Otsailaren 8an zabaldu zen albistea: DIA Supermerkatuen taldeak Estatu mailan gehienez 2.100 laguni eragingo dien Enplegu Erregulazio Espedientearen prozedurari ekin zion. Orduan jakinarazi zieten langileei, prentsarri eta langileoi aldi berean, 15 eguneko epea hasiko zela negoziazio-mahaia eratzeko. Ordutik ez dugu beste berririk jaso. Hortaz, mobilizazioei ekin diegu LAB eta ELA sindikatuok, eta gaur egin dugu lehen greba eguna. Bihar bigarrena egingo dugu.
LAB eta ELA sindikatuok egoeraren honako irakurketa egin dugu:
• DIAko langileek ez dute inolako ardurarik taldearen akzio eta finantzek duten egoerarekiko; arazoen jatorria izan dira zuzendaritza talde ezberdinen ez egitekoak. Azken hiletan mobilizazio eta greba ugari egin dugu, prekarietatea amaitzea eta plantilla handitzea eskatuz. DIAren etorkizuna bermatzeko kudeaketa eta zerbitzu hobea behar da; horrek eskatzen ditu langile gehiago eta lan baldintza hobeak.
• DIAko denden errealitatea Euskal Herrian analizatzeko beste ikuspuntu bat behar da. Errealitate sindikala ere ezberdina da; LAB eta ELA gehiengo sindikala gara. Horregatik, eskatzen dugu berton analiza eta negozia daitezela krisi honetara eraman duten arrazoiak, harik eta irtenbiderik egokiena erabaki ahal dadin. Hau demokratikoa ez ezik DIAko langileen aldeko defentsarik hoberena litzateke. Madrildik sekula ez da ezer onik etorri; hor dago aplikatzen diguten hitzarmen negargarria.
• Euskal Herrian ordezkaritzan nagusi izanagatik ere, inork ez du guregana jo negoziazio-mahaia eratzeko. LAB, ELA, Galizako CIG eta Aragoiko OSTA sindikatuok jakinarazi diegu zuzendaritzari, baita FETICO, CCOO eta UGT sindikatuei, mahai horretan parte hartzeko eskubidea zor zaigula. Haatik, oraindik ez dute erantzun. Informazio ofizialik ez dago, baina sindikatu horiek zabaldu dute ostiral honetan eratuko dela negoziazio-mahaia.
• Horregatik, LAB eta ELA sindikatuok gehiengoa dugun espedienteak eragindako lurraldeetan (Bizkaia eta Gipuzkoa) grebara deitu dugu otsailaren 27 eta 28an eta martxoaren 5ean; gainera, martxoaren 11tik aurrera greba mugagabea hasiko dugu DIA Supermerkatuetako enpleguaren eta lan-baldintzen alde.
Otsailerako iragarritako bigarren greba eguna egin dute, LAB, ELA, UGT eta USO sindikatuok deituta. 5 urte baino gehiago daramate soldata izozketa eta lan eskubideen galerarekin, eta enpleguaren behin-behineko tasa handia da sektorean, lanaldi partzial ugarirekin. Malgutasuna gero eta handiagoa denez, lanaren eta norberaren bizitzen arteko kontziliazioa oso zaila bihurtu da. Hortaz, langile hauen lan-baldintzak prekarioak dira eta, ondorioz, eskaintzen duten zerbitzuaren kalitatean du eragina. Egoera honen berri emateko irten dira berriro kalera, eta manifestazioa egin dute Bilbon. Martxoaren 5, 6 eta 7an beste hiru greba egun egingo dituzte.
LAB, ELA, CCOO eta UGT sindikatuok elkarretaratze bat egin dugu Irunen, Uvesco enpresaren aurrean, Gipuzkoako elikagaien industria eta merkataritzako hitzarmenean benetako negoziazioa eskatzeko. Adegiren egoitzaren aurrean egin genuen protesta joan den astean, Donostian, eta, negoziazioan jarrera aldaketarik egon ez denez, beste mobilizazio bat egin dugu gaur.
Hirugarren greba eguna dute gaur Lantegi Batuak-eko langileek, enpresa-batzordeak deituta. Atzo egin bezala, Bilboko kaleak hartu dituzte, goizean goiz gaurko kasuan, hitzarmen duin baten alde. Larunbatean beste manifestazio bat egingo dute, 12:00etan, Eusko Jaurlaritzaren Bilboko egoitzatik Bizkaiko Foru Aldundiraino.
Hauxe da Lantegi Batuak enpresa batzordeak egindako oharra, gaurko greba egunaren harira:
Lantegi Batuak Fundazioko 2.000 langile baino gehiagok urtebete baino gehiago daramagu hitzarmenik gabe. Abenduan egindako mobilizazioen ondoren, abenduaren 20ko greba egunarekin amaitu zirenak. Aste honetan hiru egunetako greba egin berri dugu, otsailaren 25, 26 eta 27an, langileen jarraipen zabala izan dutenak.
Egunotan hainabat mobilizazio egin dira langileen jarraipen handiarekin, eta mobilizatzen jarraitzen dugu Lantegi Batuak Fundazioko zuzendaritzak bere jarrera aldatzen ez badu eta ez badio enpresa-batzordeari, langileon eskariak asetuko dituen proposamen berri bat aurkezten.
Enpresak langileon aldarrikapenak asebetetzen ez dituen bitartean, honako mobilizazioak egingo ditugu.
Martxoaren 9 eta 30ean (larunbatez), manifestazioak Bilbon, 12:00etan, Eusko Jaurlaritzatik Aldundira. Martxoaren 20, 21 eta 22an (asteazken, ostegun eta ostirala) greba egingo dugu.
Lantegi Batuak Fundazioko langileok, ez diogu uko egingo langile guztiontzako hitzarmen duina lortzeko helburuari.
LABetik gure babes eta elkartasuna adierazi nahi diegu senide eta ingurukoei. Era berean, bi istripuok ikertzea eskatzen dugu, hauek ez errepikatzeko prebentzio neurriak eskatzea eta ardurak argitzea.
Salatu nahi dugun bi istripuok ez direla trafiko istripuak, ezta zoritxarraren ondorio, lan-baldintza okerren ondorio zuzena baino, presioena, ondorio dramatikoak dituen zerbitzuak kanporatzearena.
Gaur Astigarragan izan den istripu larria seinalizazio txarraren ondorio da, prebentzio eta segurtasun neurrien falta eta trafikoa, errepideko mantenuan ari diren langileen segurtasuna eta bizitzaren aurretik lehenestearena.
Beste alde batetik, argi utzi nahi dugu azken istripu honen inplikazio politikoa. Gogoratu beharra dago Gipuzkoako Foru Aldundiak utzi egin ziola foru-bidezainen bidez bigarren mailako errepideen mantenu-lanak egiteari eta Gipuzkoako errepide sareko mantenu lan hauek kanporatu egin dituela. Honek lan-baldintzak prekarizatzea ekarri du eta langileen eskubide eta osasunaren en kaltetan lortutako irabazi ekonomikoak handitzea.
LABen argi dugu mobilizazioa eta borroka direla lan-istripuekin amaitzeko ditugun arma bakarrak. Eredu aldaketa behar dugu, langileriaren osasuna eta bizitza interes ekonomikoen gainetik egongo dena.
Hitzarmenik gabe jarraitzen dutela salatu dute, atzoko greba egunean egin bezala. Auto karabana bat egin dute, euren aldarrikapenen berri emateko.
Kaleak berriro ere "era masibo, alai eta aldarrikatzailean" hartzeko deia egin du mugimendu feministak, Bilbon gaur egin duen agerraldian, greba feministaren harira. Hain zuzen ere, martxoaren 8rako deitutako mobilizazioen berri eman du.
Hauek dira martxoaren 8rako mugimendu feministak iragarritako mobilizazioak:
-Donostia: 12:00etan, Bulebarra; 19:00etan, Antiguako tunela
-Gasteiz: 12:00etan, Plaza Berria; 19:00etan, Iparralde Zentro Zibikoa
-Baiona: 12:00etan, Merkatu Plaza; 19:00etan, Errepublika Plaza
-Bilbo: 12:00etan, Jeusen Bihotza; 19:00etan, Jesusen Bihotza
-Iruñea: 12:00etan, Gaztelu Plaza; 19:00etan, Golem Zinema
Bigarren greba eguna dute gaur Lantegi Batuak-eko langileek, enpresa-batzordearen deialdiari jarraiki. Atzo, lan-zentro desberdinen aurrean mobilizatu ziren eta gaurkoan, manifestazioa egin dute Bilbon, Gran Vian zehar, Jaurlaritzaren egoitzatik Aldundiraino.
Xabier Ugartemendia ekintza sindikala eta negoziazio kolektiboko arduradunak eta Gorka Berasategi zerbitzu publikoen federazioko idazkariak gaurko mobilizazioan parte hartu dute, langileen borroka eta aldarrikapenak babestuz.
Xabier Ugartemendiaren hitzetan, “14 hilabete daramatzate negoziatzen Lantegi Batuak-eko langileek. Enpresak ez du azken 4 hilabeteetan proposamenik egin. Etekinak dituen enpresa bat da, gainera”.
LABeko ordezkariaren arabera, “prekarietate egoera gorria bizi dute bertako 2.200 langileek. Aniztasun funtzionala duten langileak izanik, oso baxuak dira soldatak eta ugariak aldi baterako kontratuak. Gainera, soldata-izozketa batetik datoz”.
Beharrezkoa da egoera desblokeatzea, Xabier Ugartemendiaren hitzetan, “KPIari lotutako igoerekin, soldata baxuei aurre egiteko igoera linealekin eta lan-orduak murriztuz. Lan-baldintza duinak bermatzea da borrokaren helburu nagusia".
