2024-06-19
HomeZerbitzu PublikoakZerbitzu SoziokomunitarioaUSOAko langileek kontzentrazioa egin dute Barakaldoko Udalaren aurrean, lantokiaren etorkizunaren alde

USOAko langileek kontzentrazioa egin dute Barakaldoko Udalaren aurrean, lantokiaren etorkizunaren alde

Gaur eguerdian USOAko langileek kontzentrazioa egin dute Barakaldoko Udalaren aurrean auzokideak euren lan-zentroan gertatzen denaren inguruan informatzeko eta argi uzteko borrokan jarraituko dutela beronentzat etorkizun egoki bat bermatu arte. Bihar eta etzi ere, osteguna eta ostiralean, mobilizazioak errepikatuko dituzte leku berean.

USOAko enpresa-batzordeak, kontratazio publikorako legea indarrean jarri ondoren, urte bat baino gehiago darama lan-zentruaren etorkizunari buruzko informazioa eske.

USOAk 300 langile baino gehiago dauka plantilan baita gune okupazional bat ere. Euren etorkizunaren gainean dagoen den ziurgabetasunak prekarietate egoera jasangaitza sortzen du langileengan, hitzarmena sinatu zenetik langileek eurek behin eta berriz salatu behar izan dutena, hitzarmenaren negoziazioetan, beronen ez betetzeetan eta orain, berriro ere, tailerraren etorkizunaren alde atera behar izan dira.

Urte honetan zehar, udal gobernuarekin bilera ezberdinak izan dituzte, tailerraren kudeaketa taldearekin ere, Eusko Jaurlaritzaren Osasun Sailarekin bilera eskatu dute, eta datozen urteotan USOAren etorkizunaren gaineko erantzunik ez dugu oraindik jaso.

Nola da posible hain premiazkoa den 350 langile baino gehiagoren lanpostuak, hainbeste denbora eta gero, oraindik ere, beren etorkizunari buruzko erantzunik jaso ez izana?

USOA da langile gehien daukan Ezkerraldeko enpresetariko bat, eta bere etorkizuna bermatzea ez omen da EAJren lehentasunetariko bat, aurrean zer etorkizuna izango duten bermatzeko, gaur arte behintzat, ezgai izan da eta.

Enpresa-batzodeak, duela zenbait hilabete, USOArentzako etorkizun duina jasotzen zuen agiria luzatu zien alderdi politikoei. Alderdi guzti-guztiei luzatu zieten agiria, USOAren kontseilukide gisa tailerraren aldeko konpromisoa har zezaten.

EAJ izan ezik, alderdi guztiek sinatu zuten agiria. EAJk, baldintza duinak bermatzen dituen konpromisoa ez hartzeaz gain, ez zien langileei euren egoerari buruz inolako argipenik ematen.  

 

 

AZKEN ALBISTEAK | ƚLTIMAS NOTICIAS

Aurrerapenak lortu ditugu Astigarragako etxez etxeko laguntzaren publifikazioan, lan baldintzen ekiparaziora hurbilduta

Lan-baldintzetan hainbat aurrerapen jasotzen dituen akordioa lortuta, sindikatuan ildo horretan lanean segiko dugu.

Cementos Rezolak Enplegu Erregulazioko Espediente bat martxan jarri nahi du AƱorgako lantokian, deskarbonizazioa aitzakiatzat hartuta

Gaur, ekainaren 18an, Cementos Rezola (Heilderberg Materials) enpresako zuzendaritzak bilera deitu du 56 langileri eragingo dien EEErako mahaia osatzeko, AƱorgako planta deskarbonizatzeko aitzakiapean.
00:02:18

Salatzen dugu Hezkuntza Sailak bertan behera utzi dituela martxan zeuden negoziazio mahaiak eta ez duela Akordio Laborala bete

Orain urtebteko ekainaren 1an LABek Akordio Laborala sinatu zuen INTERINOK sindikatuarekin eta Hezkuntza Sailarekin, bi aldeek akordioan jasotako edukiak mahai negoziatzaileetan depositatu eta garatu behar zirelarik.