2025-12-17
Blog Page 12

LAB eta SAT sindikatuek estaldura soziala eskatu diote Nafarroako Gobernuari, nafar landako kanpainetan lanik gabe geratzen diren jornalarientzat

Zubiate(e)ko Aritz
-
0
LAB eta SAT sindikatuek estaldura soziala eskatu diote Nafarroako Gobernuari, nafar landako kanpainetan lanik gabe geratzen diren jornalarientzat

LABek eta Andaluziako Langileen Sindikatuak (SAT) bilera egin dute Nafarroako Gobernuko Nekazaritza eta Ekonomia Sozialeko eta Laneko Zuzendaritza Nagusiekin, Nafarroan lan egiten duten ehunka jornalari andaluziarren egoera aztertzeko. Zainzuriaren aurreko kanpainan, landako langileek lanik gabe eta galera ekonomikoekin itzuli behar izan zuten beraien lurraldera. Udaberriko euriak eta hotzak eragin handia izan zuen zainzuriaren kanpainan.

Imanol Karrerak, Nafarroako LAB sindikatuko bozeramaileak, eta Ɠscar Reinak, SAT sindikatuko bozeramaile nazionalak, Nafarroako eta Estatuko estaldura soziala eskatu dute, lan baldintza legalak bermatzeko eta jornalariak ekonomikoki eta etxebizitzari dagokionez horrelako egoeren aurrean estaltzeko.

Udaberriko euriak eta hotzak gero eta ohikoagoa den egoera bat eragin zuten ā€“bigarren urtea da jarraian kanpaina txarrekinā€“ klima aldaketak klimatologian eragindako aldaketen ondorioz. ā€œErrealitate horrek egoera kezkagarria, asaldagarria eta prekarioa utzi du Andaluziatik (batez ere Jaenetik eta Sevillatik) etorritako ehunka jornalarietan, eta lanik gabe, soldatarik gabe eta, kasu askotan, galera ekonomiko handiekin itzuli behar izan dute beraien lurralderaā€.

Sindikatuek salatu dute salbuespen eta laguntza ekonomikoez bakarrik hitz egiten dela gero eta behin behinekotasun gutxiagoko egoera horien aurrean, enpresa edo nekazari enplegatzaileei eragiten dieten kalte zehatzei aurre egiteko, inoiz ere ez jornalariek jasaten dituzten galerei erantzuteko. ā€œIzan ere, Hitzarmen Kolektiboaren aplikazioaren aurrean, inoiz errespetatzen eta betetzen ez diren miseria-baldintzak dituzten ahozko akordioak ezartzen zaizkie. Horrela, katea beti leku beretik hausten da, jornaleroen aldetik, katebegirik ahulenaā€.

Horregatik, LAB eta SAT sindikatuek Nafarroako Gobernuari eskatzen diote Nafarroako Nekazaritza eta Abeltzaintzako Hitzarmen Kolektiboari lotutako nafar landa eremuko lan baldintzen kontrol zehatza eta eraginkorra egin dezala. Bestetik, landa-eremuko langileek alokairuko etxebizitza eskuratzeko aukera izango dutela bermatuko duen plan bat exijitzen dute. Era berean, Nafarroako eta Espainiako gobernuei estaldura sozial bat ezartzea eskatzen diete, kanpaina negatiboen edo huts egindakoen aurrean jornalariak babesteko neurriak eta prestazioak jasoko dituena, kontuan hartu gabe Nafarroan bizi edo urtaro jakin batzuetan lanera etortzen diren.

Urrian langabezia igo egin da eta agerian gelditu da udaldiko kontratazio prekarioa

Zubiate(e)ko Aritz
-
0
Urrian langabezia igo egin da eta agerian gelditu da udaldiko kontratazio prekarioa

Hego Euskal Herrian 1.219 langile gehiago daude langabezian urrian, aurreko hilabetearekin alderatuta. Datuak, bereziki kezkagarriak dira Nafarroa Garaian, non langabezia %2,04 igo den hilabete bakarrean.Ā 

Duela urte beteko datuekin alderatuz, ordea, langabeziak beheranzko joerari eutsi dio eta azken hilabeteko gorakada, udaldiaren amaierarekin batera eten egiten diren lan kontratu prekario zein ezegonkorren ondorio zuzena da. Izan ere, langabetuen gehiengoa, %58,94, emakumeak dira eta azken hilabetean gazteen langabezia %4,37 igo da, udako kontratu prekarioak amaituta. Zentzu berean, azken hilabetean sektore guztietan egin du gora langabetu kopuruak, bereziki zerbitzuak sektorean, non udako kontratuak bereziki areagotzen diren. Migratuen artean ere, langabeziak gora egin du urrian. Langabezian dauden herritar migratuen artean, %31,68 aurreko enplegurik gabekoa dela nabarmendu behar dugu. 

Aurreko urtean baino 5.481 kontratu gutxiago sinatu dira urrian zehar, bereziki lehen sektorean eta zerbitzuak sektorean. Hala ere, kontratuen %79,08 zerbitzutan jazo da, aurreko urtean baino %4,59 kontratu gutxiago sinatu arren, langile gehienak sektore honetako kontratua du. 

Bestalde, afiliazioak gora egin du Hego Euskal Herrian, eta urrian 1.085.105 zeuden izena emanda erregimen orokorrean (aurreko hilabetean baino 9.630 afiliatu gehiago, hain zuzen ere). Hala ere, 25-50 urte artekoen artean, afiliazioa jaitsi egin da, bereziki emakumeei dagokionean. Afiliazioan zerbitzuak sektoreak izaniko gorakadak argi erakusten du sortzen ari den enplegua lan baldintza ezegonkor zein prekarioak nagusitzen diren zerbitzuak sektorean izan dela. Izan ere, azken urtean sorturiko afiliazioaren %85,11a zerbitzuak sektorean izan baita. 

Lan kontratuei erreparatzen badiogu, emakumeek lan merkatuan dituzten baldintza prekarioak egiturazkoak direla ikus daiteke. Emakumeen artean, %56,2an jardunaldi osoko kontratua duen bitartean, gizonen artean %78ra igotzen da. Lanaldi partzialarekin, ordea, alderantziz gertatzen da: 4 emakumetik bat lanaldi partziala duen bitartean (%24,9), 10 gizonetik ia bakarrak (%11,4) lan egiten du jardunaldi partzialean. Udan lan kontratu ezegonkorrek izaten duten igoeraren erakusle da, urrian jardunaldi osoko behin behineko kontratuek, batez beste, %0,4 behera egin dutela da, gainerako kontratuak igo diren bitartean. 

Enpleguak bizitza duina bermatzeko gero eta zailtasun gehiago ditu eta langabezia lan baldintza ezegonkorren itzala bilakatu da. Egoera honen aurrean, Lanbidearteko Gutxieneko Soldataren igoerak langile klase osoarentzat onurak besterik ez lituzke ekarriko, egoera zaurgarrian dauden langileen soldatatan inpakturik handiena suposatuz. Lana, aberastasuna eta zaintzaren banaketa, horixe da jendarte justu baterako LAB sindikatuak proposatzen duen ereduaren ardatza. Eta horri buruzko eztabaida demokratikoa da, era berean, EAJ-PNVk eta PSEk ukatu dutena, 138.495 herritarren eskaerari bizkar emanez. Azaroaren 12an, Bilbon, gutxieneko soldataren aldeko herri ekimen legegilea tramitera onartu eta EAEko Legebiltzarrean eztabaidatu dadin eskatzeko manifestazioa egingo dugu LAB, ELA, ESK, Steilas, HIRU eta Etxalde sindikatuek. 

Legezko zaintzagatik lanaldi-murrizketa duen langile bati produktibitatea osorik ordaintzera zigortu dute Correos

Zubiate(e)ko Aritz
-
0
Legezko zaintzagatik lanaldi-murrizketa duen langile bati produktibitatea osorik ordaintzera zigortu dute Correos

Gasteizko Lan Arloko 2 zenbakiko Epaitegiak S. E. Correos y TelƩgrafos SA zigortu du lehen aldiz langile bati produktibitate eta iraunkortasun-plus oso bat ordaintzera. Plus hori nominatik kendu zitzaion legezko zaintzagatik lanaldi-murrizketan egoteagatik.

Epaia irmoa da, ez da errekurritu, aurrekari oso garrantzitsua sortzen du 50.000 langile inguru dituen enpresa batean, lanaldia murriztuta duten eta nominen osagarri funtzionalak gutxitzen zaizkien langile guztiei estrapolatzeko modukoa.

Legezko zaintzagatik lanaldia murrizteko eskubidea baliatzeak ezin du zigor ekonomiko gehigarririk ekarri, horrek tratu-berdintasunaren printzipioa eta bizitza pertsonala, familia eta lana bateragarri egiteko eskubidea urratuko bailituzke, bereziki eskubide hori gehienbat emakumeek baliatzen duten testuinguruetan. Correosen 25.000 emakume baino gehiago daude lanean.

LABek ez du langileen eskubideen defentsan etengo, eta bere ekintza sindikala eta zerbitzu juridikoak plantillaren zerbitzura jartzen jarraituko du. 

Arabako Adinduen Egoitzen eta Etxebizitza Komunitarioen langileak greban

Zubiate(e)ko Aritz
-
0
Arabako Adinduen Egoitzen eta Etxebizitza Komunitarioen langileak greban

Arabako adinekoentzako egoitzetako eta etxebizitza komunitarioetako langileak kalera atera dira berriro gaur, azaroak 4, eta bihar 5ean ere aterako dira kalera, bi greba-deialdiren bidez, LABen eta beste sindikatu batzuen deiari erantzunez.Ā 

Sei urte igaro dira Adinduen Egoitzen eta Etxebizitza Komunitarioen langileok gure sektorearentzat Arabako I.Hitzarmena lortzeko borrokari ekin genionetik.

Denbora honetan bitartean, Patronalak garatu duen praktikak langileongan higadura eta etsipena eragitean oinarrituriko estrategia bateri erantzun izan dio. Sektore honen lan-baldintzak hobetzeari dagokienez erabat ganorarik gabekoak izan diren mugimenduak gauzatu ditu, ezinbestekoa den egiten dugun lanarekiko mespretxuzko jarrera adieraziz.

LABetik ozen salatu nahi dugu sektorean egungo lan-baldintzak mantentzeak suposatzen duen arduragabekeria, horrek dakarren kalitatezko zaintza bermatzeko ezintasunari erreparatzen badiogu.

Halaber, LABen, sektoreko emakume langileok zein egoitzetan bizi diren pertsonek pairatzen dugun tratu txarraren iraunkortasuna soilik EAJk eta PSEk osatzen duten Aldundiaren Gobernuaren laguntza eta babesari esker dela posible argi daukagu.

Gehiagora doan zerbitzu publikoen pribatizazioak eta berarekin dakarren ekidinezinezko prekarizazioak inflexio puntu batera garamate.

Araba osoan eta Gasteizen zehazki azken denboran pizten ari diren lan-gatazka ugariek Instituzioen ezgaitasunean eta konplizitatean daukate iturburua. Horrek adierazten digu pribatizazio estrategiaren aurka eta pertsona inplikatuen eskubideak eta bizitza duinak bermatze aldera indarrak batu eta elkarrekin borroka egiteko beharra.

LABen antolatuta gauden emakume langileok mezu garbia helarazi nahi diegu GESCA Euskadi, LARES eta ACRA/ AEZE enpresek osatzen duten Patronalari eta baita herrialdeko Instituzioei ere: ez dugu men egiteko inolako asmorik. Atsedenik hartu gabe jarraituko dugu sektorean ematen den prekarietatearekin amaituko duen herrialdeko hitzarmena errealitate bat izan artean. Eta hori egingo dugu, besterik gabe, ezinezkoa delako 2025ean Araban lanaldi amaigabeekin eta ezinezko ordutegiekin bizitzea, hilean 1.000 euroren truke.

Urteotan LAB sindikatuko emakumeok erakutsitako irmotasunak instituzioek eta patronalak ezarritako blokeo-harresia pitzatzeko erabakiorra izan da. Negoziaketetan sakontzen eta aurrera egiten ahalbidetu du. Negoziatzen eta mobilizatzen jarraituko dugu dagokiguna gurea egin artean. 

LAB-ek Arabako Metaleko ordezkariak bildu ditu, negoziazio berriari ekiteko

Zubiate(e)ko Aritz
-
0
LAB-ek Arabako Metaleko ordezkariak bildu ditu, negoziazio berriari ekiteko

Iraunaldia amaitzear dagoenean, beharrezkoa izango da langileen konpromisoa hitzarmena berritzeko

Urte honen amaieran Arabako Metaleko hitzarmenaren iraunaldia amaitzen da. Hori dela eta LAB-etik hilabeteak daramatzagu etorriko den negoziazioa prestatzen. Horretarako, uda aurretik metaleko delegatuen asanbladak burutzen hasi ginen, inkestak banatu ditugu sail sindikalen artean eta pixkanaka sektorea negoziazio ā€œtxipā€-ean jartzeko estrategia fintzen aritu gara.

2022an sinatu zen hitzarmenak aldaketa esanguratsua ekarri zuen Arabako Metalean. Hasteko, eta 19 urteren ostean, lehen aldiz eragin osoko hitzarmena sinatu zen. LAB-ek sinatzeko, edukiak egokiak izatea beharrezkoa zen. Eta hauek bermatuak izan ziren. Adibide bezala, %14ko igoera suposatzea gaiz KPI-aren erreferentzia berreskuratu zen; bi hamarkada ostean jardunaldia jaitsi zen; lan kontingentzietan hobekuntzak, innaplikazio klausula, eta abar. Atzera pausurik gabe. Hitzarmen hau sinatzeak bidea ireki du hainbat enpresetan, paktua zein hitzarmena negoziatzen ari zirenak, sektorekoan oinarrituta beren akordioak hobetzekoe ta berritzeko bidea erraztuz.

Honetaz gaiz, hitzarmenaren bitartean jasotzen ziren konpromiso ezberdinak betetzen joan gara. Berdintasun batzordean, LAB-ek lan eta inplikazio handia erakutsita emaitzak ere hor daude. Gainera, oraindik irekita dagoen kategorien batzordea sortuta, Estatutik datorren eredua baztertu eta Arabako egoerara egokitzen den kategoriak adosteko aukera dago.

Orain, erronka handia dugu berriro ere esku tartean. Arabako Metalean, 25.000 langileek egiten duten lan, eta erdiak gutxi gora behera hitzarmen propioa duten. Badira ere lantegi oso txikiak, 10 pertsonatik beherako tailerrak, zeintzuk ez duten beren hitzarmen edo paktu propioa negoziatzeko aukerarik eta zuzenean sektoreko hitzarmena aplikatzen zaien. Azken hauek milaka langile dira. Sindikatuok kapazak izan behar gara tailer hauetako langile hauei guztiei ere eskaintza sindikala egiteko, eta beren eskubideak eta lan baldintzak hobetzeko markoak emateko. Enpresaz enpresako negoziazioetara mugatzeak bazterrean dauden langile guzti hauek botata uzten ditu, prekarietatera bultzatuz eta euren egoera betikotuz. Horregatik LAB-entzat sektoreko hitzarmena da erreferentzia, eta hortik gora, berau hobetzeko tresnak eskaintzen ditugu enpresa batzordeetan edota delegatuei. 

Horrela, eta datorkigunaren aurrean tentuz eta erantzukizunez jokatzeko beharra izango dugu denok. Bai sektorean ordezkaritza dugun sindikatu guztiok, eta baita langile norbanakoek ere. LAB-etik, argi dugu sektorearen indarra langileon batasunean dagoela. Eta argi dugu ere, sektoreko langile guztiei hitzarmen sektorialak beraien lan baldintzak hobeagoak izan ditzaten eskaintzen duen aukeraren aurrean, norberari dagokion erantzukizuna ez hartzeak ez dela aukera bat. 

Inork uste badu azken hitzarmena oparia izan zela, oker dabil. SEA-ri eta enpresei erauztea lortu genituen eskubideak dira, lan-uzte, greba eta mobilizazio ziklo oso bati esker. Sektorea aktibatzeko garaia da, datorrenaren aurrean indar korrelazioa egokia izan dadin. Eta LAB horretara doa. 

LABek 2026rako Volkswagen Navarraren aldi baterako lan-erregulazioko espediente bat errefusatu du eta lanaldi murrizketak proposatu ditu alternatiba gisa

Zubiate(e)ko Aritz
-
0
LABek 2026rako Volkswagen Navarraren aldi baterako lan-erregulazioko espediente bat errefusatu du eta lanaldi murrizketak proposatu ditu alternatiba gisa

LAB sindikatuak iragarri du ez duela onartuko ABEE-a 2026rako malgutasun-neurri gisa aplikatzea, eta proposamen ā€œerreal eta egingarriā€ bat aurkeztuko du, lanaldia murrizteko hiru aukerarekin, astean 37,5 ordutik 30 ordura bitartekoa, plantillaren lan-egonkortasuna bermatuz eta 2026tik aurrera modu iraunkorrean aplikatuz, lanegunetan zein lan-orduetan.

Gaur egun, ez dago datu zehatzik elektrifikazioak lantegian izango duen eraginari buruz, nahiz eta mundu mailan automozio fabriketan langile murrizketak ematen ari direla jakitera eman den. LABen ustez, eszenatoki hau enpleguaren banaketari aurre egiteko aukera bat da. ā€œHorrekin, 2026ko ekoizpen-egutegia konponduko genuke, itxiera egun gehiegi dituena, eta plantillak etorkizunari langileen murrizketen beldurrik gabe aurre egitea ahalbidetuko genukeā€.

Sindikatuak salatu du VW Navarrak 2018tik gehiegizko erabilera egin duela aldi baterako lan-erregulazioez, eta 2020tik gaur arte etengabe aplikatu dituela. ā€œMultinazionalek ABEEak malgutasun neurri gisa neurriz kanpo erabiltzea zigortuta egon beharko litzateke, kostuak aurreztea da enpresariarentzat, altxor publikoaren eta langileek jasaten duten soldata murrizketaren konturaā€, adierazi dute.

LABek ABEE-ak aplikatzeko politika honek langileengan izan duen eragina azpimarratu du. ā€œ2025aren amaieran, aldi baterako lan-erregulazio guztiek kaltetutako edo eragindako muntaketa-tailerreko langile batek 6 hilabete inguru kontsumituko ditu bere langabezia-prestazioetatikā€, adierazi dute.

Sindikatuaren kalkuluen arabera, 10 urteko antzinatasuna duen 4 mailako langile bati aldi baterako lan-erregulazioek eragin dioten kostu ekonomikoa 5.700 ā‚¬ ingurukoa da. Kopuru hori kalkulatzeko, langileek aldi baterako lan-erregulazioko espedienteetan jaso ez dituzten plusei ABEEaren kontraprestazio gisa hitzartutako ordainsariak kentzen zaizkie.

LABek ere kritikatu du enpresak ABEEetan soldata konpentsazioari buruz duen bertsio ofiziala: ā€œBatzuei ahoa betetzen zaie VW Navarrak ABEEetan soldata %100ean osatzen duela esatean, gezurra da, VW Navarrak plusak ez ordaintzeagatik lortutako aurrezkia 20 milioi eurotik gorakoa daā€.

Sindikatuaren arabera, VW Navarrak ordaintzeari utzi dion langileen soldatak, gainerako gizarteak solidarioki ordaindu duen kopurua, 25 milioi eurotik gorakoak dira. Bestalde, konpainiak 442 milioi eurotik gorako mozkinak lortu ditu aldi baterako enplegu-erregulazioko espedienteak aplikatu zituen urteetan, 2025 kontuan hartu gabe. ā€œVW Navarrak ez ditu aldi baterako lan-erregulazioak malgutasun-neurri gisa soilik aplikatzen; horiek aplikatzen dituen bakoitzean etekin ekonomikoa ateratzen duā€, amaitu dute LABetik.

Sidenor Gasteiz: Aski da! Zigorrak eta gezurrik ez!

Zubiate(e)ko Aritz
-
0
Sidenor Gasteiz: Aski da! Zigorrak eta gezurrik ez!

Enpresak espedientea ireki eta 4 pertsona kaleratzeko mehatxua egin du, goragoko kategoria bat erreklamatzeagatik.

Gasteizko Sidenor enpresak mantentze-lan hidraulikoen ataleko langileen aurka egin duen azken mugimenduak diktadura bezala defini daiteke. Sail honetako langileek, enpresako beste sail batzuetan mantentze-lanak egiten dituzten beste lankide batzuekiko diskriminatuta eta gutxietsiak sentitu zirenez, maila aldatzeko eskatu zuten 2024. urtearen amaieran, aitortutako mailatik gora egiten zituzten eginkizun horiek aitor ziezazkieten.

Horrela, urtarriletik uztailera bitartean, pertsona hauek dagokien zenbatekoa jaso zuten nominan. Baina gradu hori finkatuta geratu zenean, abuztuan, ez zen ordaindu. Irailean Basauritik gutun bat jaso zen, gradu-aldaketa ez onartzeaz eta baliogabetzeaz gain, hori egin izanagatik zigorrak jartzeko mehatxua eginez.

Horren ondoren, urriaren hasieran, egoera horren eraginpean zeudenek beste jakinarazpen bat jaso zuten, eta jakinarazi zieten urriko nominan deskontatuko zutela enpresaren arabera ordaindu behar ez zen guztia. Eta balizko errepresalia errepikatzen zuen, are tonu gogorragoan. Hori dela eta, kaltetuetako batzuek beren sindikatuetako zerbitzu juridikoetara jo zuten jarduketa hori salatzeko: Kategoria aitortu behar zitzaiela eta finkatuta geratu behar zela uste zuelako. Dirua kendu diete hitzik gurutzatu gabe.

Bada, enpresak pertsona horiei espedientea irekitzea erabaki du, eta azkenean mehatxua gauzatzen duen jakiteko zain gaude. Erabat onartezina da. Ezin dugu onartu pertsona bat, bere kategoria erreklamatzea erabaki duelako, zigortuta edo kaleratuta izatearen mehatxupean egotea. Gasteizko zuzendaritzak urtarriletik zuen erreklamazio horren berri, horrela ordaintzen ari baitziren. Ez dakigu Gasteiz eta Basauriren arteko barne-gerra baten aurrean gauden, baina ez gara zain geratuko zer gertatzen den ikusteko.

Bada garaia Sidenorren lan ona hain fanatikoki goraipatzen ari direnek begiak ireki ditzaten eta errealitatea ikusten has daitezen: genozidio batekin lagundu ahal izan duen enpresa bat, inolako eragozpenik ez duena espedienteak irekitzeko, zigorrekin eta kaleratzeekin mehatxatzeko, langileek beren eskubideak erreklamatze hutsagatik. Erreklamazio horiek, berriz diogu, barneko bideetatik egin dira, eta arauak dioen bezala judizializatu dira. Hau jazarpen sindikala da. 

Sindikatuek Eusko Jaurlaritzaren, EAJren eta PSE-EEren aurrean protesta egingo dute gutxieneko soldataren alde

Zubiate(e)ko Aritz
-
0
Sindikatuek Eusko Jaurlaritzaren, EAJren eta PSE-EEren aurrean protesta egingo dute gutxieneko soldataren alde

ELA, LAB, ESK, Steilas, HIRU eta Etxalde sindikatuek manifestazioa egingo dute azaroaren 12an, Bilbon, Eusko Jaurlaritzan hasi, PSE-EEren egoitzatik pasa eta EAJren egoitza nagusiraino, gutxieneko soldataren herri ekimen legegilea tramitera onartu eta Legebiltzarrean eztabaidatu dadin eskatzekoĀ 

EAJk eta PSE-EEk gutxieneko soldataren aurkako iritzia publiko egin dute eta sindikatuen iritziz gutxieneko demokratikoa da 138.495 sinadura jaso dituen ekimen herritar bat eztabaidatzeko aukera izan dadila

ELA, LAB, ESK, Steilas, HIRU eta Etxalde sindikatuek manifestazioa egingo dute azaroaren 12an, EAJri eta PSE-EEri eskatzeko osoko bilkuran gutxieneko soldataren aldeko herri ekimen legegilea eztabaidara onar dezatela. Manifestazioa Bilbon izango da, eta 11.30ean abiatuko da Eusko Jaurlaritzaren egoitzatik (Kale Nagusia), PSE-EEko egoitzatik pasako da (Alameda Rekalde) eta Sabin Etxean bukatuko da, ā€˜EAJ-PSE-Confebask, pobreziaren errudunak; SMI vasco ya!ā€™ lelopean.

Gogoratuko denez, EAJk berariaz gutxieneko soldataren herri ekimen legegilearen aurkako iritzia publiko egin zuen. EAJren iritziz gutxieneko soldataren erabateko eskuduntza aldarrikatu beharko litzateke, estatuaren inongo esku-hartzerik gabe, eta sindikatuen ekimenak ez du anbizio hori betetzen. Ondoren, Eusko Jaurlaritzak ekimenaren aurkako txostena publiko egin zuen sindikatuek erabateko eskuduntza eskatzen dutelako, Espainiako merkatuaren batasuna urratzeko arriskua dagoelako eta gutxieneko soldataren gaiak patronalarekin adostasuna exijitzen duelako. 

Sakonean, EAJk eta PSE-EEk, pentsiodunekin gertatu bezala, Eusko Legebiltzarrean iruzur demokratikoa gerta daitekeela aurreratzen ari dira. 138.495 langilek Hego Euskal Herrian gutxieneko soldata ezarri ahal izatea eskatu dute eta gutxieneko demokratikoa da herritar horien eskakizuna eztabaidatzea. Herri ekimen legegileak dira herritarrek politika egiteko duten mekanismo demokratikoa; eztabaida ukatzea erabateko iruzurra litzateke eta politikaren ikuspegi elitista eta autoritarioa erakutsiko luke.

EAJ eta PSE-EE garaiz daude herritarren ahotsari bide emateko eta Eusko Legebiltzarreko biharko osoko bilkuran gutxieneko soldataren herri ekimena eztabaidara onartzeko. Ondoren, eztabaidan alderdi bakoitzak bere aldarrikapenak mahaigaineratuko ditu, baina ez da onargarria eztabaida bera ukatzea. Sindikatuak prest daude Eusko Legebiltzarrean alderdien ekarpenak eztabaidatzeko; alderdiek negoziatzeko prestutasun horri bizkarra ematea ulertezina litzateke. 

LABek salatu du ez direla jarri Haurreskolak Partzuergoko hitzarmenean adostutako baliabideakĀ 

Zubiate(e)ko Aritz
-
0
LABek salatu du ez direla jarri Haurreskolak Partzuergoko hitzarmenean adostutako baliabideakĀ 

Hezkuntza Saila ostrukarena egiten ari da. LABek Haurreskolak Partzuergo Publikoaren zuzendaritza batzordeari eta Hezkuntza Sailari exijitzen die 2025eko otsailaren 10ean sinatutako Haurreskolak Partzuergoko lan hitzarmenean jasota dagoena osotasunean bete dezaten eta berehala mahai negoziatzailea dei dezaten, lan hitzarmena garatu ahal izateko.

2025eko otsailaren 10ean LABek eta Haurreskolak Partzuergoak, 15 urte eta gero, lan hitzarmen berria hitzartu zuten, lan kargak arintzeko hainbat neurri inplementatzeko konpromisoarekin batera. LABek mugarritzat jo zuen akordioa, baina ez helmugatzat. BegoƱa Pedrosa Eusko Jaurlaritzako Hezkuntza sailburua eta Haurreskolak Partzuergoko zuzendaritza batzordearen lehendakaria denaren hitzak honakoak izan ziren: ā€œOso berri ona da haurreskolen zerbitzua indartuko dugulako. Etorkizunera begira kalitatezko zerbitzua bermatu nahi dugulako, profesionalen lan baldintzak hobetuko ditugu. Akordio hau aspaldi landutakoaren emaitza da eta helburua beti izan da adostasuna lortzea. Eta, kasu honetan, haurreskolek beren zeregin guztiak kalitatez betetzen jarraituko dute: zerbitzuari baliabide nahikoa eskainiko dizkiogu eta ziurtasuna eta lasaitasuna emango diegu familieiā€.

Alta, LAB sindikatuak salatu nahi du Hezkuntza Saila ez dela betetzen ari 2025eko otsailaren 10ean sinatutako lan hitzarmenean jasotakoa eta hartutako hainbat konpromiso. Plantillak esleitzeko irizpideen negoziazioa izoztuta dute, eta hainbat eta hainbat hezitzailek ezin dute hitzartu zen eguneko lanaldia egin. Haurrekin sei orduko arreta zuzena hitzartuta badago ere, denbora hori gainditzen da, pertsonal faltagatik.

Hezkuntza Sailak Haurreskolak Partzuergoko alde sozialarekin harremanak etenda ditu aurreko ikasturte bukaeratik. Horrek Haurreskolak Partzuergoak eskaintzen duen hezkuntza zerbitzuan eta langileen lan baldintzetan oso modu negatiboan eragiten du, haurreskoletako langileekiko, familiekiko eta negoziazio kolektiboareliko begirune falta argia erakusteaz gain. 

Sindikatuak aldagai horri gehitu dio 2024an sinatutako akordioa ez duela bete Hezkuntza Sailak. Lanpostu berriak sortzeko prozedura adostu zuen, baina Eusko Jaurlaritzak ez du ahalbidetu horren ondorioz iragan irailaren 1etik sortu behar ziren 63 lanpostuen sorrera.

Ondorioztatu daiteke Eusko Jaurlaritza ez dagoela baliabide pertsonalak handitzeko prest, nahiz eta horretarako akordioak sinatu zituen. Azken urteetan, gainera, matrikulazioa izugarri igo da doakotasunak bultzatuta; hain zuzen, LAB sindikatuak eta beste eragile batzuek egindako borrokaren ondorioz lortutako doakotasunari esker. Imanol Pradales lehendakariak kargu hartzean aipatutako ā€œegiteko era berrienā€ zantzurik ez dago haurreskoletan; zaharrak berri. 

LABek Haurreskolak Partzuergoko langileekiko duen erantzukizunagatik eta haur hezkuntzako lehen zikloarekiko erakutsi duen konpromisoagatik, langileen lan baldintzak eta zerbitzuaren kalitatea hobetzen dituzten akordioak sinatzen ditu. Horregatik, derrigortuta dago akordioak betetzen diren egiaztatzera. Orain, administrazioaren txanda da: sinatutakoa bete eta langileen eskubideak eta akordioak errespetatu behar ditu. 

Gauzak horrela, LABek ez du onartuko sinatu dituen akordioak betetzeari atzerapen eta aitzakia gehiago jartzerik. Datozen egunetan beharrezkotzat jotzen diren ekintzak eta mobilizazioak aztertuko ditu langileekin batera, Hezkuntza Sailak dagozkion pausoak ematen ez baditu. 

1...111213...1,581Page 12 of 1,581

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLƍTICA DE PRIVACIDAD

www.lab.eus