Etiketak: prekaritatea hiltzailea

Mobilizazioa egin dugu gaur Gasteizen, ESK, STEILAS, EHNE eta HIRU sindikatuekin batera, Lakuan Eusko Jaurlaritzak duen egoitzaren aurrean, asteazkenean Agurainen hildako garraio sektoreko langilearen heriotza salatzeko. Urte hasieratik Euskal Herrian hildako 24. langilea izan da hau, garraio sektoreko 5.a.

Atzo, 61 urteko garraiolari bat hil zen lan-istripuz Agurainen (Araba). Heriotza horrekin, dagoeneko 24 dira 2023an lan-istripuz Euskal Herrian hil diren langileak, horietako 5 garraiolariak. Hilabetero garraiolari bat hiltzen ari da lan istripuz. Hori da patronalaren ikuspegi ekonomizistan azaltzen ez den emaitza iluna. Honen aurrean, bihar, ekainaren 2an, LAB, ESK, STEILAS, EHNE eta HIRU sindikatuok mobilizazioa egingo dugu Gasteizen, Lakuako Eusko Jaurlaritzaren egoitzaren aurrean, 12:00etan.

Goizaldean lan istripu berri baten berri izan dugu, oraingoan Santakaran, Nafarroan. Garraiolari batek bizia galdu du gaueko ordu txikitan. O.S. Kaparrosoko 59 urtetako langilea, hain zuzen. 19. hildakoa litzateke lan istripuz 2023an Euskal Herrian, 4. garraiolaria. Gure elkartasuna helarazi nahi diegu hildakoaren senide, gertuko eta lankideei.

2000ko hamarkadaren hasieratik abian dagoen laneko ezbeharren inguruko akordio intersindikalak bere horretan jarraitzen du. Berriki ELAk jakinarazi du bere burua akordiotik kanpo kokatzen duela eta bide berri bat arakatuko omen duela, oraindik ezagutzen ez duguna.

Asteartean 32 urtetako A.A.A. langilea hil zen Donostian, altueratik erorita. Azken honekin, gutxienez 6 dira Euskal Herrian urte hasieratik hildako langileak. Gaur salatu dugu bere heriotza Donostian, gehiengo sindikalarekin batera, Telefonicaren egoitza aurrean egin dugun kontzentrazioan.

I.A.E., Zestoako Industrias Artzubia enpresako 51 urteko langilea, aldagelatan topatu zuten ondoezik atzo, handik erietxera eraman eta denbora gutxira hil egin zen. LAB sindikatutik gure babes eta elkartasuna adierazi nahi dizkiegu senide, lagun eta lankideei.

2023 urte honek utzi du gaurgero Euskal Herrian istripuz gertaturiko bigarren lan-heriotza —Nafarroa Garaiko lehena—. 58 urteko A.A. langilea, Irurtzunen bizi zena, gaur goizean hil da Iruñerriko Mankomunitateko (SCPSA) bere lanpostura joatean. Ezer baino lehen, LAB sindikatutik gure dolua eta elkartasuna erakutsi nahi diegu hildakoaren senide, adiskide eta lankideei.

Joan den abenduaren 7an, 56 urteko langile bat hil zen Arabako Iruraiz Gauna udalerriko Arrieta auzoan, txalet batean eraikuntza-lanak egiten ari zela, lan istripu ez-traumatikoan.

Berriobeitiko (Nafarroa) Saint Gobain Abrasivos enpresan 56 urteko langile bat hil da gaur; bere lanpostura sartzera zihoala ondoezik sentitu eta bertan hil da.