2026-01-29
Blog Page 646

Bost zutabe irtengo dira Gaztelu plazarantz, bost aldarrikapen desberdinekin

admin
-
0
Bost zutabe irtengo dira Gaztelu plazarantz, bost aldarrikapen desberdinekin

Maiatzaren Lehenean Iruñeko kaleak hartuko ditugu, egun osoko egitarau batekin. Mobilizazio nagusia 12:00etan izango da, Gaztelu plazatik abiatuta. Bertan ere amaituko dugu, Garbiñe Aranburu idazkari nagusiaren hitzartzearekin. Aurretik, 11:00etatik abiatuta, bost zutabe irtengo dira bost toki desberdinetatik, bost aldarrikapen nagusirekin.

Borroka Laboralak zutabea Arrotxapeatik abiatuko da, "Euskal Herria contra la precariedad. Lan duina, bizi duina" aldarriarekin.

Feministak zutabea Antsoainetik irtengo da, Capuchinoseko biribilgunetik, "La brecha salarial es un problema político. Lan guztien aitortza orain" aldarriarekin.

Gazteak zutabeak Txantrean izango du abiapuntua, Irubide institutuan, hain justu, "Bizitzak biziarazi. Prekarietatearen aurka, euskal gazteria lehen lerrora!" leloarekin.

Migranteak zutabea Nabarreria plazatik abiatuko da, "Bertako zein kanpokoak langile klase berekoak. Vidas dignas para todas" mezuarekin. 11:30ean irtengo da zutabe hau.

Pentsionistak zutabea 11:30ean ere irtengo da, Estafetako bihurgunetik, "Hemen lan egin, bizi, erabaki. Aquí decidimos nuestras pensiones. 1.080 euro orain!", leloarekin.


 

 

 

Elkartasun sindikala, Asturiesko Corriente Sindical de Izquierdas CSI-rekin Xixon-go Vausten gertatzen ari denaren aurrean

admin
-
0
Elkartasun sindikala, Asturiesko Corriente Sindical de Izquierdas CSI-rekin Xixon-go Vausten gertatzen ari denaren aurrean

Hainbat sindikatuk Asturiesko Corriente Sindical de Izquierdas CSI-ri gure elkartasun osoa helarazi nahi diogu, eta Vaustre enpresako CSIko sail sindikalak eta bere idazkari nagusi den Nacho Fusterrek pairatzen duten jazarpena salatu nahi dugu.

Berriki enpresak erregulazio espediente bat aurkeztuko zuela iragarri zuen, haien hitzetan lan eskari falta zegoelako. Egoera honen aurrean, CCOO, UGT eta USO sindikatuek, langileen eskubideak defendatu beharrean, CSI sindikatuari errua botatzeari ekin diote, egoera hau salatzeko sindikatu honek eginiko mobilizazioak egoeraren errudun bilakatu nahian.

Orain 3 aste Asturies-eko Justizia Auzitegi Gorenak emaniko epai baten arabera, CCOO, UGT eta USO-k CSI sindikatuaren sindikalgintza askatasuna urratu zuten Xixongo Vauste enpresan. Askatasun urraketa honen arrazoia ekintza sindikala egitea eragotzi izana zen.

CCOO, UGT eta USO-k beste behin CSI eta bere ekintza sindikal aldarrikatzailea erasotzea lotsagarria da, egindako mobilizazioak espediente erregulazioaren aplikazioaren errudun bilakatu nahian. Asuturies-eko Justizia Auzitegi Gorenaren epai honek Vauste enpresako hiru sindikatu hauen noraeza nabaria agerian utzi du, sindikatu hauek haien interes korporatiboan langileen eskubideen gainetik jartzen dituztela argi eta garbi erakutsiz.

Erregulazio espediente honek CSI sindikatuak arrazoia zuela agerian utzi du. Gogoratu behar da, enpresaren nahi hauek salatzeagatik CSIko kideen kontrako zigorrak, kereila kriminalak, informazioa eskubidea urratuz egondako suspentsioak eta abar luze bat erabili izan direla.

Horregatik guztiagatik testu hau sinatzen dugunok CSI-Vausteko kideei gure babes osoa adierazten diogu, eta ahal dugun neurrian eta CSI-k hobekien uste duen moduan haien borroka babesteko konpromisoa hartzen dugu.

Sinatzaileak: Confederación Intersindical Galega CIG-a, COS Països Catalans, CUT Aragón, CUT Galiza, ESK Euskal Herria, Frente Sindical Obrero de Canarias FSOC, Intersindical Canaria, Intersindical CSC de Catalunya, Intersindical Alternativa de Catalunya IAC, Intersindical Valenciana, LAB Euskal Herria, Sindicato Andalúz de Trabajadores y STEILAS Euskal Herria
 

 

 

Tuboplast enpresan 16 hilabete hitzarmenik gabe daramatela salatu dute langileek

admin
-
0
Tuboplast enpresan 16 hilabete hitzarmenik gabe daramatela salatu dute langileek

Miñanon dagoen enpresako langileek blokeo egoera salatu dute, enpresa batzordeak datozen bi urteetarako egindako proposamenaren aurrean zuzendaritzak ez baitu erantzunik eman. Hori dela eta, mobilizazio egutegi bat adostu dute, enpresa batzordeak berak ohar baten bitartez jakinarazitakoaren arabera.
 

 

 

Euskal gehiengo sindikaletik atzo Gasteizko Sidenorren lan istripuan hildako garraiolariaren heriotza salatzen dugu

admin
-
0
Euskal gehiengo sindikaletik atzo Gasteizko Sidenorren lan istripuan hildako garraiolariaren heriotza salatzen dugu

LAB, ELA, ESK, STEILAS, EHNE eta HIRUtik, garraio sektorean ez ezik, lan munduan ere ezarri den prekarietatea salatzen jarraituko dugu.

Lehenik eta behin gure doluminak eta elkartasuna adierazi nahi dizkiegu atzo Gasteizko Sidenorren lan istripuan hil zen garraiolariaren senide eta lagunei.

LAB, ELA, ESK, STEILAS, EHNE eta HIRU Lezon elkartu ginen atzo joan den astean Pasaiako portuan lan istripuan zendu zen garraiolariaren heriotza salatzeko. Istripu ez traumatikoa. Askotan, “heriotz natural” moduan ezkutatzen saiatzen diren lan istripua. Bestetan, garaiolarien lan istripuak errepideko istripuen zenbatekoen atzean eskutatzen saiatzen dira. Zergatik apaindu zenbakiak? Erantzuna erraza da: zenbatekoak beldurgarriak dira. 2018an 68 pertsona zendu ziren lan istripuan. 24 errepidean. 15, garraiolariak. 2019an 15 dira jada lan istripuan hil diren pertsonak.

Atzo arratsaldean beste garraiolari bat hil zen Gasteizko Sidenorren. Istripu ez traumatikoa. Bi aste, bi garraiolari. Kasualitatea? Ez dugu kasualitateetan sinesten, bai aldiz kausalitateetan.

Presa, estresa, bidaien salneurri baxuak, ezinezko ordutegiak, lan egun luzean, egin behar ez luketeen eta askotan beharturik dauden kamioi zamaketa eta hustuketa lanak eta garraio mer-
ke eta isilaren bila administrazioaren utzikeria sektorearekiko dira, besteak beste, egoera honen erantzuleak. Lan baldintzak ez dira onak, prekarietatea garraiolarien egunerokoa da. Garraioak berehalako erregulazioa behar du, kooperatiba faltsurik gabeko sektorea, ia esklabutzan bizi diren gidaririk gabeko sektorea; garraioa duintasunez eta era seguruan egitea beharrezkoa dela aldarri- katzen dugu, nahiz eta administrazioek beste aldera begiratzen jarraitzen duten.
 

 

 

Bizkaiko Etxez Etxeko Laguntza Zerbitzuko langileek Bilboko kaleak hartu dituzte, goizean goizetik

admin
-
0
Bizkaiko Etxez Etxeko Laguntza Zerbitzuko langileek Bilboko kaleak hartu dituzte, goizean goizetik

Goizean goiz ekin diete protestei, gaur, Bizkaiko Etxez Etxeko Laguntza Zerbitzuko langileek. 7:30ean abiatu dute manifestazioa, eta Bizkaiko Foru Aldundiaren aurrean egindako elkarretaratzearekin amaitu dute mobilizazioa. Atzo bezala, gaurkoan ere greba egin dute, eta lanuzteak maiatzean ere errepikatuko dituzte, orotara, zazpi greba egun deituta baitituzte, enplegua eta kalitatezko zerbitzuaren defentsan.


 

 

 

Kezka larria agertzen dugu Khalid El Haddadi gure kidearen atxiloketagatik eta bere berehalako askatasuna eskatzen dugu

admin
-
0
Euskal Herriko Rif-eko komunitateko kide den Khalid El Hadaddi sindikatuko kidearen atxiloketa dela eta, LABek, atxilotuari eta bere senitarteko eta lagunei bere elkartasun osoa adierazteaz gain, bere berehalako askatasuna exijitzen du.

Marokoko poliziak Khalid El Haddadi Bilbon bizi den Rif-eko komunitateko euskal herritarra eta LAB sindikatuko kidea, apirilaren 14ean atxilotu zuten, Ceuta eta Maroko arteko mugan, Marokoko Martil hirira arrazoi pertsonalengatik zioanean.
Gaurko egunarekin, oraindik ez dakigu zein izan den bere atxiloketaren arrazoia eta zer den leporatzen zaiona, oraindik orain Wakil Imalik edo Guardiako epailearen aurretik pasatzeko zain baitago.

LAB sindikatua biziki larrituta dago momentu honetan bizi duen egoerarengatik, bere osasun egoera eta komisaldegian jaso dezakeen tratuarengatik bereziki. Atxiloketa eman zenetik bi egun betetzear dauden momentu honetan, bere abokatuek ezin izan dute Tetuango komisaldegian berarekin egon.
Azaldutako guztiagatik, atxilotuari eta bere senitarteko eta lagunei bere elkartasun osoa adierazteaz gain, bere berehalako askatasuna exijitzen du LAB sindikatuak. Ahalik eta azkarren El Haddadi gure artean berriro ikusi nahi dugu.

 

 

 

Durangoko epaitegiak errudun jo du Mecar-eko gure emakumezko delegatuaren erasotzailea

admin
-
0
Durangoko epaitegiak errudun jo du Mecar-eko gure emakumezko delegatuaren erasotzailea

Apirilaren 2an izan zen Durangon Mecanizados Mecarren gertatutako erasoaren epaiketa. Bertan enpresako langile bat epaitua izan zen LABeko delegatuari eraso egiteagatik. Erasoaren zergatiak bi dira: enpresan egindako lan sindikala eta emakumea izatea.

Epaia heldu da eta erasotzailea errudun aurkitu du epaileak eraso egiteagatik. Gainera 180 eurotako isuna ere ordaindu beharko du.

Erasoa gertatu zenetik, eta gaur arte, Mecarreko zuzendaritzak ez du ezer egin erasotzailearen kontra, ezta erasotua babesteko ere. Enpresari erasotua zuzenean kaleratzea exijitzen diogu, enpresak erasotzailez libre egon behar baitira.
 

 

 

Bertan behera utzi dugu Bizkaiko Simply supermerkatuetan biharko deitutako greba, akordioa lortu ondoren

admin
-
0
Bertan behera utzi dugu Bizkaiko Simply supermerkatuetan biharko deitutako greba, akordioa lortu ondoren

Enpresarekin akordioa lortu dugu eta sinatu ere bai. Gure eskarien zati garrantzitsua jasotzen da bertan.

Lehen urratsa da, asteko atsedenaldiak eta larunbatak libre izatea arautu eta eskubideak finkatzeko.

Hori dela eta, LAB eta ELA sindikatuok bertan behera utzi nahi dugu biharko, apirilaren 17rako, deitutako greba. 
 

 

 

Azken lan heriotza salatu dugu

admin
-
0
Azken lan heriotza salatu dugu

Euskal gehiengo sindikaletik elkarretaratze bat egin dugu gaur Lezoko biribilgunean, Pasaiako portuan joan den astean hildako langilearen heriotza salatzeko. 2019. urtean jada 14 langile hil dira lan istripuz.
 

 

 
1...645646647...1,588Page 646 of 1,588

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus