Duela astebete Gasteizen aurkeztu genuen Arabako Herri Akordioa–Zaintzen Aldarrikapen Taula. Egungo zaintza sistema iraultzera bidean Araban egin beharreko hainbat aldaketa eta exijentzia biltzen dituen aldarrikapen taula da. Denon Bizitzak Erdigunera dinamikaren baitan garatu dugun ikasturte ondoko prozesu baten ostean, Arabako eragile, norbanako, zaintzen sektoreko langile eta zenbait sindikaturen artean eztabaidatutakoaren eta adostutakoaren emaitza da. Mugimendu Feministarekin elkarlanean egon gara AEZLE (Arabako Etxeko eta Zainketako Langileen Elkartea), Pentsionistak, Enara Kooperatiba, Ernai, Harramazka gazte talde feminista, Zaintza Araba, LAB, ESK eta Steilas sindikatuak, eskualde ezberdinetako talde feministak, Lumagorri…
Tresna hau eragile ezberdinen arteko aliantzak sortzeko, instituzioak seinalatzeko eta presionatzeko eta zaintza sisteman aldaketa errealak lortzeko baliatu nahi dugu.
LABetik norbide horretan lanean jarraitzeko konpromisoa adierazten dugu: Arabako Herri Akordioa ahalik eta gehien zabaldu, irakurri, partekatu, sozializatu eta hurrengo urratsetara adi egoteko deia egiten dugu.
Hemen duzue aldarrikapen taula:
