2025-12-26
Blog Page 1179

Lan harremanetarako beste eredu bat, partehartzaileagoa, eskatzen dio LABek Uriarteri

admin
-
0

LABen irakurketa gaur Cristina Uriarte aurkeztu duen "Irakaslea naiz – Soy profesor, soy profesora" kanpainaren aurrean.

LABen irakurketa gaur Cristina Uriarte aurkeztu duen kanpainaren aurrean

Gaurkoan Cristina Uriartek irakasleen prestijiatzean sakontzeko kanpaina bat aurkeztu du: "Irakaslea naiz – Soy profesor, soy profesora".

Cristinak Uriartek gogoratu du “que desde hace unos años se ha pasado de "venerar" al profesorado a no brindarle "la consideración que se merece". LABek bat egiten du maila batean irakurketa horrekin. Aspalditik Hezkuntza Saila ezberdinetatik ez zaie irakasleei (eta bere ordezkari sindikalei) behar bezalako arreta eta degokien tratu egokirik. Azkenaldian ikusi besterik ez dago Hezkuntza Sailak ALDEBAKARREZ bideratutako gaiak. Finean irakasleei erreparatu gabe eta beraien ekarpen edota proposamenak egiteko tarteari muzin eginez.

Uriartek irakasleen kolektiboaz honela hitz egin du: ”Un colecfivo que cada vez más se enfrenta a situaciones de acoso, agresión y desconsideración". Irakasleenganako alde batera uzte honek lan kargak handitzea ekarri du.

Amaitzeko gehitu du irakasleak direla, "Un grupo del que tenemos que sentirnos orgullosos". LABek bat egiten du irakurketa honekin. Harro egon behar dugu giza talde honetaz, que pese al gobierno de turno aurrera egiten jakin baitu.

Kanpaina artifizial guzti honen aurrean LABek bestelako hezkuntza sistema baten aldeko aldarria egin nahiko luke. Partehartzaileagoa izango dena. Hezkuntza Sailari hori eskatu nahi diogu: lan harremanetarako beste eredu bat. Nahikoa da Sailak aldebakarrez aritzeko joera baliatzeaz!

Hezkuntza Saila honi, aldi berean, gogorarazi nahi diogu, hezkuntzan, irakasleetaz gain bestelako langileak ere badaudela eskoletan gure haurrekin kontaktua dutenak eta beraien heziketan parte hartze maila gutxieneko bat duena. Heziketa Bereziko hezitzaileetaz eta Sukaldari eta Garbitzaileetaz ari gara. Cristinari, hauek ere bere langileak direla gogorarazi nahi dio LABek. Hitz egingo al dugu heziketa berezikoek 2003tik "desconsideración" besterik ez dutela jaso Hezkuntza Sailetik? Hitz egingo al dugu eskoletan jantoki eta garbiketa zerbitzuen desmantelamendurako apustu garbia egina duzuela? Hitz egingo al dugu irakasleen mahaian sindikatu guztiak aurka dituzuela? Tranparik ez egin Cristina!

LABek negoziazio kolektiborako eskubide erreala aldarrikatu nahi du. Gaur egun duguna, alde bakarreko erabakiak, dekretazoak, ez dira gure estiloa eta ez dugu nahai Sailaren estiloa izatea. Behingoagatik begirunea adierazi ezazu zure langileengatik! Eta mesedez horrelako kanpaina gehiagorik ez!

LABek ere Saialri adierazi nahi dio jendarteari berak bere langilekiko duen utzikeriaren ardura ez atxikitzeko!
 

 

 

Akanpada eta konzentrazioa Kutxabanken pribatizazioaren aurka bihar Donostian

admin
-
0

Bihar, urriaren 24an, batzarrak erabakiko du Kutxa banku-fundazio bihurtzea, EAJ, PP, PSE eta CCOOen aldeko botoarekin. Eraldatze honekin Kutxen gaineko kontrol publiko eta soziala erabat galduko da, eta Kutxabank guztiz pribatizatzeko eta akzioak kapital pribatuari saltzeko bidea hasiko da.

