2025-12-21
Blog Page 1253

EPPKren urratsek konponbide prozesuari egiten dioten ekarpenaren garrantzia azpimarratzen du LABek

admin
-
0

«Sindikatuak 2014an dispertsioaren amaitzea helburu, mobilizazietan sakontzeko deia luzatzen dio euskal jendarteari»

EPPK, euskal presoen politikoen kolektiboko kideek, Euskal Herrira ekartzeko eskaerak aurkeztuz abiatu duten dinamikaren aurrean LAB sindikatuaren adierazpena.

LABen adierazpena

EPPKren urratsek konponbide prozesuari egiten dioten ekarpenaren garrantzia azpimarratzen du LABek eta 2014an dispertsioaren amaitzea helburu, mobilizazietan sakontzeko deia luzatzen dio euskal jendarteari

EPPK, euskal presoen politikoen kolektiboko kideek, Euskal Herrira ekartzeko eskaerak aurkeztuz abiatu duten dinamikaren aurrean LAB sindikatutik honakoa adierazi nahi dugu:

-Euskal Herrian abian dugun aro berri honetan, bake eta konponbide prozesuaren alde Euskal Preso Politikoen Kolektiboak hartutako jarrera politikoaren ondotik dator urratsa. Pauso garrantzitsua da, gatazkaren konponbidean euskal preso politikoen parte hartzea ezinbestekoa dela ulertuta, norabide horretan kokatzen delako. Hartutako erabaki eta konpromisoetan bidea egiten ari da kolektiboa, bere ekarpenekin prozesuak aurrera egin dezan ateak irekiz.

-Ez Euskal Herrian, ez beste ezein herritan, ez dago normalizazio politiko posiblerik ehunka preso politiko espetxean mantenduz. Gatazkaren konponbide prozesuan aurrera egingo bada presoen afera askatu beharra dago. Euskal Herrian une honetan lehentasunezko gaien artean dugu honakoa, horrela erakutsi du euskal jendartearen gehiengoak, eta horrela adierazi, egindako mobilizazioetan, urtarrilaren 11koa kasu. Euskal eragileon, euskal alderdi politiko eta instituzioen erantzukizuna da herriaren nahia eta aldarria bakoitzak berera ekarri, konpromisoak hartu eta urratsak egitea, espainiar Gobernuari prozesua bloketatzeko giltza kenduz.

-2014. urteko lehentasunen artean daude gaixo diren presoen kaleratzea eta dispertsioarekin amaitzea. Espetxe politika honekin amaitzea lortu behar dugu eta lortuko da, euskal jendarteak horrela nahi eta babesten badu. Hala, euskal langileei zehazki eta jendarteari orohar, mobilizazioetan sakontzeko deia egiten diegu. LABek bere egiten du konpromiso hori, eta lantokiz lantoki, EPPKren erabaki eta urratsen garrantzia ezagutarazi eta presoen eskubideen aldeko borroka indartzen jarraituko dugu.

Euskal Herrian, 2014ko martxoaren 12an

 

 

 

Pobrezia eta prekarietaren kontrako martxa Gernika eta Bermeora zabaldu da

admin
-
0
Pobrezia eta prekarietaren kontrako martxa Gernika eta Bermeora zabaldu da

"Nos arrastran la empobrecimiento y la precariedad. Euskal Herriak bere bidea" Martxaren bigarren eguna burutzen ari da gaur. Lehen orduan Gernikatik Bermeora oinezko martxa egin da eta 10:30etan elkarretaratze batean amaitu den kotxe karabana. Nafarroan pobrezia eta prekarietatearen kontrako mezua zabalduko duen Furgo Martxa ere gaur goizean abiatu da Lizarratik.

Arratsalderako Itziar, Deba, Mutriku, Mendaro, Elgoibar eta Eibar batuko dituen kotxe karabana dago deitua. Arratsaldeko 18:30etan Eibarren elkarretaratzea izango da.

  


 

 

Herriaren hitzan eta langileriaren interesetan oinarritutako bigarren trantsizioaren beharra aldarrikatu du LABek Nafarroarako

admin
-
0
Herriaren hitzan eta langileriaren interesetan oinarritutako bigarren trantsizioaren beharra aldarrikatu du LABek Nafarroarako

Gaur goizean egindako agerraldian, LAB sindikatuak Nafarroan indarrean egon den erregimenarekin amaitu eta herri alternatiba osatzearen beharra azpimarratu du. Ainhoa Etxaidek adierazi duenez, “Nafarroan horrelako aldaketa bultzatu eta lortuko duena Herria da. Aldaketa ez da gaur egungo parlamentutik etorriko, ez da azken hamarkadetako erregimena sustengatu duten alderdietatik etorriko. Ildo honetan, PSNk egiturazko arazoa dauka: Madrilen menpe dago, eta ondorioz Madrilen zehazten diren interes partidistak nafarren gainetik jartzen ditu. PSN ustelkeriaren parte da, indarrean egon den erregimenaren gatibua da”.


Era berean, Etxaidek UGT eta CCOOen jarrera deitoratu du: “langileek eta gehiengo sozial zabalak eskatzen duen aldaketari bizkarra eman diote, Barcinaren morroi azalduz eta UPN-PSN itun berria eskatuz”. LABen ustez, Alberto Pascual UPNko kargua eta Nafarroako Kutxako Idazkari ohia Lan Auzitegiko idazkari izendatzeak aipatutako morroitzaren adierazle da. “Zer nolako mesedeak zor dizkiote UPNri, Pascual bezalako testaferro bati babesa emateko?” galdetu du Igor Arroyok.

“Atzo Patronalaren burua den Sarriák argi eta garbi azaldu zuen zer den elite ekonomikoari komeni zaiona, UPN eta PSNren arteko ituna. Nabarmen geratu da elite ekonomikoa erregimena berritzeko lanean ari dela. Eta zoritxarrez, UGT eta CCOOek ere horrekin bat egiten dute”. Gauzak horrela, Arroyoren iritziz “jadanik ez dago lekurik inongo sektore kritikorako PSN, UGT edo CCOOen baitan”.

LABen ustez, Nafarroan alternatiba oso bat eraiki beharra dago, bai lantokietan, bai kalean eta baita Parlamentuan ere. Ainhoa Etxaideren hitzetan, “Nafarroak bigarren trantsizioa behar du, lehenengoaren okerrak errotik zuzenduko dituena, alegia, erabakitzeko eskubidean eta langileen interesetan oinarrituko dena. Gobernua aldatzea mugarria izango da trantsizio horretan. Baina aldaketa prozesua bururaino eramateko, eragile sozial eta sindikalek nafar bizitzan paper eta protagonismo berria jokatu behar dute. Alternatiba errealak eraikitzen dituen eta politiketan aldaketak behartzen dituen gehiengo sindikal eta sozial berriak osatzea da Nafarroan benetako trantsizioa lortzeko berma”.

Patronalaren menpeko kontzertazio sozialaren eredua gainditu eta klase ikuspegitik benetako herri alternatiba eraikitzeko beharra defendatzen du LABek. "Erregimena berritzeko saiakeren aurrean, aldaketa sozial eta politikoari bide emateko Herri mobilizazioari eutsi behar zaio". Ildo honetan, datozen egunetan dauden mobilizazioetan parte hartzeko deia egin du Igor Arroyok: “Gaur bertan Lizarran hasi den Euskal Herriko Duintasun Martxan, martxoaren 22an euskaraz ikasi eta bizitzeko eskubidearen aldeko manifestazioan, apirilaren 5ean abortatzeko eskubidearen aldeko nazio manifestazioan edota apirilaren 12ko “Aldaketaren Plaza” ekimenean, Nafarroan aldaketa sozial eta politikoa eskatzen duen mugimendu anitza irudikatuko da”.
 

Ainhoa Etxaide, LABeko Idazkari Nagusia
 «Erregimen espainolistarekiko alternatiba Herriaren eskutik etorriko da»
 

 

35/02 sumarioa baliorik gabe gera dadila eskatu dute CGT, CNT, EHNE, ELA, ESK, HIRU, LAB eta STEE EILAS sindikatuek

admin
-
0

CGT, CNT, EHNE, ELA, ESK, HIRU, LAB eta STEE EILAS sindikatuek 35/02 sumarioaren epaiketa euskal jendarte guztiari erasaten diola salatu eta bere baliogabetzea exijitu dute.

CGT, CNT, EHNE, ELA, ESK, HIRU, LAB eta STEE-EILAS sindikatuen oharra 35/02 sumarioaren harira

«Sei hilabetetik gora luzatu da Madrilen berrogei pertsonaren kontra izandako auzia; hauetako asko Herri Batasunaren Mahai Nazionaleko eta Batasunako kide izan ziren, edota Euskal Herritarrok koalizioko buru.

Hilabete hauetan jende, eragile eta erakunde ugarik egin ditu auzibide honen aurkako adierazpenak, baita enpresa-batzorde askok ere. Espero zen moduan, ez da inolako egintza konkreturik zehaztu frogatze aldera auziperatuek ETArekin lotura izan edota harekin kolaboratu zutenik. Joera ideologiko desberdineko hainbat legelari ospetsuren esanetan “inguruaren teoria” delakoa erabiltzen da esparru ideologiko edo kultural bat inkulpatzeko eta auzitara eramateko; haatik, kontzeptu hori guztiz lausoa eta arbitrarioa da.

Prozesua hasi aurretik gertatu ziren irregulartasunez gainera (beharrezko ez ziren atxiloketak, inkomunikazioak, espetxeratzeak, fidantza izugarriak, kontu korronte blokeatuak, Estatuko lurraldetik ateratzeko eragozpenak, aldika sinatu beharra, txosten alderdikoiak…) aipatu behar da epaiketan egin diren frogak polizien testigantza beste oinarririk ez dutela izan, eta halako praktikarik Europa guztian ez da ezagutzen.

Beraz, kargu-froga gisa agertu dira delitu ez ziren ekintzak, baita hala aitortu ere; pertsonen eta erakundeen helburu politikoak juzkatzen dira, ez erabiltzen dituzten bitartekoak; jardun politikoa epaitzen da, ez zigorgarriak liratekeen egintzak.

Epaiketa hau ez da auziperatze arbitrarioa pairatu duten pertsonen aurkako eraso hutsa; izan ere, euskal jendarte guztiari ere erasaten dio, honek egoera benetan demokratiko eta librera iritsi nahi duenean, non ez den jazarpen eta auzibide politikorik gertatuko.

Horregatik, CGT, CNT, EHNE, ELA, ESK, HIRU, LAB eta STEE EILAS organizazioek eskatzen dute prozedura baliorik gabe gera dadila, akusatuei absoluzioa eman diezaietela edota artxiba dadila, auziperatu guztiak aske gera daitezen.

Halaber, honakoa exijitzen dugu:

• Epaiketa politiko gehiagorik ez dadila izan
• Auzibide judizialetan bazter dadila etsaiaren zuzenbide penala aplikatzeko praktika
• Baldintzarik gabe errespeta daitezela aniztasun politikoa eta oinarrizko eskubideak, hala nola elkartzekoa, askatasun ideologikoa eta adierazpen askatasuna
• Bizikidetza demokratikorako oinarri sendoak ezar daitezela

Hau guztia posible izan dadin jendarte mobilizatu baten borondate irmoa beharrezkoa izango da aurrerantzean ere, jokabide antidemokratiko guztiak arbuiatze aldera, eta bake eta konponbide egoerara iritsi arte.

Euskal Herrian, 2014ko martxoaren 12an»
 

 

 


Asier González santutxuarraren atxiloketa salatu dute senide, lagun eta Bilboko zein Euskal Herriko eragile ezberdinek

admin
-
0
Asier González santutxuarraren atxiloketa salatu dute senide, lagun eta Bilboko zein Euskal Herriko eragile ezberdinek

Asier Gonzalez santutxuarraren senide, lagun, lankide, auzokide eta Bilboko zein Euskal Herriko hainbat eragile sozial, sindikal eta politikotako ordezkariek prentsaurreko masiboa eman zuten atzo Bilbon Asierren askatasuna eskatu eta euskal gatazkaren konpondidean traba gehiago ez ditzatela jarri exijitzeko.

Prentsaurrekoaren edukiak
ASIER ASKATU! KONPONBIDEARI ERASORIK EZ!

«Gaur hemen bat gara alde batetik Asier Gonzalez santutxuarraren senideak, lagunak, lankideak, auzokideak garenak; eta gurekin batera daude Bilboko eta Euskal Herriko hainbat eragile sozial, sindikal eta politikotako ordezkariak.

Atxiloketa honen salaketa egitera, Asierri eta bere familia eta lagunei gure elkartasuna helaraztera eta Euskal Herrian martxan den konponbide prozesuari erasorik ez egiteko deia egitera gatoz gaur hona.

Lehenengo eta bat, atxiloketa hau salatzerakoan gure kezka gordina adierazi nahi dugu. Asier Gonzalez Guardia Zibilak atxilotu du eta inkomunikazio egoera dauakte; hau da, defentsarako eskubide oinarrizkoa ukatu egin zaio. Guardia Zibilaren eskuetan jasan dezakeen tratuaren inguruko kezka adierazi nahi dugu. Euskal Herrian, 2014an, oraindik orain, tortura erradikatu gabeko gaitza delako. Estatuak, inkomunikazio egoera hau agintzen duen unetik, torturari atea zabaltzen dio. Gure lehen salaketa irmoa, beraz, ildo horretatik doa. Nahikoa da salbuespen egoerez, nahikoa da inkomunikazioaz, indefentsioaz, torturaz eta inpunitateaz.

Bigarrenik, hemen batutako auzokide, elkarte, alderdi, sindikatu eta eragile soizalen partetik gure elkartasunik beroena helarazi nahi diogu une honetan atxilotutako Asier Gonzalezi eta bere senide zein lagunei.

Era honetako atxiloketak egotea 2014an ulertezina eta salagarria da gure ustez. Euskal Herrian egoera politiko berri bat bizi dugu. Herri honetako gehiengo zabal bat konponbidearen, bakearen eta giza eskubideen alde dago. Eta helburu horiek lortzeko urrats positiboak ematearen alde. Gaurko atxiloketa, Herriko Tabernaren miaketa, edo eta Madrilen bihar bertan bukatuko den 35/02 epaiketa politikoa kontrako norabidean doaz. Bakearen kontrako erasoak dira, eta horregatik salatzen ditugu.

Espainiako gobernuaren ardura daukan PPri esan nahi diogu, argi eta garbi, bakea saboteatzeko ahaleginean dabilela. Eta jarrera hori ez duela ez ulertzen ez onartzen Euskal Herriko gehiengo sozial oso zabalak.

Pasa den urtarrilaren 11ko manifestazio deialdia egiteko erabilitako ideia nagusiarekin amaituko dugu gaurko agerraldi hau: Euskal Herrian hainbat urrats egiten ari gara giza eskubideen, konponbidearen eta bakearen alde. Oinarrizko eskubideak urratuak izan direla ikusirik, eta salbuespen neurri kaltegarrien aurrean, hemen bildurikoek gure borondate osoa agertzen dugu gure herrian zabaldu den agertoki berria sendotzeko eta horretarako beharrezkoak diren neurri guztiak hartzeko, gaurko egunean egiten ari garen bezala. Eta beraz, herritarrei deia luzatu nahi diegu gaur bertan, 20:00etan Santutxuko Egunkaria plazan hasita eta ostiralean 20:00etan Karmelo plazan hasita egingo diren manifestazioetan parte hartzeko. Leloa hau izango da: “Asier askatu. Konponbideari erasorik ez”.»
 

 

 

 

 

LABek Ibon Iparragirre preso gaixoaren atxiloketa eta espetxeratzea salatu nahi du

admin
-
0
LABek Ibon Iparragirre preso gaixoaren atxiloketa eta espetxeratzea salatu nahi du

Osasungintzako LAB sindikatuak gogor salatu nahi du preso politiko gaixoen eskubideen kontrako eraso berri hau. Orain dela egun batzuk, Ertzaintzak Ibon Iparragirre atxilotu eta espetxeratu zuen. Kontuan hartu behar dugu Ibon Iparragirre 2011z geroztik etxean ari zela zigorra betetzen, bere gaixotasun larriagatik. Ostiral honetan, martxoak 14, elkarretaratzea burutuko da Usansolo-Galdakaoko Ospitalean, eguerdiko 12:00etan..

Euskal preso politikoen eskubide urraketa gupidagabea bada, preso gaixoen kasuetan, mendeku lotsagarria da eurekiko jarrera.

Azken atxiloketa hau salatzeaz gain, osasungintzako LABek zera eskatzen du:

• Legeak ezarri bezala, larri dauden preso gaixoak berehalako askatzea.
• Gaixo dauden presoen osasun eskubideak errespetatzea: diagnostikatzeko probak, kontsultak eta beharrezkoak diren tratamenduak ahalbidetu.
• Osakidetzari eta Osasunbideari dei egiten diegu babes ditzala presoen osasun eskubideak erabiltzaile moduan bere zentroetan artatuak diren bitartean. Horretarako, sare osoan erabili beharreko protokoloa osatu beharko lukete. Osakidetzak eta Osasunbideak ezin dute beste alde batera begiratu gutxieneko eskubideak urratzen direnean beren instalazioetan.
 

 

 

Huelga indefinida en las ambulancias de Araba y Bizkaia

admin
-
0
Huelga indefinida en las ambulancias de Araba y Bizkaia

El pasado lunes, 10 de marzo, los y las trabajadoras del sector de las ambulancias de Araba y Bizkaia comenzaron una huelga indefinida para reclamar que se cumplan, como viene reflejado en el convenio, todos los puntos del Convenio 2008-2012 hasta la firma de uno nuevo. Ayer, realizaron diferente movilizaciones frente a los hospitales para exigir que el Gobierno Vasco y las gerencias de las ambulancias actuen con responsabilidad.

Convocados por los sindicatos CCOO, LAB, UGT, ELA y USO los y las trabajadoras de Ambulancias de Araba y Bizkaia comenzaron el pasado lunes, 10 de marzo, una huelga indefinida para exigir que se cumpla lo establecido en en convenio 2008-2012 hasta la firma de uno nuevo.

Los y las trabajadoras de Ambulancias denuncian que El Sr. Darpon como Consejero de Sanidad en la actualidad, no debería permitir que una empresa que tira los precios en el concurso público un 15%, después quiera repercutir esa bajada en los sueldos de la plantilla con amenazas de hasta un 40% equivalente al convenio estatal. Asimismo recriminan al Gobierno Vasco, al Departamento de Sanidad y al Departamento de Trabajo de que solo utilizan palabras bonitas en vez de actuar en una situación donde se está jugando con dinero público, los derechos de los y las trabajadores y con la salud de toda la población.

La plantilla en huelga ha querido trasladar a toda la ciudadania su sentir ante todas las molestias que esta lucha les pueda causar, sobre todo para aquellas personas que acuden en ambulancia a tratamiento de Rehabilitación, Diálisis, Oncólogia, estos dos últimos casos estipulados como servicios mínimos. Asimismo, y a diferencia del Gobierno Vasco con el Sr. Urkullu a la cabeza, han querido trasladar que a ellos y a ellas, "como profesionales que somos", si les importan los ciudadanos y ciudadanas y lo que les pueda pasar si no llegan a tiempo para darles una asistencia rápida y eficaz.

Recuerdan que no solo esta en juego los derechos de los y las trabajadoras de Ambulancias, también está en juego los de toda la ciudadania en calidad de pacientes. Ante ello llaman a la población de Araba y Bizkaia se implique en esta lucha compartida.
 

 

 

Martxan da Euskal Herriak bere bidea behar duela aldarrikatzeko ekimena

admin
-
0
Martxan da Euskal Herriak bere bidea behar duela aldarrikatzeko ekimena

Ermuan eta Arrasaten eman zaio hasiera gaur goizean pobrezia eta prekarietarearen kontra eta Euskal Herriak bere bidea egin behar duela aldarrikatzeko martxa. Euskal eragile sindikal eta sozialen ekimenez martxa Euskal Herriko eskualde eta herriak gurutzatuko ditu "Nos arrastran al empobrecimiento y la precariedad. Euskal Herriak bere bidea" lelopean.

Euskal Herriko eragile sozial eta sindikalek pobreziaren kontrako mobilizazio kanpainaren baitan, gaur, martxoak 11, 22ra arte Hego Euskal Herria gurutzatuko duen "Nos arrastran la empobrecimiento y la precariedad. Euskal Herriak bere bidea" Martxari hasiera eman zaio Ermuan eta Arrasaten.

Ermuako ekimenean Ainhoa Etxaide, LABeko idazkari nagusia, izan da. Martxaren helburuetaz hitzegiterakoan, Euskal Herrian zabaltzen ari den pobrezia eta biderkatzen ari diren muturreko egoeren salaketa azpimarratu du.

Ainhoa Etxaide, LABeko idazkari nagusiaren adierazpenak

«Gaur Ermuan, eta momentu berean Arrasaten ere bai, hasiera eman diogu bi astetik zehar luzatuko den eta eskualde guztiak zeharkatuko dituen pobrezia eta prekarietatearen kontrako martxari.

Martxa honen bitartez, Euskal Herrian pobrezia zabaltzen ari dela eta muturreko egoerak biderkatzen ari direla salatu nahi dugu. Izan ere, langileon eta herritarron bizi baldintzak guztiz markatzen eta baldintzatzen dituen egoera hau ez da agenda politikoetan inondik ageri. Beraz, pobrezia hori azalarazi eta agenda politikoan kokatu nahi dugu. Eta, jakina, Euskal Herriko mugimendu sozial eta sindikala horren kontra borrokatzeko konpromisoka hartzeko prest gaudela adierazi nahi dugu.

Pobreziaren atzean ez dago egoera ekonomikoa, baizik eta burutzen ari diren politika zehatz batzuk. Duela sei urte, krisia hasi zenean, politikak aldatzen ez baziren, erreformak etorriko direla esan genuen eta politika horien helburua ez zela krisitik ateratzea, bazik eta krisia baliatzea eskubide sozialak indargabetzeko, krisia baliatzea soldatak jaisteko eta langileoi lapurtzeko hainbeste kostatu zaizkigun lan eskubideak, gutxi batzuek –krisiaren sorrerare atzean dauden berberek- negozioa handitu dezaten.

Eta hori da gertatu dena. Erreforma guztiek, lan erreformak, pentsio erreformak, pribatzazio berriak egiteko administraizoetako erreformalk eta bestelako neurriek gutxi batzuen negozioak handitu dituzte, sistema finantzieroaren krisia gure kontura konpontzea ekarri dute, eta guretzat pobrezia, prekarietatea eta bazterketa. Eta, sei urte beranduago, krisiak irtenbiderik ere ez, lanpostuak suntstzen jarraitzen dutelako, egoera okertzen jarraitzne delako eta ekonomia erreala ez delako benetan indartzen.

Azkenik, jendea mobilizatzera deitu nahi dugu. Politikak aldatu daitezke. Egoera honek badauka alternatiba eta alternatiba hori justizia sozialean oinarritutako eredu berri bat eraikitzea da. Euskal Herriak bere bidea egin behar du eta bide horretan eredu propioa eraiki behar du, Madriletik datozen inposaketak alboraturik.

Euskal Herrian politikak aldatu behar dira, herritarren zerbitzura jarri eta enplegua sortzeko, babes soziala indartzeko eta zerbiztu publikoak zabaltzeko erabili behar dira. Politikak herria eta herritarren beharrak espekulatzaileen gainetik eta kapital handiaren interesen gainetik jarri behar dira.

Badakigu ez dela bide erraza eta pasa den astelehenean ikusi genuen bertoko agintariak ere troikaren menpe, troikari men eginez eta troikak ezartzen dituen politiken txontxongilo moduan. Baina gu ziur gaude Euskal Herrian badagoela gehiengo bat kalera ateraz gero, antolatuz gero, mobilizatuz gero, egoerari buelta emango diona. Hori da gure konpromisoa eta hori da suspertzne jarraituko duguna.»
 

 

 

 

LABek bere babes osoa eman die Incoesako langileei

admin
-
0
LABek bere babes osoa eman die Incoesako langileei

Incoesako langileak plantilla osoari eragiten dion enplegu etete EEEaren kontsulta epeko amaieran aurrean euskal instituzioen inplikazioa eskatzeko lau egunetako itxialdiari atzo eman zioten amaiera. LAB sindikatua, Ainhoa Etxaide idazkari nagusia buru zela, bertan izan zen egindako lanari babes osoa emateko.

Incoesako langileek, euren lanpostuen defentsan eta Bediako lantegiko jarduera produktiboak aurrera egin dezala eskatuz 284 egun greba mugagabean egon eta gero, pasadan martxoaren 6an langile batzuk Bediako Udaletxean sartu ziren euskal instituzioen inplikazioa exijitu eta Arratiako lantegiaren itxiera sahiesteko eskatuz.

Atzo itxierari amaiera eman zioten eta LAB sindikatua bertan izan zen langileak burutzen ari diren borroka eta sindikatuaren izenean egindako lan guztia goraipatzeko. Ainhoa Etxaide buru zela, LABeko ordezkaritza bat Bediako Udaletxera gerturatu zen eta Incoesako langileek enpleguaren defentsan, industiaren defentsan eta eskualdean beharrezkoa den enpresa bat ez ixteko borrokan egindako lana txalotu zuen.

Jaurlaritzari zuzenduz, Etxaidek gatazka honetan hartutako jarrera tamalgarria salatu zuen. Etxaideren ustez langileak borrokan egon diren bitartean, Jaurlaritzak euskal ekonomiari eta enpleguari so eginez eta enpresarien interes ekomomikoak babestuz kobertura politikoa emanez, oniritzia eman dio Incoesa enpresak deslokalizazitzeko hartutako erabakiari. Etxaidek Incoesakoa Jaurlaritzak duen industria politikaren adibide argi bat dela salatu zuen, inungo erantzukizun eta konpromisorik gabe diru publikoa enpresariei ematean laburtzen dena.

Urkulluk Bilboko goi bilkuran ekonomia erreala indartu behar denaren esandiaren atzean Etxaidek, hitz hutsalak baino ez daudela salatu zuen. Sindikatatuaren idazkari nagusiaren hitzetan eta Incoesa eta Euskal Herrian ematen ari diren beste hainbat gatazkak gogoan, "hori egiteko aukera duenean langileei, enpleguari, industriari eta euskal ekonomiari bizkarra ematen" diola salatu zuen.

Etxaidek, lan erreforma ere izan zeun gogoan, bere baita "azken finean, enpresariei enplegua hain erraz suntsitzeko aukera ematen diona".

 

 

 
1...1,2521,2531,254...1,582Page 1,253 of 1,582

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus