Erandioko Sanitas Loramendi egoitzako langileek hilabete daramate greban, lan baldintza duinen alde. Beren borroka Nafarroara ekarri dute gaur, eta ordubeteko bi elkarretaratze egin dituzte Sanitasek dituen bi egoitzaren aitzinean, Lizarran eta Iruñean. Astelehenean Barakaldon izan ziren, Sanitas taldearen beste egoitza baten aurrean protesta egiten.
Hainbat eragilek bat egin dute gaur Oreretan, Oiartzun ibaian larunbatean egingo duten ekintza aurkezteko. Errefuxiatuen aldeko ekimena 17:00etan izango da, Oreretan bertan.
Hauxe da gaurko agerraldian irakurri duten adierazpena:
EUSKAL HERRIA, ATERPE LURRA
IAZ, Atlantikaldia jaiaren baitan Errenteria-Oreretan bizi diren jatorri desberdineko herritar eta komunitateen aniztasun kulturalak baduela lekua gurean aldarrikatzeko eta, bide batez, Atlantikoa eta Mediterraneoa bat egiteko asmoz, Oiartzun ibaian BUSTITZEA erabaki genuen.
AURTEN, HERRIEN ASTEAN txertatuz, Euskal Herria, eta bereziki Oarso-Bidasoa, zeharkatzen duten migratzaileen arazoa azpimarratu nahi dugu, Oiartzun ibaian egingo dugun ekintzaren bitartez.
Izan ere, Euskal herria eta, bereziki, gure eskualdea muga eremua denez, merkantzia eta pertsonen igaro bidea da. Begi bistakoa da azken hilabeteotan pertsona gehiago igarotzen ari dela mugarantz; baina, sistematikoki, polizia frantsesak afrikar beltzei kontrol arrazistak ezartzen dizkie, honantz itzul araziz. Horren ondorioz pertsona horiek Irungo aldean geratzen dira blokeaturik, jarraitzeko aukerak topatu arte.
Horrek guztiak, migrazio gaietan dena delako erantzukizuna duten instituzioak, arretatsuagoak eta eraginkorragoak izatera bultzatu beharko lituzke, harrera azpiegiturak egokituz. Baina, zoritxarrez, usu ez da horrela gertatzen, eta pertsona horietako asko, larri eta behar gorrian geratzen dira, inongo babesik gabe.
Horrez gainera, zenbait komunikabidek konpondu baino, larritu egiten du egoera, emigranteen inbasioa eta uholdearen diskurtsoa eraikiz, alarma eta beldurra elikatuz, antsietate soziala sustatuz, migrazio kontrol polizial arrazistak justifika eta aplika daitezen: beroan egindako kanporaketak, erreskateen ukatzea, teknologia militar gero eta sofistikatuagoaren erabilpena barne kanpo mugetan, pertsonak atzeman eta geldiarazteko. Diskurtso eta eraikuntza sozial horrek, emigranteak ilegalak, mehatxua diren kriminalak edo salbatu ezin ditugun biktimak bihur arazten ditu.
Egoera horri aurre egiteko, Uztailean, Donostia eta Irunen Harrera Sarea sortu zen, Frantziara bidean diren migratzaile jarioari erantzuna emateko.
Hori da bidea, behar larriei erantzuten zaion aldi berean, instituzioei zer egin behar duten erakutsiz.
Akordioa lortu nahi dute soldata eta aparteko orduen inguruan, eta gehiegizko klausulak ezabatzea.
Pandako langileek kontzentrazioa egin dute gaur enpresak Bilboko Miribillan duen egoitzaren aurrean.
Salatu dute krisialdiak iraun duen urte luzeetan Pandako langileei lana, ahalegina, profesionaltasuna, lanordu gehiago eta sakrifizioak exijitu dizkietela. Enpresak trukean eman diena urteetako soldata izozteak, aintzinatasuna eta maila aldaketagatiko hitzarmenaren igoerak kitatu eta xurgatzeko gehiegizko klausulak, eta estatuko hitzarmena ezartzeko saiakerak izan dira. Hau ezarrita, %30ean egingo lukete behera soldatek.
Bien bitartean, gora doaz enpresaren irabaziak. 2017an %16 handitu ziren salmentak eta 2018 are kopuru hobeagoekin amaituko du.
Langileek salatu dute enpresak uko egiten diola soldaten inguruan ezer negoziatzeari eta egungo lan-baldintzak hobetzeari. Gainera, ezetz esaten dio aparteko orduen politika ordaindu behar dela adosteari. Aurrekoa gutxi balitz, zuzendaritza ez da langileez fidatzen eta kontrolerako beharrezko ez diren neurri murriztaileak ezarri ditu.
Elkarrekin jarduteko deia egin diete langileei, euren lan-baldintzak eta soldatak hobetzeko helburuarekin.
Datorren asteazkenean ere, azaroaren 28an, leku berean mobilizatuko dira, 11:30etik aurrera.
Harro egoteko moduko emaitza lortu dugu, Michelingo langileak eskertu nahi ditugu emandako babesarengatik eta bide beretik lanean jarraituko dugula berretsi.
Hauek izan dira emaitzak:
Osakidetzak aurkeztutako zirriborroaren balorazioa egin dugu. Langileak banatu nahi dituen proposamen dela uste dugu, aldarrikapenak eta protestak indargabetzeko. Horregatik, aldarrikapenak lortu arte, borrokan jarraituko dugu.
Osakidetzak aurkeztutako zirriborroaren Emergentzietako LABen irakurketa:
1) Osakidetzaren puntu nagusien balorazioa
• EMERGENTZIETAKO BIZI EUSKARRI AURRERATUKO OSAGARRIA
Osakidetzari eginiko eskarian, bi osagarri bereizten dira:
1: Emergetzietako Osagarria: Emergetzietako langile GUZTIENTZAKO osagarria. Ospitalizazioko osagarriaren baliokidea.
2: Arriskuagatiko /penagarritasunagatiko osagarria: Kalearekin kontaktua duten langileentzat.
Osakidetzak ez du bat ere jasotzen.
• EMERGENTZIETAKO KOORDINAZIO ZENTRUKO ERIZAINENTZAko OSAGARRIA
Eskaria hauxe da: Koordinazioko eta erantzukizunagatiko osagarria, oraindik aitortuta ez daukaten langile guztientzat. Manutentzioa, ordutegia eta deskantsua.
Era positiboan baloratzen dugu erizainaren erantzunkizuna aintzat hartu izana.
Beste alde batetik, eskariaren bigarren aldea ez dute kontutan hartzen. Honek, koordinazioko langile guztioi eragiten digu. Oinarrizko eskubideak direla uste dugu.
• EMERGENTZIETAKO BIZI EUSKARRI AURRERATUKO LANGILE ETA KOORDINAZIO ZENTRUKO MEDIKU ETA ERIZAINENTZAKO SOLAPEA
Era positiboan baloratzen dugu solapea aitortua eta ordaindua izatea.
Baina zirriborroan agertzen den bezela: “Se requiere, en primer lugar, que se trate de personal sujeto a turnos rotatorios”, kontzeptu honen baitan, koordinazio zentruko administrariak ere sartzen dira.
Solapea aitortua den arren, osatu gabekoa da.
• IZENDAPEN EGONKOR ETA MALGUA
LABek kontratu mota honi buruzko irakurketa kritikoa egin zuen Osakidetzak martxan jarri zuenean. Kontratu mota honek egonkortasuna hobetzen du zertxobait, baina lan baldintzak kaskartu egiten ditu, oinarrizko eskubideak gauzapena Zuzendaritzaren beharren arabera gauzatzea dakarrelako. Kontratuetan langile guztientzako egonkortasuna eskatzen dugu, eta lan eskubide guztiak errespetatuak izatea.
• EMERGENTZIETAKO POU (Prebentzioko Oinarrizko Unitatea)
Aintzinako eskaria da, Emergetzietako kasuistika berezia da eta zerbitzuaren berezitasunak ondo ezagutzen dituen unitatea falta da. Era positiboan baloratzen dugu Emergentzietarako bakarrik izango den unitate honen ezarpena.
2) Balorazio orokorra
Bada urte bat gure zerbitzuarekin, Osakidetzarekin… aspaldiko eskariak negoziatu nahian gabiltzala. Aurreko Emergentzietako zuzendaritzak, ez zeukan negoziatzeko gogorik ezta gaitasunik ere, eta Osakidetzaren aldetik ez dugu erantzunik izan. Orain, eskari batzuk Osakidetzaren mahai gainean daude. Horregaitik, zirriborro hau izatea era positiboan baloratzen dugu. Honekin, negoziatzeko prest daudela ulertzen dugu.
Beste alde batetik, Osakidetzaren proposamenak Emergentzietako langileen eskarietatik urrun daude. Egindako eskarietako batzuk bakarrik jasotzen dira zirriborroan. Adibidez, lanpostuen balorazioa, gidaritik Emergentzietako Teknikora pasatzea, Koordinazio Zentruan erizaina izatea…
Langileak banatu nahi dituen proposamen dela uste dugu. Aldarrikapenak eta protestak indargabetzeko. Aldarrikapenak lortu arte, borrokan jarraituko dugu.
Beste alde batetik, Mahai Sektorialean, Koordinazio Zentruen bateratzea momentuz ez dela emango esan zuten. Langile Batzordetik, Osasun Kontseilariari, Osakidetzako zuzendariari, Osakidetzako Giza Baliabideetako zuzendariari, Emergentzietako gerenteari eta Emergentzietako kudeaketarako zuzendariari azalpenak eskatu dizkiegu. Azalpen ofizialak jasotzean baloratuko dugu.
Gai honen inguruan antolatuta dauden langileekin batera, zentro koordinatzaileak batu ez dezaten jarraituko dugu borrokan.
Bilboko LABeko egoitzan LAB sindikatua Mateo Gutierrez gazte kolonbiarraren kasua Euskal Herrian gizarteratzen ari den ordezkaritzarekin bildu da. Bileran, LABeko Nazioarteko Harremanetarako idazkari Koldo Saenz Mateo Gutierrez gazte Kolonbiarrarekin, Mateoren ama Aracely León, Hector Garcia Asociación Jorge Adolfo Freyttereko kidea eta Jorge Freytter Florian-ekin bildu da.
Mateo Gutierrez Kolonbiako gazteak 622 egun pasa ditu kartzelan terrorismo delitu bat leporatuta. Berriki Kolonbiako epaitegiek Kolonbiako gaztea aske utzi dute, bere kontrako terrorismo frogarik ez baitute ikusi. Orain Euskal Herrian dago Kolonbiako fiskaltzak bere askatasuna agindu zuen sententzia errekurritzeko aukera handiak daudelako.
Egindako bilkuran, Mateoren kasuaren eta bere egoera ezagutzeaz gain, Kolonbian bizi den egoera poltikoaz mintzatzeko aukera izan dugu. Kolonbiako gobernu eskuindarrak mugimendu sozial zein sindikalen eta unibertsitateko ikasle eta irakasleen kontra garatu duen errepresio bortitza ere bertatik bertara ezagutzeko aukera izan dugu.
Azkenenengo urtean Kolonbian 200 erahildako politiko baino gehiago eman dira, eta FARC-ekin bake akordioak sinatu zirenetik 400 baino gehiago dira erahildako pertsonak. Kolonbiako Unibertsitate Nacionaleko Soziologiako fakultateko 33 ikasle errepresaliatuak izan dira eta horietarik 3 erahilak izan dira, eta 14 irakasle ere errepresaliatuak izan dira, horietatik 3 erahilak izan direlarik. Datu hauek Kolonbian bizi den egoeraren larritasuna erakusten dute.
LAB sindikatutik Mateo Gutierrez eta bere senitartekoei gure babes eta elkartasuna adierazi diegu, eta Kolonbian ematen diren oinarrizko eskubideen urraketak eta errepresio politiko eta paramilitarra salatzen jarraituko dugula berretsi dugu, gure esku dauden bitartekoak, kasu hauetan lagundu ahal izateko, jarriko ditugularik.
Arratsaldean, Sortuk deituta, "Etorkizun haziak" lelodun manifestazioa egingo da 19:30ean, Bilboko Arriaga Plazatik. Bertan izango da LAB, goizean Amezola parkean eta Errekalden izan garen bezala. Hain zuzen ere, Santi Brouard eta Josu Muguruza gogoan izan ditugu bertan, euren hilketaren urtemuga dela eta.
Azaroaren 20aren etorrerarekin, urtero moduan, gogora ekarri ditugu Bilbon duela 34 eta 29 urte, hurrenez-hurren, erahildako Santi Brouard eta Josu Muguruza politikari abertzaleak. Amezola parkean omenaldia egin zaie eta Errekalden, lore eskaintza egin.
Estatu-terrorismoak hil zuen Santi Brouard 1984ko azaroaren 20an, eta Estatu-terrorismoak hil zuen Josu Muguruza egun berean, baina bost urte geroago: 1989ko azaroaren 20an.
Heriotza hauen urtemuga baliatu dugu bi militante historiko hauek omentzeko eta Euskal Herriaren askatasunaren alde egindako ekarpena gogora ekartzeko.
Enpresaren azken proposamena ez dute nahikotzat hartzen. Hala, LAB, UGT, ESK eta CCOO sindikatuok deituta, beste elkarretaratze bat egin dute Bizkaiko Foru Aldundiaren aurrean.
Hau da Garbialdiko langileen irakurketa:
Atzo egin zen Bizkaiko Foru Aldundiko garbiketa kontraten azken negoziazio mahaia. Bertan, Garbialdi enpresak, azken mahaian defenditutako proposamena aldatu egin du. Aurreko mahaian soldata igoera 2018-2022 urteen bitartean gauzatu nahi bazuen, oraingoan 2018-2021era mugatu du. Langileek enpresaren azken mugimendu hau baloratzen badugu ere, nahikoa ez dela deritzogu.
Lehenik eta behin, 2019rako eskaintzen duen soldata igoera %2,4a baino ez delako eta zentzu horretan ez du inolako mugimendurik egin. Langileok 2019. urtean ekiparatuta egotea aldarrikatzen dugu, 2010. urtetik ditugulako soldata izoztuak eta jada, gehiegi itxaron dugula uste dugulako.
Gainera, izaera desberdineko beste hainbat aldarrikapen mahai gainean jarraitzen dute, hala, lanaldia partziala dutenek lanaldi osoa izateko erraztasunak, bakanteen kobertura-sistema baten bitartez eta baita soldataren %100a jasotzeko eskubidea baja hartu eta 50. egunetik aurrera.
Eduki hauen inguruan enpresak ez du inolako mugimendurik egin. Beraz, egoera honako hau izanda ezin dugu enpresaren proposamena onartu.
Horregatik, eta langileekin egindako asanblada baten ondoren mobilizazioekin jarraitzea erabaki dugu. Hainbeste hilabetez borrokan egon eta gero inoiz bezain antolatuak gaude eta seguru gaude hitzarmena duina den akordio batekin baino ez dela sinatuko.
Azaroaren 16an Bilboko El Corte Inglesen egindako hauteskunde sindikaletan, langileek sindikalismo horiaren presioa eta jazarpena jasan dute. Langile ebentualek jaso dute bereziki presio hau, FASGAko hautagai eta afiliatuek posta bidezko botoa “prestatu” baitiete eta hautesontzietara lagundu baituzte, enpresaren aldetiko permisibitate osoarekin. Botoa emateko askatasuna baldintzatuta egon da hauteskunde hauetan. Hala ere, langileen zati handi batek jakin izan du presio honetatik aldendu eta askatasunez botoa ematen.
