2024-04-20
HomeNazioartea IdazkaritzaElkartasunaPikete batean parte hartzeagatik SAT sindikatuko 35 kideren kontrako epaiketa salatu dugu

Pikete batean parte hartzeagatik SAT sindikatuko 35 kideren kontrako epaiketa salatu dugu

LAB sindikatutik Andaluziako SAT sindikatuko kideei gure elkartasunik beroena helarazi nahi diegu bihar Sevillan sindikatuko 35 kideren kontra pikete batean parte hartzeagatik hasiko den epaiketa dela eta. Andaluzian, baita Euskal Herrian ere, eskubideen atzerakada nabarmena pairatzen ari gara, hiltzorian dagoen Erregimena errepresioaren bitartez etengabe sortzen ari zaizkion pitzadura guztiak estaltzen saiatzen ari delako.

2008an Asociafruit patronalak San José de la Rinconadan duen Las Jarillaseko finkan lan egiten zuten bi lan talde kaleratuak izan ziren SAT sindikatura afiliatu izanagatik. 4 egunetako greba deitu zen eta grebaren azkeneko egunean Guardia Zibilak pikete batzuk inguratu zituen. Bertan, 35 sindikalista identifikatu zituen eta 11 urte beranduago 67 urteko kartzela zigorra eta 107.000 euroko isuna eskatzen dituzte.

Horregatik, bihar hasiko den epaiketari begira LAB sindikatutik gure elkartasun eta babes osoa bidali nahi dizkiegu. Andaluzian, baita Euskal Herrian ere, eskubideen atzerakada nabarmena pairatzen ari gara, hiltzorian dagoen Erregimena errepresioaren bitartez etengabe sortzen ari zaizkion pitzadura guztiak estaltzen saiatzen ari delako. Euskal Herrian La Sangiovesa eta Huerta de Peraltako borroka sindikalen ondoren 10.000 euroko isunei eta kartzela zigor eskariei aurre egin beharko diogu. Konkretuki, LABeko kide bat 21 hilabeteko kartzela zigorrera kondenatuta izan da eta fiskaltzak 2 urte eta erdiko kartzela zigorra eta 5 urteko expulsioa eskatzen ditu 2 aldiz Polizia Foralak jipoitua izan zuen Huerta de Peraltako langile baten kontra.

Azaldutako guztiagatik, SATeko kideei gure elkartasun guztia bidaltzen eta auzipetutako 35 sindikalisten absoluzioa exijitzen dugu. Sindikalgintza askatasuna bezalako oinarrizko eskubideak urratzen dituzten epaiketa fartsa hauekin bukatu beharra dago.
 

 

 

AZKEN ALBISTEAK | ÚLTIMAS NOTICIAS

LABek ez du sinatu EAEko anbulantzietako aurreakordioa, hilabete luzetako borrokan planteatutako gutxieneko hobekuntzak ez baititu jasotzen

Anbulantzietako langileentzat Osakidetzako lankideekiko homologazioa eta soldataz haragoko bestelako hobekuntzak alde batera utzi dituzte azken asteetan LABi bizkar emanda aritu diren ELA, CCOO eta UGTk. LABek ez du sinatu aurreakordioa.

Patronalaren eta instituzioen utzikeriak dirauen bitartean prekaritateak hiltzen jarraitzen duela salatu dugu Gasteizen

Iragan asteburuan bi Euskal langileren heriotzen berri izan dugu, garraiolari bat Lleidan eta langile autonomo batena, Gasteizen. Gure elkartasuna eta besarkada beroena hurbilekoei.

Euskal Herriko Pentsiodunen Mugimenduak iragarritako Herri Ekimen Legegileari babesa adierazi dio LABek, gutxieneko pentsioak 1080 eurotara premiaz osagarritu daitezen

Atzo, apirilak 19, milaka euskal pentsiodun atera ziren kalera. Gasteizen egindako mobilizazioan, 1080 eurotako gutxieneko pentsioa behingoz berma dadin 170 udaletan baino gehiagotan aurkeztutako mozioak izan zituzten hizpide, baita horren segida izango den lantzen dabiltzan Legez besteko Proposamena ere. LABek mugimenduaren aldarriekin bat egiten du eta ekimen berri hau babesten duela adierazi du.