LAB, CCOO, ELA eta UGT sindikatuon oharra, gaur egindako agerraldiaren harira:
Greba mugagabea hasi eta astebetera, etenaldi masiboekin jarraitzen dugu Kirol Kudeaketaren sektorean, Iruñerriko eta Nafarroako herri askotako kirol instalazio gehienak geldiarazten ari dira. Hauek dira: Mendillorriko trinketea, Zizur Nagusia, Uharte, Burlata, Sarrberrioiguren, Perkualta, Caparroso, Jorge Aranzupa, Mutiloa.
Aste honetan zehar patronalak hitzarmenaren negoziazioa blokeatzen jarraitzen du, ez baita inoiz sindikatuekin harremanetan jarri. Ez da bilera- edo negoziazio-proposamenik egin mahaiaren gainean, eta horrek agerian uzten du AGEDENAk ez duela inolako borondaterik hitzarmen sektorialaren negoziazioaren aurrean.
Patronalaren immobilismo horren aurrean, mezu argi bat igortzen diegu udalei: kirol instalazioak kudeatzen dituzten enpresen kontratatzaile garen aldetik, enpresei negoziazioa desblokeatzeko jarrera har dezatela eta presioa egin dezatela eskatzen dugu. Eskatzen dugu, halaber, Udalek inflazio-egoerari aurre egiteko aurrekontu-partida handitu duten kasuetan, publiko egitea eta ezagutzea, sektoreko langileen artean ordaindu ez den dirua ordaindu baitiete enpresa kudeatzaileei.
Egun hauetan guztietan greba-eskubidea urratu dela salatu nahi dugu publikoki. Instalazio askok ireki dituzte tornuak eta instalazioak zabalik utzi dituzte langilerik gabe, eta huelgisten lanpostuak aldatu dira. Lan-ikuskaritzari dagozkion salaketak jarri dira, baina jendaurrean jarri nahi dugu hori berriro gerta ez dadin eta grebarako eskubidea errespeta dadin eskatzeko. Gure ustez, grebarako eskubidea urratzea oso enpresapraktika larria da, eta enrpesak zigortu egin behar dira oinarrizko eskubide bat ez errespetatzeagatik.
Kirol instalazioen erabiltzaileei ere dei egiten diegu: zuen kuotak erreklamatu eta udalei eta enpresei presioa egiten lagundu, berriz ere negoziatzera eseri ahal izateko. Proposatu ditugun gutxienekoak bermatuko dituen hitzarmena sinatu nahi dugu: hitzarmeneko urte bakoitzeko KPIaren soldata-igoera, lanaldiaren murrizketa, bajen kasuan soldata hobetzea eta benetako enplegua hobetzeko sistema, kontratazioaren prekarietatea murriztuko duena. Sektore honetan lan-prekarietatea murriztea ezinbestekoa da eta ezin diogu horri uko egin.
Sektoreko langile guztiak grebarekin jarraitzera animatuko ditugu, gure erreklamazioak bidezkoak eta arrazoizkoak baitira. Sektorea geldiarazteko, ahotsa altxatzeko eta entzunarazteko gaitasuna dugula erakutsi dugu. Merezi dugun hitzarmena lortzeko borrokan jarraituko dugu.
