KYBSEko langileek —aurreko AP Amortiguadores—, Nazioarteko Lan Osasunaren eguneko testuinguruan, erreferemduma egin dute izan ditzaketen baja arrunt edo profesionalak mutuek kudeatzen jarrai zezaten edo etorkizunean kudeaketa hori Osasunbidearen bidez egin dadin erabakitzeko. Erreferendumaren emaitzen arabera, Nafarroako Industriako bigarren enpresa haundienaren langileen %94k Osasunbidearen aldeko apustua egin dute eta Mutuak uztearen alde agertu dira.
Emaitza hauek oso arrakastatsuak izan direla deritzogu eta gure sindikatuak duen pertzepzio nagusia berresten da: langilegoaren gehiengo batek nahiago du bere gaixotasun edo istripuak sistema publikotik kudeatzea mutuetatik egitea baino. Kybseko langileek argi eta garbi erakutsi dute Mutuekiko beraien adostasun eza osasuna lehenetsi beharrean beraien interes ekonomikoak lehenesten baitituzte.
LABek Kybseko plantilla osoa zoriontzen du eta, lehen Bonduellen bezala eta orain Kybsen egin bezala, langileria bide horretatik pausuak ematen jarraitzen lagundu eta animatzen du.