Gaur Gasteizen egindako Osakidetzako Mahai Sektorialaren bileraren ondoren, honakoa hau azpimarratu nahi dugu:
• Osakidetzak ekarritako eskaintza ez da oso ausarta izan eta, oro har, martxoko eskaintzaren edukia jasotzen du.
• Puntu batzuetan zehaztapen handiagoa aurkeztu digute. Adibidez, 2017ko EPErako plaza kopurua (962 txanda librean eta 438 barne promozioan) eta kategorien araberako banaketa; eta pribatizazioen gaineko jarreran (besteak beste, sukaldeak pribatizatzearen aldeko jarrera mantentzen dute). Momentuz, Osakidetzaren eskaintza guk proposatzen dugunetik oso urrun
dago.
• Hala ere, diskurtsoan behintzat, negoziatzeko eta posturak hurbiltzeko konpromisoari berretsi diote.
• Azkenean, Osakidetzako estrukturako plantilla pasatu digute, atzerapenez bada ere eta urtetan eskatzen ibili eta gero.
• Guk argi utzi dugu, gure marra gorri batzuk EPEa eta pribatizazioa direla. EPE deialdiek plaza gehiago jaso behar dute, eta kategoria guztientzako plaza kopuru nahikoa. Pribatizazioari buruz, sukaldeak ere publikoak izan behar dira lehentasunez, Osakidetza %100 publiko izateko helburuaren bidean.
Laburbilduz, akordioetara heltzeko borondate eta beharraz aritu dira, baina momentuz distantzia handia dago gure artean. LABek, egindako eskaintza eta pasatutako informazioa aztertuko ditu eta benetako negoziazioaren aldeko bidetik jarraituko du. Oraindik ikusteke dago Osakidetzaren jarrera ere bide honetatik
joango den.