“Euskal Herrian finantza sistema publikoa, Kutxak-Kutxabank pribatizaziorik ez” plataformak dei egiten die Euskal Kutxak-Kutxabanken bankarizazio eta prekarizazioak kaltetutako sektore guztiei urriaren 24rako antolatu duen akanpada eta kontzentrazio zaratatsuan modu aktiboan parte hartzera. Donostiako Andiak kalean burutuko da akanpada, goizeko 10etatik aurrera bertan eragile sozialek adierazpenak egingo dituzte eguerdiko 12etan.

Arratsaldean, leku berean (Andia kalea – Donostia) kontzentrazioa egingo da eta 15.30etan plataformako ordezkariek hitza hartuko dute, LABen izenean AINHOA ETXAIDE, idazkari Nagusiak hartuko du hitza.
 

 

 

Auzitegi Nazionalak aske utziko du Nagore Mujika

admin
-
0
Auzitegi Nazionalak aske utziko du Nagore Mujika

Jakin berri dugu Nagore Mujika aske utziko duela Madrileko Auzitegi Nazionalak. Bermerik gabe Euskal Herrian dugu laster buelta. Bihar arratsalderako deitutako mobilizazioa mantendu egingo da muntaia polizia salatzeko.

Nagoreren askatzea jakin aurretik eragile sozial eta sindikalek Nagore Mujikaren atxiloketa salatzeko prentsaurrekoa eskaini dute gaur Deustun. Agerraldian egoera hau salatzeko elkarretaratzea deitu dute datorren ostiralerako eta muntaia poliziala salatzeko mantentzea erabaki dute. LABek langile eta herritar orori bertan parte hartzeko deia luzatu nahi die.

 

 

 

La plantilla de Condesa exige a la Diputación que se implique en la defensa de los puestos de trabajo

admin
-
0
La plantilla de Condesa exige a la Diputación que se implique en la defensa de los puestos de trabajo

El Comité de Empresa de CONDESA FABRIL y los delegados de personal de CONDESA INOX -ambas del Grupo CONDESA- se reunieron ayer con la Diputación de Araba. Representando a la Diputación participaron el Diputado General de Araba Javier de Andrés y el Diputado de Promoción Económica José Zorita.

En la reunión los representantes de las y los trabajadores trasladaron la situación que atraviesan las empresas, actualmente en preconcurso de acreedores y con sendos EREs de suspensión, y la absoluta opacidad y falta de información por parte de la Dirección.

El comité a constatado que, como es habitual, la parte social es la que menos información tiene, ya que la Diputación se ha reunido repetidamente con la Dirección y tenía datos que desconocian los y las trabajadoras sobre deudas, diferentes movimientos que ha hecho la dirección, etc.

En cualquier caso, el comité ha informado de que la Diputación se ha comprometido a solicitar a la Dirección un plan industrial, el mismo que se les ha denegado a los Comités de Empresa; a mantener una interlocución con la plantilla y compartir la información de que dispongan; y a buscar con el Gobierno Vasco fórmulas de financiación que permitan que los y las trabajadoras sigan trabajando.

A pesar de que el Diputado General haya afirmado durante la reunión que “el empleo es lo más importante”, los representantes de los trabajadores y trabajadoras le han exigido compromisos que concreten esa afirmación. En ese sentido les han trasladado la necesidad de que presionen para que cualquier plan industrial o posible reestructuración pase por el mantenimiento del empleo y las condiciones laborales. Para el comité no es aceptable que la Diputación permanezca callada ante este tema o adopte decisiones favorables a la empresa que luego faciliten o avalen la pérdida de puestos de trabajo y/o recortes de derechos laborales.

Durante la celebración de la reunión, decenas de trabajadores y trabajadoras de CONDESA FABRIL y CONDESA INOX se han concentrado en el exterior de la Diputación exigiendo una solución.
 

