LABek eta ELAk, gehiengoa dutenak enpresa-batzordean eta lau hilabetetik gorako grebaren
bultzatzaile izan direnek, honako hau adierazi nahi dute:

Telelaguntza zerbitzu publikoak 63.000 erabiltzaile baino gehiago ditu EAEn. LABek eta ELAk
Eusko Jaurlaritzaren pribatizazio politika salatzen dute. Pribatizazioak prekarizatu egiten ditu
plantillaren lan-baldintzak eta zerbitzuaren kalitatea, enpresa pribatuen esku uzten dutenak.
Hauek, euren irabaziak lehenesten dituzte edozein interesen gainetik.

LABentzat eta ELArentzat, zerbitzua irailaren 30era arte esleitu zaion TUNSTALL enpresak,
negoziatzeko borondaterik ez izateaz gain, gaitasun falta izugarria erakutsi du, ez baitu lizitazio
berrirako lehiaketan parte hartzeko behar den dokumentazioa epe barruan aurkeztu.

TUNSTALLeko Zuzendaritzaren lardaskeriak Hitzarmen Kolektiboa negoziatzeko zuzeneko
interlokuziorik gabe uzten du, zerbitzu publikoaren azken esleipenduna nor den erabakitzen
duen enpresak jarritako errekurtsoa argitu arte. Orain arte aurkeztutako eskaintza bakarra
Ilunionek eta Ibermáticak osatutako Aldi Baterako Enpresa Elkartearena da.

Enpresak egoera hori baliatu du hitzarmenaren negoziazioa irteerarik gabeko kale itsu batera
eramateko.

Hala ere, grebalarien erabakiak TUNSTALL enpresa, LABek eta ELAk osatutako greba
batzordearekin akordio batera iristera behartu du.

Akordio honek hurrengora behartzen ditu:

• Hitzarmen kolektiboaren negoziazioa berrestea, enpresa esleipenduna edozein dela ere.
• Oinarrizko soldatan 2022 osoko KPIaren igoera onartzea, hau da, % 6,4koa.
• Soldata-igoera horren erdia linealki aplikatzea. Formula horri esker, kategoria baxuenen eta
altuenen arteko aldeak murriztu egiten dira.
• Hobekuntza hau, zenbatekoa eta aplikatzeko modua, hitzarmenaren kontura mantenduko
da, enpresa esleipenduna nor den argitu eta negoziazioari berriro ekin arte.

LABek eta ELAk BETI ONen greban egon diren langileak zoriontzen dituzte egindako
borrokagatik , eta merezi duten Hitzarmen Kolektiboaren aldeko borrokan jarraitzeko indarrak
berritzera animatzen dituzte, enpresa esleipenduna heltzen denerako.