2024-03-05
HomeUncategorizedArantza Sarasola: «Nafarroan milaka eta milaka langile grebara ateratzea lortu dugu eta...

Arantza Sarasola: «Nafarroan milaka eta milaka langile grebara ateratzea lortu dugu eta EAEn pultsoari eusten jakin dugu»

LABek deituta zerbitzu publikoen eta burujabetza politiko eta ekonomikoaren aldeko 2 orduko paroak burutu dira gaur Araba, Bizkaia eta Gipuzkoan. Bilbon egin den elkarretatzean LABeko Zerbitzu Publikoen Federazioko Idazkaria den Arantza Sarasolak hartu du hitza. Sarasolak interbentzioari LABeko kideen militantziaren balioa goraipatuz eman dio hasiera, haiekiko “harrotasuna” sentitu duela adieraziz.


Patxi Lopez, Idoia Mendia, Barcina Roberto Jimenez, Raxoi eta Saez de Santamariarentzako hitzak ere izan ditu, besteak beste, LAB hemen den bitartean Euskal Herrian ez dituztela zerbitzu publikoak suntsituko “argi entzun dezatela” adierazi die. “Euskal Herrian zerbitzu publikoak zabaltzera goaz, Euskal Herrian enplegu publikoa sortzera goaz eta Euskal Herrian gure lan baldintzak hobetzera goaz” gaineratu du Sarasolak.

AZKEN ALBISTEAK | ÚLTIMAS NOTICIAS

LABek Munduko Federazio Sindikalak Sao Paulon egindako Kontseilu Presidentzialean parte hartu du

Pasa den asteburuan Munduko Federazio Sindikalaren Kontseilu Presidentziala egin zen San Paolon, Brasilen. Munduko Federazio Sindikala 1945 urtean sortutako elkartea da. 133 herrialdetako 105 milioi langile inguru ordezkatzen ditu. Kontseilu Presidentziala bere zuzendaritza gune nagusia da, kontinente desberdinetako 50 kidek osatutakoa.

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.