Ekainaren 16an bi langile hil ziren Euskal Herrian. Lehena, 58 urteko C.J.V.G., Mungiako Mesa enpresan, istripu ez traumatikoan. Eta bigarrena, J.M.B.P. 46 urteko Otis Mobility enpresako langilea, in itinere istripu batean, A-1 errepidean, Mendoza parean.
Lehenik eta behin, LAB sindikatuak bere elkartasuna eta babesa helarazi nahi die hildako langile hauen senide, lagun eta lankideei. Babes hau hildako langile guztien ingurukoei zabaltzen die.
LAB salatzen du Euskal Herriko langileek osasuna eta bizitza galtzen jarraitzen dutela. Sindikatuak askotan salatu du lan-baldintza prekarioek (lanaldi luzeek, estresak edo presioak) eragin zuzena dutela langileen osasunean. Horregatik dio gertatzen diren lan-istripu gehienak guztiz ekidin daitezkeela, eta horretarako borondate politikoa baino ez dela behar, lan-eskubideak bermatzeko eta errespetatzeko neurriak jartzeko, baita erakunde publiko eta enpresa guztien inplikazioa ere.
Prekaritatearekin amaitu behar da. Patronalaren inpunitatearekin amaitu behar da. Erakundeek ezin dute jarraitu beste alde batera begiratzen jarraitu, gertatutakoaren konplize izango dira bestela.
LAB sindikatuak argi dugu langileek bizi eta lan duinak behar dituztela, lanetik onik eta bizirik bueltatzeko eskubidea dutela. Antolakuntza eta borroka dira gaitz indibidual, familiar eta gizarte osoarena den honekin bukatzeko bide bakarra borroka eta antolakuntza direla. Lan harremanen eta joku-arauen aldaketa beharrezkoa da. Eredu berri bat gauzatu behar dugu, langileon bizitza eta osasuna lehenetsiko dituena.