta langileria beldurtzeko errepresio-elementu mota guztiak erabiltzeko prest daude.

Patronalak, Eusko Jaurlaritzaren bitartez eta zehazkiago Herrizaigo Sailaren laguntzari esker eskaintzen duen errezetaren aurrean, gure jarrera argia da: BORROKA SINDIKALA EZ DA DELITUA.

Ildo horretan, gaur, kaltetutako lankidearekiko elkartasun-kanpaina bat iragarri nahi dugu, horrelako ekintzen aurka. Horretarako, hainbat sare sozialetan dinamika bat jarri da abian, guztiok elkartazun-mezu bat bidal dezagun.

Halaber, hurrengo asteetan arrazoi horrengaitik egingo diren mobilizazioetan parte hartzera dei egiten dizuegu eta Barakaldoko epaitegietara deklaratzera joan behar duen egunean ere bai.

BORROKA SINDIKALA EZ DA DELITUA!

ITPen ERREPRESIORIK EZ!

#ITPERREPRESIORIKEZ

FACEBOOK: Itp Errepresiorik Ez


AZKEN ALBISTEAK | ĂšLTIMAS NOTICIAS

Pentsioen inguruko akordio berriak erretiro adina atzeratzen du eta pauso berri bat suposatzen du gizarte segurantzaren pribatizaziorantz

Gaur, Pedro Sanchez buru dutela, sinatu dute CCOO eta UGT sindikatuek eta CEOE eta Cepyme patronalek pentsioen alorrean adostutako akordio sozial berria. Akordio hori estatu-mailan egin da, eta legezko adina eta kotizazio-urteak igotzen jarraitzea du helburu, erretiro adina atzeratzea sustatuz. LABen uste dugu akordio honek ez diela erantzuten euskal gehiengo sindikalak eta Euskal Herriko Pentsiodunen Mugimenduak aurkeztutako premiazko eskaerei. Aitzitik, Espainiako Gobernuak aurrera egiten du Bruselatik garatutako politika neoliberaletan, betiere patronala babesten duten sindikatuen bermearekin.

Fekoorren mobilizazio zikloa abiatuko dugu datorren astean

Desgaitasun fisikoa edo/eta organikoa duten pertsonen Bizkaiko Federazio Koordinatzaileko beharginek hitzarmen propioa dute aldarri.
01:41:36

[BIDEOA]: “Zerga-sistema aldatu, aberatsek gehiago ordain dezaten” solasaldia Iruñean, Mikel Aranburu eta Carlos Cruzadorekin

Fiskalitatearen inguruan antolatu dugun lehen solasaldietako lehena izaten ari da orain, Iruñeko Txalaparta liburudendan. Ilargi Jaunarena sindikatuko ekonomialariak gidatuta, Carlos Cruzado “Los ricos no pagan IRPF. Claves para afrontar el debate fiscal” (Capìtan Swing, 2024) liburuaren egilea eta Mikel Aranburu Nafarroako Gobernuko Ogasun kontseilari ohia zerga-politikaz ari dira solasten.