2026-04-28
Blog Page 679

Etxeko langileen baldintza duinen alde eta doako zaintza lanen berrantolaketaren alde borrokatuko dugu

admin
-
0
Etxeko langileen baldintza duinen alde eta doako zaintza lanen berrantolaketaren alde borrokatuko dugu

Martxoak 30, Etxeko Langileen Nazioarteko Eguna da. Data horren bezperan, salatu behar dugu sexuaren araberako lan banaketa pairatu eta pairatzen dugula gaur egun.

Sexuaren araberako lan banaketa pairatu eta pairatzen dugu gaur egun. Hezkuntza primariotik emakumeak* zaintza lanetara bideratzen gaituen sistema oso bat egituratua dago. Industrializazio garaitik hona kapitalismo basatiak bi espazio nagusien bereizketa indartu du; alde batetik, produkziorako espazioa; eta bestetik, erreprodukzioaren espazioa. Produkzioaren espazioan kapitala mugitzen da, lan indarraren truke ordainsari bat jasotzen da, gizartearen imajinario kolektiboan aitortza duen “enplegua” da. Izan ere, hazkundea eta merkatuaren logikaren baitan kokatzen delako. Espazio erreproduktiboan, zaintza lanak kokatzen dira, gizakion bizitzak sostengatzeko ezinbestekoa den egitura.

Bi espazio hauek sexuaren araberako lan banaketan oinarritzen dira eta kapitalismoan estrategikoa izan da sistema osoa berretsi ahal izateko. Lan erreproduktiboa emakumeen* eskuetan ezarri izan da, historikoki atxikitutako rol baten bitartez, non emakumeak besteon zaindari izan behar garen eta belaunaldiz belaunaldi transmititu izan dena. Emakumeak* zaintza lanak musutruk egin ditugu, ezkutuan, eremu pribatuan, etxe barruan, horren truke ezer eskatu gabe, aitortza gabe, emakume izate hutsagatik. Kapitala eta patriarkatuaren aliantzan, emakumeok*, espazio publikora atera diren gizon horiek sostengatu eta zaindu ditugu merkatuaren logikan produktiboak izateko.

Kapitalismoak zaintza lanak merkantilizatu ditu ere, modu honetan truke monetarioaren bitartez emakumeak haien lan indarra saltzen dute, hortaz, funtsezko beharrizan bat zerbitzu batean bihurtuz.

Etxeko zaintza lanak zerbitzu edo negozio pribatu bat bilakatzen diren heinean herrialde mendebaldarretan, badago estruktura sozial kapitalista eta patriarkal bat zein pertsona profil konkretu bat kondenatzen duen lan hauek egitera. Profil hau ezaugarri espezifikoz zeharkatua dago: generoa, etnia, jatorria, klasea… Kasu honetan soldatapeko etxeko lanak emakume* etorkinen esku geratzen dira. Soldatapeko Etxeko lanetan aritzen den kopuru nagusiena emakumeak* dira, hortaz, sistema kapitalista patriarkalaren estrukturaren antolaketa sexu araberako lan banaketaren isla daukagu. Intersekzionalitatearen ikuspegitik, emakume* hauek oinarritik zapalkuntza anitz pairatzen dituzte, zapalkuntza hauek haien lanetan zein egunerokotasuneko bizitzan azalarazten dira. Hala nola, sufritzen duten babes faltagatik, lan baldintza prekario eta kaskarretan lan egitera behartuak daude. Askok soldata lotsagarrien truke egiten dute lan, kontratu gabe, esplotazio egoeretan, iritzia emateko beldurrarekin kaleratuak ez izateko.

Kritikoak izan behar gara soldatapeko etxeko lanetan aritzen diren emakume* hauen egoerarekin, emakume zuri moduan gure eskubideen aldeko borroka anitz bultzatu ditugu, herrialde eta bizimodu feminista bat eraikitzeko jomuga argiarekin. Baina gure militantziaren egunerokotasunean non geratzen dira soldatapeko etxeko langile egoera prekarioak? Haien lan baldintzak? Pairatutako indarkeria matxista eta sexista? Gu emakume* zuriak gara doaneko zaintza lanen subjektu interpelatu zuzenak, emakume* izate hutsagatik. Instituzioak, lantokiak eta inguruko gizonak interpelatu behar ditugu, zaintza lan duin paritarioak eskuratzeko, sexu lan banaketarekin bukatzeko. Ordea, nahiz eta gure lehia izan, ezin ditugu ahaztu egoera prekarioan soldatapeko etxeko langile moduan aritzen diren emakumeak*. Emakume* hauek feminismoko subjektu politiko kategoria izan behar dute, gure diskurtsoetan barneratu behar ditugu ikusgaitasun eta aitortza bat emateko.

Gure pribilegio espazioetan lekua eman behar diegu ahotsa har dezaten, feminismoa bizitzak erdigunean jarri behar ditu, zaintza lanak birpentsatzeko eta birsortzeko hautua eginez. Kapitalaren logikarekin hautsi nahi dugu, zaintza lanei benetako garrantzia emateko. Soldatapeko langileen eskubideak bermatu behar dira, hala nola, gaixotasun bajak, gizarte segurantzan kotizatzea, oinarrizko soldata, formakuntza, langabezia,… Emakumeen lan indarra ez da merkantzia, eskubide duinak exijitzen ditugu.

Bihar osteguna, martxoaren 28an, 18:30ean, hitzordu garrantzitsua daukagu Barakaldon, horregatik Apuros Mayse agentzia aurrean egongo den kontzentraziora gonbidatzen zaituztegu. Agentzia honek langileak zapaltzen ditu, ez die oporrik ematen, ezta gizarte segurantzan altarik ere, beraz. Bihar, bertan egongo gara. Gure gorputzak ez dira esplotatzen, soldatapeko etxeko langileen baldintza duinen alde eta doako zaintza lanen berrantolaketaren alde borrokatuko dugu.
 

 

 

Irakaskuntza Publikoko hauteskunde sindikalak irabazi ditugu EAEn

admin
-
0
Irakaskuntza Publikoko hauteskunde sindikalak irabazi ditugu EAEn

LABek Irakaskuntza Publikoko hauteskundeak irabazi ditu, eta lehen indar gisa berresten gara, bozka eta delegatu kopuruan gora eginez. LAB Irakaskuntzak borrokan jarraituko du euskal eskola publiko komunitarioaren bidean eta langileon lan baldintzak defendatzen.

Atzo arratsaldean, Irakaskuntzako kolektibo desberdinetan hauteskunde sindikalak burutu genituen EAEn. EHUko irakasle eta administrazio eta zerbitzuetako pertsonala, administraziopeko irakasleak, zerbitzuetako sukaldari eta garbitzaileak, Heziketa Bereziko langileak eta irakasle laboralak eta Haurreskolak Partzuergoko Gipuzkoako langileak bozkatzera deituak ziren.

Bada, LAB Irakaskuntzatik zorion mezu bat helarazi nahi diegu gure hezkuntza komunitatea osatzen duten kide guztiei, liberatu, delegatu eta afiliatuei, une oro gure bide lagun izateagatik eta egunez egun erakusten duten konpromisoagatik. Era berean, hezkuntza komunitateko langile guztiak zoriondu nahi ditugu, oztopo guztien gainetik, hauteskunde sindikaletan parte hartzeagatik.

Ibilbide oparoa egin dugu azken urteetan. Bereziki azpimarragarria izan daitezke kolektibo desberdinetan piztuta izan ditugun lan gatazka eta borrokaldiak, arrakasta handiko mobilizazioak izan baitira. Hauei esker negoziaziorako bideak ireki eta akordio sendoak sinatu ditugu, hezkuntzaren kalitatean eta lan baldintzetan hobekuntza nabarmenak lortuz.

Iruten dinamika ere abiarazi genuen 2016ko maiatzean, inposaketak salatzeaz gain, hezkuntza sistema propiora bidean gaurdanik urrats praktikoak emateko erronkarekin. Era berean, gure hezkuntza egitasmoa berritu dugu, eta euskal gizarteari proposamen sendo eta integrala aurkeztu diogu.
 

 

 

Gizarte Ekimeneko ikastetxeetako gatazkan akordiora gerturatzeko giltzarriak jasotzen dituen dokumentua helarazi diegu patronalari eta Hezkuntza Sailari

admin
-
0
Asteleheneko mahaian patronalek aurkeztutako proposamena behin betiko eta definitibo gisa aurkeztu bazuten ere, giltzarri hauen baitako proposamen bat aurkez dezatela eskatzen diegu LAB, ELA, STEILAS, CCOO eta UGT sindikatuok.

ELA, STEILAS, CCOO, LAB eta UGT sindikatuontzat, pasa den Asteleheneko mahai negoziatzailean patronalek aurkeztutako proposamenean jasotako eduki eta planteamenduekin, Gizarte Ekimeneko ikastetxeetako egoerari irtenbide egokia emango dion akordioa erdiestea ezinezkoa da gaur gaurkoz.

Mahai negoziatzaileko bilera horretan patronalek erakutsitako jarrera itxia eta erakutsitako negoziaziorako borondate falta nabaria izan zen, aurkeztutako proposamena behin betiko eta definitibotzat joz eta negoziaketari inolako aukerarik eman gabe. Sindikatuon elkarrizketa eta akordio puntuak aurkitzeko eskaerei muzin egin eta proposamen hau aldaezina dela errepikatu zuten etengabe.

Honi gehitzen zaio orain arte Hezkuntza Sailak gatazka honi irtenbidea emateko erakutsi duen inplikazio eta parte hartze aktibo eskas eta ez nahikoa.

Sektore honetan ordezkaritza daukagun sindikatu guztiok ordea, behin eta berriro errepikatu dugun bezala, 10 urtez Lan Hitzarmena berritu gabe daramaten langileen oinarrizko eskaerei tajuzko erantzuna emango dioten edukietan sakonduz, akordioetara iristeko gure borondatea adierazi nahi diegu.

Beraz, ELA, STEILAS, CCOO, LAB eta UGT sindikatuok akordioetara gerturatzea ahabideratu dezaketen giltzarriak jasotzen dituen dokumentu bat helarazi diegu bai patronal eta bai Hezkuntza sailari ere.

Beraz, bai patronal eta bai hezkuntza sailari eskatzen diegu bakoitzari dagokion ardura bere gain har dezatela; Patronalei eskatzen diegu negoziaketarako borondatea erakutsiz Asteleheneko mahaian aurkeztutako proposamena atzera bota eta giltzarri horien baitan mugituko den proposamen berri bat aurkezteko; eta Hezkuntza Sailari gatazka honen irtenbidean inplikazio eta parte hartze aktibo eta erreala izan dezala.
 

 

 

DIA supermerkatuen EEE kontsulta garaia adostasunarekin amaitzeko erabakia Bizkaia eta Gipuzkoako langileei bizkarra emanda hartu dute

admin
-
0
DIA supermerkatuen EEE kontsulta garaia adostasunarekin amaitzeko erabakia Bizkaia eta Gipuzkoako langileei bizkarra emanda hartu dute

Fetico eta UGT sindikatuek, Bizkaian inolako ordezkaritza gabe eta Gipuzkoan ordezkaritza bakarrarekin, 38 lankideren kaleratzea onartu dute, zehazki 34 Bizkaian eta 4 Gipuzkoan.

Enpresa eta Fetico eta UGT sindikatuen arteko akordioaren aurrean, LAB sindikatutik ondorengo irakurketa egiten dugu:

EEE kontsulta garaia adostasunarekin amaitzeko erabakia, Bizkaia eta Gipuzkoako langileei bizkarra emanez egin da beste behin ere. Ez zaigu Euskal Herrian ordezkaritza handiena dugun sindikatuei parte hartzen utzi, eta akordioa behin publiko egin denean jakin dugu.

Prozesuaren hasieratik amaierara informazio falta izan dugu, eta honek EEEaren aurkako borroka dinamika kalean garatzera eraman gaitu. Presionatzea lortu dugu, kontsumitzaileen elkartasuna jaso eta gatazka ikusgarri egitea. Gure lana defendatu behar genuen eta defendatzen jarraituko dugu!

Eta berriz diogu, EEEak ez ditu DIA% dituen arazo ekonomiko eta finantzieroak konponduko. Beharrezkoa da gogoraraztea, langileen gastua fakturazioaren %9koa besterik ez dela, hau da, 100 eurotik 9 besterik ez direla bideratzen langileen gastuetara.

Benetan uste dugu enpresaren bideragarritasuna kaleratzeek eragingo duten aurrezkiarekin lortuko dutela? Erantzuna argia da, EZ!

Ukaezina da DIA enpresaren egoera finantzieroa oso korapilatsua dela, baina argi izan behar dugu soluzioa ez dela inolaz ere langileen kaleratzearen bidez lortuko. Jakin beharko da akzionistek zein neurri hartuko dituzten, zenbat jarriko duten ondarea orekatzeko. Zentzu honetan argi dugu bestelako neurriak hartzeko aukera bazegoela, ez hain traumatikoak eta DIAren etorkizuna baldintzatu gabe.

Proposatzen den subrogazioaren aurrean, zertan dantzan jakin beharko dugu. Frankizia bilakatzea proposatzen bada, berriz ere arrisku guztia langileen gain eroriko delako.

 

 

 

LOREA proposamena aurkezten hasi gara Osakidetzako lan zentroetan

admin
-
0
LOREA proposamena aurkezten hasi gara Osakidetzako lan zentroetan

Ratioak ezartzeko LOREA proposamena aurkezten hasi gara Osakidetzako lan-zentroetan. Gurutzetako ospitalean izan ginen atzo eta Zamudioko ospitalean, gaur. LOREAren bidez lan zamen banaketen parekotasuna ezartzea da helburua; langile plantilla egonkortu; prekarietatearekin bukatu; eta kalitatezko arreta ezarri, osasungintzatik at dauden irizpide politikoen gainetik, besteak beste.

Hauek dira datozen egunetan egingo ditugun aurkezpenak:

• Martxoak 27. Donostia ospitalean. 2. aretoan (maternoko pasabidean) 14:00etan.

• Martxoak 28. Arabako ospitale psikiatrikoan. Formakuntza gelan, 14:00etan.

• Apirilak 2. Urdulizko ospitalea. 3. aretoan 14:00etatik 15:00etara.

• Apirilak 4. Santiago ospitalea. Areto nagusian 10:30ean.

• Apirilak 4. Lakuako Arriaga anbulategia. Gela handian, 16:00etan.
 

 

 

Tabakalerako langileek hitzarmena sinatu dute

admin
-
0
2015eko uztailetik Tabakalerako langileak hitzarmena berritu gabe egon dira, hasiera batean bi aldeek Tabakalera eraikin berriko beharrak zeintzuk ziren jakin arte itxoin bagenuen ere, bi urte luze pasa ditugu negoziaketetan zuzendaritzarekin, prozesu honetan zuzendaritza aldaketa ezberdinek lagundu ez dutelarik. Azkenean, eta LAB Sindikatuko delegatu zein langileek egindako lan txukunari esker, diru publikoarekin mantentzen den enpresa publikoa izanik, hasiera batean bulego eta langeletako hitzarmeneko baldintzak izatetik sektore publikoko beste langileen baldintzetara gerturatzeko bidean beste pausu garrantzitsu bat ematea lortu da.

Hobekuntza ezberdinak izan dira, horien artean garrantzitsuenak:

– 2018an 1.700 orduko lanaldia izatetik, urtero lan orduak jaitsiz, 2022an 1.625ordu izatera pasako dira.

– Amatasun zein aitatasunagatik legeak markatzen duena baina bi aste gehiago.

– Erabilera askerako 2 egun ordainduak.

– Hitzarmena sinatzearekin batezbesteko %12ko soldata igoera, soldata baxuena 27.000 €tan geratzen delarik, gehi 2019an KPI, 2020an KPI + 2, 2021ean KPI + 1 eta 2022an KPI + 1.
 

 

 

Lan heriotzak salatu ditugu Mungian

admin
-
0
Lan heriotzak salatu ditugu Mungian

Euskal gehiengo sindikaletik mobilizatu gara, Muxikan izandako azken lan heriotza salatzeko. Hildakoa Mungiako enpresa bateko langilea zen, eta horregatik egin dugu elkarretaratzea herri honen udaletxe aurrean. Nabarmentzekoa da Busturialdea eta Lea Artibain bi basoko langile hil direla azken bost hilabeteetan, eta, 2019an, gutxienez, 10 pertsona hil direla jada lanean.
 

 

 

Arrazakeria eta kriminalizazioaren aurrean erantzuten jarraituko dugula berretsi dugu, Moussa eta Joseba Alvarezen aurkako salaketa dela eta

admin
-
0
Arrazakeria eta kriminalizazioaren aurrean erantzuten jarraituko dugula berretsi dugu, Moussa eta Joseba Alvarezen aurkako salaketa dela eta

2018ko ekainaren 24ean, Donostiako Alde Zaharrean jasotako gertakizunak eta bertatik abiatutako auziak ekarri gaitu gaur, Egiako epaitegien aurrera. Arrazakeriaren Kontrako Nazioarteko Eguna iragan berri, mobilizazioa egin dugu bidegabeki epaituko dituzten bi kideekiko elkartasunez. Hala, LAB sindikatutik prekarietatea, migrazioa, arrazakeria, kriminalizazioa, eta eskubide zibil eta politikoen urraketaren aurrean erantzuten jarraituko dugula berretsi dugu.

Joan den uda hasieran kale saltzaile den Moussa lanean zegoela, Udaltzaingoak gelditu eta, berriro ere, poliziarengandik kolektibo honek jasaten duen jazarpenaren eta tratu txarraren biktima izan zen. Tratu bidegabea ikusirik, inguruan zebiltzan herritar eta lekukoak hurbildu egin ziren. Joseba Alvarez kidea zegoen haien artean. Guztiek pertsonaren eskubide guztiak bermatu behar zirela aldarrikatu zieten udaltzainei eta Moussa pairatzen ari zen tratu bortitzaren aurrean beraien babesa eskaini zioten langileari.

Gertakari hauen ondorioz, Udaltzaingoak sartutako salaketek, Moussa eta Joseba zigortzea helburu dute. Moussari material guztia kendu, bortizki atxilotu eta komisaldegira eraman zuten San Juan Egunean. Autoritatearen aurkako atentatua leporatzen dio Udaltzaingoak; Joseba Alvarezi, berriz, baldintzapeko mehatxuak eta desorden publikoak (mota guztiak) egozten dizkio Udaltzaingoak. Gaur biek epaitegira deklaratzera deitu dituzte epaiketara begirako “aurretiazko egintzak” egiteko.

Egoera benetan larria dela irizten diogu LAB sindikatuaren aldetik, eta horrexegatik halako arrazismo eta politika totalitarioen aurrean ez garela isilik geratuko jakinarazi nahi dugu. Izan ere, bizi dugun garai honetan herritarrok zein langileok geure burua antolatu eta inoiz baino gehiago borrokatu behar baitugu bizitza duinaren alde eta gure oinarrizko eskubideak errespetatuak izan daitezen.

Ekintza Sozialeko idazkari ondoko Urtzi Ostolozagak hartu du hitza, komunikabideen aurrean.Ekintza Sozialeko idazkari ondoko Urtzi Ostolozagak hartu du hitza, komunikabideen aurrean.

LAB sindikatutik mahaigainera ekarri nahi dugu, Moussaren aurkako ekimena salaketa sinple bat baino gehiago dela, gertakari honen atzean EAJ-PSOEren migrazio politika eskuindar lotsagabea baitago: kale saltzaileek islatzen duten ezein pobrezia arrastoz garbi mantendu nahi dituzte Donostiako kaleak. Gabonetako argiak, noria, hondartza eta izozkiaren Donostia ahalik eta zurien, elitisten eta turistikoen mantentzea helburu duen udal gobernua baitugu. Europako Batasunak bere ateak itxi dizkio Europa berak sortutako migrazioari, eta ez gaitzatela engaina, Donostiako Udal Gobernuaren politika berbera baita. Kale saltzaileak, kalean bizi direnak, Infiernoko bizilagunaren heriotza… Honelako kolektiboenganako gupidarik gabeko politika baztertzaile eta kriminalizatzaile oro salatzera etorri gara. Moussari egozten zaion autoritateari atentatuak ez du ez hanka ez buru, lekukoek baieztatu bezala Udaltzaingoarengandik iruzurrezko jokabidearen erakusgarri besterik ez delarik, boterea erabili eta arrazializatutako bizitzen baztertzeko, pobretzeko eta suntsitzeko: jarrera arrazista barren-barrenetik.

Tamalez, Donostian gertatutakoak itxura txarra du. Joan den urtean Donostia “Harrera Hiri” izendatu zuten, handik egun gutxira, ordea, Moussari aipatu salaketa jarri zioten, bere herrira espultsatzeko aukera zabalduz. Zergatik? Kalean baimen administratiborik gabe pultserak saltzeagatik. Udaltzaingoaren jokabideak erakusten du nolakoa den herri honetan isilpean egiten den benetako migrazio politika. Ez dago instituzio publikoengandik, udal gobernu batengandik jarrera miserableagorik, delitu handiagorik, miseriazko egoeren aurrean inolako gupidarik gabe, boterea erabiltzeko hautua egin eta jokaldi zikin batez herritartasuna ukatzerainoko mehatxua egitea baino, duintasuna lapurtzea baino.

Gertakizun honen aurrean, LAB sindikatutik exijitzen dugu Moussaren aurkako salaketa bertan behera uztea, ez dadin izan bere lana ez eta jatorria ere inoiz epaitua.  Administrazioarengandiko mehatxuzko jarreren aurrean, esku-hartzea, giza eskubideak oinarri, hiritartasuna eskuratzeko prozesuan instituzioak bidelagun izan behar baitira eta ez etsai.

Era berean, erretira dezatela Josebaren aurka jarritako Mozal Legearen aplikazioa, autoritatezko botere harremanean babesgabetasun egoeran zegoen langile baten defentsan agertzea baita epaiketa honen bidez delitu bilakatu nahi dutena. Zuriketarik ez, arrazakeriaren aurka egintzak nahi ditugu, ez hitzak! Langile guztion eskubideen alde, klase elkartasuna!

 

 

 

Burujabetza eta Huerta de Peraltako borroka ardatz izango dituzten solasaldietan izango dira Garbiñe Aranburu eta Imanol Karrera, Gazte Topagunean

admin
-
0
Burujabetza eta Huerta de Peraltako borroka ardatz izango dituzten solasaldietan izango dira Garbiñe Aranburu eta Imanol Karrera, Gazte Topagunean

Gero eta gutxiago geratzen da Lemoan egingo duten Gazte Topagunerako. Hain zuzen ere, apirilaren 19 eta 22 bitartean izango da, eta atzo agerraldia egin zuten bertan izango diren jardueren berri emateko. Gazte antolakundeko kide eta kide ohirekin batera, ezker abertzaleko ordezkariak ere izan ziren aurkezpenean; LABeko idazkari nagusi Garbiñe Aranburu, tartean. Sindikatuak presentzia izango du Gazte Topagunean, solasaldien tartean, besteak beste.

Gazte Topagunean egingo dituzten hitzaldien artean, apirilaren 19an, LABeko idazkari Garbiñe Aranburuk eta Nafarroako bozeramaile Imanol Karrerak hartuko dute parte. Lehenak, "Burujabetza(k) Iraultza Soziala(k)" izeneko solasaldian, 16:00etan; bigarrenak, "Huerta de Peralta: euskal langileak borrokan" lelodun hitzaldian, 13:00etan.
 

 

 
1...678679680...1,612Page 679 of 1,612

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus