2025-12-30
Blog Page 987

EuskoTreneko langileek zigor txostenak bertan behera uzteko exigitu dute

admin
-
0
EuskoTreneko langileek zigor txostenak bertan behera uzteko exigitu dute

Eusko Treneko Amara geltokiko langileek, gaur, hilak 4, elkarretaratzea egin dute enpresaren jarrera salatzeko. Negoziazioetan izandako jarrera immobilistaz gain, enpresa edozein aitzakia erabiltzeko prest dago langileak zigortzeko. Hala nola, langileen asanbladak egindako greba deialdia ilegala izan zela edo honen deskonbokatoria modu desegokian egin dela argudiatuz greba batzordea expedientatu du enpresak.

Elkarretaratze honen bitartez euskotreneko zortzi greba batzorde kideei enpresak zabaldutako zigor txostena salatu nahi izan dute, baita enpresaren zuzendaritzak Topo eta Zumaiako lineetan ezarritako maiztasun berriek sortutako gatazkari irtenbide negoziatua bilatzeko erakutsi duen borondate eza ere. Euskotreneko zuzendari orokorra den Imanol Lezak enpresa negoziatzeko prest degoela esan arren praktikan beste errealitate batekin egin dute topo langileek. Hain zuzen ere Euskotreneko zuzendaritzak urriaren 5etik aurrera deituta zeuden lanuzteen deialdia egin zuten greba batzordeko zortzi kideei zigor txostena zabaldu die.

Bere momentuan lan uzte hauek bertan behera utzi ziren giza baliabideen sailaren arduradunak ilegal deklaratuko zuen mehatxua bota baitzuen eta behar ziren berme juridikoekin burutu nahi baitziren. Arazoa konpondu gabe bazegoen ere, greba deialdia bertan behera uzteko idatzia aurkeztu zen. Hau da, euskotreneko zuzendaritzak eman duen aitzakia zigor txostena zabaltzeko, lanuzteak bertan behera utzi izana.

Langileok argi utzi nahi dute zuzendaritza oker dabilela gatazka zigor txosteneko konpondu nahi badu. Gaurko elkarretaratzearen bidez eta azaro eta abenduan egingo dituzten lanuzteekin zigor txostenak bertan behera uzteko eta gatazka honen jatorrian dauden arrazoiak modu arduratsuan konpontzeko exigituko diote.

 

 

 

Esku hartze sozialeko langileak lan baldintza duinak eskatu dituzte Iruñean

admin
-
0
Esku hartze sozialeko langileak lan baldintza duinak eskatu dituzte Iruñean


LAB sindikatuak deituta, atzo Iruñeko Gaztelu enparantzan Nafarroako Esku Hartze Sozialeko langileak konzentrazioa egin zuten lan baldintzak arautuko dituen hitzarmen sektoriala galdegiteko.

Esku hartze sozialeko sektorea mugitzen hasi da. Bere baitan lanbide asko duen sektorea dugu, hala nola, harrera sozialeko zerbitzuak edo zerbitzu soziokomunitarioak, indarkeria matxista pairatu duten emakumeentzako zerbitzuak, oinarrizko zerbitzu sozialak, animazio soziokulturala, aisialdia, gizarte bazterketa arriskuan egon daitezkeen pertsonentzako zerbitzuak, aniztasun funtzionala duten pertsonentzako zerbitzuak…

Gizartearentzat berezko garrantzia duen lanbide honetako langileek hitzarmen sektorial batekin babesteko beharraz hitz egiten dute, egun erregulatuta ez dagoena, ezta aitortua ere. Gaur nonahi duinak ez diren lan baldintzak topatzen ditugu eta kontratatuak dauden langileentzako gehiegizko lan kargak.

Bestalde, Nafarroako Gobernuari %100aren gizarte klausulen aplikazioa galdegiten diote. Non, langileen subrogazioaren bermea, hitzarmena betetzeko derrigortasun klausula, lan kargaren araberako langile kopuru egokiaren bermea, diskriminaziorik gabeko kontratazioa, kontratuak zerbitzuen kostuaren azpitik egiten ez diren bermea, lan arriskuen prebentzioari dagokionez administrazioaren arduren hartzea eta Nafarroko bi hizkuntz ofizialen presentzia eta erabilpenaren bermea ziurtatuko diren.

Prozesu honen bidez, sektore honen lan baldintza duinak ziurtatuko genituzke eta subkontratazio administratiboa oinarria duen sisteman diru publikoaren kudeaketa eta inbertsio egokia lortuko genuke.  

 

 

Gipuzkoako esku hartze sozialeko II hitzarmenaren aurreakordioa sinatu dugu

admin
-
0

Atzo, azaroak 3, Gipuzkoako Esku Hartze sozialeko II hitzarmenaren aurreakordioa sinatzea lortu genuen. LAB eta ELAk %36,36ko errepresentazioarekin eta CCOO %27,27 errepresentzaiorekin mahaia osatzean, batera aritu gara negoziaketa osoan eta 2 urtetako negoziaketa gogor eta mobilizazioen ostean lortu dugu.

LABek akordioa oso positibotzat ematen du, lehenik eta behin lan erreformaren kontrako klausula antireformak sartu ditugulako hau da,ultraktibitatea, flexibilitatea kentzea, mutuen kentzea gaixotasun arruntetan eta absentismoaren jarraipenean, ultraktibitatea, 82,3. artikuloaren ez aplikatzea, mugikortasun geografikoa ez aplikatzea, etab.

Horiez gainera ordainsarien igoera, lan orduen jetsiera asteko 35 orduak , oporren egunak handitzea, aitatasun eta amatasunean hobekuntzak, kontziliaketan hobekuntzak, berdintasunean, subrogazioan berme gehiago, etab…

Patronalren aldetik Hedatzen izan dugu eta ikusi daitekeznez borondatea badago herrialdeko hitzarmenak sinatu daitezke eta eduki garrantzitsuekin, honek sektoreko langile guztien lan baldintzak duinak izan daitezen bermatzen du baita enpresek ere inolako gatazkarik ez egotearena enpresetan.

Azkenik eskerrak eman bai gure delegatu baita afiliatuei ere, egindako mobilizazio, batzar, etab parte hartu eta hau posible egiteagatik.

 

 

 

Urtarrilean Albia Eraikineko segurtasun falta salatu genuen Lan Ikuskaritzan

admin
-
0

Pasa den urtarrilaren 22an LABek Albia Eraikinean zeuden segurtasun neurrien gabeziak salatu zituen Lan Ikuskaritzan. Herenegun, langile bat hil zen bertan laneko istripuz. Zehazki, salatu genuena boskarren pisutik gora segurtasun barandarik ez zegoela izan zen.

PREKARIETATEA HILTZAILEA
ELA, LAB, ESK, STEILAS, EHNE eta HIRU sindikatuek kontzentrazioa egingo dugu gaur 12:00etan Bilbon lan-istripuz hildako langilearen heriotza salatzeko. Kontzentrazioa, Albia eraikinean egingo da, istripua izan zen lekuan.

Momentu haietan eraikineko fatxadan birgaitze lanetan ari zen langile batek eman zigu honen berri, hortaz, nabarmena da ordurako bazegoela kezka.

Azaroaren 3a da gaur, eta ez dugu inolako jakinarazpenik jaso Lan Ikuskaritzatik eta 9 hilabete pasatu dira honezkero. Ez dakigu obrara joan ziren salatutakoa egiaztatzera eta joan baziren, ze neurri hartu zen.

Ezin dugu harreman zuzenik baieztatu LABek urtarrilean salatutakoa eta atzoko lan-istripuaren artean, baina uste duguna da Administrazioak egiteko determinantea duena duena, gaur egun betetzen ez duena, hau da, gure eskubideen bermatzaile izatea arlo prebentiboan, laneko osasunean.

Behin eta berriro salatu dugun moduan, prekarietateak (katean egindako azpikontratazioa, aldi-baterakotasuna, etab.) langileon eskubideen galdera dakar, dagokion administrazien arreta jaso beharko luketenak. Lan Ikuskaritzaren transferentzia hobekuntza bat balitz bezala saldu zen arren, praktikan ekarri duena izan da Urkulluren gobernuak ia edukirik gabe uztea eta baliabiderik gabe, horrela patronalari aurre egin behar ez izateko.

Horregatik salatu nahi dugu borondate politikoa falta dela laneko istripuen gaiari benetako konponbidea emateko eta larrialdiko neurriak eskatzen dizkiogu Administrazioari, lan eta prebentzio arloan benetako politikak ezartzea, hala nola Lan Ikuskaritzari baliabide gehiago esleituz, material zein humanoak (langileko dagoen ikuskarien proportzioa Europakoaren erdia da, istripuen indizea bikoitza den bitartean), euren ikuskaritza eta kontrol lana bete ahal dezaten.

Finean, benetako borondate politikoa behingoz gaitz honekin amaitzeko, egunak joan egunak etorri langile-klasea lan baldintza txarretan aritzera behartzen duena. Guztiz salagarriak diren baldintzak eta ondoren osasuna edo kasu honetan bezala, bizitza, galtzera eramaten gaituztenak.

 

 

 

Azaroak 7tik 10era garbitasuneko 1.500 langile greba egitera deituta daude

admin
-
0
Azaroak 7tik 10era garbitasuneko 1.500 langile greba egitera deituta daude


ELA, UGT, LAB, ESK eta CCOOek azaroak 7,8,9,10 eta 11rako grebara deitu dituzte EHU eta Bigarren hezkuntzako azpikontratetako garbitasuneko langileak, baita Zumaia eta Hernaniko zentro munizipaleko langileak hitzarmen duin baten alde. Besteak beste langileek soldata igoera eta lan erreformen aurrean hitzarmena blindatzea aldarrikatzen dute,


 ELA, UGT, LAB, ESK eta CCOOen oharra: Hitzarmenaren iraupena 2014ko abenduan amaitu zen, plataformak prestatu ondoren alorrean ordezkaritza dugun bost sindikatuok ELA( %40.24), UGT (%24.39), LAB ( %13,41, ESK ( %10,98) eta CCOO (% 10,98) eta enpresek negoziaketa mahaia osatu genuen 2015ko maiatzaren 12an. - aldarrikapen nagusiak hauek dira: 1/ %2,5eko soldata igoera, 2010tik langileek soldata izoztua izan dute eta %8,5ko galera jasan erosmen ahalmenean. 2/ Kontratazioa: langilegoaren erdiak lanaldi partzialeko kontratoak dituzte. Gainera, eskoletan lan egiten dutenei, uztaila eta abuztuan soldataren %30 jaisten zaie langabezira bidaltzen dituztelako. Lanaldi partzialak osoak bihurtzeko regulazio bat beharrezkoa ikusten dgu. 3/ lan erreformaren aurrean berma guztiak jasotzea. - negoziaketaren egoera Enpresek urte eta erdi honetan negoziaketa blokeatu dute proposamen sindikal guztiak atzera botaz. Enpresen jarrera erabat probokatzailea da eta kolektiborako errespetu falta handia agertzen du: prekarietatea dakarren lanaldi partzialeko kontratuak egiten jarraitu nahi dute eta soldata igoera absentismo indizera lotu. Enpresa berak dira langileen osasuna okertzeko erabakiak hartzen dituztenak egunez egun lan karga handituz: lanpostuak amortizatuz, bajak ez ordezkatuz eta ratio gero eta handiagoak ezarriz. - Eusko Jaurlaritzak egin duen eislepena Hitzarmena negoziatzen ari ginela, 2016ko apirilaren 1ean eusko jaurlaritzak eskoletako garbitasunaren esleipena egin zuen, hemen lan egiteko dute alorreko langile gehienak, ia 1000 . Hitzarmena negoziatzeko marjenik ez zutela zioten enpresek %10 eta %20 artean jaitsi zituzten prezioak eusko jaurlaritzaren oniritziakin. Instituzioek hartutako erabaki huek emakumeak jasatzen dugun soldata diskriminazioa eta berdintasun eza mantentzen dute.
Emakumeok sektore batzutan, garbitasuna adibidea da, lan egiten dugu masiboki eta hauek dira lan baldintza okerrenak dituztenak. Berriro, emakume langileak azpikontratako kate ilun honetako maila ahulenean gaude.Una - Greba deialdia Egoera honen aurrean, ELA-UGT-LAB-ESK eta CCOO sindikatuok datorren azaroak 7,8,9,10 eta 11rako greba deitu dugu ondorengo zentrotan: EHU, hezkuntzako zentroak, Hernaniko eta Zumaiako zentro munizipalak. Lan duina aldarrikatzen dugu: galdu dugun erosmen ahalmena berreskuratu eta lanaldi partzialak osatzeko bermak. - mobilizazioak: Astean zehar goizeko 9.00tan Donostiako EHUn elkartuko gara. Azaroak 9 eta 11an askatasun etorbidetik hasita manifestazioa egingo dugu eusko jaurlaritzako hezkuntza sailan amaitzen dugula.  
 
 

Eredu sozioekonomiko honen aurrean, beharrezkoa da borroka sindikala aktibatzea

admin
-
0
Sortutako enpleguaren %93a aldi baterakoa da eta langabetuen %30ak soilik du prestazioa

Urri amaieran 179.877 langabetu erregistratu dira Hego Euskal Herrian, irailean baino 3.521 gutxiago. Hala ere, lana eskatzen ari direnen kopurua duela hilabetekoaren oso antzekoa da.
Gertatzen dena ulertzeko kontuan izan behar da gora egin duela lana eskatu eta langabezia estatistika ofizialetatik kanporatuta daudenen kopuruak: lan hobea nahi duten enplegu eskatzaileak, edo lanerako disponibilitate mugatua dutenak prestakuntza okupazionaleko ikastaroak egiteagatik, irakaskuntza arautua, etab.

Bestalde, garrantzitsua da fokoa beste alderdi batzutan jartzea, hala nola prekarietatea eta langabeziagatiko babes falta.
Zehazki, urrian sinatutako kontratuen %93,5 aldi baterakoa da eta hauen erdiak hilabetetik beherako iraupena dauka.

Gainera, langabezia egoeren kronifikazioa eta prestazioen murrizketak sortzen du estaldura tasak beherantz jarraitzea eta egun, maila baxuenean egotea krisia hasi zenetik. Izan ere, egun ofizialki langabezian daudenen %30ak soilik jasotzen du langabeziagatiko prestazioa, langabezian dauden 127.866 pertsona estaldurarik gabe utziz.

Gorantz doan laneko aldi baterakotasuna eta langabeziagatiko estaldura ahultzea dira lan eta bizi-baldintzen prekarizazioa progresiboa azaltzen duten faktoreak.

Eredu sozioekonomiko honen aurrean, beharrezkoa da borroka sindikala aktibatzea eta eskubide laboral eta sozialen defentsan jauzi kualitatiboa ematea. Gehiengo sozialaren interes eta beharrizanekiko dugun konpromisoak exijitzen digu botere enpresarialari, eta prekarietatea arau orokor eta soldata duinak dituzten enpleguak ezohiko pribilegio bihurtzeko duen asmoari aurre egitea.

 

 

 

Azken laneko istripu hilgarriaren aurrean azpikontratazioaren gaineko benetako kontrola eskatzen dugu

admin
-
0

Bihar ekarretaratzea 12:00etan Albia eraikinean gehiengo sindikalak deituta

Langile baten heriotza eragin duen lan istripu baten berri izan genuen atzo. Bilboko Albia eraikineko obran, Construcciones Olabarrik azpikontratatutako Sesman enpresako langilea da hildakoa.Azpimarratu behar dugu, pasa den ekainaren 28an, Erandioko LIDLen, construcciones Olabarrik azpikontratatutako beste enpresa bateko langile bat hil zela.Behin eta berriz azpikontratazioa. Aurreko astean, azpikontratatutako beste langile bat hil zen Gasteizko Michelinen.

Honekin 50 dira gutxienez Euskal Herrian hildako langileak, eta faktore amankomun bat dute oinarri, prekarietatea. Langileen bizitza ekoizpen eta kapitalaren zerbitzura, mozkinak bizitza eta osasunaren gainetik lehenetsiaz. Noizko azpikontratazioaren gaineko benetako kontrola?

Jakina da azpikontratazioak prekarizazioa dakarrela, eta ondorioz, osasunaren galera eta istripu hilgarriak. Prebentzio arloan dagoen prestakuntza faltak, zabor kontratuei eta produkzioa handitzeko presioarekin batera, laneko istripu ugari sortarazten dituzte, modu tragiko eta traumatikoenean azaleratzen direnak.

LAB sindikatutik gogor salatzen dugu istripu berri hau, baita administrazioak duen jarrera pasiboa, lan baldintzen okertzea txalotzen duelako, aparteko orduak, zabor kontratuak, prekarietatea…

Behingoz eta bide batez administrazioari, eta kasu honetan Jaurlaritza berriari, lan istripuen aurrean neurriak hartu eta beharrezko baldintzak ezartzea exijitzen diogu,

Azkenik LAB sindikatutik gure elkartasun eta babes osoa helarazi nahi diegu langilearen senide, lagun zein lankideei, momentu gogor hauetan. Era berean, dei egiten dugu ostiralean, azaroaren 5ean, gehiengo sindikalak deituta, eguerdiko 12etan egingo den elkarretaratzean parte hartzera. Mobilizazioa, Bilboko Albia eraikinaren parean izango da.

 

 

 

Artiacheko enpresa batzordeak bertan behera utzi ditu aurreikusitako mobilizazioak

admin
-
0

Artiacheko langileek egina zuten prentsaurreko deialdiaren aurrean, Artiachen jabe den Adams Foodek Enpresa-Batzordea bilera batera deitu du. Bertan zuzendaritzak bigarren jarduerarekin jarraitzeari uko egin dio eta ondorioz gaurko aurreikusita zeuden ekintzak bertan behera uztea erabaki du enpresa batzordeak.

Artiacheko langileen oharra:

Artiacheko langileek egina zuten prentsaurreko deialdiaren aurrean, bigarren jarduera deriotzan praktikak direla-eta bihar egin behar zutena (enpresak aurrera eramaten zituenak MAZ mutualitatearen ezinbesteko lankidetzarekin), Artiachen jabe den Adams Foodek Enpresa-Batzordea bilera batera deitu du. Bilera honetan Zuzendaritzak uko egin dio bigarren jarduerarekin jarraitzeari, hortaz, Enpresa Batzordeak bihar, azaroaren 3rako aurreikusita zituen ekintza guztiak bertan behera utzi ditu.

Mobilizazioak bertan behera deitzeak suposatzen du arrazoia genuela eta ezin direla bajadun istripuak izkutatu eta langileei euren osasunerako eta sendatzeko duten eskubidea ukatu. Deialdiak bertan behera uzteak ez du esan nahi beste ekintza batzuei uko egiten zaiela, batzuk honezkero hasitakoak, hala nola Laneko Ikuskaritzako salaketa eta beste batzuk, datozen egunotan martxan jarriko direnak, prebentzio zerbitzuak osasunaren zaintzan egin duena argitzeko; MAZ mutualitatearen kontrako ekimenak edo ilegalitate honetan parte hartu duten profesionalek kontrakoak.

Beharrezko ikusten ditugu ekintza hauek kontuaren larritasuna ikusita. Ezin dugu onartu mutualitateak eta patronalak langileen osasuna arriskutan jartzea osasunerako eta sendatzeko eskubidea errespetatu barik.

 

 

 

Adegik immobilismoari eusten badio Gipuzkoako grafikagintzako sektorea grebara joango da

admin
-
0

Adegik, Gipuzkoako Grafikagintzako sektorean gehiengoa duen patronalak, gaurko, azaroak 2, aurreikusita zegoen bilera azaroaren 8ra atzeratzea eskatu du, “sindikatuen proposamenak aztertzeko eta negoziazioak aurrera egiteko helburuarekin”. Datorren bileran Adegik proposamenik aurkezten ez badu, Gipuzkoako Grafikagintzako negoziazio mahaian ordezkaritza duten sindikatu guztiek (LAB, ELA, CCOO eta UGT), azaroaren 16, 30 eta abenduaren 12rako grebara deituko dute sektorean.

Sektoreko langile guztiekiko dugun erantzunkizunagatik, sindikatu guztiek proposamena onartzea erabaki dugu eta, horren ondorioz, bilera atzeratu egingo da, nahiz eta denbora soberan izan duela uste dugun. Izan ere, hilabete asko daramatzagu negoziazioak hasi zirenetik. Edonola ere, Adegiri eskatzen diogu aprobetxatu dezala eskaintzen diogun aukera berri hau proposamen bat egiteko hitzarmenaren negoziazioak aurrera egin dezan. Hau egingo ez balu, eta, beraz, negoziazioaren hasieratik erakutsitako jarrera immobilista berdinarekin jarraituko balu, sektorea konfrontaziora eramango luke.

 

 

 
1...986987988...1,583Page 987 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus