Sindikatuko ordezkaritza bat Ekuadorren egon da, bertako Confederación de Trabajadores del Ecuadorren 75. urteurrenari begira antolaturiko ekimenetan. Testuinguru horretan Ekuadorreko CTE sindikatuak nazioarteko konferentzia bat antolatu zuen, eta bertan parte hartu genuen.
Confederación de Trabajadores del Ecuador (CTE), 1944an Ekuadorreko Alderdi Komunista eta Alderdi Sozialistaren ekimenez sorturiko konfederazio sindikala da, eta LABen moduan, Munduko Federazio Sindikaleko parte da. Konfederazio sindikal honek 700 sindikatu inguru ditu afiliatuta eta Ekuadorreko langile klasearen %13 ordezkatzen du.
Aipatu bezala, uztailaren 9, 10 eta 11ean bere sorreraren 75. urteurrenean “Sindicalismo de clase, resistencia y lucha en el capitalismo del siglo XXI” izeneko nazioarteko konferentzian parte hartu genuen, Kolonbia, Txile, Mexiko, Brasil, Panama eta Venezuelatik etorriko gainontzeko sindikatuekin batera.