Andaluziako Sindicato Andaluz de Trabajadores-i (SAT) eta bereziki bere Idazkari Nagusia den Oscar Reinari gure elkartasun osoa adierazi nahi diogu jasaten ari den jazarpen judizialarengatik. Hain zuzen ere Oscar Reinak hiru zitazio judizial jaso ditu azken hilabete honetan lapurreta, usurpazio eta kalteak eragin izan eta el Cerroko lursaila okupatu izana leporatzen diote.
Zitazio judizial hauen aurrean SATeko Idazkari Nagusia den Oscar Reinak intsumisioaren bideari ekin dio eta ez da epailearen aurrean agertuko. Horren ondorioz edozein momentutan atxilotzeko arrisku larrian egon daiteke.
Jazarpen judizial hau inposatu nahi diguten errealitate honen kontra borrokatzen duten eragile sozial, sindikal eta politikoren aurkako errepresioaren testuinguruan kokatu behar da. Hor daude Andrés Bódalo eta Rafa Diezen kasuak gaur egun oraindik kartzelean daudenak, baino hor daude aldi berean mozal legea, isunak, grebalarien aurkako salaketak…
LABetik berehala Oscar Reinaren aurkako salaketa hauek eta Sindicato Andaluz de Trabajadoresen aurkako jazarpena bertan behera gelditu daitezen exijitzen dugu. Aldi berean argi eta garbi utzi nahi dugu gure ahotsa isilarazten saiatu arren ez gaituztela isilaraziko eta borrokatzen jarraituko dugula.