LAB sindikatuak bihar Euskal Herrian euskal errepublikaren alde deitutako mobilizazioekin bat eginez, euskal langileak bertan parte hartzera animatzen ditu. Aldi berean, LABek etxe eta lantokietan euskal ikurrak jartzeko deia luzatu nahi du.
Blog Page 1247
Kutxabank esku pribatuetan uzteko xantaia egin nahi digutela salatu dute LAB eta ELAk
LAB eta ELA sindikatuek prentsaurrekoa eskaini zuten atzo Bilbon Kutxabank, bankarien eta espekulatzaileen mesedetan, Espainiako banka handiaren eta espainiar nahiz EAEeko Gobernuen mesedetan pribatizatuko dela salatzeko. Honi aurre egiteko euskal herritarren mobilizazioa beharrezkotzat jotzearekin batera, datorren larunbatean, hilak 21, Bilbon Kutxabanken pribatizazioaren aurka izango den manifestazioan parte hartzeko deia luzatu zuten.
LAB eta ELAren irakurketa
Xantaia egin nahi digute Kutxabank esku pribatuetan uzteko
Xantaia egin nahi digute Kutxabank esku pribatuetan uzteko
Diruaren boterea hasten den tokian amaitzen da demokrazia
Denok dakigu, Kutxabank, bankarien eta espekulatzaileen mesedetan, Espainiako banka handiaren eta espainiar nahiz EAEeko Gobernuen mesedetan pribatizatuko dela.
Jakinekoa eta agerikoa da irabazi asmorik gabeko finantza erakundeak diren Euskal kutxak, euskal erakundeen, ezarleen eta langileen partaidetzarekin kontrolatuak, eraldatzeko prozedura osoa, prozesuaren beraren onuradun izango direnek ezarri dutela (akiziodun pribatuak eta finantza-kapitala alegia).
Azkenean, eragozten ez badugu, Euskal Kutxen-Kutxabanken pribatizazioa, frankismoa amaitu zenetik euskal gizartearen aurka egin den lapurretarik handiena izango da. Dena guztiz planifikatu dute bankuen agindupean erakundea kudeatu dutenek eta ate birakariaren jardunaz onura atera nahi dutenek.
Bide honetan, kutxak banku baten (Kutxabank) akziodun bilakatu dira, akzioak merkatuan erosi eta saldu ahal izan daitezen eta banku-negozioa Kutxabanken esku uzteko. Erakundeen eta gizartearen ordezkaritzari bankuaren kontrola ukatu zaio; orain, Kutxak Banku-fundazio bihurtuz, haiek aukeratutako hamabost lagunek erabaki dezaten nahi dute noiz, nola eta nori saldu, oraindik orain, Euskal Kutxen esku dauden akzioak.
Hau guztia, indarrean dagoen legeria haien nahieran aldatuz egin dute; legedia “espresa” eginez, figura juridiko berria sortzeko (banku-fundazioena), baldintzatu dezaketen aurrekarietatik askea; legea araudiaren arabera garatu dute, baldintzen, patronatuaren, berme funtsaren, zigor-erregimenaren, fundazioaren buru berriak beren buruak hautatzearen,… baitan; Kutxabanken esku dagoen banku-negozioaren kontrola gordetzen dute, kontseilua eta exekutiboa sortuz gutxienez bost urterako, erabateko pribatizaziorako aurreikusita dagoen denbora, hain zuzen ere.
Baina hau gutxi balitz ere, Kutxak Banku-fundazio bihurtzeari edozein arbuio mota eragozteko, Kutxetako bileretan, haiek egindako “legedia espresa” are gehiago bihurtzen dute eta Kutxen eta Banku Fundazioen legearen lehen xedapen iragankorraren bitartez zigorrak ezartzen dituzte konpromisarioak aurkako botoa eman dezaten, abstenitu daitezen edota bozkatzeko unean alde egin dezaten eragozteko. Ekainaren 30eko BBKren ohiko batzar orokorreko deialdian honakoa planteatzen da:
• Guztiz antidemokratikoa den prozedura. Botazio bakarra zehazten da kontu ezberdinak onartzeko, hala nola, banku-fundazio bihurtzea, Estatutuak, Patronatua, Gizarte Ekintzaren zuzkidura 2014rako. Hauetarako gai bakoitza bere aldetik bozkatu beharko zen. Gainera, zehazten da botazioa “izenetik deituta” izango dela, “orden alfabetikoz”, batzarreko kide bakoitzaren botazioaren zentzua jasoa izan dadin.
• Isun mehatxua botazioaren emaitza aldekoa ez bada. Botazioaren emaitza batzarrean aldekoa ez bada, zigorrak jartzearekin mehatxu egiten zaie “kontrako botoa ematen dutenei edo boto zuria ematen dutenei edo batzarrean egonda, abstenituko direnei eta baita bertan ez daudenei ere”. Zigor hauek izan ahalko dira “gehienez 500.000 euroko isuna euretako bakoitzari eta gehienez 3 urtetako kargugabetzea” eta kargugabetze eta gaitasungabetze zenbait. Xantaia nabarmena da. Soilik aldeko botoa eman ahal bada, zertarako eman botoa?
Gure baliabideen lapurretari, orain, xantaia, inposizioa eta Kutxen sistema asanblearioa aldez aurretik baliogabetzea gehitu behar diogu, noiz eta inoizko erabakirik garrantzitsuena hartu behar denean. LDIEC-n (Ley 26/1988 sobre Disciplina e Intervención de las Entidades de Crédito) jasotzen diren falta larriengatik 500.000 euro arteko gehieneko zigorra ezartzen da. Espainiako Parlamentuan honen alde bozkatu dutenak, PP eta PNV, egintza politikoaren oinarria, demokrazia alegia, ezabatzen duen jarduera politiko baten sustatzaileak dira.
Pertsona kontseilariak behartu nahi dituzte ekitaldi bakarrean (bozketa bakarra) Kutxak Banku-fundazio bihurtzeko pakete osoari botoa ematera: Kutxak Banku-fundazio bihurtzea, fundazioaren estatutuak, patronatuaren zuzkidura eta esleipena zehaztu.
Euskal Kutxen likidatu eta baliabideak bankarien eta espekulatzaileen esku uztearen aurka gaude guztiz, bai mamiari, bai formari dagokionez; erabakitze-prozesu diktatorialen aurka gaude, interes publikoaren kudeaketa demokratikoa erasotzen baitute. Honekin batera, eskatzen dugu erabaki hori hartu dutenen berehalako dimisioa, bai politikagintzaren esparruan dihardutenena, bai Kutxak-Kutxabanken esparru profesionalean ari direnena. Halaber, alderdi politikoei eskatzen diegu esan dezatela praktika mafioso honekin bat datozen ala ez.
Bilbon, 2014ko ekainaren 17an
ELA eta LAB sindikatuak
Telle eta Urtzi grebalariak aske nahi ditugu! Espetxeratzerik ez!
«2013an Aitor Fernandez, Jon Telletxea, Irantzu Yaldabere eta Urtzi Martinez grebalari gazteak epaitu zituzten, 2012ko martxoaren 29ko Greba Orokorraren egunean Bilbon gertatutako istilu batzuetan parte hartu izana leporaturik. Haien kontrako akusazioak oso larriak izateaz gain (autoritatearen agenteen kontrako atentatua, lesioak, kalteak…), poliziak gertakarien inguruan emandako bertsioan soilik oinarritzen ziren. Horregatik, hasiera-hasieratik salatu genuen muntaia handi baten aurrean geundela. Gainera, fiskalak zigor eskaera izugarria egin zuen: 42 urtetik gorako espetxe zigorra Aitor, Telle eta Urtzirentzat (14 urte inguru bakoitzarentzat) eta 18 hilabeteko lan soziala Irantzurentzat. Azkenean, Aitor eta Irantzu absolbitu egin dituzte, baina Telleri eta Urtziri bi urte eta erdiko kartzela zigorra ezarri diete, desordena publikoengatik. Epaia oso epe laburrean betearaziko da, Telle eta Urtzi espetxeratuz.
Horren aurrean, Grebalariak Aske! plataformak honakoa adierazi nahi du:
Aitor, Irantzu, Jon eta Urtzi beren auzoetako jendarte mugimenduan lan handia egiten duten gazteak dira, eta Deustuko Greba Asanbladako kideak. Inolako zalantzarik gabe, horrexegatik erabili dituzte turko-buru gisa.
Agerikoa da ez dituztela ustezko “desordena” batzuk zigortu, baizik eta beste eredu sozioekonomiko baten aldeko borroka eta konpromisoa. Herri sektore anitzen eta langileriaren borrokak aurrera egiten duen heinean, errepresioak ere gora egiten du.
Oso argi daukagu kolpe errepresibo honek, beste askok bezala, bi helburu nabari dituela: borroka sozialen kriminalizazioa eta desaktibazioa. Sistema kapitalistak langileen eta herri sektoreen lan eta bizi baldintzak etengabe kaskartzen dituen bitartean, disidentzia oro edo men egiten ez duen jendea zigortzen du, eskura dituen bitarteko guztiak erabiliz (polizia eta “justizia” sistema barne), munduko beste hainbat tokitan ere ikusten ari garen bezala.
Bidegabekeria ikaragarria da ustezko “desordena publiko” batzuengatik bi gazteri beren bizitzako bi urte eta erdi kartzelako lau hormen artean ematera behartzea. Inola ere onartu ezin daitekeen neurri injustua, krudela eta gizagabea da. Gainera, prozesu honek bi urte luze iraun du, eta hori, berez, zigor erantsia izan da auzipetuentzat eta ingurukoentzat.
Telleren eta Urtziren kontrako epaia sistema kriminal honen beste adibide bat da. Ez da lehenengoa izan eta ez du ematen azkenengoa izango denik, baina guk lanean eta borrokan jarraituko dugu, sistema hau irauli nahi dugulako eta ahal dugulako. Beraz, bidegabekeria hau salatzeko, horrelakorik berriro gerta ez dadin lan egiteko eta beste eredu sozioekonomiko baten alde borrokatzeko deialdia egin nahi diogu euskal jendarteari.
Bukatzeko, gure besarkadarik beroena eta elkartasun osoa Telle eta Urtzirentzat eta haien senide eta lagunentzat. Ez zarete bakarrik egon, ez zaudete bakarrik eta ez zarete bakarrik egongo. Biba zuek!
2014ko ekaina
Grebalariak aske! Herri plataforma»
14.06.17
LAB: «Telletxea eta Martinez libre nahi ditugu»
14.06.16
Urtzi eta Telle grebalarien askatzea eskatzeko mobilizazioak iragarri ditu Grebalariak Aske Plataformak
Kaleratzeen aurka greba Amurrioko Megatechen
LABek kaleratze berri bat salatu nahi du Megatechen. Enpresa lan erreforma lotsagabeki erabiltzen ari da, langileen lan baldintzak okertzeko eta lanpostuak suntzitzeko. Gaurtik hasita hiru eguneko greba deitu dute kaleratutako emakumea berriz onartu dezaten eta langileen eskubideak zapaltzeari utz dezaten eskatzeko.
Irailean, enpresak 3 kaleratze burutu zituen eta beste 7 langileei bere maila profesionala aldatu zitzaien. Honen aurrean LABek mobilizaziotzeko beharra planteatu zuen, enpresariek euren jokaera birplanteatu zezaten. UGTk Megatecheko komitean gehiengoa izanda proposamenaren kontra egin zuen. Enpresak, orduan, gure proposamena biguntzeko, egoera puntuala eta beharrezkoa zela esan zuen eta berriro ez zela gertatuko.
Ez genuen sinestu orduan eta tamalez denborak arrazoia eman digu. Enpresak bere jokaera errepikatu du, kaleratze objetiboa erabiltzen, enpresan 37 urte lanean zeraman emakume bat kaleratu du, izugarrizko lotsagabekeriekin taxi bat atean ipiniz, kaleratzearen jakinarazpena jaso zuenean lantegitik joateko.
Era berean, Megatecheko Zuzendaritzak LABeko delegatueren kontra eragiten duen jazarpena ere salatu nahi dugu berriro. Oraingoan, greba deialdia aurrera eramateko langileen bozketa ematen ari zela, Zuzendaritza taldeko kide batek honela gerturatu zen LABeko delegatuarengana: “…Como haya huelga y te vea en la pancarta te voy a llevar por delante, te tengo ganas…”.
Honen guztiaren aurrean, Enpresa Batzordeak, langileen babesarekin, gaur hasita hiru eguneko greba deitu du enpresan emakumea berriz onartu dezaten eta langileen eskubideak zapaltzeari utz dezaten behingoz.
{linkr:related;keywords:megatech;limit:5;title:Albiste+gehiago}
LAB eta STEE-EILASek Partzuergoko Haurreskoletarako finantziazio gehiago eskatu dute
Atzo, ekainak 16, Legebiltzarreko Hezkuntza Batzordean EH Bilduk aurkeztutako Haurreskolen inguruko legezko proposamena eztabaidatuko zen. LAB eta STEE-EILAS sindikatuak kanpoan izan ziren Haurreskolak Partzuergoa kalitatekoa, publikoa, doakoa, unibertsala, euskalduna eta laikoa izateko hartu beharreko neurriak martxan jartzea eskatzen Legebiltzarreko talde politiko guztiei.
LAB eta STEE-EILAS sindikatuen irakurketa
Hitzetatik ekintzetara: Partzuergoko Haurreskoletan finantziazio gehiago orain
Hitzetatik ekintzetara: Partzuergoko Haurreskoletan finantziazio gehiago orain
LAB eta STEE-EILAS Sindikatuetako kideok azken asteetan bilkurak burutu ditugu Legebiltzarreko alderdi politiko desberdinekin (PP, EAJ, EH BILDU eta PSOErekin hain zuzen ere). Bilera hauetan talde politiko guztiek Haurreskolak Partzuergoak gizarterako dituen onurak eta zerbitzuaren kalitatea azpimarratu digute. Denak bat datoz neurri batzuk hartu behar direla egun bizi dugun egoerari irtenbide emateko (Haurreskolen hedapena, kuotak berraztertzea, beka sistema egokitzea…).
Gaur, Ekainaren 16an, Legebiltzarreko Hezkuntza Batzordea biltzen da eta bertan EH Bilduk aurkeztutako Haurreskolen inguruko legezko proposamena eztabaidatuko da. Talde parlamentario guztiek osoko zuzenketak egin dituzte, bertan sistemaren finantzazioaz ekarpenak egiten dituztelarik.
LAB eta STEE-EILAS sindikatuon ustez, neurriak hartu behar dira, hitzetatik ekintzetara pasatuz. Cristina Uriartek, Maiatzaren 14an, Hezkuntza Batzordean esandako hitzak zehaztu eta gauzatu behar ditu. Hemen elkartu garen Sindikatuok neurri horiek aplikatu ahal izateko Haurreskolak Partzuergoko finantzazioa handitzea ezinbestekoa da. Beraz, Haurreskolak Partzuergoa kalitatekoa, publikoa, doakoa, unibertsala, euskalduna eta laikoa izateko hartu beharreko neurriak martxan jartzea eskatzen diegu Legebiltzarreko talde politiko guztiei.
Aurreakordioa Gipuzkoako Grafikagintzan
Atzo, ADEGI eta Negoziazio Mahaian ordezkaritza daukaten sindikatuen arteko bileran, LAB, CCOO eta UGT sindikatuak ADEGIrekin aurreakordiora iritsi dira. Aurreakordioak ez du inongo atzerapenik eta erreformaren ezarpenaren aurrean deskuelge klausula bat jasotzen du.
LAB sindikatutik azpimarratu nahi dugu aurreko hitzarmenarekiko aurreakordio honek ez duela inongo atzerapenik eta, gainera, KPIrekiko erreferentziarekin soldata igoerak jasotzen dituela, hau da, 2012ko atzerapenak, 2013an kobratzeko, KPIaren %25a eta 2014 eta 2015rako KPIaren %100a.
Horretaz aparte, erreformaren ezarpenaren aurrean deskuelge klausula bat jasotzen du ere, hain zuzen ere, Gipuzkoako papergintzako hitzarmenekoa. Gogoratu ere, hitzarmen honek iraupen zehaztugabea daukala.
LAB sindikatuak aurreakordio hau oso baikor baloratzen du zeren eta herrialdeko hitzarmenak enpresen egonkortasuna emateko eta lan baldintzak erregulatzeko tresna oso egokia direla erakusten du. Modu berean, erreformaren aurrean blindatutako hitzarmenak KPIarekiko erreferentzia mantendu dezakela erakusten du, hau izanik bizitzaren karestia nominetan egokitzeko modurik zuzenena enpresen bideragarritasuna arriskuan ipini gabe.
Aurreakordio hau, hitzarmenaren erredakzioa bukatuta, hilaren 26an egingo den bileran berretsiko dute.
La totalidad de los sindicatos se concentran para denunciar la destrucción de empleo que está llevando a cabo en Correos
La totalidad de los sindicatos de Correos en Bizkaia (LAB, CCOO, ESK, UGT, ELA y CSI-F) se han concentrado hoy martes 17 de junio, de 11 a 12 de la mañana, frente a la Central de Correos en Alda en protesta por la destrucción de empleo que la Sociedad Estatal está llevando a cabo en este herrialde.
A mediados de mayo Correos presentó a los sindicatos los informes de revisión de puestos de trabajo de siete Unidades de Reparto (Barakaldo, Portugalete y Distritos 2, 12, 13, 14 y 15 de Bilbo) que, en conjunto, ha supuesto la pérdida de 27 puestos de trabajo.
Los informes se presentaron como incuestionables pese a las deficiencias y omisiones técnicas que presentaban y fueron totalmente rechazados por la representación sindical.
Tras la implantación de los estudios a principios de mes, las consecuencias de la desmedida reducción de puestos de trabajo se está dejando notar en la imposibilidad de poder repartir diariamente toda la correspondencia ordinaria y certificada que llega a esos siete centros de trabajo.
Este hecho, unido a la brutal reducción de la contratación de trabajadoras y trabajadores temporales para suplir al personal ausente por vacaciones u otras causas, hace aventurar un verano caótico en los centros de trabajo afectados por los estudios.
En opinión de los sindicatos, la desenfrenada política de personal de la empresa, que en los últimos seis años ha supuesto la reducción de 16.000 puestos de trabajo en todo el estado, está derivando en un incumplimiento sistemático de las obligaciones que la ley reguladora del mercado postal impone al operador público en la prestación del Servicio Postal Universal.
Ante el anuncio de que la dirección de la Zona 2ª de Correos, de la que depende Bizkaia, presentará a finales de año los informes de revisión de puestos correspondientes a otros diez distritos de Bilbo, se ha convocado para el mismo día 17, a la tarde, una asamblea de todos los distritos de Bilbo para debatir cómo enfrentar la pérdida de tantos puestos de trabajo.
LAB: «Telletxea eta Martinez libre nahi ditugu»
2012ko martxoaren 29ko greba orokorraren harira, 2013ko irailaren 11n Aitor Fernández, Jon Telletxea eta Urtzi Martínez gazteak epaitu zituzten. Absoluzioa guztientzat behar bazuen ere, Jon Telletxea zein Urtzi Martinezi 15 hilabetetako espetxe zigorra ezarri zieten. Hala ere, fiskaltzak, horrekin pozik ez eta espetxera sarrarazteko asmo argiaz, errekurtso jarri eta zigor hau bi urte eta erdira igotzea lortu du.
Helburu bakar bat bilatzen du amarru sare honek: erantzun sozial eta politikoa zapaldu eta itotzea. Jon Telletxea eta Urtzi Martínezen delitu bakarra Euskal Herrian bestelako eredu sozial eta ekonomiko baten alde lan egitea eta greban parte hartzea izan zen. Beraz, Telletxea eta Martinez libre nahi ditugu. Telletxea eta Martinezen berehalako espetxeratzea dela eta, gaur, hilak 17, goizeko 10.45 etan Deustuko Done Petri plazan Grebalariak Aske! Plataformaren eskutik egin den irakurketarekin bat egiten du LABek, eta bertan plataformak deituko dituen mobilizazioei ere geure sostengua helarazi nahi diegu.
MOBILIZAZIOAK
KONTZENTRAZIOA ARANGOITIN
Ostegunean (ekainak 19), 20:00etan Egileor plazan.
MANIFESTAZIOA BILBON
Ekainaren 25ean (asteazkena), 19:30ean Jesusen Bihotza plazatik plaza Zirkularreraino.