{module[544]}
Blog Page 1112
LAB muestra su condolencia por el fallecimiento de Antton Borja
Desde LAB nos sumamos a las condolencias que desde diversos ámbitos sociales y económicos de Euskal Herria se están generando ante la triste noticia del fallecimiento de Antton Borja. En estos momentos tan dolorosos queremos trasladar todo nuestro apoyo a la familia de Antton. Ha sido una persona que más allá de su dedicación a la universidad, ha dedicado su vida a cambiar la sociedad, construyendo otro modelo de país y de economía al servicio de las personas. Ahora sus proyectos, aquellos proyectos por los que tanto luchaba, se quedan sin referencia.
Recordaremos a Antton por su disposición a ayudar a contribuir con sus escritos e ideas para defender que la economía debería tener como objetivo la satisfacción de las necesidades de las personas a construir un modelo de desarrollo endógeno para Euskal Herria, fomentar la industria vasca etc. Colaboró activamente en el libro editado por Ipar Hegoa sobre el Estado Vasco y últimamente todo su empeño estaba centrado en impedir la privatización de Kutxabank. Esas peleas no se quedarán sin voluntarios. En memoria tuya Antton, todas y todos nosotros continuaremos peleando por ello.
Su funeral civil tendrá lugar este jueves a las 19.00h.
Konplizitateak ehuntzen
Galizako CIG, Catalunyako Intersindical CSC eta LABeko ordezkariak Euskal Herritik, Catalunyako hainbat ordezkari politikorekin batu gara gaur, tartean, CUP eta ERC alderdietako arduradunekin (Anna Simó Catalunyako Parlament-eko presidente ordea eta CUPeko David Fernandez esaterako). Herrien subirautza eta burujabetza eskubidearen aldeko prozesuak hizpide izan gure ordezkariek.
Gure Esku Dago ekimenak igande honetarako deitutako ekimenari babesa adieraziz, erabakitzeko eskubidearen aldeko mezuak josita geratu dira Euskal Herritik eramandako oihal zatian. Modu honetan, Catalunya eta Galizako ordezkari sindikal eta politikoek ere euren sostengua adierazi diote Euskal Herrian erabakitzeko eskubidearen alde martxan den mugimenduari, eta Gure Esku Dagok igande honetarako eginiko deiari euren atxikimendua eman diote.
Sindikatuok arratsaldean “burujabetza eta sindikalgintza” lelopean antolatua izan den mahai inguruan parte hartuko dugu. Ekimen hau FOCIR-ek editatu berri duen “El reconeixement internacional de la Intersindical-CSC” liburuaren aurkezpenearen karietara antolatu da.
Euskal gazteriak jasaten duen langabezia eta prekarizazio egoerari aurre egin behar zaio
Euskadiko Gazteriaren Kontseiluak egin duen agiriak ez du zalantza izpirik uzten, eta euskal gazteria jasaten ari den egoera gordinaz LABek egin duen balorazioa baieztatzen du. Uste dugu neurriak hartu behar direla eta ezikusiarena egiteari utzi behar zaiola.
Ekonomia indartzen ari den diskurtsoak ez du aitzakia izan behar egungo lan errealitateak eragiten duen kostu pertsonala eta soziala ezkutatzeko, are gutxiago, ez du balio behar sinets dezagun ekonomia berreskuratzeari eusteko hainbat prekarietate maila geureganatu behar ditugula.
Hainbat neurri ezarri behar dira; hori dela eta erakundeek, beren maila guztietan, horretan inplikatu eta konprometitu beharko lukete: gazteriak, “lan/enplegu berari soldata bera” printzipioan oinarrituz, behar dituen lan baldintza duinak zehaztuko duen protokoloa edo Ekintza Egitasmoa ezar dadin, baita ere, jarduteko esparru bakoitzean betetzeko epeak, klausula sozialak, ikuskaritza, enplegu publikoa sortu ahal izatea, lanaren banaketa, kontratatzeko eta lana eskuratzeko erabiltzen diren modu oro ezaba daitezela, hauek patronalak bere poltsikoak betetzeko erabiltzen baititu enplegu egonkor eta kalitatekoaren kaltean. Laneko eta gizartearen prekarietatean sakontzeko lan erreformaz baliatzen direnei aurre egiteko, egin dezakegun defentsarik onena, gure eskubideen alde abiaraztea da.
Lan osasuna publifikatzeko prozesua Nafarroan aitzindari
LABek prentsa aurrekoa burutu du gaur Nafarroan sustatzen ari den lan osasunaren publifikazioaren inguruan. Pasaden urtean PP alderdiak onarturiko Mutuen Legeak mutualitateei eskumen gehiago aitortu dizkie. LABek kontrako norabidean gertakizun profesionalak nahiz arruntak publifikatzea bilatzen ari da. Mutuen lege berria (35/2014) indarrean dagoenetik, 400 bat langileek gertakizun profesionalen eta gertakizun arrunten kontrola mutuekin kontratatzeari utzi eta osasun arreta Osasunbideak eman dezan lortu dugu.
Estatu espainolean patronalaren esku dauden mutuek langile gehiengoen gertakizun profesionalak kudeatzen dituzte. Honek arazo asko eragiten du: laneko gaixotasunak ukatu, alta goiztiarrak, langileon osasunaren gaineko kontrola patronalaren eskutik, etab. Pasaden urtean PP alderdiak onarturiko Mutuen Legeak mutuen eskumen gehiago aitortzen ditu eta gainera, gertakizunen arrunten kontrola mutuen esku uztea saiatzen ari dira.
Aitzitik LAB kontrako norabidean doan prozesua bultzatzen ari da: gertakizun profesionalak nahiz arruntak publifikatzea.
Apustu hau egun indarrean dagoen legearen baitan jasotzen da: urtero berritzen den mutuarekiko hitzarmena mutua batekin berritu beharrean, Gizarte Segurantzarekin kontratatzea eta ondorioz, Osasunbidearen bitartez arreta medikua bermatzea.
Mutuen lege berria (35/2014) indarrean dagoenetik, 400 bat langileek gertakizun profesionalen eta gertakizun arrunten kontrola mutuekin kontratatzeari utzi eta osasun arreta Osasunbideak eman dezan lortu dute. Milagro herrian dagoen Bonduelle-Gelagri enpresan, Zaraitzuko Batzordea eta Berriozarreko Udalaren baitako langileak hain zuzen ere.
Beste 23 enpresetan norabide honetan zenbait urrats eman dira: enpresa komitearen baitan (Volkswagen bezalako enpresan esatebaterako) eta enpresarekin adostea faltako litzateke; beste enpresetan ordea, jada adostasuna dago langileen eta enpresaren artean eta aldaketa gauzatuko da datozen hilabeteetan.
Eta Iruñeko Udala edota Iruñeko Haur Eskoletako Erakundean bezalako enpresetan, gertakizunen estaldura mota hautatzeko plantilla osoko kontsultak egin dituzte. Eta osasun sistema publikoaren aldeko hautua %92 eta %89koa izan zen, hurrenez hurren.
LABek Iruñeko alkate berria den Joseba Asironek udal langileen hautua eta eskaera aintzat hartzea eta babestea espero du.
Halaber, LABek Nafarroako Gobernu berriari bi neurri eskatu dizkio: administrazio publikoaren plantillaren gertakizun profesionalen arreta medikua publifikatzea eta, oro har, Nafarroako langileon gertakizunen arreta medikua Osasunbideak eman dezan beharrezko errekurtsoak ezartzea.
Zerbitzu publikoan O kostea eragiten duen neurria da.
LABek argi utzi nahi du ez dugula Madrileko akordioa gure eremuan zabaltzen lagunduko
Atzo COFEBASKek, Madrilgo akordioa hona ekartzeko asmoz, sindikatuok negoziazio mahai batera deituko gaituela adierazi zuen.
Adierazpen hauen aurrean LABek honako hau azaldu nahi du:
– LABek ez du inolako bilerarako deialdirik jaso eta horrelako berri bat medioen bidez jakin behar izatea salagarria deritzogu.
– Confebasken aldetik ez dugu benetako borondate negoziatzailerik ikusten, itxurakeria hutsetan mugitzen da.
– LABek negoziazio kolektiboaren garrantzia azpimarratu eta desblokeorako borondate argia duela berretsi nahi du berriro ere. Lan erreformari aurre egin eta prekarizazio prozesuari mugak jarriko dizkioten hitzarmenak nahi ditu LABek.
– Egoera desblokeatzeko, Madrilen sinaturiko akordioa ez da erreferentzia bat izango LABentzat ondoko arrazoiengatik:
• Lan erreforman sakontzeko patronalari alfonbra gorria jartzen diolako
• Prekarietatea hedatzeko akordioa delako: lanaldi partzialen aldeko apustua egiten baitu, muga eta baldintzarik gabeko malgutasuna ontzat ematen duelako edota soldata igoerak adosteko erreferentziak aldatzen dituelako (2017tik aurrera KPIaren erreferentzia erabat desagertuz, soldata igoerak neurtu ezina den produktibitateari lotuz)
• Guzti honen “truke” 2015 eta 2016 urteetarako soldata igoera hutsalen gomendioa egiten da, azken urteetan galdutako erosahalmena berreskuratzen laguntzen ez duen igoera.
• Langileoi eskubideak kendu eta patronalari bake eta zilegitasun soziala bermatzen dion akordioa da.
– Malgutasuna da orain patronalaren hitz magikoa. Argi esan behar da, malgutasunerako patronalak egiten dituen proposamenak bere horretan hitzarmenetan sartu ezkero, enplegua gehiago suntsituko dela eta dagon apurra prekarizatu egingo dela.
– Malgutasuna ezin da hitzarmen sektorialetan negoziatu. Enpresaz enpresa, momentuko egoeraren arabera egin beharreko eztabaida da, beti ere helburu argi batekin, kalitateko enpleguaren defentsa. Horrela den kasuetan, enpresaz enpresa, akordioak erdiesten ditugu.
– Errekuperazio fasean sartu omen gara, baina hazkunde hori prekarizazio prozesuan sakonduz egin nahi da. Horretarako baliatu nahi ditu CONFEBASKek hitzarmenak. Honen ondorioz desberdintasun sozialak gero eta handiagoak dira, eta prekarietateak pobrezia dakar.
Guzti hau dela eta LABek argi utzi nahi du ez dugula Madrileko akordioa edo antzekoren bat gure eremuan zabaltzen lagunduko, oztopoa izango gara. Prekarietateari aurre egiteko hitzarmenen alde borrokatzen jarraituko dugu. Horrez gain ekintza sindikaleko dinamika berria martxan jarri dugu. LAB mugituz, langileak mugituko ditugu eta patronalaren asmoei aurre egingo diegu.
24 orduko gose greba Takbar Haddi ama saharauiari elkartasuna adierazteko
Mohamed Lamin Haidala gazte sahararra mediku, polizia eta buruzagi marokiarren eskuetan zegoela hil zen. Takber Haddi, Mohameden ama, erahilketa salatzeko eta hilotza buelta diezaoten exijitzeko hilabetetik gora darama gose greban Kanariar Uharteetako Las Palmaseko marokiar kontsulatuaren aurrean. Hau dela eta, Euskal Herriko hainbat erakunde eta partidu politikok Bilboko saharar komunitatearekin batera 24 orduko gose greba egingo dugu gaur, hilak 17, Bilboko marokiar kontsulatuaren aurrean.
MAROKOKO KONTSULATUAREN (REKALDE ZUMARKALEA) aurrean 11:00etan prentsaurrekoa izango da eta ondoren Moyua plazan jaima bat jarriko da, non 24orduko gose greba martxan hasiko den. Jardunaldian zehar saharar herriarekiko elkartasun eskuorriak banatuko dira eta Mendebaldeko Sahara okupatuan ematen diren giza eskubideen urraketen berri emango da.
Bihar, osteguna 18 18, 18:30etan manifestazioa izango da Moyua plazako Gobernu Espainiarraren ordezkaritzatik Rekalde Zumarkaleara. Bertan komunikatu baten irakurketak amaiera emango dion jardunaldiari.
Deialdian parte hartzen duten erakunde eta partidu politikoen zerrenda:
– ERNAI.
– Udalaberri Bilbao en Común.
– IU-Ezker Anitza.
– ASKAPENA.
– Komite Internazionalistak.
– Asociación Leioa Pro Sahara. FATH.
– Asociación Saharaui Dara Convivencia por Euskadi.
– DISABI.
– HEGOA.
– Asociación de Amigos y Amigas de las RASD de Vizcaya.
– Juventud Socialista de Euskadi.
– Koordinadora 27 de febrero.
– Liga de Periodistas Saharaui en Europa (Sahara Press League –SPL-).
– LAB
aaa