 

 

CAFeko enpresa Batzordeak Kutxabanken pribatizazioaren aurrean erabateko gaitzespena agertu du

admin
-
0

CAFeko Enpresa Batzordearen prentsa-oharra 
CAF Beasaingo enpresa Batzordeak Kutxa likidazioaren eta Kutxabanken pribatizazioaren aurrean gure erabateko gaitzespena agertu nahi dugu

Kutxabanken sorreraren ondotik, asko izan dira inbertsio-funtsei saldu zaizkien euskal enpresa estrategikoen akziok eta beldur gara oraingoan ere, behin akziodun pribatuen eskuetan egonda, Kutxabanken CAFeko akzioen %20rekin ere gauza berbera egin nahiko ote duten. Honek nola ez, kalte nabarmena egingo lieke enpresari eta euskal ekonomiari.

Kutxa banku fundazio bihurtzeko asmoarekin eta pribatizazioarekin atzera egitea eta euskal instituzioek hau horrela izan dadin behar adina neurri hartzeko exijitzen dugu. Euskal sistema finantzario publiko baten sorrerarako bidean, Kutxa-Kutxabanken izaera publikoan sakontzea ere eskatzen dugu.

Urte luzeetan milaka herritarrek gorde ditugun aurrezki eta deposituak, Gipuzkoako inbertsio produktiboaren eta pertsonen beharretarako onurarako erabili behar dira. Inondik ez betiko lau espekulatzaile eta akzionistek irabaziak handitzeko.

Beasain, 2014-10-22 
CAFeko Enpresa Batzordea

 

 

 

Gipuzkoako Diputazioak azpikontratak arautzeko onartutako arau forala positibotzat jotzen du LABek

admin
-
0

LABek atzo Gipuzkoako Batzar Nagusietan onartu zen “erosketa publiko sozialki arduratsuari buruzko edukiak jasotzen dituen arau forala”ri buruzko balorazio positiboa egiten du.

Arau Foral honen helburua da, Gipuzkoako Diputazioak azpikontratatzen dituen zerbitzu guztietarako, enplegu eredu bat babestea, enplegu duina eta kalitatezko zerbitzua bermatuz eta azpikontratazioa lan baldintzak prekarizatu, zerbitzuaren kalitatea okertu eta kapital publikoa iteres pribatuen esku jartzeko betiko logika aprutuz. LABek arau honi ekarpenak egin dizkio eta ontzat hartuak izan dira.

Hau da LABek publikoki iragarri zuen dinamikaren helburua, juntetan, parlamentuetan eta udaletan mozioak onartu ditzaten, baldintza pleguetan azpikontratetako langileen lan baldintzak hobetzeko klausula sozialak sartzeko erabakiak hartuz.

Obra publikoetarako Arau Forala Bildu, PSE eta Aralar taldeek onartu bazuten ere, beste esparru batzuetarako helburu berdinari erantzuten dion gaurko araua aho batez onartu da. Horrela, argi geratzen da enplegu eredu jakin baten alde eta zerbitzuaren kalitatearen alde egitea erabaki politikoa dela.

Atzoko erabakia ez dator bat PVNk Bilboko udalean azaldutako jarrerarekin, plenoan daukan gehiengoa erabili zuen, sindikatu honek aurkezturiko mozioa urriko plenoan eztabaidatzea ekiditeko. Gipuzkoarrentzat ona dena, ona da Bilbotarrentzat ere.
 

 

 

Nafarroako pentsiodunek eros-ahalmena galtzen jarraitzen dutela salatu du LABek

admin
-
0
Nafarroako pentsiodunek eros-ahalmena galtzen jarraitzen dutela salatu du LABek

Madrileko Gobernuak iragarri berri du heldu den urtean pentsioak %0,25 igo eginen direla. Igoera mixerable hau 1,5 euro baino ez da 600 euroko pentsioa jasotzen duenarentzat. Madriletik , atzo PSOE, gaur PP, hainbeste izozketa eta pentsioen erreformekin, milaka pertsona heldu eta pentsiodun pobreziara kondenatzen ari dira.Guzti hau salatzeko, LABek, Iruñeako Gizarte segurantzaren aurrean elkarretaratzea egin du. Bertan, Madrileko Gobernuen erabakiek pentsioetan duten eragina azaltzen duen txostena aurkeztu dute.

Madrileko Gobernuak iragarri berri du heldu den urtean pentsioak %0,25 igo eginen direla. Igoera mixerable hau 1,5 euro baino ez da 600 euroko pentsioa jasotzen duenarentzat. Madriletik , atzo PSOE, gaur PP, hainbeste izozketa eta pentsioen erreformekin, milaka pertsona heldu eta pentsiodun pobreziara kondenatzen ari dira.

Adarra jotzen digute esaten dutenean  %0,25 ziztrin honekin pentsiodunok pozik eta esker oneko egon beharko genukeela.

·      %0,25eko igoerak ez digu balio aurre egiteko eguneroko oinarrizko produktuen garestitzeari: argiak 511 gora egiten du konpainia elektrikoen espekulazioaren ondorioz, berrordainketa eta 420 botika %100ean ordaintzeko beharra farmazia multinazionalen onerako, BEZa bezalako zerga injustuenaren igoera, elikagaien prezioak,…

·      %0,25-ek ez du balio pentsio duinagoak izan ditzagun. Pobreziaren muga 1.000 eurotan dago. Hala ere, Euskal Herrian 4 pentsioetatik 1 700 euroen azpitik dago, eta 13.415 pentsiodunek 350 euro baino ez dute jasotzen.

·      % 0,25-arekin ez dugu gure pentsioek azken 5 urteotan galdu duten eros-ahalmena errekuperatuko. Denetara, gure eros-ahalmenak %3-%4ren artean galdu du.

 
 
Bataz besteko pentsioa
Alargun pentsioa
2010 an
938,44
655,97
2014 an
907,47
634,32
Urteko galera

433,58 euro

303,1 euro
 

%0,25a da hurrengo urteetarako jarri diguten topea.  Eta inposizio hau jartzen digutenak Gizarte Segurantzaren Kutxa Bakarra hustutzen duten berberak dira, Boltsan negozioak egiteko, irregularki finanziatzeko, pentsio pribatuei bidea irekitzeko. Denak erregimen berean daude, VISA txartelaren itzalean, diru publikoa xahutzeko, gero eta jende gehiago prekarietatera kondenatzen duten bitartean.

%0,25arekin hautsi egin beharra dago. Behar dugu pentsioak kudeatzeko eredu propio bat, justuagoa eta solidariagoa gure herriaren langileokin. Nahi eta behar dugu Euskal Herrian gure Gizarte Segurantzaren Sistema.

Premiazkoa da %0,25arekin haustea. Iruñeko eta Gasteizko Gobernuek neurriak hartu behar dituzte gure eros-ahalmena errekuperatzeko. Eta gainera, bermatu ez dadila pentsio bakar bat ere ez  egon pobreziaren mugaren azpitik. Nahi eta behar dugu bizi duintasunez. 

 

 

[BIDEOA] Bizkaibus borrokan

admin
-
0
[BIDEOA] Bizkaibus borrokan

Albaro González (CAVSA) eta Iban Ureta (TCSA) LABeko delegatuek Bizkaibuseko gatazkaren gakoak azaldu dizkigute.

 

 

«Gazteontzako lan eskubideen gida», pauso bat aurrera LAB eta Ernairen arteko aliantzan

admin
-
0
«Gazteontzako lan eskubideen gida», pauso bat aurrera LAB eta Ernairen arteko aliantzan

LAB eta ERNAIk duela urte beteko aliantzari jarraikiz, gazteen lan eskubideak jasotzen dituen gida aurkeztu du Bilbon. Gida aliantzaren ondorioa da eta gazteei geroa ukatzen dien sistemaren aurka borrokarako tresna izatera dator eta unibertsitatean, langile heziketa zentroetan, kalean eta enpresetan zabalduko da. Bigarren fase batean, gazte antolakundeak eta LABek gazteen lan eskubideen defentsan mobilizazioak iragarri dituzte.

«Gazteontzako lan eskubideen gida», pauso bat aurrera LAB eta Ernairen arteko aliantzan

Bi erakundeek “Gazteontzako lan eskubideen gida” aurkeztu dute gaur komunikabideen aurrean.

Ainhoa Etxaidek bi antolakundeen arteko aliantza kokatu du, Maiatzaren Lehenaren testuinguruan aurkeztu zena.

Aliantza honen helburuak honakoak lirateke. Batetik, langile eta gazte mugimenduen indarrak batu egoera aldatzeko borroka indartzeko. Konpartitzen dugun oinarri sendoena hori da: egoera hau ez dugu onartzen, ez dugu egoeraren aurrean gobernuek egiten ari direna onartzen eta ez dugu egiten dutena errespetatuko, egiten dutenaren kontra borrokatuko dugu egoera aldatu dezagun.

Bigarrenik, Ernai eta LABen arteko lankidetza antolatu borroka eskaintza eraginkor eta egoki bat egiteko. Maiatzaren lehenetik hona horretan ibili gara. Elkarlan eremuak zehazten, borrokan bat egiteko bideak arakatzen, bakoitzak bere eremuan borrokatzeko barne lanak egiten.

Aliantzaren emaitza da “Gazteontzako lan eskubideen gida”, bereziki kezkatzen gaituelako euskal gazteriaren egoera lan munduari dagokionez.

Etxaideren esanetan, gazteek beren aldea bete dute, inoizko gazteriarekin trebatuena eta prestatuena dugu. Eskaintzen zaien bakarra prekarietatea da eta bazterketa soziala da.

Ikasketak bukatuta gazteak ez dute eskubiderik eta ez dute eskubideak sortzeko aukerarik. Hiru aukera dituzte, familiari lotuta jarraitu, kanpora alde egin edo bazterketa soziala. Aurrekoaren ondorioz, kasurik onenean, guztiz prekarioa den enplegu bat onartzera behartuta daude. Gogoratzekoa da gazteen arteko langabezia %40tik gorakoa dela.

Etxaidek aipatu du bizi proiektu duin eta autonomo bat eraikitzeko eskubidea ukatzen zaiela gazteei. Hori da gaurko sistemaren errealitatea, egungo gobernuen politika bakarra gazteriari begira.

Egoera guztiz aldatuko litzateke gazteak lan munduan modu duin batean sartzeko aukera izango balute. Baina lan merkatuan sartzeko aukera lapurtu egiten zaie hartzen diren neurriekin: jubilazioak atzeratzea, enplegua sortzeko neurririk ez hartzea, gazteak kontratatzeko bide egokirik ez ezartzea eta gazteen kontratazioa lagunduko duten benetako bideak antolatzea.

Lan mundura sartzeko bideak guztiz prekarioak dira neurri handi batean; praktika kontratuak, krisi honetan nagusitzen ari diren kontratu partzialak… Norabide honetan nabarmentzekoa da instituzioen utzikeria. Adibidez, Eusko Jaurlaritzak orduan 3 euroko soldatak aurreikusten ditu bere gazteentzako planean.
Gazteak lan mundura nola sartzen diren erreparatuz egin da gida. LABen arabera sarbide duinen alde borrokatu behar dugu, gazteei euren burua defendatzeko eta euren eskubideen alde borrokatzeko tresnak ziurtatu behar dizkiegu.

Etxaideren arabera, ezin dugu errealitate honen aurrean beste alde batera begiratu eta LABen aldetik norabide hirukoitzeko lerroa finkatuko dugu. Lehenik, gazteak antola daitezen eta borroka dezaten laguntzea. Bigarrenik, borrokak bateratzea. Eta hirugarrenik, gazteen lan eskubideen aldeko borroka sindikala indartzea.

Gidak hiru norabidetan aurrera egiteko balio duela esanez amaitu du bere interbentziao Etxaidek. Egoeraren ezagutzea eta egoerari aurre egiteko tresna egin da gazteek borroka hau antolatu dezaten. Bestetik, gazteak lan merkatuan sartzeko dauden bide ankerrak gure indarrak batuz salatu eta borrokatuko dituen lerrorako tresna da. Hirugarrenik, lan munduan egoera hauek borrokatzeko konpromiso sindikalak hartuko ditugu: praktiken jarraipena, negoziazio kolektiboan klausula zorrotzagoak, egoera zehatzen salaketa…

Jarraian, Ernaiko bozeramaile Irati Sienrak hartu du hitza eta gidaren arrazoiak azalduz hasi du bere interbentzioa. Alde batetik, urrats berria da LAB eta Ernairen arteko aliantzan.
Gazteak lan merkatuan bakarrik daudela sinestarazi nahi dietela aipatu du, eskubide eta informazio gabe. Hasi berriak direnaren aitzakiapean esplotatu egin nahi dituztela. Gazteek bizi duten prekarietate basatia ez da kasualitatea. Bestetik, lan merkatu harremanak eraldatu nahi ditugunok, egoera zein den jakin eta borrokatu behar dugu (ditugun eskubideak eta eduki beharko genituzkenak). Gidak gazteria eta borroka sindikalaren arteko ekinbidea eta gazteria eta sindikatuen arteko harremana estutzen ditu.

Gida hau gazteen lan eskubideak zeintzuk diren ezagutzeko tresna da, gazte langileen atomizazioa gaindituz. Kapitalaren aurrean eta eskubideekin aberasten direnen aurrean antolatzeko beharra azalerazten du. Eskubideen murrizketa eta ukazioa etengabe ematen dela agerian uzteko tresna bezala kokatu du gida. Bestalde, inposatutako prekarietatearen aurrean gazteek burujabetza behar dutela aldarrikatzeko tresna da.

Gidaren edukiei dagokionez, kontuan hartu behar da borrokarako tresna bat dela. Informazioa emateaz gain praktikara begira tresna da, antolakuntza eta borrokarako tresna. Lau ataletan dago banatuta:

– Lan merkatuan sartu aurretik kontuan hartzekoak. Hemen gazteen lan bila daudenean kontuan izan beharrekoak jasotzen ditu, ABLEak zertarako diren, bekadun moduan dituzten eskubideak…
– Lan kontratuaren inguruko zehaztapenak. Dauden kontratu motak, bakoitzaren ezaugarriak…
– Behin kontratua sinatuta, kontuan hartzekoak. Nomina, lan osasuna, hitzarmen kolektiboak…
– Lan kontratuen amaiera. Kaleratzearen aurrean zer egin, nora jo…

Aurrera begirakoak ere izan ditu mintzagai Irati Sienrak. Gidaren zabalpena izango da aurrena. 12.000 ale argitaratuko dituzte. Zabalpenerako, hiru eremu identifikatu dituzte. Lehenik eta behin, hezkuntza, unibertsitate eta lanbide heziketako zentruak. Bertako gazteak dira gero lan merkatuan erarik prekarioenean sartuko direnak. Hitzaldi eta tailerrak antolatuko dituzte. Bigarrenik, kalea, gazteen borroka espazio naturala ere badelako. Herri eta eskualdeetan ere zabalpenerako ekimenak burutuko dituztela adierazi du. Eta hirugarrenik, enpresetan.

Zabalpenaz gain, aurrera begira ildo mobilizatzaile bati ekiteko asmoa dutela adierazi dute, gazteen eskubideen defentsan, eskubideak ezagutzetik borrokatzera igarotzeko.

 

 
1...1,1781,1791,180...1,583Page 1,179 of 1,583

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus