Urtarrilaren 28an, lan munduan eman diren emakumeen kontrako hiru diskriminazio kasuren berri eman genuen. Hauetariko bat da Hotel Palacio de Elorriaga hotelekoa. Bertan, zazpi urte zeramatzan langile bat kaleratu zuten haurdun zegoela jakinarazi zuenean. Hala, mobilizazioaren bidez, hoteleko zuzendaritzaren jarrera salatu dugu.
LABek Bizkaiko delegatuen asanblada egin du gaur, herrialdeko metalgintzako hitzarmenaren egoera lantzeko. Ondoren, elkarretaratze bat egin dugu Bizkaiko Metalgintzako Enpresen Federazioaren, hots, FVEM patronalaren, egoitzaren aurrean.
Bizkaiko metalgintzako hitzarmenaren egoera jasanezina da. Urtebete bete da mahaia ireki zenetik, eta, ordutik, patronalak hitzarmen berri eta duin bat izateko borondate falta eta langileekiko errespetu falta izan du behin eta berriro. Honen guztiaren inguruan, eta horren aurrean egingo ditugun urratsei buruz, agerraldi bat egin genuen duela bi aste, komunikabideen aurrean.
Kaleratutako lankidea berronartzeko exijitu dute hirugarren greba egunean.
Legasako Arcelor Mittal enpresan planteatuta zeuden hiru greba greba egunak egin dira, gaurkoarekin, beti ere kaleratutako lakindearen berronartzea exijitzeko. Balorazioa hagitz positiboa da produkzioa gelditzea lortu egin delako eta mobilizazioetan langileek modu zabal batean parte hartu dutelako. Baina hori horrela izanda ere, zuzendaritzak ez du inongo mugimendurik egin eta, horren ondorioz, gaur, azken greba egunean, langileak kalera atera dira berriz. Hain zuzen ere, Iruñeko Lan Departamentuaren aitzinean elkarretaratzea egin dute, gatazka honen inguruko kontziliazio saioaaren atarian. Saio honek emandakoaren ondoren, langileen batzarra eginen da hurrengo pausoak zein izanen diren erabakitzeko.
Bertan behera utzi dute gaurko deitutako greba.
Atzo, greba-batzordea enpresarerekin batzartu eta aurrekordioa lortu zuen, honako puntuotan zehazten dena.
1.- Lanaldiaren zabalpen gehienen egonkortzea. Honek suposatzen du ia 8 lanaldi osori dagokiona. Modu mugagabean 24 ordutako lanaldi partzialarekin gutxienez 4 pertsona kontratatzea ere jasotzen da.
2.- Sartutako gehiegizko orduak larunbatez gozatzeko muga kenduko da.
3.- Bileren egutegi bat zehazten da asteroko atsedenaren ezarpena negoziatzeko, larunbatak gozatzeko helburuarekin.
4.- Bajak ordezkatzeko konpromisoa hartzen du enpresak sektoreko absentsimoaren batazbestekoa bermatu arte edo %5eko gutxieneko bat hirugarren egunera arte.
5.- 2018 eta 2019an senideak edo seme-alabak zaintzera bideratutako eszendentziak estaltzeko kontratu interinoak egingo dira.
Guzti honengatik, bertan behera geratzen da gaurko deituta zegoen greba martxoaren 31ra arte. Egun horretan, enpresa-batzordeak baloratuko du gatazkan jarraitzen duen ala ez, lortutako emaitzen arabera.
Zarautzen, atzo, ehundik gora suhiltzaile bildu ziren suhiltzaile gehiagoren beharra eskatzeko Gipuzkoako Foru Aldundiari, Zarauzko Udalbatzaren bitartez. Mozio bat aurkeztu zuten bertan, beste udaletan egingo duten bezala.
Hauxe da Aldundiko enpresa batzordeak egindako irakurketa, atzoko protestaren harira:
"Suhiltzaileen egoera prekarioa aspalditik datorren kontua da, oso labur geratzen diren minimoetan lan egiten baitugu. Gipuzkoako Foru Aldundiak Suhiltzaileen zerbitzuari ez dio larrialdietako zerbitzu batek merezi duen besteko arretarik jartzen, eta, horren ondorioz, langileen segurtasuna arriskuan jartzeaz gain, zerbitzu hori behar duen edozeinena ere arriskatzen du. Langile falta nabaria da eta Aldundiaren kudeaketa oso txarra.
Azken urteetan, plaza gutxitako EPE deialdi urriak egin dira eta gainera emaitza eskasak izan dituzte. Ordezkapen zerrendarik gabe geratzen gara etengabe, Aldundiak zerrenda egoki bat izateko konpromisoa hartua du, baina ez du betetzen. Horrek, azken hilabetean parke bat itxi eta beste bi alditan minimoen azpitik lan egin beharrera eraman gaitu.
Aldundiari eskatzen diogu propaganda egiteari utzi eta egoera iraultzeko neurriak aplikatzen hastea. Horretarako beraiek aurkeztutako Gipuzkoa Babestu 20-30 plana garatzen hasteko lehenengo pauso bezala sor eta bete ditzala 48 suhiltzaile plaza berri."
Horixe aldarrikatu zuten, atzo, Zarauzko suhiltzaile parketik atera eta udaletxe aurrean amaitu zen manifestazioaren bitartez. Izan ere, Zarauzko udalbatzarrean, suhiltzaile etxeak dituzten gainerako herrietan egingo den bezala, mozioa aurkeztu baita.
Deus berririk ez dakigu Nafarroan sindikatuek eta Foru Gobernuak adostutako maila igoerak errekurritzeko Madrilgo Gobernuak egin zituen mehatxuei buruz. Hilabete joan da lehenengo berriak zabaldu zirenetik, baina, guk dakigula, ez da beste mugimendurik izan. Dena dela, LABen iritziz, beharrezkoa da berriz ere kalera ateratzea adostutako defendatzeko eta garbi uzteko ez dugula onartu behar Madrilek muturra sartzea Nafarroan hartzen diren erabakietan.
Sinatutako akordio hura lorpen handia izan zen, eta adostutakoarekin pozik gelditu ziren sindikatu gehien gehienak, Nafarroako Gobernua bera, Nafarroan ordezkaritza duten alderdi politikoak eta Administrazioko milaka eta milaka langile, akordioari esker bidezko aldarrikapen historiko batzuk lortu zituztelako.
Baina ezin gara konfiatu eta adi-adi egon behar dugu. Horregatik, berriz ere exijituko diogu PSOEren Gobernuari errespeta dezala Nafarroan lortutako akordioa.
LABek bat egin du igandean, otsailak 3, Donostiako Bulebarrean egingo den manifestazioarekin, 12:00etan hasita, "Inor ez da ilegala. Pertsona guztiontzat eskubide guztiak" leloarekin. Adierazpen bat egin dugu manifestazioaren harira, pertsona guztien eskubideen defentsan.
Gaur osteguna urtarrilaren 31an, LABek kontzentrazioa egin du Bilboko Lan Harremanen Kontseiluaren aurretik, kolektibitateerako EAE mailako hitzamena aldarrikatuz. Ondoren bertan egin den bileran, EAEko kolektibitateetako hitzarmenaren mahaia osatzea sustatu du LABek, ELArekin batera.
Hitzarmen hau beharrezkoa da sektoreko langileek bizi duten estatalizazio eta prekarietatearekin amaitzeko. Enpleguaren arloan 155. artikulua ezartzearen parekoa da. Inposatzen digute errestaurazioko estatu mailako hitzarmenak pobretu egiten gaitu, gure lan-baldintzak desarautzen ditu eta lan egiten dugun lekuan negoziatzeko eskubidea ukatzen digute, ez dauden gehiengo sindikalei aitortza emanez.
Mahai-irekiera honek balio izan du sektoreko langileen ongizatetik kanpoko interes sindikal eta enpresarialak ikusi ahal izateko, langileak direnean enpresen irabaziak sortzen dituztenak eta trukean estatalizazioaren ondorioak jasaten dituztenean.
Euskal Ostalaritza Federazioak adierazi du ez duela negoziaziorako esparru autonomikoa zabaltzeko borondaterik.
FEADRS-ek adierazi du ez duela negoziatzeko beharrik. Errestaurazioko estatu mailako hitzarmena defendatu du eta adierazi du beste edozein esparru ez letorkeela bat Madrilen adostutakoarekin.
CCOOk ez du EAEko kolektibitateetako hitzarmen autonomikorik nahi. Esaten du badaudela honezkero herrialdeko ostalaritzako hitzarmena, hauek direla negoziaketa eremua eta adierazten du hitzarmen estatalari esker hobetu direla langile askoren baldintzak.
UGTk adierazi du prest dagoela EAEko kolektibitateetako hitzarmena negoziatzeko, beharrezkoa ikusten duelako.
Aurkezpen honek agerian utzi du Ostalaritzako Euskal Federazioak, FEADRS eta CCOOek ezetz esan diotela sektoreko baldintzak hobetzeari. Lan-erreforma eta legezkotasuna erabiltzen dute negoziatu nahi ez dutelako izkutatzeko, baina ahal dute, benetako argudioa baita esparru autonomikoa ez dela egokia euren interes partikularrentzat.
Egun langileen kolektibo handia dago estatu mailako hitzarmena ezartzen ez zaiena. Lan-baldintza hobeak izateak dakar honek. Ez-betetze hau ekintza sindikalaren bidez lortu da. Ordua da ez- betetze hau langile guztientzako izatea, EAEko kolektibitateetako hitzarmenaren babesa dutelako, lan-baldintza propioak kontuan hartuko dituena.
LABetik lanean jarraituko dugu EAEko kolektibitateetako hitzarmenaren alde, sektore honetan egindako lana ikusarazi eta honi balio emango diona.
Idatzi bat erregistratu dugu Eusko Jaurlaritzan, eta aipatutako ikertzaileak langile publikoak direla nabarmendu dugu, EHUrekin kontratu bat dutelako.
Hauxe dira Eusko Jaurlaritzan erregistratutako eskaeraren ildo nagusiak:
Egun hauetan eztabaidatzen ari den langile publikoen 2019ko soldata-igoera arautuko duen lege proiektuaren harira, UPV/EHUko LAB sindikatuak ondorengoa adierazi nahi die Eusko Jaurlaritzari eta UPV/EHUri:
• 2016tik 2018ra arte langile publikoei egin zaien soldata igoera ez zaio UPV/EHUn lan egiten duen ikertzaile kolektibo handi bati aplikatu, (2016ko %1a, 2017ko %1a eta 2018ko %1,75a).
• 2019an %2,25eko igoera planteatzen da lege proiektu berri honetan.
• Aipatutako ikertzaileak langile publikoak dira, UPV/EHUrekin kontratu bat dutelako.
• UPV/EHUren arabera, 41/2008 dekretuan dago arazoa, ordainsariak laguntza-programa bakoitzean zehaztuko direla esaten duelako eta programa horietan soldatak ez direlako behar bezala eguneratu. Hala ere, dekretu hau, ikertzaileei dagokienez, aspaldi dago zaharkituta, estatuko 14/2011 Zientzia, Teknologia eta Berrikuntzaren Legea onartu zenetik, hain zuzen ere.
Hau guztia kontuan hartuta UPV/EHUko LAB sindikatuak ondorengoa exijitzen du:
• Azken urteetan langile publikoei aplikatu zaien soldata igoera (2016ko %1a; 2017ko %1a; 2018ko %1,75a eta 2019ko %2,25a), hau da %6,13 metatua, aipatu ikertzaileen soldatei ere aplikatzea.
• Igoera hori atzera eraginkortasunez ordaintzea.
• Horretarako 41/2008 dekretuan doikuntzak egin behar badira atal hau eta zaharkituta
dauden gainerako atalak konpontzeko, egin daitezela.
• Bukatzeko, Eusko Jaurlaritzak beharrezko finantzazioa esleitu behar du.
LABek bere irmotasun guztia adierazten du eskubide hau lortzearen alde.
