2024-05-23
HomeOharrakEkintza SindikalaPatronala erreformaren alde kokatzen da epe motzean irabaziak biderkatzeko tresna bezala erabili...

Patronala erreformaren alde kokatzen da epe motzean irabaziak biderkatzeko tresna bezala erabili nahi dutelako

LAB gaur (maiatzak 16) sektore ezberdinetako hainbat delegatuekin Confebask-en egoitzaren aurrean kontzentratu da patronalari mezu argi bat helarazteko:

1.- Patronala erreformaren alde kokatzen da ez ekonomia suspertzeko eta enplegua sortzeko inongo konpromisorik duelako . Patronala erreformaren alde kokatzen da epe motzean irabaziak biderkatzeko tresna bezala erabili nahi dutelako.

Hau da, lehiakortasuna eta flexibilitatearen mezu faltsuaren atzean kalerapenak eta prekarietatea dago.

2.- Lapurreta bat antolatzen ari da, lanpostu, lan eskubide eta soldaten lapurreta bat antolatzen ari da erreformaren bidez. LABek argi esaten du:

 

-Confebask-ek antolatzen duen lapurreta bat da. Ez da Merkele-ek antolatzen duen lapurreta bat. Hemendik eta hemengo enpresariek bultzatzen duten lapurreta bat antolatzen ari da Confebask-en bulegoetan.

-Negoziazio kolektiboa blokeatzen dute erreforman sakontzeko erabili nahi dutelako irekita dagoen negoziazio kolektiboa. Ez dute benetako negoziaziorik nahi, herrialdeko hitzarmenak blokeatu egiten dituzte eta negoziazio esparru bakarra enpresetakoa izatea nahi dute.

– Negoziazioa enpresetara eramateak helburu argiak ditu: milaka langile uzten dira negoziaziorako eskubiderik gabe; errazagoa zaie bertan erreforma aplikatzea eta gaur arteko negoziazio ereduarekin lortutakoa enpresaz enpresa deuseztatzea; zatituak ahulagoak gara; eta gainera sindikatuen eraginkortasuna mugatzen da.
 

3.- Confebask-ek. konfrontazioaren aldeko hautu politikoa egin du LAB-etik esaten dugu erantzungo dugula. Lapurreta hau Euskal Herrian ez burutzearen alde borrokatuko dugu.

Argi dugu badagoela alternatiba, borrokaren bidez lortu dezakegun alternatiba. Gaur negoziazio kolektiboko eremu guztiak, herrialdekoa zein enpresa eremua blindatu behar ditugu. Españaren inposaketa gaitasunetik Euskal Herria blindatu behar dugu.

Hau da behin behineko beharrezkoa dugun pausua Lan Harremanetarako Euskal Esparrua sortzearen bidean.

4.- LABek argi du Euskal Herrian badugula indar nahiko norabide honetan pausu berriak emateko. Martxoaren 29an argi geratu zen Euskal Herrian badugula indar nahiko denon artean lan harreman eredu propio bat sortzeko. Beraiek baino gehiago gara, borrokatzen badugu irabazi dezakegu.
 

Horregatik LABetik beste sindikatuei eremu propioa blindatzearen aldeko deia egin diegu, eta horregatik LABek hurrengo egunetan norabide honetan pausu berriak iragarriko ditu.

AZKEN ALBISTEAK | ĂšLTIMAS NOTICIAS

Matia Fundazioko langileek hitzarmena negoziatu ahal izateko blokeoa etetea exijitu dute

Gaur kontzentrazioa egin dugu Matia Fundazioko langileekin batera, fundazioko zuzendaritza salatzeko asmoz, 2024. urtean hasitako negoziazio kolektiboa izoztuta dauka eta.

Jarraipen zabala Bizkaiko grafikagintza sektorearen grebaren laugarren egunean

Laugarren greba eguna Cebek-en egoitzaren aurrean amaitu den manifestazio jendetsu batekin amaitu da. Hain zuzen ere, patronala da maiatzaren 27an sektoreko gatazka desblokeatzeko aukera duena. Bestela, Bizkaiko grafikagintza sektoreko borrokak aurrera jarraituko du

Errepide mozketa egin dugu Iruñean salatzeko patronalak eta UGT eta CCOO sindikatuek Nafarroako Kimiketako hitzarmena guztiz blokeatu dutela

LAB sindikatuko zenbait kidek eta Kimiketako zenbait langilek Iruñeko errepide bat moztu dute gaur goizean, irudikatzeko eta salatzeko patronalak zein UGT eta CCOO sindikatuek erabat blokeatu dutela Nafarroan sektoreko hitzarmen probintziala izateko aukera. LABek iragan urteko ekainean abiatu zuen halako hitzarmen bat negoziatu ahal izateko lanketa, baina aipaturiko eragile horiek guztiz moztu dute bide hori.