2026-06-19
Blog Page 1113

Euskal Herriko Eskubide Sozialen Kartaren IX. Asanblada urtarrilarren 23an

admin
-
0
Euskal Herriko Eskubide Sozialen Kartaren IX. Asanblada urtarrilarren 23an

Urtarrilaren 23an Euskal Herriko Eskubide Sozialen Kartak Asanblada deitu du gaurdaino egindako lanari begira eta batez ere, hemendik aurre hartu beharreko bidea zehazteko. Oraingoan Gernikako Astran bilduko gara goizeko 10:00etan.

Denbora pasatu da Euskal Herriko Eskubide Sozialen Kartaren Asanblada elkartu zenetik. Gauza asko gertatu dira 2014ko urri hartatik. Kartak bere burua antolatu du, geure burua antolatu dugu; eragile guztiek lekua duten Asanblada eta Koordinazio Nazional zabalarekin. Honetaz aparte, asanbladan iragarritako M14ko mobilizazioak eta urriaren 24ko Alternatiba, gerora Alternatiben Herria izango zena, eraman ditugu aurrera, beste eragile askorekin elkarlanean. Programa soziala ere osatu genuen, eta instituzioei aurkeztu.
 

 

 

Milaka lagun eta aldarrikapen bat, Euskal Presoak etxera!

admin
-
0
Milaka lagun eta aldarrikapen bat, Euskal Presoak etxera!

L
Larunbatean, giza eskubideen, konponbidearen eta bakearen aldeko aldarriak Bilboko zein Baionako kaleak zeharkatu zituen. Milaka lagun gerturatu ginen bi hiriburuetara sakabanaketa eta salbuespen neurriekin amaitzeko exigitzera. Larunbateko manifestazioetan, berriro ere, argi geratu zen herri honetan badagoela nahiko indar arazo hau konpontzeko. LABen iritziz honelako indar erakustaldiekin soilik lortuko dugu eremu politikoak eta eremu instituzionalak presoen afera beraien agendetan kokatzea.

AINHOA ETXAIDE

BILBOKO MANIFESTAZIOA 

 

 

 

Eusko Irratian eta EITBNETen emandako soldaten %5aren murrizketa legez kanpokoa da

admin
-
0

Eusko Irratiko eta EITBNETeko LABek soldataren %5aren murrizketa ekarri zuen «8/2010 Dekr. 3/2010 Leg. K. dekretuaren» aurkako salaketak jarri ditu Lan Ikuskaritzan eta PRECOn. Epaitegi Konstituzionalak arrazoia eman dio LABek ETBn jarri zuen salaketari, murrizketa legez kanpokotzat joz. Orain, lapurtutakoa itzultzeko ETBri aplikatuko zaiona Irratian eta EITBNETen ere termino berdinetan aplikatzea exijitzen dugu.

Hitzez exijitzeaz ez ezik EITBko Administrazio Kontseiluaren eta Gasteizko Parlamentuaren bidez ere gaia bideratu dugula gogorarazten dugu. Oraingoan epaitegietarako bidea zabaldu dugu salaketak Lan Ikuskaritzan eta PRECOn dagoeneko sartuz.

Mobilizazioen aukera ere ezin dugu baztertu, bide instituzional horiek garrantzitsuak izanik ez dutelako arrakasta bermatzen.
 

 

 

Bizkaiko ostalaritzaren 2016-2017 hitzarmenaren aurreakordioa sinatu da

admin
-
0

LAB sindikatuak jakinarazi gura du abenduak 30 zituenean, Lan Harremanen Kontseiluan, patronalak eta ELA, CCOO eta UGT sindikatuek aurreakordioa lotu zutela Bizkaiko Ostalaritza hitzarmena sinatzeko. Hitzarmena sinatzeko behin betiko idazketa egin ez den arren, LABek azpimarratu gura du aurreakordio honek are gehiago kaskartu ditzakeela, hitzarmen berria indarrean sartuko den egunetik aurrera, kontrata litezkeen beharginen lan baldintzak.

Sindikatuak adierazten du patronalak, prozesu guztian, jarrera agintzaileari eta trabatzeari ekin diola; lan erreforma erabili du eskubideak murrizteko, beti ere, hitzarmenaren sinadura berritzearen truke. Patronalak xantaia erabili du, negoziazioa probintzia esparruan eustearen truke, prekarietateari aurre egiteko beharko lukeen egonkortasunik ez duen sektoreko beharginen eskubide eta eros ahalmenaren galera jasotzen duen hitzarmena sinatu behar izatearekin baldintzatuz.

LABek ohartarazi gura du, urte batez, 942 eurotako soldata ezarriko zaiela sektorean aurreneko aldiz eta lanaldi osoz beharra egingo duten beharginei. Hauek, behin enpresan urte bateko iraupena gaindituko dutenean, haien benetako maila eskura lezakete. LABen ustez, honela baztertzen dira kontratazio berriak: soldata-eskala bikoitza sortzen delako eta sektorea prekarizatzen delako. Sektorearen prekarizazio horrek talde jakin batzuei (gazteei eta emakumeei) enplegu duina eta kalitatekoa lortzea zailduko die bereziki. Hau guztia sindikatuak prekarietatearen aurka borrokatzeko eta langileriari dagozkion lan eskubideak gorde daitezen abiatu duen ekimenaren aurkakoa da.
 

 

 


Construcciones Lasuen enpresak ez du Bizkaiko Eraikuntzako Hitzarmena errespetatzen

admin
-
0

LAB sindikatuak salaketa bat sartu du Bizkaiko Lan Ikuskaritzan Construcciones Lasuen enpresak, behin eta berriro, Bizkaiko Eraikuntzako Hitzarmeneko baldintzak ez errespetatzeagaitik. Enpresa honek, Zornotzako kale batzuetan egiten ari den urbanizazio obratan ez du bete ez eguneko lanaldia, ez lanegun arteko atsenaldia, ez asteko atsenaldia eta derrigorrezkoak diren Norbanako Babes Ekipoak (NBE) ez ditu erabili.

Berez gertakaria larria bada, are larriagoa da obrak kontratatzen dituena administrazio publikoa bada, kasu honetan, Amorebieta-Etxanoko Udala.

Gertakari hauen aurrean, LABek berriro publikoki egiten du 3 puntuetan oinarritutako sektorerako ALTERNATIBA:

• Herri lanen esleipenean, obraren kostea lehenetsi beharrean, lanak epean, kalitatez eta lan baldintzak beteko direla bermatuz lehenesteko konpromisoa.

• Kontratazioaren eta azpikontratazioaren kate osoan lan baldintzak betetzeko bermea. Ezarri beharreko gutxieneko baldintza herrialdeko hitzarmena izango da eta azpikontratazio kate osoan eta lan baldintzak betetzen direla egiaztatzeko ardura enpresa eslepeidunari eta azpikontrata guztiei dagokie.

• Lan-baldintzak eta lan osasuneko baldintzak betetzen ez dituzten enpresen erregistroa sortzea. Zuzuenean edo zeharka, herri lanetan zein lan pribatuetan baldintza horiek betetzen ez dituen enpresa oro agertuko litzateke aipatu erregistroan, eta ez litzateke kontratatuko inongo herri lanetarako hurrengo lau urtean.
 

 

 

Ainhoa Etxaide: “500 arrazoi ditugu larunbatean kalera ateratzeko”

admin
-
0
Ainhoa Etxaide: “500 arrazoi ditugu larunbatean kalera ateratzeko”

Urte hasiera guziz bezala, aurten ere, presoen eskubideen aldeko manifestazioa egingo da. Aurtengoan gainera hitzordua bikoitza izango da, Sare eta Bagoazek, urtarrilaren 9rako bi manifestazio antolatu baitituzte, bata Bilbon eta bestea Baionan. Bertan sakabanaketarekin eta salbuespen neurriekin amaitzea aldarrikatuko da. LABek, deialdi honi bere atxikimendua emanez elkarretaratzeak egin Euskal Herriko leku ezberdinetan. Ainhoa Etxaide, LABeko Idazkari Nagusiak Bilbon hartu du hitza, eta bertan mobilizazio hauek duten garrantzia azpimarratu du.

Ainhoa Etxaide: “500 arrazoi ditugu larunbatean kalera ateratzeko”

"Lehenik eta behin, gogora ekarri nahi dugu urtea beteko dela Guardia Zibila gure egoitzan sartu zela Euskal Preso Politikoen kontra egitera hamaikagarren aldiz.

Orduan elkartasuna zigortu eta kriminalizatu nahi izan zuten Madriletik zuzendutako operazio politiko-judizial-mediatikoarekin. Milaka euro eraman zituzten, Sare errepresioaren mehatxupean itotzeko asmo argia erakutsi zuten eta urrats berria ematen saiatu ziren preso politikoen eta Euskal Herriaren arteko edozein lotura mozteko. Urte bete lehenago abokatuak eta kolektiboaren bitartekariak eraman zituztela ezin dugu ahaztu. Errepresioaren katea luzea dela bistan da.

Euskal Preso politikoak bakar bakarrik eta isolatuak nahi dituzte. Mendeku egarriz jokatzen dutelako zalantzarik gabe. Baina politika honek badu helburu politiko argi bat: presoak txikitzea amore eman dezaten eta Estatuak hainbestetan amestu duen damuketaren bidea hartu dezaten. Salbuespen legeek ez dute beste justifikaziorik. Euskal Herrian irekitako egoera politikoan presoen kontrako neurriak areagotzea hori erakusten dute, ez besterik.

Errepresioa urte hasieran, Estatu indarkeria presoen kontra urtean zehar, senideen kontrako zigorra astero astero. Baina guztiaren gainetik gailendu da elkartasuna eta euskal presoen eskubideen aldeko aldarria. Abenduan zehar ekimen eta mobilizazio pilo egon dira Euskal Herri osoan zehar, baita kanpoan ere. Eta berriro ere hasiko dugu urte hau gure elkartasuna eta konpromisoa adierazten.

Aurtengo mobilizazioak badu garrantzi berezi bat gainera. Estatu españolean gobernu berria osatu beharko da, egoera politiko ezberdin batean gainera. Euskal preso politikoen auzia behingoz konpontzea gobernuaren agendan egotea nahi badugu aldarrikapen hau indarrez iritxi behar da madrilera. Euskal Herrian indar hori badagoela erakutsi behar dugu 9an.

Euskal Herrian ere instituzioak berritzen ari dira, gobernu berria dago nafarroan, egoera instituzional berria ipar euskal herrian, eta urte honetan berrituko da jaurlaritza. Presoen auzia konpontzea agenda politiko instituzionaletan sartzea gure esku dago. Ezin dugu presoen etorkizuna larunbatean mobilizazietan egongo ez diren alderdi politikoen esku utzi. Eta batez ere, ez gara gu izango larunbatean etxean geratuz jarrera horietan mantentzea lagunduko dugunak.

500 arrazoi ditugu larunbatean kalera ateratzeko. Preso gaixoen kasuan, arrazoiak eta urgentziak ditugu. LABetik gure afiliatu, kide eta lagun guztiei deitzen diegu 9an Baionako eta Bilboko kale guztiak betetzera.

Gure aldetik, urte berriarekin batera esan nahi dugu lan munduan presoen eskubideen aldeko borroka indartzeko premia ikusten dugula. Euskal sindikatuen aldetik askoz ere gehiago egin dugu beste momentu batzuetan. Baldintzak inoiz ez bezalakoak izan arren ez dugu gai hau gure agendetan behar den lekuan jartzen eta hori zuzentzeko asmoz iniziatiba berriak hartu behar direla uste dugu. Sindikatuak batera, edo bakoitza bere kabuz, baina guztioi dagokigu urrats berri bat egitea 2016an konponbideetan aurrera egin dezagun.

URTARRILAREN 9 DENOK KALERA. Euskal Presoak EKARRI behar ditugulako."

 

LAB ESKUMALDEA SAKABANAKETAREN AURKA U9an BILBO ETA BAIONARA

GASTEIZEN LABen ELKARRETARATZEA EUSKAL PRESOEN ETXERATZEA ESKATUZ


BURUNTZALDEAKO LAB: "Euskal Presoak Etxera ekarri behar ditugu"

BILBO

 

 

Osakidetzak elektro-medikuntzako 13 langileen kaleratzea onartu egiten du

admin
-
0

Osakidetzako Zuzendaritzak, elektro-medikuntza zerbitzuaren adjudikazioan (osasun arloan erabiltzen diren aparailu eta tresna elektronikoen konponketa-lanak) ez du 106/2008 Dekretua errespetatu, aipatutako zerbitzua Bizkaian MANTELEC enpresaren bidez ematen zuten langileen subrogazioa ez duelako exijitu. Erabaki honen ondorio latza 13 langile kale gorrian geratu direla da, hauetako batzuek, enpresa ezberdinen bitartez, 26, 23, 16 urtez Osakidetzarako lan egin eta gero.

PNV-k osasun publikoa pribatizatzeko eta prekarizatzeko apostuari bultzada berria eman dio oraingoan. Izan ere, Bizkaian lote bakar bezala pribatizaturik zegoen elektro-medikuntza zerbitzua, oraingo honetan 18 lote txikiagotan banatua izan da, hauetako bakoitza esleipen independientearekin. Erabaki honen ondorioak begi bistan daude: kaleratzeak eta lanean jarraitzen duten langileen lan-baldintzen kaskartzea, adibidez, antzinatasuna galtzea, soldata jaitsierak eta lan jardunaldi handiatzea.

Despido eta prekarizazio honen arduraduna Osakidetza da. Zerbitzu pribatuak kontratatzen dituen administrazioa publikoak enpresa horiek lan-eskubideak errespetatzen dituztela ziurtatu eta bermatu behar du. Ez dago aitzakiarik.

LABen apustu irmoa pribatizaturiko zerbitzu guztiak publiko bihurtzea bada ere, argi dago egoera hau eman bitartean, kontratetako langileek kalitatezko lan-baldintzak izan behar dituztela.

Oso urrun joan gabe, Txagorritxuko ospitalean Osakidetzako langile publikoek ematen dute eletro-medikuntza zerbitzua. Zergatik beste zentroetan ez?

LABetik Osakidetza zuzendaritzari langile hauen egoera leporatzen diogu eta atzera egin dezan exijitzen diogu, pertsona hauek guztiak subrogatuak izan daitezen eta euren lan-eskubide guztiak errespetatuak.
 

 

 

UTE EULEN LARRIALADIAKen ezkutuko kaleraketak burutu dituzte

admin
-
0

LAB-ek UTE EULEN LARRIALDIAK empresan, kontratu bukaera moduan egin berri diren kaleratzeak salatu nahi ditu. Azken hilabetean, praktikan ziren hainbat lagun kalera bota dituzte legezko denboraldi amaieraren ondorioz.

Langile hauek, bere lankideen aldetik, zorionduak jaso dituzte egindako lanagatik, baita EULEN LARRIALDIAKen partetik ere. Hori dela eta, pertsona hauek alde batera uztearen zergaitia ez dugu ulertzen: beste persona diru gutxiagoren truke kontratatzeko eta diru publikoari etekin handiagoa ateratzeko? Eta, era honetan, zerbitzuaren prekarietatea handitzea?

UTE EULEN LARRIALDIAK praktiketako kontratuak baino ez egitearen asmoa adierazi du, enpresarako kostu ekonomiko txikiagoa suposatzen duten heinean. Aldi berean lankideentzat prekarietate handiagoa, segurtasun-gabezia eta esperientziagabetasuna erakartzen dituzte.

Galdera erraza da: Administrazioa zer egiten ari da enpresa honen apetak arautzeko? EZER EZ. Kontrolik ez dago, ezta egiazko jarraipenik ere. Aitzitik, Eusko Jaurlaritzaren aldetik utzikeria eta pasotismo absolutua dauka kontrol era bakartzat.

Bere aurkezpenean, UTE EULEN LARRIALDIAK kalitatezko zerbitzua ziurtatzeko asmoz kideen esperientziak gehitu nahi zituela esan zien bere langileei. Baina bere sarreran baldintza txarretan dauden lantoki batzuk aurkitzen ditugu: materialaren garbiketarako egokitutako lekurik gabe, hezetasun, ur potabilitate, tenperatura, isolamendu eta espazio arazorekin.

Arazo guzti hauei aipatutako kaleratze ezkutuak gehitzen bazaie, azken galdera garbi dago: Nora bidaltzen da diru publikoa? Zein poltsiko ari dira betetzen?

Gurea oinarrizko zerbitzua da gizarte mailarako, eta enpresa pribatuen eskuetan jarraituz gero, lankideen egoera okertu baino ez du egingo. Kostuak gutxituko dira kaleratzeak geitzen diren ehinean, zerbitzua gero eta txarragoa izango da lankideen presioak, estresa, espazio falta eta egutegi laboral eskasak direla medio. Faktore hauek guztiak, noski, larrialdi-zerbitzu berak eragiten duen estres naturalari gehitzen dira. PREKARIETATEA, azken finean.

LAB-ek ez dio UTE EULEN LARRIALDIAK-ren langile guztien eskubideak babesteari utziko, ezta gertatzen diren irregularitate guztiak edo plantillaren kontrako tratu txarrak salatzeari. Gure aldetik, UTE EULEN LARRIALDIAK RTSU EUSKADI 2014 hartzen dugu arduradun zuzenaz, Eusko Jaurlaritzaren adjudikaziodun eta erantzukizuna duen erantzule subsidiarioa izateagatik.

Aurkeztutako guztiagatik, pertsona hauen berronartzearen eskaera egiten dugu. Era berean, haiek egoera honetan dauden lehenak badira ere, enpresak bere politikarekin aurrera jarraituz gero, urte honetan pertsona asko kalean geratuko direla jakinarazi nahi dugu.
 

 

 

Langabezia-babes sistemaren ahultzea etengabea da

admin
-
0

Abenduko langabezi datuak atera berri diren honetan LABek berriro salatzen du langabezi-babes sistema etengabe ahultzen ari direla. Hain zuzen ere langabe kopuruak behera egin badu ere gero eta gehiago dira langabezia egon arren prestaziorik jasotzen ez dutenak.

Abenduan, Hego Euskal Herrian 651 langabe gutxiago zeuden, nahiz eta Nafarroan gorakada handia izan den, hau da aurreko hilabetean baino 1.197 langabetu gehiago.

Urtean zear, gora beherak izan diren arrean, langabeziak beheranzko joera izan du. Urtearteko tasan, paroaren zifra ofiziala %9,6an jeitsi da nahiz eta ezberdintasun handiak dauden generoaren arabera: paroa %12,5 jeitsi da gizonezkoen artean eta %6,7 emakumezkoen artean.

Edozein kasutan, ohartarazi behar dugu susperraldiaren onurak ez direla modu justu eta zentzuzkoan somatzen ari lan munduan, sortzen den enplegua prekarioagoa eta geroz eta okerrago ordaindua baita. Honela azaldu dezakegu Gizarte Segurantzako zuloak handitzen jarraitzea. Ez den enpleguaren kalitate txarragaitik soilik, PPren Gobernuak enpresa kuotak jeisteko onartutako neurriengatik ere.

Kontrataziora itzuliz, behin behinekotasunaren gehiegizko erabilerak ezegonkortasun laboralaren gorakada ekarri du: 2015ean sinatu ziren ehun kontratutik sei baino ez ziren mugagabeak izan. Gainera, sinatu ziren aldi baterako kontratuen ia erdiak ez zuen hilabete bat baino gehiago iraun. Honek agerian uzten du sortzen den enpleguaren hegakortasuna eta lan txandatze maila onartezina.

Azkenik, gogorarazi behar dugu, langabezia-babes sistemaren ahultzea etengabea dela, geroz eta gutxiago babesten du eta prestazioak murritzagoak dira. Zehazki esanda, azaro amaieran (prestazioen estatistika hilabete bateko atzerapenarekin argitaratzen da) ofizialki 130.372 pretsona ziren langabezian egon eta langabezi prestaziorik jasotzen ez zutenak.

Panora honek agerian uzten du botere publikoek duten ezintasuna krisiari erantzun egoki bat emateko muturreko prekarietatean erori gabe; edo okerrago dena: erabateko indiferentzia milaka familia konpatzen dituen zailtasunen aurrean.

Guzti honengatik, gure ustez ez dira zalantzan jarri behar soilik enpresa gestio edo lan harremanak ereduak, sistema ekonomiko eta soziala bera ere zilegitasun krisi handi baten aurrean dago
 

 

 
1...1,1121,1131,114...1,628Page 1,113 of 1,628

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POLÍTICA DE PRIVACIDAD

www.lab.eus