2026-01-21
Blog Page 779

Borrokari esker akordioa lortu dugu EAEko irakasleen mahai sektorialean

admin
-
0
Borrokari esker akordioa lortu dugu EAEko irakasleen mahai sektorialean

Gure afiliatuek ontzat eman eta berretsi egin duten akordioak bi garaipen dakartza: alde batetik, azken urteotako murrizka latzei buelta ematen hastea; bestaldetik, lan hitzarmen berria garatzeko abiapuntu sendoa.

Lehenik eta behin, LAB sindikatuak zoriondu egin nahi ditu azken urteotan Hezkuntza Publikoa eta lan baldintzak hobetzearen aldeko mobilizazioetan parte hartu duten langile guztiak eta, bereziki, LABeko afiliatuak.

Irakasleok burututako elkarretaratze, asanblada, mobilizazio eta greba guztiek ekarri dute lortu dugun akordioa. Kalean ez ezik mahai negoziatzaileetan eta Hezkuntza Sailarekin zuzenean izandako bileretan ere borrokatu dugu.

Gure afiliatuek ontzat eman eta berretsi egin duten akordioak bi garaipen dakartza: alde batetik, azken urteotako murrizka latzei buelta ematen hastea; bestaldetik, lan hitzarmen berria garatzeko abiapuntu sendoa.

LABek argi izan du beti borroka ezinbesteko tresna dela helburuak lortzeko eta irakasleon kolektiboan ere, Hezkuntzako laboralen kolektiboetan bezala, bere emaitzak eman ditu.

Euskal eskola publiko komunitarioaren bidean, hezkuntza burujabea iruten!

Hauek dira lorpenak:

18-19 ikasturte hasieratik

-Ordezkapen guztiak lehen egunetik

-Baja egoera guztietan %100eko soldata

-Karrerako funtzionarioek irakastorduen 1/3eko murrizketa 60 urtetik gora. Ordezkapenarekin. Behin behinekoen kasuan, bihartik aurrera eta 6 hilabeteko epean negoziatuko da zein baldintzetan aplikatuko den.

-LEP deialdia: 1.800 lanpostu maisu-maistren kidegoan eta 95 irakaskuntza espezializatuetan (hizkuntz eskolak, musika kontserbatorioak, …)

-Haur eta Lehen Hezkuntzako zerrendak ireki eta irekita mantendu (2020rako zerrenda guztiak irekita)

-Seme-alabak zaintzeko eszedentzia behin behineko irakasleek, funtzionario karreradunen termino eta baldintza berberetan aplikatuko zaie, ikasturte osoko plaza betetzen ari badira

-Bateragarritasuna: Jardunaldi partzialak beste lanpostu batekin osatzeko aukera egongo da.

-Irakasle gehigarriak behar gehien dagoen zentroetan:
• Haur Hezkuntzan: 3 urteko geletan, gela guztien bataz besteko ratioa 20tik gorakoa denean.

1-2 talde: irakasle erdia
3-4 talde: irakasle 1
5etik gora: Irakasle 1 eta erdi

• Lehen Hezkuntzan: Hezkuntza Beharren Indizearen (HBI) arabera
Indize oso altuko ikastetxeetan (gaur egun 41 ikastetxe) irakasle 1 lerroko. Indize altuko ikastetxeetan (gaur egun 83 ikastetxe) irakasle erdia lerroko.
• Bigarren Hezkuntzan: HBIren arabera irakasle gehigarriak gai tronkalak bikoizteko 1. eta 2. mailetan indize oso altuko ikastexeetan (21 ikastetxe)
• Lanbide Heziketan
Euskalduntze plana: 78 lanpostu gehiago 2020 urtera bitartean

19-20 ikasturtean

-LEP deialdia: Bigarren Hezkuntzan eta Lanbide Heziketa irakasle teknikoak 850 lanpostu inguru.

-Irakasle gehigarriak Bigarren Hezkuntzako 3. eta 4. mailetan Hezkuntza Beharren Indizearen (HBI) arabera

Mahai teknikoetan sindikatuekin adosteko

-Langileen eta zentroetako plantillen egonkortasuna:
• Kontsolidazio prozesuak egiteko aukera aztertu unean indarrean dagoen araudiak horretarako utz dezakeen edozein zirrikitu baliatzeko asmoarekin
• Oposizio eredua (nota gordetzea, azterketa mota, …)
• Bitartekoen kontratazio eredua aldatzea (LEP artekoak,…)
• LEP eta lekualdatze prozesuen maiztasuna berraztertzea

-Hezkuntza Beharren Indizearen aplikazioa eta baliabide gehigarrien azterketa

-Administrazio-langileak ezartzea HH eta LHko ikastetxeetan

-Ikasle errepikatzaileak ratioetan zenbatzeko prozedura zehaztu

-Baliabide gehigarriak: Premia plana, liburutegien arreta, psikologoak, aholkulariak, euskara indartzeko irakasleak, etab. Baliabide gehigarri hauen inguruko mahai teknikoa garatzea

-Ordezkoen zerrendak: zonaldekako sistema eta kudeaketa telematikoa aztertu. Kandidatoen agindu berria landu
 

 

 

Lanuzteak egingo ditugu Bizkaiko Esku Hartze Sozialeko hitzarmenaren defentsan

admin
-
0
Lanuzteak egingo ditugu Bizkaiko Esku Hartze Sozialeko hitzarmenaren defentsan

Maiatzaren 16rako deitu ditugu LAB, CCOO, ESK eta UGT sindikatuok, 10:00tik 13:00etara eta 15:00etik 18:00etara.

CCOO, LAB, ESK eta UGT sindikatuok, Sektorean gehiengo ordezkaritza izanik, Bizkaiko Es- ku-hartze Sozialeko beharginak deitzen ditugu Hitzarmen Kolektiboa babestearren egingo den laugarren mobilizazioan parte hartzera, lan baldintzak nabarmenki hobetu daitezela eskatuz. Ora- ingoan, txanda bakoitzeko, hiru ordutako lanuztea deitu dugu: goizeko txandetan lan egiten dute- nei, 10:00etatik 13:00ak arte, eta arratsaldez lan egiten dutenei, 15:00etatik 18:00ak arte. Lanaldi zatitua betetzen dutenek lanuztearekin bat egin lezakete, bietako ordutegi batean, lanuztea eginez.

Gogorarazi nahi dugu aurkeztu genuen proposamenaren helburua Gipuzkoako hitzarmen kolekti- boan jasotzen diren baldintzekin parekatzea zela, Gizarte Zerbitzuetako Euskal Sistemaren funt- sean, EAEko esparruan, zerbitzuak eta prestazioa homogeneizatzea delako.

Deigarria egiten zaigu, GIZARDATZek eta GEROANek interpelatzen gaituzten bitartean, autonomia esparruko negoziazio-mahaia zabaltzera, Bizkaian aurkeztu diguten proposamen berrian aurrekoa kaskartzen digutela, eta era berean, berriki sinatu dutelako Arabako Hitzarmen Kolektiboa, solda- tei dagokienez, funtsezko hobekuntzak dituena. Horren ondorioz, Bizkaiko Hitzarmen Kolektiboa azken postuan zokoratu da.

Negoziazioan salatu genuen arazoa ez datzala sindikatuen jarreran, patronalak erakundeekiko agertu jarreran baizik, Bizkaiko Aldundiarekiko jarreran bereziki, hura delako titular nagusia eta zer- bitzuen nantzatzailea, eta kudeaketa pribatuko esku-hartze sozialeko zerbitzuen eredu baten alde egin duelako, izaera asistentzialista handia duena eta lan baldintzen kaskartzea dakarrena.

Bizkaiko Esku-hartze Sozialaren esparruan diharduten beharginen baldintzetan “prekarietate fak- tore” handiak ematen dira oraindik, soldatak txikiagoak dira, eros ahalmena galdu da, behin-behi- nekotasuna, lan-zama, ratio eskasak, lan arriskuak jasaten ditugu,…
Gainera, beharginentzat berme urriak dituen kudeaketa pribatuko eredu honen ondorioz behar- ginen artean nkatu den zalantza salatzen dugu, hitzarmen kolektibo bakoitzak indarra galtzean larriagotzen dena.

Jakinarazten dugu soldatei, lanaldiari eta indarraldiari buruzko proposamen berria igorriko diegula GIZARDATZ eta GEROAN patronalei, baita ALDUNDIARI eta talde-batzarkideei ere, haien jarrera birpentsa dezaten eta Erakundeen aurrean babes ditzaten; sektorearen egoera zertan den azaldu genien eta deitu genituen gatazka honen konponbidean nahas zitezen.

Behargin moduan antolatzeko eta mobilizatzeko daukagun gaitasunean oinarrituz bakarrik lortuko dugu egoera irault- zea. Behargin oro deitzen dugu mezu hau eta aldarrikatzen dugun plataforma zabaltzera, 3 ordutako lanuztearekin bat egitera eta ondorengo mobilizazioetan parte hartzera:

• Lantoki guztietan elkartzera 11:00etatik aurrera.
• Aldundiaren Ekintza Sozialeko Departamentuaren aurrean bilkura zalapartatsua egitera (Nikolas Alkorta 4).
• Bilboko udaletxetik abiatuta, Bizkaiko Aldundiaren Foru Jauregiraino iritsiko den manifestazioan parte hartzera, 17:30etan.
 

 

 

Lan heriotzak salatu dituzte Leioan

admin
-
0
Lan heriotzak salatu dituzte Leioan

DHLko langileek protesta egin dute, ostiralean hildako lankidea gogoratzeko.

Joan den ostiralean, 58 urteko langile bat hil zen Leioan lanera zihoala, kotxe istripu baten ondorioz. Lankidearen istripu hilgarriaren aurrean, DHLko langileek elkarretaratzeak deitu dituzte gaurko, goiz eta arratsalderako, Leioan bertan, enpresaren aurrean.
 

 

 

“Borrokak kalera atera behar ditugu, emakumeak edo pentsiodunak egiten ari diren moduan”

admin
-
0
“Borrokak kalera atera behar ditugu, emakumeak edo pentsiodunak egiten ari diren moduan”

LABek langileak deitu ditu maiatzaren 30ean estatalizazioaren kontra antolatutako mobilizazio eta lanuztearekin bat egiteko.

LABek maiatzaren 30ean hitzarmenen estatalizazioaren aurka eta Lan Harremanen eta Babes Sozialerako Euskal Esparruaren defentsan deitu dituen lanuzteak erregistratu ditu gaur Bilbon, Eusko Jaurlaritzaren egoitzan. Hain zuzen ere, mobilizazio orokorra egiteko eguna izango da maiatzaren 30a, eta, langileen parte hartzea ahalbidetzeko, bi orduko lanuzteak deitu ditu sindikatuak.

LABeko Ekintza Sindikaleko eta Negoziazio Kolektiboko idazkari Xabier Ugartemendiaren hitzetan, “langileon garaia da. Lan zentru eta sektoreetan egiten ari garen borrokak kalera atera behar ditugu, emakumeak edo pentsiodunak egiten ari diren moduan. Langileei dei egiten diegu maitzaren 30eko mobilizazio eta lanuztearekin bat egiteko, prekarizazio eta estatalizazioaren kontra eta Lan Harremanetarako eta Babes Sozialerako Euskal Esparruaren alde”.

Ugartemendiaren hitzetan, “Euskal Herrian lan egiten dugu, eta berton nahi dugu gure lan baldintzak erabaki. Inboluzio politiko eta soziala pairatzen ari gara, eta patronalak eta botere politikoen arteko aliantzak lan baldintza prekarioak inposatu nahi dizkigute. Estatalizazio estrategia aurrera eraman nahi dute horregatik, eta zentralizazioa, blokeoa, negoziazio eremu berriak ez irekitzea eta aurrekontuen legeak baliatzen dituzte horretarako”.

Honek guztiak euskal langileentzat ondorio larriak dituela nabarmendu du LABeko ordezkariak: “Estatuko lan baldintzak inposatzen ari zaizkigu. Gero eta prekarioagoak gara, eta gure erabakitzeko eskubidea ukatu nahi digute”.

Maiatzaren 30eko mobilizazio egunaren harira, LAB hasi da federazioz federazio, eskualdez eskualde, batzarrak egiten egun horretan erantzun sendo bat emateko helburuarekin.

 

 

 

Jaiegunetan Merkataritza saltokietan erostearen aurkako BIZI EGUNA

admin
-
0

LAB sindikatuaren Bizi Eguna Iruñean izan da. Besta eta aldarrikapen egun horretan karrikara atera gara, saltokiak jaiegunetan irekitzearen kontra eta kontsumorik gabeko aisia posible dela erakusteko.

Merkataritzan igandeetan edo jaiegunetan lan egitearen aurkako borroka LAB sindikatuaren lan ildo historikoa izan da. Langileek kontziliazio pertsonala edo familiarra izateko eskubidea aldarrikatzen dugu, eta txikizkako merkataritzan zein bertze sektore batzuetan enplegua suntsitzearen aurkako jarrera dugu, bai eta inposatzen dizkiguten hiri eta kontsumo ereduen kontrakoa ere. Merkataritza Espainiako Estatuaren esku-sartzerik gabe arautzearen alde gaude, eta kontsumo kapitalistaren zirimolatik at bizitzeko eskubidea exijitzen dugu.
 

 

 

Lan baldintza kaskarrak dira lana modu seguru eta duinean egitea oztopatzen dutenak

admin
-
0
Lan baldintza kaskarrak dira lana modu seguru eta duinean egitea oztopatzen dutenak

Gaur, maiatzak 11, goizeko 5:30etan, 58 urteko langile bat hil da Leioan lanera zihoala kotxe istripu baten ondorioz.

Lehenik eta behin, LAB sindikatutik gure elkartasun eta babes osoa helarazi nahi diegu hildako langilearen senide, lagun zein lankideei .

Heriotza honekin, gutxienez 20 langile dira lan istripuz edo istripuen ondorioz hil direnak urtea hasieratik Euskal Herrian.

Istripu honen eta gainontzeko istripu guztien atzean prekarietatea dago, lan eta bizi-baldintza kaskarrak. Askotan lantegien kokapenak eta lanera sartzeko orduek ezinezkoa egiten dute garraio publikoaren erabilera eta lanetik joan eta etortzeko kotxea erabili behar da. Horrek kasu honetan bezala asko handitzen du “in itinere“ edo “lanerako bidean” istripua izateko. Baina lantegietan , arriskua egonda ere ez dira lanean ari diren enpresa ezberdinak koordinatzen. Gaurkoan bezala, enpresa nagusia UNILEVER zen, azpikontrata DHL eta hildako langileak RANSTAD ABLEan lan egiten zuen.

Lan baldintza kaskarrak dira lana modu seguru eta duinean egitea oztopatzen dutenak.

Astelehenean, lankidearen istripu hilgarriaren aurrean, DHLko langileek ordu erdiko kontzentrazioak egingo dituzte goiz (09:30-10:00) eta arratsaldez (17:30-18:00) erantzuteko dituzte enpresaren aurrean Leioako Felipe del Rio kalean z/g .
 

 

 

Zigortu diren cateringeko enpresak kontratatzea debekatzea eskatzen diogu administrazioari

admin
-
0
2003-2015 urteetan, Lehiaren Euskal Agentziak egindako ikerketan aztertu den aldian, nahiko zantzu antzeman dira enpresen artean prezioak finkatzeko adostasuna eman zela esateko. 12 urteko aldi horrek ekarri duen urteko gainkostua, gutxienez, urteko 7.000.000 eurotakoa izan da.

Horrek eragin du senideek eta langileek iruzur horri, modu batean zein bestean, aurre egin behar izan diotela, zerbitzuaren kalitatea, elikagaien kalitatea eta lan-baldintzak kaltetu dira.

Bai, aurre egin behar izan diote egoera horri, nahiz eta Lehiaren Euskal Agentziak aipatu gainkostua administrazioaren alderdiari dagokion %35ean izan dela eta ez senideei dagokien alderdian, gogorarazi behar dugu %35a hori diru-publikoa dela, eta hortaz, guztiona den diruaz ari garela.

Esleitzeko sistema honek, puntuazioaren %40a langileen kostearen arabera zehazten duenak, laneko gatazkak sortarazten ditu, 2011n sinatu zen hitzarmenean islatu zen bezala,41egunetako greba egin ostean.

Kalitateko lan baldintzak doitzearen eta urritzearen ondorioz jazo zen lan-gatazka. Lanaldi duinak, kalitateko heziketa (gaur egun, urtean 6 ordutakoa izanik), benetako euskalduntzea, hori guztia hutsala da, negozio egitea helburu duen eredu honetan.

Urtez urte murrizketak jasaten ari gara, eta hauei gehitu behar dizkiegu egungo negoziazioetan berriro proposatzen ari direnak. Langileen orduko prezioaren murrizketa berriro ordainduko dugu beharginok. Ohartarazi nahi dugu, horrek berriro sortuko duela gatazka giroa, azken finean, kalitateko zerbitzu publikoari eragingo diona.

Egoera hau gure seme-alaben elikadura eta zaintza enkantera atera izatearen ondorioa da, enpresa batzuk horrekin negozio egin izanaren ondorio; enpresok Auzitegi Nagusiak, lehen instantzian, eta Auzitegi Gorenak, bigarren instantzian, zigortu zituzten, eskuduntzen legearen oso arau-hauste larritzat joz, beraien akziodunen patrikak loditzen jarraituko zutela adosteagatik.

LABek administrazioari eskatzen dio honek eragin dio edozein sailek (Ogasuna, Hezkuntza, Administrazioa eta Zerbitzuak) artikula dezala kontratazio publikoaren legeak duen 60. artikulua eta debeka dezala enpresa hauek kontratatzea, aurreikusi den lizitazio berrian. Eta honetaz gain, eta eska dezala lapurtutako dirua. Horrek, Eusko Jaurlaritzaren eta enpresa delitugile horien arteko ekintzen bereizketa argian sinesten lagunduko luke.
 

 

 

Lan heriotzen atzean dauden lan baldintza prekarioak salatu ditugu Orion

admin
-
0
Lan heriotzen atzean dauden lan baldintza prekarioak salatu ditugu Orion

Maiatzaren 8an, langile bat hil zen lanean, Kantabriako uretan. Dagoeneko, 2018an Euskal Herrian gutxienez 19 langile hil dira euren lanpostuetan, euretako bi arrantza sektorean. Egoera honen aurrean, eta heriotzak sortzen dituzten lan baldintzen atzean dagoen prekarietatea gainditzea aldarrikatzeko, LAB, ELA, ESK, STEILAS, EHNE eta HIRU sindikatuok elkarretaratze bat egin dugu gaur, Orioko Herriko Plazan.
 

 

 

Soilik mobilizazioaren bidez lortuko dugu Gipuzkoako eraikuntzako akordio on bat

admin
-
0
Gaur, maiatzak 10, egin da mahai negoziatzaileko bilera berria eta aurreikuspenik okerrena bete da. Adegik ez du inolako proposamenik ekarri eta gainera berearen aurkezpena sindikatuon proposamenak bertan behera uztera baldintzatzen ahalegindu da.

Arduragabekeria eta lotsagabekeria iruditzen zaigu eta mobilizazioaren beharrean berresten gaitu akordio ona lortu nahi badugu. Beharrezkoa ikusten dugu greba aurrera egiteko. Datorren maiatzaren 16an ez badago Adegiren 180 gradotako aldaketa bat, LABek gainontzeko sindikatuak interpelatuko ditu sektoreko greba eta mobilizazioei ekiteko.
 

 

 
1...778779780...1,586Page 779 of 1,586

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus