Mobilizazioa egin dute Arriaga plazan.
Euskotreneko enpresa batzordeak bere kezka eta erabateko gaitzespena adierazi nahi ditu, aurten ere Bilboko tranbiaren unitateetan zezenketekin lotutako ikuskizunen publizitatea jarri dutelako.
Euskotreneko zuzendaritzari dagoeneko adierazi dion bezala, enpresa batzordeak uste du publizitate mota hau ez datorrela bat enpresa publiko batek erakutsi behar dituen balioekin, ezta Euskotrenek defendatu beharreko gizarte-erantzukizunaren eta herritarrekiko sentsibilitatearen printzipioekin ere.
Horrez gain, zuzendaritzari formalki eskatu dio publizitate hori ez jartzeko, indarrean dagoen edozein publizitate-konpromiso berrikusteko eta etorkizunean zezenketak edo animalienganako tratu txarrak dakarren beste edozein jarduera sustatzen duen publizitate-kanpainarik ez onartzeko irizpide bat ezartzeko.
Mobilizazioarekin, langileek argi utzi dute Euskotrenen irudia horrelako ikuskizunak sustatzeko erabiltzearen aurka daudela argi uzteko. Bere balioekin koherentea den enpresa publikoa nahi dute langileek, jendartearekiko arduratsua eta animalien ongizatea errespetatuko duena.
