2026-10-25
Blog Page 991

La Milagrosaren jarraipena exijitzen diegu Hijas de la Cruz eta Kristau Eskolari, Barakaldoko alkateari eta hezkuntza Departamentuari

admin
-
0
La Milagrosaren jarraipena exijitzen diegu Hijas de la Cruz eta Kristau Eskolari, Barakaldoko alkateari eta hezkuntza Departamentuari

Atzo, Gasteizko Parlamentuan Legez Besteko proposamen bat onartu zen non La Milagrosa Ikastetxeak titulartasun bat edukiz gero hurrengo ikasturtea hasi ahal izango duen Barakaldoko Udaleko Minas eraikinean. Gainera proposamen honek aurreko otsailean Barakaldoko Udal Batzan onartutakoa osatzen du. Mozio honek, La Milagrosa Ikastetxea aurrera jarraitu ahal izateko, Barakaldoko Alkatea eta Hezkuntza Departamentua behar beste kudeaketa egitera eta beharrezkoak diren baliabideak ipintzera premiatu egiten zituen.

Gauzak horrela, espekulatzailea den Miranda Fundazioak inposatutako alokairuaren arazoa kenduta, Hijas de la Cruz kongregazioak eta Kristau Eskolak ez daukate inolako aitzakirik La Milagrosa proiektuarekin jarraitu ahal izateko.

Hori dela eta, LABek Kongregazioari eta Kristau Eskolari ikastetxeko titulartasunarekin jarraitzea exijitzen die. Barakaldoko Alkatea den Amaia Del Campori, bizkortasuna Minas eraikinaren lagatzean. Eta Hezkuntza Departamentuari berehalako Familiek egindako matrikulen errebertsioa eta behar den kudeaketa la Milagrosa aurrera jarraitzeko.

Beste aldetik, gogor kritikatu nahi ditugu PNV, PSE eta PP alderdiak orain arte ez dutelako ezer ere egin La Milagrosa aurrera jarraitzeko. Aldi berean, Gasteizen zein Barakaldon eurek adostatutako proposamenen jarraipena egitea exijitzen diegu. Horrela 350 familiei eta 39 langileei konponbide bat eman izango ahal zaie.

Horrez gain, LABek familiak eta langileak zoriondu nahi ditu, 5 hilabete hauetan egindako mobilizazioei esker lortu delako La Milagrosa bizirik mantentzea. Borroka eredugarria izan den arren oraindik azkenengo aldapa falta da.
 

 

 

Gasteizen izango gara larunbatean, Sarek deitutako manifestazioan

admin
-
0
Gasteizen izango gara larunbatean, Sarek deitutako manifestazioan

Larriki gaixorik dauden presoen eskubideen aldeko manifestazio egingo du Sarek, larunbatean, Gasteizen, eta LABek babesa eman dio deialdiari. Mobilizazioa 17:30ean abiatuko da Iparralde gizarte etxetik.

Euskal gatazkaren ondorio eta konponbidearen parte diren presoei ezartzen zaizkien salbuespen egoera eta neurriekin amaitzea exijitzen dugu. Giza eskubideen ikuspegitik ere konpondu beharreko kontua da presoena; gaixorik daudenen egoera, batez ere. Mobilizazioa da elkartasunetik konpromisoetara pasatzeko modurik eraginkorrena, eta, horregatik, Gasteizen izango da sindikatuko ordezkaritza bat. Era berean, langile guztiei dei egiten diegu manifestazioan parte hartu eta presoen aldeko dinamiketan inplikatzeko.
 

 

 

Osakidetzako pribatizazioen kontra mobilizatuko gara ekainaren 3an

admin
-
0

SATSE, ELA, LAB, CCOO, UGT eta ESK sindikatuok manifestazioa antolatu dugu ekainaren 3rako, eguerdiko 12etan Bilbon, Osakidetza egiten ari den pribatizazioak salatzeko. Hain zuzen ere Osakidetzak pribatizazioaren estrategiari eusten dio. Sindikatuon iritziz honek desberdintasunak areagotzen ditu osasun zerbitzua eskuratzeko orduan. Horregatik ezinbestekoa deritzogu gure osasun publikoa sendotzea.

Urdulizko Ospitaleetako sukalde, ikuztegi eta garbikuntza zerbitzuen baldintza-agiria geldiarazteko agindua jaso ondoren ere, Osakidetzak zerbitzu horiek eta beste zentro batzuetakoak pribatizatzeko asmoarekin darrai. Osakidetzak, berriro ere, inolako zerbitzu berririk ez “kanporatzeko” bere konpromisoa urratuko du honela.

Osakidetzak pribatizazioaren estrategiari eusten dio. Eta sindikatuok egiaztapen bat azpimarratu nahi dugu: osasun-sistemak zenbat eta pribatizatuago egon, orduan eta desberdintasun handiagoa osasun-zerbitzuak eskuratzeko. Guk apustu egiten dugu ekitatearen alde; baina, horretarako, ezinbestekoa da gure osasun publikoa sendotzea.

Azpimarratu beharrekoa da, halaber, zerbitzu-mota guztiak pribatizatzen direla, baita zuzeneko osasun-arreta ere. Bereziki eskandaluzkoa iruditzen zaigu Tolosaldeko egoera, Euskal Autonomi Erkidegoan erreferentziako ospitale publikorik gabeko eskualde bakarra baita.

Sindikatuak erabaki hauen aurkako mobilizazio ezberdinak egiten ari gara, oraingoan Osakidetzako langileak eta gizartea, orokorrean, pribatizazioen kontrako manifestazio batera deitzen ditugu. Osasun zerbitzu publiko eta kalitatezko bat defendatzen dugu eta ez diogu aldarrikapen hau egiteari utziko Osakidetzak berak hartutako konpromisoak betetzen ez diren bitartean.
 

 

 

Iñaki berronartzeko exijitu diogu TCC enpresari

admin
-
0
Iñaki berronartzeko exijitu diogu TCC enpresari

Iruñerriko garraio publikoa kudeatzen duen TCC enpresako langileek elkarretaratze bat egin genuen atzo, Iñakiren kaleratzea jendarteari ezagutzera emateko. Enpresa honetako mekanikoa kaleratua izan da enpresa egiten dituen autobusen mantentze eta konponketa lanak segurtasun ikuspuntu batetik zalantzan jartzeagatik. LAB sindikatutik, azken hilabeteetan hainbat alditan jakinarazi diogu enpresa eta mankomunitateari autobusek jasotzen duten mantentze lana ez dela nahikoa, honek ekartzen dituen kalteekin, ikusita gainera azkenaldian normaltzat jotzen dugula autobus bat matxuratuta ikustea errepidearen erdian edota garabia garajera eramaten. Honen aurrean enpresaren jarrera hauxe izan da; erditik kendu du sekzio horretan dagoen LABeko afiliatu bakarra, zeina ez zetorren bat tailerreko nagusia hartzen zituen erabakiekin autobusak konpontzeko orduan. Holako kaleratze objektibo bat enpresa honetan inoiz eman ez dela azpimarratu nahi dugu.

LABetik nahi duguna enpresak dituen betebeharrak betetzea da: autobus zerbitzuan kalitatezko zerbitzu on bat ematea, eta, hau horrela izan dadin, autobusak egoera on batean mantendu behar dira. Honen jarraipena mankomunitatearen ardura izanik eta gure ustez egiten ari ez duena.

Gure iritziz, mankomunitatea egoera hau ematearen arduradun da, guztiok baitdakigu enpresak gastuak merketzen ari dituela segurtasun neurrietan murriztuz.

Dinamika honekin jarraitu ezkero, gaurtik enpresa bere kontzesioa 2019. urtean amaitzen duen arte guztion diruarekin erosten ari diren autobusak zakarretara botatzeko egongo dira, gaur egun gertatzen ari dena autobus zaharrenekin, ez dutela ezta txatarra egiteko balio ere.

Egun, gure lankidea den Iñakik kaleratua jarraitzen du. Langile hau bere lehenengo lanpostuan berronartzea da sindikatu honen eskaera eta horretarako mobilizazio ezberdinak egiten ari gara, atzo eguerdian burututakoa edota maiatzaren 17rako Catalunyan egingo ditugunak TCC enpresaren bulego zentralean Bartzelonan, eta Lleidako egoitza nagusian ere.

Amaitzeko, aipatzea segurtasun neurrietan ematen den edozein murrizketa salatzen jarraituko dugula.

 

 

 

BBVAren aurrean bilduko gara bihar, SATeko kideei elkartasuna adierazteko

admin
-
0
BBVAren aurrean bilduko gara bihar, SATeko kideei elkartasuna adierazteko

LAB, ELA, ESK eta STEILAS sindikatuok deituta, elkarretaratze bat egingo dugu bihar Bilboko Gran Viako 12. zenbakiko BBVA-ren egoitzaren parean, 11:00etan, Jaengo El Cerro finka okupatu duten Sindicato Andaluz de Trabajadores sindikatuko (SAT) kideei gure elkartasuna adierazi eta aldi berean haien aurka BBVAk abiatu duen erasoa salatzeko. Hain zuzen ere, BBVAk SATeko 28 kide salatu eta finka husteko eskaera egin du epaitegietan bere interes espekulatiboak defendatze aldera.
 

 

 

Prekarietatearen aurkako dinamika Larratxora iritsiko da ostiralean

admin
-
0
Prekarietatearen aurkako dinamika Larratxora iritsiko da ostiralean

Pintxo prekario lehiaketa, garbi-kirolak, murala, denboraren tunela, aholkularitza sindikal eta juridikoa, mahai ingurua… Larratxoko Josu Artetxe plazan, hainbat jarduera egingo ditugu Ostiral Duinak dinamikaren baitan, 17:00etatik aurrera. Hain zuzen ere, LABek elkarguneak antolatu ditu Euskal Herriko hainbat txokotan, kapitalismoak eragindako gaitzari aurre egiteko. Altzara iritsiko da oraingoan, eta, 18:30ean, mahai inguru interesgarri bat proposatuko du, besteak beste: "Emakumea eta prekarietatea, zapalkuntzak bizi etapa desberdinetan" leloarekin, hain justu. Martxoa hasierarako aurreikusita genuen jardunaldia, baina eguraldi txarragatik ostiral honetara arte atzeratu egin genuen.

Prekarietatearen aurkako lehen elkargunea Gasteizen egin genuen, otsailaren 10ean. Ondoren, leku hauetan gauzatu dugu dinamika: Iruñean, martxoaren 17an; Bilbon, martxoaren 24an; eta Oarso Bidasoan, martxoaren 31n. Ostiralean Larratxon egingo duguna martxorako aurreikusi genuen, baina eguraldi txarragatik atzeratu behar izan genuen. Ostiral honetan dator, dinamika osoa biribiltzeko.

Hain zuzen ere, prekarietatea agenda politikoan sartzeko garaia da. Helburu horrekin antolatu ditu LABek elkarguneak, lan prekarioa betetzen dutenek bildu eta esperientziak truka ditzaten, beti ere alternatibak daudela erakusteko asmoz. Dinamika honetan parte hartzera animatzen zaitugu, denon ekarpena beharrezkoa baita prekarietateari aurre egiteko.

Urratsak eman ditzaten eskatu behar diegu eragile politikoei. Honako hauek dira premiazkoenak:

. 1.200 euroko gutxiengo soldata bermatu
. Lanaren banaketa bultzatu, asteko lanaldi osoa 35 ordura murriztuta
. Bertako hitzarmen kolektiboak adostu eta blindatu, Madrildik etor daitezkeen erreformekiko
. Gutxiengo orduak ezarri, lanaldi partzialean kontratatzeko garaian
. Laneko ikuskaritzak kontrol eragingorra egitea enpresei

Prekarietateari aurre egiteko antolaketa, kontzientziazioa eta borroka beharrezkoak dira, kalean zein lantokitan. Gaur egun, lanposturen bat izateak ez du esan nahi prekarietaterik pairatuko ez dugunik. Euskal Herrian langile txiroak daude, lanpostu prekarioengatik hilabete amaierara iristen ez direnak.

Zerbitzuen sektorean egindako 3.369 inkesta anonimoen bidez, LABek egoera honetara ekarri gaituzten aldagai nagusiak aztertu ditu, eta emaitza latza da: langileen %80ek lan baldintza kaskarretan dihardutela adierazi dute, eta behin-behinekotasuna, soldata, malgutasuna, lanaldi mota eta lan ordutegiak aipatu dituzte prekarietatearen ardatz gisa.

Sistema kapitalistaren tresna bat da prekarietatea, gobernatzeko baliatu ohi du. Alarma gorria piztu behar dugu gizartean, ezinbestean. Hortaz, elkarguneetara hurbiltzeko gonbitea luzatzen dizugu, denon eskubideen alde eragiteko!
 

 

 

Heriotz istripu berri honen aurrean mobilizatzen jarraituko dugu

admin
-
0

Langileen osasunak eta bizitzak arriskuan jarraitzen du. Atzo, maiatzak 3, gertatu zen heriotz istripua salatu beharrean gaude berriro ere. LABen iritziz istripu hauek ekiditea posible da neurri egokiak hartuz gero eta hau horrela izan dadin mobilizazioaren bideari eutsiko diogu, borrokan eta antolakuntzan baitago aldaketarako palanka. Bestalde gaur 12etan, Azkoitiako Erlo Group enpresaren aurrean egingo den elkarretaratzean parte hartzeko deia luzatzen dugu.

Aurreko astean, Lan Osasunaren Nazioarteko Egunean, prekarietatearen aurka mobilizatu ginen eta lan mundua gaixorik dagoela, gaixotu eta erailtzen gaituela ozen salatu genuen. Egoerak bere horretan jarraitzen du eta atzo, maiatzak 3, gertatu zen heriotz istripuaren hariera salaketa ohar berri bat idatzi beharrean aurkitzen gara.

Lehenik eta behin gure elkartasuna osoa adierazten diegu familia, lankide eta langilego guztiari
.

Urtea hasi zenetik lanean gutxienez 21 langile hil dira Euskal Herrian lan istripuz, laneko gaixotasunek hildakoak kontutan artu gabe. Argi dugu arazo estrukturala dela eta konponbideak ere halakoa izan behar duela.

Honelakoak ekiditea posible da neurri egokiak hartuz gero. Beraz instituzioei eskatzen diegu arduraz jokatu eta egoerak eskatzen dituen neurriak hartzeko. Hau horrela izan dadin LABek mobilizazioaren bideari eutsiko dio, borrokan eta antolakuntzan baitago aldaketarako palanka.

Amaitzeko, gaur 12etan, Azkoitiako Erlo Group enpresaren aurrean egingo den elkarretaratzean parte hartzeko deia luzatzen dugu, eta orain artean bezala enpresetan eredu berri baten alde borrokan jarraituko dugu, gure osasuna, lan baldintza eta bizitza erdigunean jarriko dituen eredu baten alde.
 

 

 

PPren xantaiaren aurrean makurtu egin da EAJ, Kupoaren akordioa itxita

admin
-
0
“Foru nazioaren” eszenifikazioaren aurrean gaude, zalantzarik gabe. Horretan datza EAJk aldarrikatutako aldebiko politika; Madrilgo Gobernuaren xantaia politikoaren aurrean makurtzean datza, alegia. Gastu sozialaren murrizketa eta zor publikoaren ordainketa lehentasun gisa dituzten politikak bere horretan mantentzen dituzte aurrekontuek, eta irentsi egin ditu; eskubidez eta soldata duinez osatutako enplegu finkoa sortu edo Europa mailaren pareko gizarte politikak sustatu beharrean.

Hamar urte egon da zintzilik Euskal Autonomia Erkidegoak Estatu espainolari transferitu gabeko eskuduntzengatik ordaindutako kupoaren behin betiko lidikazioa. Atzerapen honek ez du zerikusirik negoziazioaren beraren zailtasunak dakarren blokeoarekin, PSOE eta PPko gobernuek propio behartutako atzerapenarekin baizik.

Atzerapen hau Madrilgo Gobernuak baliatutako estrategia sistematikoaren parte da. Gobernu espainola ez da ezaguna bere hitza betetzeagatik; are eta gehiago, adostutakoa errespetatzeko asmorik ez du erakusten, egoskorkeria lagun.
Kupoaren negoziazioari dagokionez, abantailarekin jokatu ohi du amarru horren bidez. Hala, negoziatzeari ekin ohi dio babesa behar duenean bakarrik, Kongresuan dituen arazoak gainditzeko gehiengo nahikorik ez duenean, oraingoan bezala.

Lakua eta Madrilen arteko liskarrak amaitu dira lortutako akordioarekin, 2007-2016 urte bitarteko Kupoaren kalkuluari dagokionez. Gobernu espainolak sobera jasotako 1.400 milioi euro itzultzeko konpromisoa hartu du, Euskal Autonomia Erkidegoko gobernuak aldea 1.600 milioi eurotan finkatu arren.
Hala ere, Erkoreka, Azpiazu, Esteban eta enparauek lorpen handi baten eragile nagusi gisa aurkeztuko dute euren burua, ituna azkar baino azkarrago sinatu dutenean, aurrekontuak adosteko izapideek behartuta, presiopean.
 

 

 

GOFEk ez du betetzen Ezintasun Pertsonen Eskubideen Legea

admin
-
0
Gizarte Ongizaterako Forun Erakundeak Laudion duen Adimen Urritasun duten pertsonen etxebizitzak ez du betetzen Aniztasun Funtzional duten pertsonen irisgarritasun araudia. Nahiz eta Foru Erakundea orain dela urte asko horren jakinean egon, ez du ezer egin egoera hau aldatzeko, beraz, zentro horretan bizi diren pertsonen eskubideak behin eta berriro Foru Erakundeak zapaltzen ditu. Gaur egun, langileok gurpil aulki bat jeitsi eta igo behar dute bost eskaileretatik, honek dakar erabiltzailearen erortzeko arrisku handia. Aldi berean, langileok osasun kalte haundiak izaren ari dira, honenbestez, azken urtean lan istripu parte asko egon dira, baja laboralak barne.

APDEMAko Enpresa Batzordeak salatzen du egoera hau, azpikontratutako zerbitzu publikoetako lan baldintzen prekarizazioa eta APDEMAk itundako etxebizitzetan bizi diren pertsonen diskriminazioa beste adibidea besterik ez da. APDEMAk kudeatzen ditu etxebizitzetan zerbitzu gutxiago ematen dira, arreta zuzeneko orduak eta janaria dagokienez, erabiltzaileek kuota bera ordaindu arren.

Azkenik, APDEMAko Enpresa Batzordeak salatzen du, Laudioko egotetxeak jarduera lizentzia ez dauka.
 

 

 
1...990991992...1,655Page 991 of 1,655

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus