2024-03-04
HomeNazioartea IdazkaritzaElkartasunaGreba orokorra Argentinako Irakaskuntzan, Cristina Aguilar eta Jorgelina Ruiz Diaz gogoan

Greba orokorra Argentinako Irakaskuntzan, Cristina Aguilar eta Jorgelina Ruiz Diaz gogoan

Greba orokorra deituta dago Argentinan, Irakaskuntzan, gaurko. Hildakoen senide eta lagunei eta Central de Trabajadores de la Educación de la República Argentina CTERA-ko kideei, pasatzen ari diren momentu gogor hauetan, gure dolumin eta samina adierazi nahi dizkiegu.

Cristina Aguilar eta Jorgelina Ruiz Díaz irakasleak istripu baten ondorioz Argentinako Chubut probintzian hil ziren, asteartean. Istripu berdinean beste hiru irakasle zaurituak izan ziren; Sonia Florentina, Claudia Ramos eta Rosa Sandón, hain zuzen ere. Denak Chubuteko probintziako San Cayetano de Comodoro Rivadavia auzoan dagoen Nº 738 eskolako irakasleak ziren.

Bost irakasleak Rawsonetik Comodorora itzultzen ari ziren beste greba egun batean parte hartu eta gero. Aste luzez pizturik dagoen greba hau Probintziako Gobernuak eta Gobernu zentralak irakasleen soldatak ez ordaintzeagatik piztu da.

Ezer baino lehen hildakoen senide eta lagunei eta Central de Trabajadores de la Educación de la República Argentina CTERA-ko kideei pasatzen ari diren momentu gogor hauetan gure dolumin eta samina adierazi nahi dizkiegu.

Euskal Herritik Chubuteko probintzian irakasleen lan baldintza duinen alde borrokan dauden Central de Trabajadores de la Educación de la República Argentina (CTERA)-ko kideei eta irakasle guztiei gure elkartasun guztia helarazten diegu.

Heriotza hauek ekidin zitezkeen baldin eta 9 aste luzez 5 astetako greba mugagabe honekin bukatzeko borondate politikoa balego. Chubuteko gobernu probintzialak behar bezala soldatak ordaintzeko betebeharra dauka, baino aldi berean Gobernu zentralak, gobernu probintziala egoera ekonomiko zailean baldin badago, berau laguntzeko betebeharra dauka.

Euskal Herritik, Argentina osoko irakasleek gaurko egunerako deituta duten dolumin eta greba egun honekiko gure babes eta atxikimendua adierazi nahi dugu. Cristina eta Jorgelinaren memoriaren alde egin dezakegun gauzarik hoberena gatazka hau sortarazi duten gertakariak konpontzea da, eta aldi berean Macri gobernuari ozen adieraztea Argentinako irakasleek beraien lan eskubideen alde eta Argentinako herriarentzat justizian oinarrituko den etorkizun baten alde atzera-pausurik ez dutela emango.

 

 

 

AZKEN ALBISTEAK | ĂšLTIMAS NOTICIAS

Lan eta bizi baldintzak ez dira hobetzen eta prekaritateak egiturazkoa izaten jarraitzen du

Araba, Nafarroa, Gipuzkoa eta Bizkaian 141.582 langabe daude; beraz, pasa den urtetik %2,13a jaitsi da langabezia Hego Euskal Herrian. Enplegua, ordea, sektore prekarioetan sortzen ari da, lan baldintza prekarioekin eta egoera zaurgarrian dauden herritarren bizitzetan inpaktu zuzenagoa eraginez. Hego Euskal Herrian, 25 eta 64 urte arteko bi herritarretik bat prekaritate egoeran bizi da, enplegua izan arren, bizitza duina bermatzeko diru-sarrera nahikorik gabe.

San Juan de Dios ospitaleko langileek elkarretaratzea egin dute Iruñean, hitzarmenaren negoziazioa blokeatuta dagoela salatzeko

San Juan De Dios Ospitaleko enpresa batzordeak elkarretaratzea egin du Iruñean, Osasunbidearen egoitzaren parean, Oliveto kondearen kalean. 2023-2024 hitzarmen kolektiboaren negoziazioaren egoeraren berri eman dute. 2023ko abenduan, Grupo Independiente eta LABek osatutako enpresa-batzordeak, negoziazio-plataforma aurkeztu zuen, eta abenduaren 15ean mahaia eratu zen, urtarriletik aurrera negoziazioari ekiteko.

Ertzaintzak Gasteizko Martxoaren 3ko manifestazioan egindako karga bortitza salatzen dugu

LAB, ELA, ESK eta STEILAS sindikatuok eta Martxoak 3 elkarteak salatu nahi dugu ERTZAINTZAk karga polizial bortitz ikaragarria egin duela, zauritu asko utziz eta hainbait persona atxilotu dituela, gutxienez 3, ditugun datuen arabera. Manifestazioan, urtero bezala, adin guztietako milaka eta milaka pertsonak zeharkatu dituzte Gasteizko kaleak, duela 48 urte Espainiako Poliziak egindako sarraskia gogoratuz, Egia, Justizia eta Erreparazioa exijituz, eta pertsona guztientzako etorkizun justua aldarrikatuz.