2026-01-19
Blog Page 812

Kanpaina bat abiatuko dugu, Nafarroako Gobernuari eskatzeko zerbitzu sozialen ratioen dekretua hobetu dezan

admin
-
0
Kanpaina bat abiatuko dugu, Nafarroako Gobernuari eskatzeko zerbitzu sozialen ratioen dekretua hobetu dezan

Sektore soziokomunitariotik, zerbitzu sozialen egungo egoera aintzat harturik, eta ikusirik Nafarroako Gobernuak ez duela bete zerbitzu sozialen ratioak arautzearen aldeko kanpainaren ondorioz duela bi urte hartutako hitza, hain zuzen ere zerbitzu sozialak arautzen duen dekretua behingoz alda dezaten exijitzeko beste kanpaina bat martxan jarriko du LAB sindikatuak. Gure iritziz, zerbitzu sozialen kalitatearen berme bakarra baita langileen lan osasuna zaintzen duen ratio egokiak lortzea. Euskal Autonomia Erkidegoaren egoerari buruzko irakurketa atzo egin genuen, Bilbon egindako agerraldian.

Duela bi urte martxan jarritako kanpainaren ondoren, Nafarroako gobernuak konpromisoa hartu zuen zerbitzu sozialak arautzen zuen lege dekretua aldatzeko. Horretaz gain, sindikatuekin arazoari buelta emateko elkarlanean arituko zela izan zen hartutako beste konpromisoa.

Bi urte pasa ondoren, ez dugu albisterik jaso. Eta are gehiago, zerbitzu sozialen egoera geroz eta okerragoa dela baieztatu dezakegu. Irakurketa hau administrazioak azkenengo bi urte hauetan atera dituen enkante publiko eta helduen egoitzetako itunpeko plazetan argi eta garbi ikus daiteke. Zerbitzu sozialen prezioen homogeneizazio prozesu bat egin duen, non langileek beti bezala galtzen atera dira.

Beste alde batetik, lan osasunaren ikuspegitik zerbitzu sozialen sektorea hankaz gora dago. Lan kargak ikaragarriak dira, arrisku psikosozialak kezkagarriak dira, eraso fisiko zein psikologiko oso larriak ematen dira, sektoreko berezko gaixotasunak direnak ez dira aitortzen eta abar luze bat. Hau guztia, sektore honetan gaur egun lan egiteak arrisku lan bat bilakatu du.

Hau guztia iraultzeko, LAB sindikatuak kanpaina bat abiaraziko du, hurrengo hilabeetan garatzen joanen dena, Nafarroako Gobernuari exigitzeko hobetu dezan zerbitzu sozialen ratioak arautzen dituen dekretua.

Kanpaina bi helburutan oinarritzen da. Alde batetik, lan osasunaren egokitze eta berritze bat eskatuko dugu. Horretarako langileekin ahalduntze prozesu bat egingo dugu eta bestetik, sektoreko enpresetan lan osasuna arautzen dituzten legeak betetzea eskatuko dugu. Eta bestetik, ikuspegi honetan oinarrituta, Nafarroako Gobernuari dekretua behingoz aldatu dezan eskatuko diogu. Sektoreko gaur egungo errealitatea iraultzeko, zerbitzu sozialen kalitatearen berme bakarra baita langileen lan osasuna zaintzen duen ratio egokia lortzea.
 

 

 

M8 GREBA FEMINISTA: Emakumeok* planto, Nosotras paramos, nous on s’arrête

admin
-
0
M8 GREBA FEMINISTA: Emakumeok* planto, Nosotras paramos, nous on s’arrête


Zergatik egingo dugu greba? Emakumeen* nazioarteko grebarekin bat egitea erabaki dugu…

¿por qué vamos a la huelga ? Nos sumamos a la huelga internacional de mujeres* porque…

Eredu ekonomiko honek zapaltzen gaituelako:
· Europan emakumeek* astero 26 orduz ordaindu gabeko lanak egiten ditugu gizonek 9 ordu egiten dituzten bitartean. Inork aitortzen ez duen lana da, ikusezina.
· Emakumeek* lanaldi bikoitz eta hirukoitzak egiten ditugu gizonak eta estatuak ez direlako zaintzaz arduratzen.
· Hego Euskal Herrian gizonek emakumeek* baino %35,6 gehiago kobratzen dute, enplegu berdinaren aurrean soldata berdina kobratzea exijitzen dugu.
· Emakumeek* lan prekarietate handiagoa jasaten dugu.
· Emakume* langile asko lan erregimen orokorretik kanpo gaude, lan- eskubiderik gabe: etxe barruko langileak, nekazariak, sexu langileak, aniztasun funtzionaladun langileak, langile autonomoak…
· Etxe barruko langileak esklabo gisa bizi gara
· Gizartean amatasuna goraipatzen da, aldi berean, lan-merkatuan zigortuz
· Gure pentsioak baxuagoak dira, eta gure zahartzaroa txirotzen dute · Pobreagoak gara eta gizarte politiken bazterketak gehiago pairatzen ditugu · Emakume* gazteoi formakuntza eta esperientzia gehiago exijitzen zaizkigu baina aldi berean lan-prekarietatea pairatzen dugu

Este modelo económico nos aplasta:
· En Europa, las mujeres* dedicamos 26 horas semanales al trabajo no remunerado frente a las 9 horas que dedican los hombres. Es un trabajo invisibilizado que nadie nos reconoce
· Las mujeres* realizamos dobles y triples jornadas de trabajo porque los hombres y el Estado no se responsabilizan de cuidar
· En Hego Euskal Herria los hombres cobran un 35,6% más que las mujeres*, a mismo empleo exigimos cobrar el mismo salario
· Sufrimos mayor precariedad laboral
· Muchas trabajadoras estamos fuera del régimen general de trabajo, sin derechos laborales: empleadas domésticas, agricultoras, trabajadoras sexuales, trabajadoras con diversidad funcional, trabajadoras autónomas…..
· Las empleadas internas estamos en situación de esclavitud
· A la vez que se ensalza la maternidad socialmente, se castiga en el mercado laboral
· Nuestras pensiones son inferiores lo que empobrece nuestra vejez
· Somos más pobres y sufrimos más los recortes en políticas sociales
· A las mujeres* jóvenes se nos exige más formación y experiencia pero seguimos sufriendo precariedad laboral

Indarkeria matxistak jipoitzen gaituelako:
· 2010-2015 urteen artean 33 emakume* hil dituzte Hego Euskal Herrian. Eraildako
emakume* guztiak falta zaizkigu
· Sexu-esplotaziorako salerostea: emakumeen eta umeen merkantilazitzearen adierazpena
· Nazkatuta gaude kaleko jazarpena eta sexu erasoak jasateaz eta alor intimoan kontrola, xantaia eta apalkuntza pairatzeaz
· Beldurrean hezten gaituztela salatzen dugu, gure testigantzak zalantzan jartzen direla eta salatzen dugunean epaituak gara.
· Ez gara erantzuteko gaitasunik gabeko biktima pasiboak.
· LGTBI-fobiak gure biziak estutzen dituzten armairuetan giltzatzen gaitu
· Indarkeriari aurre egiteko baliabide publikoak ez dira nahikoak
· Zigor-sistema patriarkala da, eta kartzeletan indarkeria bikoitzari aurre egin behar diogu emakume* izateagatik

La violencia machista nos golpea:
· Entre 2010 y 2015 asesinaron a 33 mujeres* en Hego Euskal Herria. Nos faltan todas la mujeres* que han matado.
· La trata con fines de explotación sexual: la expresión más grave de la mercantilización de los cuerpos de las mujeres y niñas
· Estamos hartas de sufrir acoso callejero, agresiones sexuales, y chantaje, control y humillación en el ámbito íntimo
· Denunciamos que se nos eduque en el miedo y se cuestione nuestro testimonio y se nos juzgue cuando denunciamos
· No somos víctimas pasivas sin capacidad de responder
· La LGTBfobia nos encierra en armarios que constriñen nuestras vidas
· Los recursos públicos para hacerle frente a la violencia son insuficientes
· El sistema penal es patriarcal y en las cárceles enfrentamos una doble violencia por ser mujeres*

Arrazakeriak akatzen gaituelako:
· Ez ditugu ahazten hainbat arrazoiengatik euren herrialdea utzi dituzten
pertsonen bizitzak
· Emakume* etorkin eta errefuxiatuek mugetan jasaten duten indarkeria matxista eta kriminalizazioa salatzen dugu
· Espazio publikoa hartzeko dugun eskubidea mugatzen dute gure janzkeragatik
· Legez kanpoko egoeran gauden emakumeak* eta atzerritarren legea jasaten dugunok bereziki babesgabe gaude indarkeria matxistarekiko
· Nazioarteko zaintza-sarea osatzen dugu: gure seme-alabak eta adindunak beste emakume* batzuen esku uzten ditugu han, hemen zuenak baldintza oso prekarioetan zaintzeko

El racismo nos mata:
· No olvidamos las vidas de las personas que dejan sus países por diversas causas
· Denunciamos la violencia machista y la criminalización que sufren las mujeres migrantes y refugiadas en las fronteras y en los países en tránsito.
· Se limita nuestro derecho a ocupar el espacio público por nuestra vestimenta
· Las mujeres* migrantes en situación irregular y perseguidas por la ley de extranjería estamos especialmente desprotegidas frente a la violencia machista
· Formamos una red transnacional de cuidados: dejamos allí a nuestros hijxs y mayores a cargo de otras mujeres* para cuidar aquí en condiciones muy precarias

Kultura patriarkalak baztertu, objektu bihurtu eta estereotipatzen gaituelako:
· Historia, literatura eta zientzia liburuetatik ezabatu gaituzte
· Hedabideek, publizitateak eta sareek objektu sexualtzat gaituzte, kontsumituak izateko prest
· Genero estereotipoak komunikabideetan, solasaldietan, erakundeetan erreproduzitzen dira
· Hierarkia erlijiosoak, Estatuak edo botere ekonomikoek gure gorputz eta sexualitatearen gaineko erabakiak ukatzen dizkigute
· Politikan, ez gaude eragiteko eta erabakitzeko ahalmena duten eremuetan

Marginadas, cosificadas, estereotipadas por la cultura patriarcal:
· Nos han borrado de los libros de historia, literatura, de ciencias…
· Los medios de comunicación, la publicidad y las redes nos tratan como objetos sexuales listos para el consumo
· Los estereotipos de género se siguen reproduciendo en conversaciones, medios comunicación, instituciones
· Las jerarquías relijiosas, el Estado o los poderes económicos niegan las decisione sobre nuestros cuerpos y sexualidad
· No estamos en los marcos de incidencia y decisión política
 

NOLA EGIN DEZAKET M8ko GREBAREKIN BAT?
¿Cómo ouedo sumarme a la huelga el 8M?



Norentzat da greba deialdia?
Emakumeak, lesbianak, etorkinak, transak gure aniztasun osoan PLANTO EGINGO DUGU!
Greba feministarako deialdia zabaltzen dugu BASAKERIA HONI EZETZ esateko. Nahikoa da, hitz-jario ustelekin eta ekintzen eskasiarekin nekatuta gaude.
¿A quién va dirigida la huelga?
Las mujeres, lesbianas, migrantes, trans en toda nuestra diversidad NOS PLANTAMOS!
Convocamos una huelga feminista para decir que NO A ESTA BARBARIE. Basta ya, estamos hartas de tanta palabrería y tan poca acción. ¡NOSOTRAS PARAMOS!

Emakume*guztiok daukagu gure lekua egun honetan Zure ekarpena beharrezkoa da
Herri eta hirietako asanblada irekietan zure zain gaude Jarrai gaitzazu:

Todas tenemos nuestro lugar en este día. ¡Tu aportación es necesaria! Te esperamos en las asambleas locales abiertas. Síguenos en:

TWIITER: @M8EuskalHerria
Facebook: M8EuskalHerria m8grebafeminista@gmail.com grebafeminista.wordpress.com

EUSKAL HERRIKO MUGIMENDU FEMINISTA

*‘Emakume’ izendapena erabiliko dugu, martxoaren 8ko greba feministan artikulazio politikorako baliagarria delakoan, nahiz eta genero sistema bitarraz gaindi askotariko gorputz, ibilbide, bizipen, ahalmen eta identitateak bagaren (bollerak, transak…).

*Utilizamos la categoría ‘mujer’, ya que es válida para la articulación política de cara a la huelga feminista del 8 de marzo, aunque, por encima del sistema binario de género, nos reconocemos diversas en nuestros cuerpos, trayectorias, vivencias, capacidades e identidades (bolleras, trans
 

 


EITBko zuzendaritzari autozentsurari behingoz uko egiteko exijitzen diogu

admin
-
0
Iñaki Egaña historialariak idatzitako “Armagabetzea – Euskal Bidea” liburua iragartzeko editorialak prestatutako iragarkia ez emititzea erabaki du EITBk. NAIZ komunikabidearen arabera, EITBko zerbitzu juridikoek zentsuraren arrazoia eduki politikoetan oinarritu du. Halere “EiTBren hedabideetan publizitatea emititzea erregulatzeko arauak” delako txostenaren “printzipio orokorretan” ez da halako arrazoirik esplizitatzen. Zuzendaritzak interpretazio bihurriegia egin du gure iritziz.

Informatiboen manipulazioa eta kontrola salatu izan dugu maiz, baina baita bestelako kontrol eta zentsura kasuak programak, janzkerak, ikurrak… ohitura zaharra bada ere, ez gara ohitzen eta salatzen jarraituko dugu.

EAJk ez du onartzen berak kudeatzen ez duen ekimenik aurrera jotzerik, eta adibide garbiak dira Pariseko martxaren eta bestelako ekimenen arrakastak nola isiltzen eta baztertzen saiatzen ari den. Oraingoan ere bere komunikabide propiotzat duen EITB berriro ere zentsura modu partidistan erabili du.

Hainbatetan auzo-lotsaz ikusi izaten dugu EITBko zuzendaritza parlamentuan azalpenak ematen, konplexuz beteta, Madrilgo gobernutik edota hau ordezkatzen duen ko-lehendakariarengandik etor daitezkeen erreakzioen beldurrez.

EITBko LABek alderdiei eta agintariei euskal jendartearen esanetara egon behar duen komunikabide publikoa bakean uzteko exijitzen diegu gaur ere. Kudeaketa profesionala, objektiboa, gardena eta interes partidistetatik urrun nahi dugu.
 

 

 

“Berriz ere gezurretan ari dira”, diote Edesa Industrial eta Geyser Gastecheko langileek

admin
-
0
“Berriz ere gezurretan ari dira”, diote Edesa Industrial eta Geyser Gastecheko langileek

Elkarretaratze bat egin dute gaur Arrasaten, Modragon Korporazioaren egoitzaren kanpoaldean, Edesa Industrial eta Geyser Gastecheko enpresa komiteek deituta. Aurretik, agerraldi bat egin dute komunikabideen aurrean, hartzekodunen konkurtsoa zein egoeratan dagoen azaldu dute. Hain zuzen ere, baliteke plantilla guztia kaleratzea eta aktibitate industrialarekin amaitzea.

Langileek agerraldian irakurritako adierazpena:

Gaurko prentsaurrekoan, Edesa Industrial eta Geyser Gastech eko langileok bizi dugun egoeraren berri ematera gatoz.

Empresako zuzendaritzak, hau da, CNA CAT ko jabea den Jorge Parladek, Edesarako proiektu industriala alboratu du, eta gainera, badirudi beste proiektu batzuk garatzea ekidin nahi duela; gainera guzti hau administradore konkurtsalaren oniritziaz.

Zuzendaritzak, aktibitateak jarraitzeko beharrezko diren inbertsore berrien sarrera erraztuko zuela adierazi zigun. Hori dela eta, ixiltasuna mantendu dugu kontsulta epea hasi zenetik. Orain, borondate hori erakusteko eskaeraren aurrean, zuzendaritzak uko egin digu. Berriz ere gezurretan ari dira.

Erraza da azaltzen: Fagor zenaren ondorioz abiatu daitekeen edozein proiektu industrial aurrera ateratzea ekidin nahi dute. Fagorreko aktiboak bereganatu eta bailaran enplegua sortu dezakeen enpresa baten etorrera ekidin nahi dute.

Beraien plan bakarra, enplegurik sortuko ez duen plan komertzial baten bitartez, hartzekodunen konkurtsotik irtetzea da. Alternatibarik ez dagoenaren aitzakiapean, enpresara gerturatu diren eta interesatuta dauden inbertsoreak uxatu dituzte. Guzti hau Alfonso Gomez administradorearen adostasunarekin.

Administradore konkurtsalari, aktiboen salmenta onartuz, desindustralizazio honen koplizea ez izatea eskatzen diogu; izan ere, likidazio batean aktibo hauek lanpostuak sortu ditzazke Euskal Herrian.

Basauriko aktiboak saldu nahi dituzte, beste herrialde batetara eramateko eta enpresa desegiteko. Ez dugu hori onartuko.

Enpresak ez baldin badu borondaterik proiektu industrial bat martxan jartzeko, egin dezakeen onena enpresa likidaziora eramatea da. Horrela negozioan interesatuta diren beste enpresa batzuek hartu ahal izango lukete ekoizpen unitateen jabetza. Edesa Industrialeko hartzekodunei, eta, batez ere, Mondragon Korporazioari eta Fagor S.Coop-i, dei egiten diegu, desindustrializazio plan hau ekiditeko ez dezala inongo akordiorik egin.

Jakinarazi nahi dugu Konfort, Linea zuria eta eltzeetarako badirela interesatuak, aktibitate industrialarekin jarraitzea ahalbidetuko luketenak.

Fagorren izaera milaka pertsonen lanaren ondorioa da, eta ezin dugu balio hori galtzen utzi. FAGORrek enplegua sortzearen zerbitzura egon behar du. Gure ustez, CNAk Txinan fabrikatuz eta hemen proiektu industrialik gabe, ez du FAGOR marka erabiltzeko eskubiderik, baina, aldi berean, uste dugu FAGOR S.Coopek marka utzi beharko lukeela, bailaran enplegua sortzeko proiektu industrialari bide emanez, enplegua sortuz eta Euskal Herrian aberastasuna sortuz.

Gogorarazi nahi dugu gainera, MCC taldeak baduela konpromiso bat Edesa eta Fagorrekiko, bazkide izan edo ez. Beraien kolaborazioa eskatzen dugu, proiektu berriak gauzatu ahal izateko, edota lan gabe gelditzen garenon birkokapena bultzatzeko.

Eusko Jaurlaritzaren eta Foru Aldundien inplikazioa eta babesa eskatzen dugu, aktibitate industrialia mantentzen eta enplegua sortzen duten proiektuei languntza eta erreztasunak emanez.

Ez ditugu ahaztu nahi duela hilabete batzuk kaleratuak izan ziren langileak. Bukaeraraino jarraituko dugu kaleratze hauen injustizia salatzen.
 

 

 

Bizkaiko erresidentzietako langileen egoera ez da konpondu hitzarmenaren sinadurarekin

admin
-
0
Bizkaiko erresidentzietako langileen egoera ez da konpondu hitzarmenaren sinadurarekin

Bizkaiko Helduen Egoitzetako hitzarmenaren balorazioa egin dugu gaur, Bilbon egindako agerraldi batean. Era berean, EAEko parlamentuan aurkeztu den helduen egoitzak arautzeko dekretu proposamenari buruz dugun iritzia eman dugu, eta zerbitzu sozialetan martxan jarriko dugun kanpainaren xehetasunak jakinarazi ditugu. Hain zuzen ere, LABeko soziokomunitario sektoreko arduradunek hartu dute hitza, sektoreko delegatuak ondoan zituztela.

Erresidentzietako langileok bizi duten egoera ez da konpondu Bizkaiko hitzarmenaren sinadurarekin. Helduen egoitza hauei irtenbidea ematea premiazkoak da, arazo larri eta errealak izaten jarraitzen bait dituzte.

Egoitza batzuetan greba garaiko langile kopuru berdinarekin jarraitzen dute, jardunaldiak luzatu dituzte, beste batzuetan, txanda aldaketetaz baliatzen dira lan karga gutxitzen den orduetan pertsonal gutxiago ezartzeko, honela lanpostuen murrizketa gauzatuz.

Lan bolumena, pertsonal falta, aldi baterako ezgaitasun luzeak, jardunaldi eta ordutegiak, ratio lege baliogabe bat eta aldundiaren parte hartze faltak, egoitza bizkaitar batean lan egiteak jarduera nekeza bilakatu dute.

Aldundiak ez ditu baldintza pleguak argitaratzen, honek, nahiz eta zerbitzuaren kalitatearen bermatzailea izan, ez du bere betebeharra betetzen, beste alde batera begiratuz. Aldi berean, Eusko Jaurlaritzak, prekarietatea egonkortzen duen ratio lege berri bat prestatzen ari da, ratio kopuru ez nahiko bat inposatuz, publikoa den zerbitzu honen kalitate falta bermatuz. Erresidentzietan langile kopuru egoki bat finkatzeak, zerbitzuaren kalitate egoki bat finkatzea dakar. Pertsona ororen bizitzarentzako funtsezkoa den zerbitzu hau hobetzen, jendarte osoaren bizitza kalitatea hobetuko delarik.

Patronalak, pertsonal gehiago kontratatzeari uko egiten dio, kontratu prekarioak langileon egunerokotasunaren parte bihurtu direlarik, jardunaldi partzialak zein, jai egunetan eta asteburuetan lan egiteak, enplegu duin baterako eskubidea ukatzen digutelarik. Langileon osasuna bermatuko duten erabakiak ez dira hartzen eta atseden gehiago izateko, lan gehiago egin beharra dagoenaren ideia saltzen digute (atseden egun gehiago izateko, jardunaldien luzapena ematen delarik). Lan neketsu batean, eguneroko jardunaldiaren luzapenak soilik alde batengan izango ditu onurak. Patronalaren helburua, onura ekonomiko handiena lortzea da , ahalik eta pertsonal gutxiagorekin, gainontzeko baldintzak kontuan hartu barik.

Dekretuaren zirriborroa, lotsagarria
LAB sindikatutik adierazi nahi dugu, Eusko jaurlaritzak ez duela bete hartutako konpromisoa. Eusko Jaurlaritzak jarrera onartezinak du. Lehenik eta behin, ez du inongo elkarrizketa gune sortu sindikatuekin, ezta sektoreko langileekin. Bestetik, Eusko jaurlaritzak onartezina den helduentzako dekretu baten zirriborroa aurkeztu du. Gure ustez, berriro ere azpimarratzen dugu, dekretu honen zirriborroa lotsagarria da:

-Proposamena ez dago ikerketa batean oinarritua. Beraz ez dago deus sostengatzen duena.
-Gipuzkoaren adibidez duela 10 urte, %50 igoera eman ze aurreko arauketa. Dekretu berri honekin ratioak gutxituko litzateke.
-Gipuzkoako eredua oinarri minimotzat erabili beharko litzateke. Egun ratio altuena baitu.
-Proposatzen den arauketa duela 20 urteko egoerara eramango gaitu.
-Parametro ekonomikoetan oinarritzen da. Arreta zuzenezko orduak ez dira ezta kontutan hartzen.
-Instalazioetan berriak arautzen ditu bakarrik. Gaur egun dauden egoitzen instalazioen arazoak konpondu gabe utziz.
-Zerbitzu sozial guztiak arautzeko hautua egin zen eta ez bakarrik helduen egoitzak. Ze interes enpresarial eta sindikalak egon dira honen atzean?

Gure ustez, egungo eredua goitikan behera aldatu beharra dago. Interes ekonomikoetatik aldentzen den eredu berri batera joan behar gara. Gizartearen oinarrizko eskubideen bermea izan behar dena. Gaur egungo ereduak oinarrizko eskubideak pribatizatu egiten ditu. Erabiltzaile zein langileentzako kalte larriak eragiten ditu, ondorioz, gizarte guztia kaltetuz.

Gainera, feminizatua den sektore honi, behar den aitortza eman behar zaio. Ezin baitugu ahaztu, egungo baldintzak eredu heteropatriarkalaren ondorio zuzena direla. Zaintza lanak betidanik, emakumezkoei inposaturiko lanak izan dira. Eta inoiz behar den aitortza ez zaie eman. Gaur egungo gizartean, garrantzi gehiago ematen zaio 24 orduz kotxeen produkzioei, gizartea zaintzen, baloreetan heziz, pertsonak inkluitzen edo eta gizartea eraldatzen aritzen diren langileei baino.

Beste alde batetik, azpimarratu behar dugu, lan osasuna ez dela babesten. Industriatik eratorritako eredua egokitu zaigu. Premiazkoa da egoera hau ere iraultzea. Prebentzio eta lan osasunaren egokitu behar da.

Lan osasunaren ikuspegitik, sektorea hankaz gora dago. Arrisku psikosozialak ikaragarriak dira. Lan karga ikaragarriak dira, lan erritmoak ikaragarriak dira, eraso fisiko eta psikologiko latzak daude. Egungo ereduak kalte oso larriak sortzen ditu sektorean aritzen diren langileen lan osasunean.

Oinarrizko eskubideen pribatizazioa
Guzti honekin adierazi nahi dugu, Eusko Jaurlaritzan hainbeste urtetan agintzen egon direnek PNV/PSE/PP, oinarrizko eskubideen pribatizazioa ekarri dutela. Beraien eta beraien lagunen arteko negozio erraldoiak sortuz. Guztion dirua, diru publikoa esku pribatuetara bideratuz, inongo kontrolik gabe. Ez dute inongo borondaterik ongizate estatua bermatzen duten zerbitzu sozialak eredu ekonomikoetatik aldentzen den beste eredu batean kokatzeko. Dirua, interesatzen zaien gauza bakarra da.

Beraz, hau guztia eraldatzeko, LAB sindikatutik, zerbitzu sozialetan lanean aritzen diren langileei ahalduntze eta aktibaziora deitzen ditugu. Bide honetatik bakarrik eraldaketa etorriko baita.

 

 

 

Gogora ekarriko dugu berriro 1976ko martxoaren 3ko sarraskia

admin
-
0
Gogora ekarriko dugu berriro 1976ko martxoaren 3ko sarraskia

LAB, ELA, ESK eta Steilas sindikatuok eta Martxoaren 3ko elkarteak agerraldi bat egin dugu gaur Gasteizen, martxoaren 3ari begira egingo ditugun ekimenen berri emateko, martxoaren 8ko greba feministarekin bat egiteaz gain. Hain zuzen ere, 18:30ean, omenaldi bat egingo dugu data esanguratsu horren izen bereko plazan, eta, 19:00etan, manifestazio bat irtengo da bertatik; hau guztia, poliziak 1976an hildako eta zauritutako langileen oroimenez. Goizean, berriz, LABek bere ekimen propioa egingo du Gasteizen eta, 10:30ean, batzar ireki bat antolatuko du Martxoaren 3ko plazan bertan.


 

 

 

Foster’s Hollywoodek zortzi langile modu txarrean kaleratu izana salatu dugu

admin
-
0
Foster’s Hollywoodek zortzi langile modu txarrean kaleratu izana salatu dugu

Bilboko Gran Via 68ko jatetxearen aurrean elkarretaratze bat egin dugu, eta Bilboko gazte prekarioen asanblada den Eragin taldearen babesa jaso du protestak.

Foster’s Hollywood jatetxe kateak zortzi langile kaleratu zituen Bilboko Bidebarrieta kalean duen lantokitik. Gainera, modu txarrean aritu da enpresa, errespetuaren, duintasunaren eta begirunearen marra gorriak gaindituz. Izan ere, sukaldean jarritako ohar baten bidez jakinarazi zien langileei kaleratuta zeudela, urtarrilean.

Orain kaleratuak izan diren langileek prekarietatearen aurpegirik krudelena pairatu dute euren buruetan:

– Zor zaiena ez zaie ordaintzen
– Tratu umiliagarriri eta apalesgarriak jaso.
– 40 ordu baino gehiagoko jardunaldiak bete, kontratu partzialak izanda.
– Ohiko lanak bete dituzte aldi baterako kontratuekin.
– Betetzen dituzten funtzioetatik beheragoko Kategoria Profesionalaren aitortza.
– Azken kontratuarekin lotutako antzinakotasuna.
– Langileak zenbat eta hizkuntzaren eta eskubideen inguruko ezjakintasun handiagoa izan, harrokeria handiagoz jokatu du enpresak.

Enplegu duinaren aldeko eta prekarietatearen aurkako borrokan, langile antolaketa eta mobilizazioaren aldeko borrokari eutsiko dio LABek.
 

 

 

Auzitegi Gorenaren Cabieces kasuko sententzia ezagututa, bere poza adierazi du Herri Akusazioak

admin
-
0
Auzitegi Gorenaren Cabieces kasuko sententzia ezagututa, bere poza adierazi du Herri Akusazioak

Kutxabank kasuko akusazioa osatzen dugun eragileok (LAB, ESK, Steilas, EHNE, Hiru, EKA eta Euskal Herriko Pentsiodunen Plataformak) prentsaurreko bat eskaini dugu gaur, Bilbon, auziaren azken erabaki juridikoak baloratzeko.

Pasa den asteko asteartean, Cabieces – Kutxabank auziko Auzitegi Gorenaren sententzia ezagutu genuen, sententzia honek, Mikel Cabieces, Rafael Alkorta eta Mario Fernandezek aurkezturiko EAEko Auzitegi Nagusiko sententzio zigortzailearen aurkako kasazio errekurtsoak gaitzesten ditu.

Sententziak, demandanteek aurkezturiko alegazio guztiak gaitzesten ditu, eta Mario Fernandez, Rafael Alkorta eta Mikel Cabiecesn bidegabeko jabetzea zigortzen dituen Auzitegi Nagusiaren sententzia berrestera dator.

Kasu honetan, eta fiskaltzaren eskaera asumituz, zeinetara Herri Akusazio hau gehitu zen, sententziak, hasierako zigorrari, Mario Fernandezen inhabilitazioa Merkataritza Sozietatako administrazio kontseiluetan eta askatasuna kendua duen sasoian komertzio jardunetan aritzeko ezintasuna gehitzen zaio. Bai eta, kasazio errekurtso honek sorturiko kostuak ordaintzera ere, inpugnaturiko sententziaren gainontzeko guztiak mantenduz.

Sententzia honetan, Auzitegi Gorenak, berriz ere Herri Akusazio honi arrazoia ematen digu. Zigortuek, bidegabeko jabetzearen delitua egin zuten, horren helburua, Mikel Cabiecesek Entitatearentzat inolako lanik bete gabe, hilean 5.000 euro baino gehiago kobratzea zen.

Herri akusazio honentzat, harrigarriena da delitu hau burutu zutenentzat, eta beraien defentsentzat, egindakoa normalena eta ohikoena izatea dela da, eta ondorioz, beraien aktibitatea penalki zigortezina izatea da.

Zigorturiko pertsona hauen egiteko moduak, argi uzten digu pribatizazio prozesuetan, eta Kutxabanken pribatizazio prozesuan zehazki, mesede tratuak beharrezkoak zirela, eta bultzada politikoak behar direla horrelakoak aurrera ateratzeko sententzian jasotzen den bezala.

Berriz ere berresten dugu, iruzur erraldoi baten aurrean gaudela. Iruzur hori posible izateko, delitu hauek beharrezkoak zirela bultzada politikoarekin batera. Iruzur hori urteetan aurreztaileak izan garen eta gure konfidantza Euskal Kutxetan jarri dugunon aurkakoa dela, Kutxa horien izaera publikoa gaur pribatizatua dagoelako, eta guri horren gaineko inongo kontrolik gabe uzten gaituztelako.

Funts publikoak beraien interesetarako erabili zituzten pertsona hauen aurkako zigorra, Herri Akusazio bezala aurkeztea erabaki genuen eragile sozial eta sindikaloi eskerrak izan da posible. Gure parte hartze aktibo gabe, frogak eta lekukoak eskatuz, gaurko sententzia zigortzailea ez litzateke posible izango.

Mario Fernandezen adierazpenak entzun ditugu Repsoleko administrazio kotseiluko bokal kargutik bere dimisioa aurkeztu duela esanez, bere borondate propioz egin izan balu bezala esaten du gainera, eta bere kondenaren inhabilitazio aginduarekin zerikusirik izango ez balu bezala. Gure ustez, kostatu zaio dimititzea, eta ez luke izendatze hori sekula ere onartu behar izango.

Herri Akusazio hau oso pozik gaude burutu dugun lan juridikoarekin, egin dugun salaketa politikoarekin, eta orokorrean gure ibilbidearekin. Iruzur hau azaleratzeko beharrezkoak izan gara, eta iruzurra egin duten autore materialak zigortzea lortu dugu. Sententzia hau eskutan dugula, arduradun politikoei interpelatzen diegu, aurpegia eman dezatela, eta beraien ardurak asumitu ditzatela.

 

 

 

Euskal Herriko Eskubide Sozialen Kartak asanbladan landu ditu 2018ko erronkak: Herri Ekimen Legegilea eta Alternatiben Herria

admin
-
0
Euskal Herriko Eskubide Sozialen Kartak asanbladan landu ditu 2018ko erronkak: Herri Ekimen Legegilea eta Alternatiben Herria

Euskal Herriko Eskubide Sozialen Kartak bere 11. asanblada egin du Eibarren. Bertan elkartu diren sindikatu eta gizarte eragileetako ordezkariek iragan urtean egindakoaren balorazioa egin eta 2018rako lan-ildo nagusiak eztabaidatu dituzte. Erronka horien artean bi dira aipagarriak.

Erronken artean lehena datozen hilabeteetan pobreziaren eta bazterketa sozialaren kontra garatuko den Herri Ekimen Legegilea. Ekimen herritar honen helburua kalitatezko sistema publiko soziala lortzea da.

Bigarrena ekainaren 2an Iruñean egingo den Alternatiben Herria da. 2015eko urrian Bilbon egindako ekitaldiaren arrakastaren ostean orain Nafarroako hiriburuak hartuko du lekukoa.

Sortu berri den “Natura gure ardura” lan taldearen plangintzaren berri ere eman da eta 2017ko diru-kontuen errepasoa egin da.

Amaiatzeko, martxoaren 8ko greba feministarekin bat egin du Kartaren asanbladak (M8 Emakumeok* planto) eta deia egin da egun horretan herri eta auzoetan egingo diren mobilizazioetan parte hartzera.
 

 

 
1...811812813...1,585Page 812 of 1,585

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus