2026-02-09
Blog Page 921

Conseguidos compromisos de futuro gracias a la lucha de los y las trabajadoras de Pine

admin
-
0

La lucha llevada a cabo por los y las trabajadoras de Pine en las últimas semanas ha dado sus frutos. Hemos obligado al Grupo Ingeteam a presentar por escrito los términos de la compraventa y los compromisos adoptados con el Grupo Zima, compromisos comerciales, financieros y de carga de trabajo. El Comité de empresa realizará un seguimiento en corto de dichos compromisos y denunciará los posibles incumplimientos que puedan comprometer el futuro.

Consecuencia de ello, la plantilla de Pine ha decidido suspender los paros y las movilizaciones iniciadas ante la venta de Pine por parte del grupo Ingeteam.

Además, el comité de empresa ha decidido iniciar la vía legal para exigir el cumplimiento del articulo 44 del Estatuto de los trabajadores ante la negativa del Grupo Ingeteam, articulo que obliga a la entrega de informacion como; fecha, motivos, consecuencias y medidas previstas respecto a trabajadores.

Asimismo, el comité de empresa ha lanzado un mensaje claro al Grupo Zyma: no aceptaremos que sin invertir y sin asumir riesgos se destruya empleo y condiciones laborales para garantizar beneficios.

Finalmente queremos denunciar la actitud y posición mantenida por Gobierno Vasco quién siempre contó con información de primera mano por parte del grupo Ingeteam, información que ocultó a los y las trabajadoras rechazando antes y después de la venta la solicitud de reunión realizada por el Comité de empresa.

Una vez más el Gobierno Vasco da la espalda a los trabajadores y trabajadoras, alegando que el proceso de venta es una cuestión entre empresas privadas. De esta forma elude sus responsabilidades. ¿Es éste su modelo Basque industry 4.0?, ¿Repartir a las empresas privadas el dinero público de todas y todos, para después decir que ellos no pueden hacer nada ante operaciones entre empresas privadas? La empresa privada le sirve al Gobierno Vasco para hacerse la foto y alabar unos determinados modelos de gestión. Modelos que sólo responden a los intereses del capital y que para la clase trabajadora se traducen en destrucción de empleo, precariedad de las condiciones de trabajo y desmantelamiento del tejido industrial. Están avalando que las empresas vascas sean vendidas a multinacionales extranjeras. El Gobierno Vasco impulsa un país a medida del capital extranjero, la precariedad, y la destrucción de empleo.

Por ultimo agradecer a la plantilla la lucha mantenida y reiterar que la unidad de los trabajadores en la defensa del empleo y las condiciones es la mayor garantia que tendremos en esta nueva etapa de incertidumbre a la que nos han conducido.
 

 

 

LABek eta ELAk Nafarroan garai berri bat ireki eta Gobernuarekin akordioetara heltzeko prestutasuna adierazi dute

admin
-
0
LABek eta ELAk Nafarroan garai berri bat ireki eta Gobernuarekin akordioetara heltzeko prestutasuna adierazi dute

Gaur Iruñean egindako prentsaurrekoan, Igor Arroyok (LAB) eta Mitxel Lakuntzak (ELA) Gobernuarekin akordioetara heltzeko prestutasuna adierazi dute, baldin eta honek elkarrizketa sozialaren etapa itxi eta lan arloan garai berri bat irekitzeko erabakia hartzen badu. Igor Arroyoren arabera, "elkarrizketa soziala iruzurra izan da, praktikan Patronalaren bakarrizketa pairatu baitugu. Nafarroan bake soziala erosi egin da: hamabost urtetan UPNk 183 milioi euro eman zien CEN, UGT eta CCOOi". Arrazoi honengatik, LAB eta ELAk Elkarrizketa Sozialaren Kontseilua berehala bertan behera uztea exijitu dute.

Lanean jartzeko prestutasuna adierazi du Arroyok, garai berri bat irekitzeko: "Prest gaude langileon baldintzak hobetuko dituzten akordio zehatzetara iristeko. Gobernuak erabaki behar du ea iraganeko markoetan iltzatuta jarraitu nahi duen ala etorkizuneko akordioetarako bidea jorratu nahi duen".

LABek eta ELAk hamar akordio zehatzen aukera jarri dute mahai gainean, egungo esparru juridikoaren baitan garatu daitezkeenak. Horrekin batera, harago joateko lan arloko eta babes sozialeko eskumen osoak lituzkeen esparru berri baten beharra oroitarazi dute.

Herriarentzako aurrekontuak eskatu ditugu, alderdiarentzat izan beharrean

admin
-
0
Herriarentzako aurrekontuak eskatu ditugu, alderdiarentzat izan beharrean

LAB sindikatuak gogor salatu nahi du EAJ alderdiak herritarron izenean bere alderdiaren interesak defendatzen dituela eta euskal zerbitzu publikoak bere "aldebikotasun" kontzeptutik baztertzen dituela, PPrekin hitzartutako akordioaren harira. Agerraldi bat egin dugu gaur Bilbon, eta EAJk PP alderdiak zerbitzu publikoen ahultze estrategiarekin bat egin duela nabarmendu dugu.

Ukaezina da herritar gehienon ahotan egon dela Eusko Alderdi Jeltzaleak Espainiako Erreinuko aurrekontuak aurrera ateratzeko Alderdi Popularrarekin akordioa egin duela. Komunikabideek lan paregabea egin dute herritarron agendan guztion mesederako akordioa izan omen den bi alderdien arteko akordio hau kokatzen. Denetarik izan dugu; gerturatzeak, haserreak, telefono dei pribatuak eta azkenik, ezkontza. Hori guztia aldebikotasuna eta EAJren zentralitatea herri honen zentzuzko aukera bakarra kokatzeko helburuarekin.

Akordioa eta aurrekontuen proposamena ikusita, ordea, zalantza guztiak uxatzen zaizkigu zerbitzu publikoetako langileoi. Agian, gutako norbaitek pentsatzen zuen EAJk bere alderdi interesak alde batera utzi eta zerbitzu publikoen defentsarako akordio bat aterako ziola PPri. EAJko hainbat kargudun haserre agertu ziren CCOO, UGT eta CSIF sindikatuek Montoro ministroarekin lortutako akordioa sinatu zutenean. Aukera ezin hobea izan du bere negoziazio gaitasuna zerbitzu publikoen alde erabiltzeko, baina azkenean argi gelditu da soilik bere alderdi interesak defendatzera joan dela.

Aurrekontuen proiektuan zerbitzu publikoen kontrako neurriak garbi agertzen dira:

• Enpleguaren atalean CCOO, UGT eta CSIF sindikatuek adostutako akordioaren funtsa mantentzen da; horrek esan nahi du birjartze tasek zerbitzu publikoen garapena kimatzen jarraituko dutela.

• Zerbitzu publikoen errebertsio prozesuak zailtzeko neurriak hartzen ditu.

• Erosahalmenaren atalean %1aren soldata igoera eskasa balioztatzen da.

Finean, EAJren aldebikotasun eta zentralitateak langile publikoei ekartzen digun ondorioa zerbitzu publikoen ahultzea izango da. Pentsa dezakegu izan dituzten negoziazio gogorretan ezin izan dituztela gure zerbitzu publikoak defendatu. Baina errealitatea bestelakoa da; EAJ ados dago PPk zerbitzu publikoei begira daukan estrategiarekin, zerbitzu publikoen ahultzearekin hain zuzen. Azken finean bi alderdiak eskuin neoliberal beraren bertsio zentralista eta autonomista baino ez dira.

Langile publikook gure eskubideen defentsan jarraitu behar dugu. Argi dago estatutik etortzen zaiguna murrizketa eta debeku gehiago izango direla. Larriena EAJ horren guztiaren konplizea izatea, hemen itxura egiteko publikoki esaten dituen hainbat gauza Madrilen ez defendatzea. Oraingoan ezin izango ditu eskuak garbitu.
 

 

 

Pineko langileen borrokari esker geroa bermatzeko akordioa lortu da

admin
-
0

Azken asteetan pineko langileek burututako borrokari esker Ingeteam taldearen salmentaren nondik norakoak eta Zima Taldearekin hitzartutako konpromisoak idatziz jartzera behartu ditugu. Hitzartutakoa modu egokian gauzatzen dela bermatzeko Pineko enpresa batzordeak jarraipen zuzena egingo du. Akordio honen harira Pineko langileek deituta zeuden paro eta mobilizazioak bertan behera uztea erabaki dute.

Guzti honen inguruko nondik norako ohar bidez jakinarazi du enpresa batzordeak
 

 

 

Santurtzi eta Pasaiako 700 zamaketariren kaleratzea adostu egin dutela ohartarazi dugu

admin
-
0
Santurtzi eta Pasaiako 700 zamaketariren kaleratzea adostu egin dutela ohartarazi dugu

LABeko zamaketariek prentsaurrekoa emango dute gaur Gasteizko Legebiltzarraren prentsa-gelan, sektorearen egoeraren azterketa egiteko eta ekimenak iragartzeko, Espainiako Legebiltzarrean atzo onartutako Errege Dekretua dela eta. Sindikatuarentzat arduragabekeria bat iruditzen zaigu EAJk Errege Dekretuaren alde bozkatzea, portuen transferentzia eskatzen duen bitartean. Izan ere, dekretuak milaka enplegu arriskuan jartzen ditu eta sortuko diren berriak prekarietate gordinenera zigortuko ditu.

LAB sindikatutik atzo Espainiako Legebiltzarrean onartutako Errege Dekretua salatu nahi dugu. Dekretuak EAJ, PP eta Ciudadanos alderdien botoekin egin zuen aurrera. Arduragabekeria bat iruditzen zaigu EAJk Errege Dekretuaren alde bozkatzea, portuen transferentzia eskatzen duen bitartean. Izan ere, dekretuak milaka enplegu arriskuan jartzen ditu eta sortuko diren berriak prekarietate gordinenera zigortuko ditu.

Ez da transferentziak eskatzeko garaia, transferentzia bera jasota ere Errege Dekretuaren aplikazioa ezingo litzatekeelako bertan behera utzi Santurtzi eta Pasaiako portuetan. Honengatik guztiagatik, PP eta patronalaren politika neoliberalak eta zentralizatzaileak babesteari utz diezaiola eskatzen diogu EAJri, eta Euskal Herriko langileen interesak defenda ditzala.

LABetik kudeaketa integral eta publiko bat aldarrikatzen dugu, euskal portuekiko erabateko eskumenekin. Bermeoko portukoa ez litzateke adibiderik egokiena; euskal negozioaren alderdiak proposatu eta defendatzen duen eredu liberalari erantzuten baitio. Uste dugu hau guztia bakarrik dela posible erabateko burujabetza ariketa batekin.

PPren gobernuak sektore oso baten kaleratzea legeztatu du, EAJren laguntzarekin. Kalte-ordainak diru publikoarekin ordainduko dituzte, portuetako aktibitatea gauzatzen duten enpresen irabaziak etengabeak eta mugagabeak direnean. Hortaz, altxor publikoari egindako beste lapurreta baten aurrean geundeke.

LABetik sektoreko langile guztien subrogazioa exijitzen dugu, lanpostuak eta lan baldintzak subrogazioaren bitartez soilik mantenduko liratekeelako.
 

 

 

Lan istripuen aurrean antolaketa eta borrokara deitu dugu

admin
-
0
Lan istripuen aurrean antolaketa eta borrokara deitu dugu

Atzo, hilak 18, istripu berri baten berri izan genuen. Gutxienez lau langile zauritu dira Ibarran dagoen Lavandería Lizarra enpresan izan den leherketaren ondorioz. Gaur,12:00etan, Ibarran, Apattako Rotondan, ELA, LAB, ESK, STEILAS, EHNE eta HIRU sindikatuek deitutako kontzentrazioan parte hartzera dei egiten dugu, beharrezkoa delako erantzutea eta alternatiba badugulako.

Lehenik eta behin besarkada beroena, elkartasuna eta babesa, zauritutako langile, lankide, zein beraien gertuko eta senideei. Ahalik eta azkarren eta ondorio larririk gabe osatzea da gure desio eta itxaropena.

Beste behin ere lan baldintzek eta prekarietateak gaixotu eta hiltzen gaituela salatu nahi dugu. Enpresa honetako langileek askotan salatu dituzte eta galdegin diote enpresari prebentzio neurriak ezartzeko, segurtasun eta kimikoen alorrean gehienbat. Kontuan hartu behar da enpresa ezberdinetako arropak garbitzean, kutsatzaile kimiko guztiak jasotzen ditugula eta esan bezala beharrezko neurri prebentiborik gabe.

Administrazioei eskatzen diegu zaintza eta ikuskatzeak areagotzeko, eta bereziki kasu honetan ikerketa zehatza egitea.

Aurreko egunean Elgoibarko Alcorta enpresan izan zen istripu larria, atzo hasi zituzten lanuzte eta mobilizazioak, eta atzo ere Ibarran. Egunero jazotzen dira istripuak, etengabeko lakra estrukturala, horregatik borroka eta antolaketa beharrezkoa da eredu hau aldatzeko.
 

 

 

Hainbat sindikatuk elkartasuna adierazi diogu Venezuelari

admin
-
0
Gizarte burujabe, justu, eta libreago bat izan da prozesu politiko bolibariarraren esentzia. Horregatik prozesu honekiko errespetu osoa eskatzen dugu.

Venezuelan azken asteotan gertatzen ari dena ikusita, azpian sinatzen dugun eragile sindikalek honakoa adierazi nahi dugu:

Gure iritziz, erakunde bakoitzak Venezuelako agintariek harturiko erabakien inguruan izan dezakeen iritzia dena delako izanik ere, azken 18 urteotan Venezuelako gehiengo sozial batek burujabetza prozesu bat abian jarri du, herrialde horretan dauden ezberdintasun sozial handiak gainditze bidean, eta gizarte burujabe, justu, eta libreago bat eraiki asmoz. Hauxe izan da Prozesu politiko Bolibariarraren esentzia. Horregatik prozesu honekiko errespetu osoa eskatzen dugu.

Prozesu hau XXI. mende hasieratik Hego Amerikan ematen ari den prozesu politiko zabalago baten baitan ulertzen dugu. Kultura politikoaren aldaketa suposatzen duten burujabetza prozesuak, eskubideen berdintasuna eta justizia soziala aldarrikatzen duena. Eta guzti honengatik Kapitalak eta inperialismoak (Estatu Batuak bere adierazle nagusia izanik) bere makinaria guztia martxan jarri du prozesu politiko honen parte alde egin zuten gobernuak suntsitzeko, Guatemala, Brasil, Argentina eta orain Venezuelako kasuekin argi eta garbi ikusten den bezala.

Arrazoi guzti hauengatik Venezuelan kaosa ezartzeko interesa daukatenek antolaturiko mugimendu biolento hauek arbuiatzen ditugu, hauen helburua demokratikoki aukeratua izan den eta zilegitasun demokratiko osoa duen gobernua eta herrialde osoa ezegonkortu nahi duten neurrian. Elkarrizketaren bidea landu behar da Venezuelan gatazka politiko eta sozialak konpondu nahi badira eta inolaz ere biolentzia.

Aldi berean kanpo injerentzia erabat partzialak ematen ari direla salatu nahi dugu; are gehiago Kolonbian 2016an sinaturiko bake akordioetatik hona erailtzen ari diren 80tik gora lider sindikal eta sozialen inguruan inolako aipamenik egiten ez dela ikusirik.
Zentzu honetan herri guztiek haien etorkizun politikoa libre eta demokratikoki erabakitzeko duten eskubidea azpimarratu nahi dugu. Bukatuz joateko, Venezuelako herriaren herri parte hartzea lantzen duen mekanismo demokratiko bat den neurrian, Venezuelan ireki berri prozesu eratzailea positiboki baloratzen dugu.

Azpian sinatzen dugunok erabat proportzioz kanpokoa izanagatik, Venezuelaren kontra komunikabide “ofizialek” abiaturiko intoxikazio hutsa den kanpaina mediatikoa salatzen dugu. Gure ustez istorio guzti honetako parte interesatu baten zerbitzura daude gaur egunean Venezuelan dagoen gobernua indargabetzeko helburu duena, eta bi aldeak (chavistak eta oposizioa) modu diskriminatzailean tratatzen dituena.

Sinatzaileak: LAB, ESK, STEILAS (Euskal Herria) CUT Aragon, CUT Galiza, CIG Galiza, IAC, COS y CSC de Catalunya, Intersindical Valenciana (País Valenciá), Sindicato Andaluz de Trabajadores (SAT), CSI Asturies, Intersindical Canaria (Canarias) Confederación Intersindical y Sindicato Ferroviario (Estado Español).
 

 

 

Gure egoitza baten aurkako erasoa salatu dugu

admin
-
0
Eusko Jaurlaritzako LABen sail sindikalak duen Donostiako Urdaneta Kaleko egoitzari eraso egin diote, harriekin kristalak apurtuz. Administrazioak sindikatuoi eskaini behar dizkien bulegoak bertan daude kokatuta.

Gaur, goizeko 7:30ean lanera hurbildu garenean, sindikatuko ordezkari bat eta bertan zeuden garbitzaileak eraso honek eragin dituen kalteen lekuko, hain zuzen ere, harriekin leiho baten kristalak apurtuta aurkitu dituzte. Apurtutako leihoan presoak Euskal Herrira hurbiltzeko eskatzen zuen ikurra dago kokatuta eta honen kontra zuzendu da erasotzailea. Sindikatuak erasoa salatu du Donostiako Udaltzaingoan.

LAB sindikatuak eraso hau salatzeaz gain, presoen eskubideen alde lanean segituko garela adierazi nahi du, erasoak eraso.
 

 

 

Zerbitzu sozialetako ratioen hobekuntzarekin lotutako konpromisoak ez betetzeagatik mobilizatu gara Parlamentuan

admin
-
0
Zerbitzu sozialetako ratioen hobekuntzarekin lotutako konpromisoak ez betetzeagatik mobilizatu gara Parlamentuan


Orain dela 10 hilabete baino gehiago, 2016ko ekainaren 26an, Eusko Legebiltzarrak ratioen dekretu berri baten aldeko konpromiso ezberdinak hartu zituen erdibideko zuzenketa baten bidez. Ratio dekretu honetan, gizarte zerbitzuetako erabiltzaile bakoitzeko behar den langile kopurua zehazten da. Inolako mugimendurik egon ez dela ikusirik, ratioen hobekuntzarekin lotutako konpromisoak ez direla bete salatzeko mobilizatu gara Parlamentu aurrean.

Inolako mugimendurik ez egoterakoan eta tartean Eusko Legebiltzarreko ordezkaritzaren aldaketa gertatu denez, EH Bilduren ekimenez, 2017ko otsailaren 9an, gehiengo osoak babesturik, 2016ko erdibideko zuzenketak jasotzen zituena baino konpromiso gehiago barnebiltzen dituen erdibideko beste zuzenketa bat onartu zuten.

Hiru hilabetetan talde tekniko batek gaur egungo egoera zehaztuko zuen informe bat egitea. Hau langileen ordezkariekin zein erabiltzaileen senideekin eztabaidatua izango zela, izan zirelarik aurretik hartutako konpromisoak.

Dinamika parte-hartzaile hau oinarritzat hartuta dekretua aldatuko zen, oraingo honek, askotan salatu dugun bezala, baldintza duinik, lan karga onargarririk eta erabiltzaileentzat kalitatezko zerbitzurik bermatzen ez baititu.

Konpromiso hauek, LABek bi urteetan zehar egindako lanaren ondorioz lortu ziren; Eusko Legebiltzarreko Enplegu eta Gizarte politiketako batzordean agerraldiak, Batzar Nagusietako eta Aldundietako batzordeetan agerraldiak, Beatriz Artolazabal Kontseilariarekin bilera eskaera, mobilizazio ezberdinak eta arrakasta handiko sinadura bilketa (27.000 jaso ziren).

Zenbait hilabete zain egon ostean, txostenaren inguruko albisterik ez dugula salatu nahi dugu. Gainera, atzerapenaren azalpenak emateko langile ordezkariekin, erabiltzaile eta familiarrekin ez dute bilerarik deitu. Gobernuak ezta Parlamentuak hartutako konpromisoak bete ez dituztela ikusirik, salaketa eta mobilizazio dinamika berrartzera derrigortuak ikusten gara.

Hau guztia dela eta, langile gehiago, eta ondorioz, kalitatezko gizarte zerbitzuak bermatzen dituen dekretu berri baten alde mobilizatu gara gaur Parlamentuaren aurrean, egunez egun arazoa pairatzen dugun erabiltzaile, langile zein senideekin eztabaida parte-hartzailea irekiz eta jendartearen beharrei erantzungo dien ratio dekretu berri bat lortzeko helburuz.
 

 

 
1...920921922...1,590Page 921 of 1,590

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus