Indarkeria sexistak ez duela mugarik, bizi garen sistema kapitalista patriarkalaren funtzionamenduaren ezinbesteko tresna da eta egungo eredua bizirauteko eta mantentzeko erabiltzen dute.
Egungo krisi egoerak, gainera, indarkeria sexistarekin amaitu beharrean, emakumeon aurkako erasoak areagotzen ditu lanpostuetan, etxeetan, kalean… emakumeak pobreziara eta prekaritatera kondenatuz eta modu honetan egoera hauei aurre egiteko bitartekoak mugatuz.
Bestetik, honen aurrean instituzio eta gobernu batzuren jarrera eta borondate politiko eskaxa azpimarratu nahi dugu. Izan ere, argazkietatik harago (atzo Mungian zenbait alderditako politikarien aldetik ikusi genuen jarrera kasu, gainontzeko herritarrengandik ongi bereizita egon zirelarik) politikariei dagokie egungo politikak aldatzea, neurri eraginkorrak behingoz aurrera eramatea, indarkeria sexistaren arazoari behar duen dimentsio politikoa aitortzea eta emakumeok egoera hauei aurre egiteko tresnak sortzea. Borroka horretan politikariek jendartearekin bat behar dute, ez aparte.
Azkenik, LABetik dei egiten diegu langile guztiei lantokietan indarkeria sexistari aurre egiteko eta jarrera aktibo bat izateko. Bestetik, gaur Euskal Herriko Mugimendu Feministak txoko ezberdinetan burutuko dituen deialdietan parte hartzeko deia luzatzen diegu. Besteak beste:
BILBON, 19:00 etan Arriagan.
DONOSTIAN 19:00etan Bulebarrean.
IRUÑEA, 20:00etan Udal Plazan.
GASTEIZ, 20:00etan Ama Zuriaren Plazan