2024-02-29
HomeHerriak du hitza eta erabakiaEkitaldi bateratua Iruñean erabakitzeko eskubidea aldarrikatzeko

Ekitaldi bateratua Iruñean erabakitzeko eskubidea aldarrikatzeko

Kataluniako herriari elkartasuna adierazteko eta erabakitzeko eskubidea aldarrikatzeko ekitaldi bateratu bat eginen dugu Iruñean igande honetan, hilak 9, eguerdiko 12:00ean Udal Plazan. EHBildu, GeroaBAI, LAB, ELA, EHNE, CGT, STEE-EILAS eta ESKk Nafarroako herritarrei deia luzatu nahi diegu ekitaldi horretan modu zabalean parte hartzeko.

Ekitaldirako deia egiten dugun pertsona eta eragileok bat egiten dugu Kataluniako jendarteko eremu anitzetatik Espainiako Estatuaren aurka egiten ari den salaketarekin Kataluniako herriak bere etorkizuna erabakitzeko duen eskubidea urratzeagatik, nazioartean aitortuak dauden kontsulta ereduen bitartez kataluniarrek egikaritu nahi duten demokrazia ariketa eragozteagatik.

Pentsatzen dugu Espainiako Estatuaren jarrera ez datorrela bat nazioarte mailan demokratikoak diren Estatuak berezkoak izan behar dituzten jokabideekin. Ez dator bat adibidez Kanadako Estatuak Quebec-ekiko duen jarrerarekin edota Britainia Handiak Eskoziarekiko erakutsi duenarekin.

Uste dugu demokraziaren aroa iritsi dela; herriei zein herritarrei bideak ireki behar zaizkie beraien etorkizunaren inguruko erabakiak era demokratikoan hartu ditzaten.

EH BILDU, GEROA BAI, LAB, ELA, EHNE, CGT, STEE-EILAS, ESK
 

 

 

AZKEN ALBISTEAK | ÚLTIMAS NOTICIAS

Greba egun arrakastatsua Amazonen, enpresak langileen asmoei jaramonik egiten ez dien bitartean

Gaurko greba egunaren balorazioa oso positiboa da, parte-hartzea erabatekoa izan dela esan dezakegu. Plantilla finkotik arduradun gehienak sartu dira, baina kontuan izan behar da arduradunek ez dutela pakete bat bera ere ukitzen, eta, beraz, oinarrizko langileek ez badute lan egiten Amazoneko operatiba guztia ez da ateratzen.

SKOLAEren kontrako azken erasoa salatzen dugu

Administrazioari eskatzen diogu har ditzala beharrezko neurriak ikastetxeetan aniztasunaren aldeko programa hau aurrera eramaten dela bermatzeko. Hezkidetzan eta feminismoan oinarritzen den programaren aurkako enegarren erasoa da hau, eta LAB sindikatuan ez dugu onartuko horrelako eraso gehiagorik!

Envases multinazionalak 68 kontratu iraungitzeko Enplegu Erregulazio Espedientea aurkeztu du

Envases Universal 7 lantoki dituen multinazionala da, horien artean Ugaokoa, 108 langile dituena. 2023ko uztailera arte lantoki hori Domiberiarena izan zen, harik eta Envases Universal enpresak ordura arte Domiberiarenak ziren lantokiak erosi zituen arte, hain zuzen ere. Aste honetan, multinazionalak Enplegua Erregulatzeko Espedientea aurkeztu du, Ugaoko eta Montmeloko zentroen artean 68 lanpostu iraungitzeko ekoizpen- eta antolaketa-arrazoiak argudiatuta.