2026-01-26
Blog Page 1109

“Mikel Cabiecesek Kutxabanketik 6.000 euro kobratu zituen lanik egin gabe”

admin
-
0
“Mikel Cabiecesek Kutxabanketik 6.000 euro kobratu zituen lanik egin gabe”

"Kutxabanken Cabieces" auzian akusazio popularra osatzen dugun LAB, ESK, STEILAS, EHNE Bizkaia, HIRU, EKA eta Euskal Herriko pentsiodunen Plataformak elkarretaratzea egin dugu Bilboko epaitegiko atarian Kutxabank publiko baten alde eta prozesuan eman diren iruzurrak salatzeko. Epaitegiko atean orain arteko ondoriak azaldu ditugu.

“Cabieces auziko” akusazioa osatzen duten eragile sindical eta sozialen irakurketa (LAB, ESK, STEILAS, EHNE Bizkaia, HIRU, EKA eta Euskal Herriko Pentsionisten Plataforma)

Mikel Cabiecesi egindako ordainketak
egindako lanekin bat ez badatoz, ordainketa politikoak dira

«Kutxabank-Cabieces auzian akusazio popularra osatzen dugun eragileok gure iritzia agertu nahi dugu akusazioak deituriko lekukoen adierazpenen inguruan.

Lehenik eta behin, adierazpenek, zentzu guztietan auditoriaren informea eta giza baliabideen arduradunaren adierazpenak konfirmatzen dituzte. Auditoria horretan, inolako zalantzarik gabe honakoa baieztatzen da:

– Ez dela existitzen inolako prestazio zerbitzu kontraturik Mikel Cabiecesi eginiko ordainketak justifikatzeko.
– Badela dokumentu bat zeinetan argipenak eta kobertura ematen diren ez duena zerikusirik antzeko kasuetan ematen direnekin eta aurreko presidentearen egitekoak gainditzen dituena.

Mikel Cabiecesi eginiko ordainketak bere aldetik eginiko lanekin ez datozela bat argitzen da, eta ordainketa horiek justifikatzeko ez dagoela inolako kontratu aldaketarik Rafael Alcortaren bufetearekin, hau horrela egin beharko bazen ere.

Auditoria honek, eta sortu dituen ondorioak gainbegiratzen dituztenen oneritzia jaso dute, bai Espainiako Bankuarena, bai Europako Banku Zentralarena, hauek ikusitakoak ikusita, epaitegien aurrean salatzea exijitzen zuten.

Harrigarria da, entitateko aurreko presidenteak emandako jarraibideen artean berziklatze profesionala izatea helburuen artean. Adierazpenen arabera, Kutxabankek pertsona bat lan zehatz bat betetzeko kontratatzen duenean, profesionalki gaitasunak dauzkana kontratatzen du, eta instrukzio hauen arabera, Cabiecesen kasuan hori ez zen horrela.

Auditoriaren txostenari buruzko adierazpen hauek, Rafael Alkortaren bufeteak aurkezturiko frogekin bat egiten dute gure balorazioen arabera. Argi geratzen da beraz, Kutxabanki pasatzen zaion minutan ez dela inolako lan zamaren gehitzerik egon pertsona berri bat kontratatzea justifikatzeko. Sarritan esan dugu, urte beteko bertan agertzen diren lanak, gure sindikatuetako edozein abokatuk aste betean bete ditzakeela.

Akusazio honentzat argiak eta irmoak dira orain arteko ondorioak:
– Mikel Cabiecesek Kutxabanketik 6.000 euro kobratzen ditu lanik egin gabe.
– Ordainketa horiek beteriko lanekin bat ez badatoz, ordainketa politikoak dira.
– EAJ, PP eta PSE alderdien arteko akordioan jasota dauden ordainketak dira, Kutxabanken pribatizazio prozesuan. Alderdi hauetako ordezkariak dira arlo honetan azalpenak eman behar dituztenak, eta horrela badagokie ondorioak beraien gain hartu.

Mikel Cabiecesek ordainketa hauek langabezia ordainsariarekin batera jasotzen zituen. Aurreko Espainiar Gobernuko delegatuaren jarrera miserablea, injustua, insolidarioa eta ilegala da, eta berehala jaso zituen ordainsariak bueltatu behar ditu.

Azkenik, gure poza adierazi nahi dugu, akusazio honek deituriko lekukotzei eskerrak argi geratu delako egiten zaion ordainketa buruturiko lan bategatik ez bada, interes politiko bategatik egiten zaiola ordainketa.

Euskal Herrian, 2015eko uztailaren 09an»

 

 

 

Haurreskola txikien defentsan Parlamentu aurrean izan da LAB

admin
-
0
Haurreskola txikien defentsan Parlamentu aurrean izan da LAB

Haurreskolak Partzuergoak hartutako erabaki politiko baten ondorioz, landa eremuko haurreskola batzuk itxiko dira eta beste herri batzuetan zerbitzua murriztuko da. Erabaki hau salatzeko LAB sindikatuak Gasteizko Parlamentu aurrean konzentrazioa egingo du gaur. LAB sindikatuak landa eremuko haurreskola txikien inguruan hausnarketa bat egin eta beraien iraupena ziurtatzeko behar diren neurriak hartzea eskatzen du.

HAURRESKOLA TXIKIAK DEFENDA DITZAGUN

Datorren ikasturtean, Haurreskolak Partzuegoko Zuzendaritza Batzordeak hartutako erabakiaren ondorioz, hainbat haurreskola ixteko arriskuan daude. Hauek izango lirateke zerbizturik gabe geldituko diren udalerriak edo, zerbitzua mantendu arren, familiei eskaintzen zaion ordutegia murriztuta geldituko diren tokiak.

Bizkaian:

– Arrankudiaga
– Artea
– Aulesti
– Berriatua
– Dima
– Gautegiz Arteaga
– Ispaster
– Mallabia
– Mallaria

Gipuzkoa:

– Aia
– Albiztur
– Alkiza
– Altzo
– Baliarrain
– Igeldo
– Elduain
– Errezil
– Eskoriatza
– Ezkio-Itsaso
– Gabiria
– Gaintza
– Ikaztegieta
– Larraul
– Lizartza
– Olaberria
– Orendain
– Zerain

Araba:

– Arraia-Maeztu
– Bastida
– Bernedo
– Erriberabeita

Haurreskolak Partzuergoko proiektua sortu zenean, eta aurtengo Batzar Nagusian estautuak berriztu zirenean, horrela zehaztu ziren Partzuergoko zeregin nagusiak:

a) Familiekin lankidetzan, haurraren garapen integrala sustatzea adingabeen eskubidearekiko errespetuaren, ongizate psikofisikoaren eta afektibitate, zentzumen eta mugimen, ezagutza, harreman eta gizarte ahalmen guztien garapenaren ikuspegitik prestatu eta sozializatzearen bidez.

b) Ezberdintasunak konpentsatuko dituen prebentzio-hezkuntza bat sustatzea eta, bereziki, gizarte edo pertsona mailan beharrik handienak dituztenei arreta eskaintzea, parekotasuna bilatuta.

c) Hezkuntza-ekintzaren hasieratik Euskal Autonomia Erkidegoko bi hizkuntza ofizialetan elebi-tasuna bermatzeko baldintza egokiak erraztea eta bultzatzea.

d) Familiei hiru urtetik beherako haurrei eskainitako zaintza eta arretaren bidez laguntza-zerbitzua ematea, familia eta lana uztartzeko mekanismo gisa.

e) Landa-eremuetako biztanleei hezkuntza eta laguntza izaerako zerbitzu baten eskuragarritasuna ahalbidetzea.

Haurreskolak Partzuergoa sortu zenetik haurreskola txikien egoerak urtez urte okerrera egin du eta urtez urte haur-eskola hauek irekita mantentzeko irizpidea aldatu egin da, hainbat kasuetan berauen biziraupena kolokan jarriz, herri txikietan ematen den hezkuntza zerbitzua ukatuz eta kasu askotan hezkuntza zerbitzua mugatuz.

Aplikatzen den politika honek ez ditu haurreskola txikiak babesten eta kasu gehienetan, haurreskola txiki bat zabaltzeko eskatzen den irizpidea eta eskaintzen den hezkuntza zerbitzua murrizten denez, askotan, familiek beste alternatiba batzuk bilatu behar dituzte. Horrelako egoerekin kolokan jarri dezake haurreskola batzuen etorkizuna eta biziraupena.

Aurreko urteetan ordutegiekin salbuespenak egin badira ere, Zuzendaritza Batzordeak haurreskola txiki hauekin zorrotz jokatzea erabaki du, batetik zabalik mantentzeko (hiru haur matrikulatuta egon ezean haurreskola itxiko da) eta bestetik ordutegia murriztuz. Familia hauek, nahiz eta 8 orduko zerbitzua ordaindu, 7 ordu zabalik mantenduko dira 5 haur matrikulatuta egon arte, Argi utzi du Cristina Uriartek, zuzendaritza batzordeko Lehendakariak, ez dela salbuespenik egingo. Erabaki honek haurreskola askoren biziraupena jarri du kolokan eta herri hauetan bai guraso eta udalean izugarrizko egonezina sortu du.

Beraz, LAB sindikatuak landa eremuko haurreskola txikien inguruan hausnarketa bat egin eta beraien iraupena ziurtatzeko behar diren neurriak hartzea eskatzen du, matrikulatzen diren haur guztien ordutegiak errespetatuz.
 

 

 

Natura Gure Ardura ekimenak Frackanpadara joateko deia egin du

admin
-
0
Natura Gure Ardura ekimenak Frackanpadara joateko deia egin du

Euskal Herriko Eskubide Sozialen Kartaren baitan sorturiko Natura Gure Ardura ekimenak gasa ateratzeko frackinga bezalako teknika zentzugabea dela salatzen du. Frackingaren kontrako jarrera honi jarraituz, petroleoa ateratzeko teknika honen aurkako manifestua aurkeztu eta uztailaren 13-19 bitartean Gasteizen izango den Frackingaren aurkako akanpadara (Frackanpada) joateko deia luzatu du.

Natura Gure Ardura Ekimenaren Manifestua
Natura Gure Ardura ekimenetik, datorren astean Subilla Gasteizen egongo den Frackanpadara joateko deia egiten dugu

Natura Gure Ardura ekimena abiatzen dugunok naturarekiko herritar arduratuak gara, gure eta hurrengo belaunaldiekin arduratuak. Bakarka edo kolektiboki ekimen, talde, erakunde eta esparru askotan aritzen gara, baina gure ustez Natura Gure Ardura nagusia dela esateko ordua iritsi da.

Euskal Herritik gure inguruan eta munduan gertatzen denari begira gaude eta ezin dugu lasai egon, ardurak hartzeko garaia aspaldian heldu da eta erronka horri eutsi behar diogula argi eta garbi ikusten dugu.

Ekonomia eta gobernantza ereduaren krisi larrian murgilduak gaude, baina hauek krisi sakonago baten sintomak dira, naturarekiko dugun harremanetan bilatu behar dugularik krisiaren iturria.

Natura xahutu eta hondakinak uzteko joera jarduera ekonomiko gehienetan topa dezakegu: arrantza, abeltzaintza eta nekazaritza intentsiboan, industrian, turismoan eta abar. Azken urteotan azpiegitura erraldoien eraikuntza amorratua izan da. Proiektu horiek gauzatzeko baliabide naturalak izan ditugu euskarri eta ingurua, berriz, hondakindegi. Ekonomikoki, berriz, diru publikoak xahutu eta poltsiko pribatuetara eramateko jarduera izan da.

Maila globalean, abian diren aldaketa klimatikoa eta krisi energetikoa dira gure arazorik premiazkoenak. Gure espezieak planeta honetan bizitzeko behar dituen baldintzak desagertu daitezke. Arazo hauen aurrean ausardia beharrezkoa da, bai indibidualki baina bereziki kolektiboki. Horregatik diogu natura denon ardura dela.

Zorionez, aldaketa kulturala martxan dago, antropozentrismo erradikaletitik urrunduz, garapenzalekeriatik aldenduz, sostengarritasunerantz abiatuz. Milaka ekimen eta ideien aurrean gaude, baita gure herrian ere. Aldaketa sozioekonomiko eta kulturalean jardun behar dugulakoan gaude: alternatibak marraztuz, proiektuak bultzatuz, utopiak babestuz, natura eta bizitza ardatza hartzen duen jendarte eredua birsortuz.

Behar ditugun aldaketak gauzatu ahal izateko, kolektiboki hartzekoak diren urgentzia handiko erabakien aurrean gaude: Abiadura Handiko Trena bertan behera laga, frackinga bezalako teknika bortitzak debekatu, CO2 emisioak mugatzeko politika eraginkorrak abiatu, energia berriztagarrien alorrean ekimen herritar eta kolektiboak sustatu eta monopolio elektrikoen eredua desegin eta beste hainbat. Kontu hauetan hurrengo urteotan Euskal Herrian dauden gobernuei politika eraginkor eta iraunkorrak, hiritarron parte hartzeaz eta gardentasun osoz adostutakoak, exijituko dizkiegu. Gure zereginean ekimen politikoak eta mobilizazioak proposatuko ditugu. Epe laburrean erabaki asko bultzatu behar dira eta naturaren ardurak agenda politikoan presente egon behar du.

Indarrak batzeko dei egitera gatoz gaur, fracking teknikaren bitartez gasa erauzteko plana bertan behera behingoz uztea exijitzea da gure momentu honetako lehentasunetako bat. Horregatik eta horretarako, manifestu honekin bat egiten dugun eragileok FRACKING EZ taldeei gure atxikimendua ematen diegu oraingoan. Dei egiten dugu beraz Subillan antolatu duten Frackanpadan parte hartzera euskal jendarteari. Frackanpada, elkar aurkitzeko, hausnartzeko, ikasteko… gune bezala planteatzen dute, beraz, natura gure arduratzat dugun eragile eta kideok, derrigorrezko dugu bertan aurkitzea.
 

 

 

LABek Laminaciones Arreguiko mobilizazioan parte hartzera deitzen du

admin
-
0
LABek Laminaciones Arreguiko mobilizazioan parte hartzera deitzen du

LAB sindikatuak bere babes osoa eskaini nahi dio LAMINACIONES ARREGUIko Langileen Batzordeak gaurko kaleratzeen kontra deitutako mobilizazioari eta dei egiten die langileei eta gizarte osoari bertan parte hartzera. Manifestazioa arratsaldeko 19:30etan abiatuko da Andra Mari Zuriaren Plazatik.

LABen ustez ezinbestekoa da mobilizatzea enpresen inposaketen aurrean eta enpleguaren defentsan, eta kasu hau bereziki gordina izan da. Enpresako zuzendaritzak azken urteotan behin eta berriro kolpatu ditu langileak, inposatutako EEEen bidez, langileen ordezkariak kaleratuz, iruzur juridikoen bidez, hauteskundeen inguruko azpijokoak erabilita, sindikalgintza otzanaren laguntzarekin,…. Horren aurrean, plantila tinko mantendu da, borroka eta duintasuna ikur hartuta, eta hori LABentzat bereziki azpimagarria da.

Oraingo honetan, enpresak bere mendekua gauzatu nahi du bere inposaketak onartu ez dituen kolektiboaren kontra, berrartu beharreko 55 langile kaleratuz. Horrekin, langileen gainetik pasatu nahi dute, baina sistema judizialen hutsuneak eta Eusko Jaurlaritzaren gaitasun eskasa ere agerian uzten dituzte. Izan ere, batetik, Laminaciones Arreguiko langileek ibilbide judizial osoa egin dute eta auzitegiek kaleratzeak behin-betiko baliogabetu ondoren, enpresak ebazpena bete ez eta bere asmoari eusten dio, “langile hauek bai ala bai kaleratuko ditut”, horretarako Espainiako legediak ematen dion aldebakartasuna baliatuz. Horregatik, hain zuzen, gure ustez, behar-beharrezkoa da Euskal Herrian alternatiba bat eraikitzea, Euskal Herrian adostua eta erabakita, langileen eskubideak bermatu ahal izateko, Espainiako sistemak ez baititu bermatzen.

Eusko Jaurlaritzari dagokionez, 3 urtean ezer gutxi egin ondoren, maiatzean eta ekainean bitartekaritza prozesu bat bideratu zuen. Honetan, halere, enpresak bere jokaeran tematu denean, hamarnaka kaleratze inposatu nahian, Eusko Jaurlaritza mutu gelditu eta ez da gai izan lan eraginkorra egiteko. Bada garaia enpresarien ondoan jarri ordez, haien inposaketen aurrean aurrez aurre jartzeko eta erabakiak hartu behar dituzte enplegua eta langileen eskubideak modu eraginkorrean defendatzeko. Halaber, pausuak eman behar dituzte Madrileko erreformak hemen ez aplikatzeko eta bitartekoak jarri ere langileen aldeko ebazpenak betearazteko.

Beraz, LABek bat egiten du langileen borrokarekin, haien aktibazioa berme bakarra baita konpobide duina eta definitiboa lortzeko.

 

 

Osakidetzak Bilbao-Basurtuko ESIko langile bati bere ordu sindikalak erabiltzea eragotzi egin dio

admin
-
0

Osakidetzako zuzendaritzek askatasun sindikalak mespretxatu dituzte berriro ere. Langile eta ordezkari sindikaloi eskubideak murritzeko saiakera berrian, LABeko ordezkari bati denbora eta forman komunikaturiko 7 ordu sindikalen erabilera eragotzi diote. Bilbao-Basurtuko ESIko pertsonal zuzendaritzak, debeku honen azken arduradura, honakoa adierazi du mehatxu moduan: “Txurdinagako osasun zentroko langilea ez bada agertzen bere lanpostuan ezeztaturiko egunean, etor litekeenaren gaineko ardura berea izango da”.

Hasiera batean, zuzendaritzek “lehentasuna oporrak ordezkatzea zela” esan zuten euren jarrera justifikatzeko; gerora, “ez zegoela erizain laguntzailerik kontratazio zerrendetan” , faltsukeria hutsa dena. Azkenik, aitortu zuten egia: “kontratazio zerrendan deitzekotan zeuden pertsonak aurretiaz Osakidetzan lan egin gabeak ziren”. Hauxe dugu kontratazio zerrendak kudeatzeko modu lotsagarria. Eskubide sindikalak errespetatu ez eta inoiz lan egin ez duen pertsona bat kontraturik gabe utzi, dirudienez, langile hauek karga eta deserosotasun handiagoa suposatzen dietelako jefaturei.

LABek honen gaineko salaketa jarria du dagoeneko LAN Ikuskaritzan eta azalpen argia exijitzen diogu Amaia Allenderi, OSIko Pertsonal Zuzendariari. LABek ez du inondik inora onartuko gure langile zein eskubide sindikalak zapalduak izatea.
 

 

 


Goiene lankidearen askatzea eskatzeko lanuztea CAF-Irunen

admin
-
0
Goiene lankidearen askatzea eskatzeko lanuztea CAF-Irunen

Uztailaren 7an Ortzaizen CAF Irungo langilea den Xabier Goienetxea atxiloketaren aurrean eta LABeko sail sindikalak deituta ordubeteko lanuztea egin zen lantokian. Goiene lankidearen askatzea eskatzearekin batera, LABek bizi dugun egoera politiko berrian atxiloketa politikoekin eta bestelako salbuespenezko araudi eta politikekin jarraitzea guztiz ulertezina dela salatu eta Espainiako zein Frantziako gobernuei, inora ere ez daramaten sufrimendu gehigarriak alde batera utzi eta aro politiko berriak eskatzen duen maila eta erantzukizunarekin jokatzen hasi daitezen eskatu zien.

CAF Irungo LABeko Sail Sindikalaren oharra
GOIENE ASKATU!!!

Atzo arratsaldean, Ortzaizen (Behenafarroa), polizia frantsesak eta Guardia zibilak bi pertsona atxilotu zituen, hauen artean gure lankidea den XABIER GOIENETXEA IRAGORRI “GOIENE”, atxilotu zuten.

“Goiene”, Euskal Herri libre baten alde publikoki lan egiteagatik jazarpen poliziala pairatu zuen, 2008an poliziaren atzaparretatik ihesi, torturatua izatea ekidinez, bere etxea eta CAFeko lanpostua utzi beharrean aurkitu zen.

Behin eta berriro tematzen da Espainiako gobernua, Frantziako gobernuaren eta poliziaren kolaborazio estuarekin, Euskal Herrian irekitako aro politiko berriari jaramonik egin gabe. Tantaka, etengabe eragiten ari diren atxiloketa politikoen bidez, Espainiako eta Frantziako agintariek errealitateari bizkarra ematen ari dira.

Egoera politiko berri batean gaude. Atxiloketa politikoekin eta bestelako salbuespenezko araudi eta politikekin jarraitzea, guztiz ulertezina da bertako jendartearen gehiengoarentzat. Ulertezina izateaz gain, konponbideen aldeko gehiengoaren norabidearen kontra kokatzen da jarrera hori, bake biderantz denok ematen hari garen pausoak zapuztu beste asmorik ez dutelarik.

Beraz, eskari irmoa egiten diegu, Espainiako zein Frantziako gobernuei, inora ere ez daramaten sufrimendu gehigarriak alde batera utzita, aro politiko berriak eskatzen duen maila eta erantzukizunarekin jokatzen hasi daitezen. Horretarako, modu bakarra dago, munduko beste gatazka politiko guztien konponbideetan egin den bezala: eskubide guztien errespetuan oinarritutako politika eta araudien ezarpena, eta elkarrizketa, elkarrizketa eta elkarrizketa. Beste guztia denbora galtzeko eta sufrimendua alperrik areagotzeko trikimailu antzuak baino ez dira, eta horretaz guztiaz jabetuta dago jada euskal jendartearen gehiengo zabala.

Atxiloketa hauek salatzeko eta atxilotuei babesa adierazteko gaur goizeko 11tan egingo dugun ordu bateko lanuztean, eta antolatzen diren mobilizazioetan parte hartzea gonbidatzen zaituztegu.

————————-

Nota de la  Sección Sindical de LAB en CAF Irun
GOIENE ASKATU!!!

Ayer a la tarde , en Ortzaize (Behenafarroa) la policía francesa y la Guardia Civil detuvieron a dos personas, entre los detenidos se encuentra nuestro compañero XABIER GOIENETXEA IRAGORRI, “GOIENE”.

“Goiene”, sufrió la persecución policial por trabajar públicamente a favor de una Euskal Herria libre y para no ser detenido y torturado por la policía, en 2008 se vió obligado a huir, abandonando su casa y su trabajo.

Vemos cómo el gobierno español, con la estrecha colaboración de la policía y del gobierno francés, actúa como si el nuevo ciclo político abierto en Euskal Herria no existiera. A través de este goteo incesante de detenciones políticas, los mandatarios españoles y franceses están dando la espalda a la realidad.

Vivimos una nueva situación. Continuar con las detenciones políticas y con otras medidas de excepción, es del todo incomprensible para la mayoría social de este país. Además de ser incomprensible, esa actitud enrocada se sitúa en el carril contrario al de las soluciones en el que se sitúa la sociedad vasca en su conjunto.

Por lo tanto, lanzamos una firme petición a los gobiernos español y francés, para que, dejando de lado sufrimientos añadidos que no llevan a ninguna parte, actúen con el nivel y la responsabilidad política que exige este nuevo ciclo en Euskal Herria. Y hay una sola manera de hacerlo, al igual que se ha hecho en la resolución de otros conflictos políticos del mundo: implementando una política basada en el respeto a todos los derechos humanos, y abordando el diálogo, el diálogo y nada más que el diálogo. Todo lo demás no serán más que vanos intentos de seguir perdiendo el tiempo e incrementando innecesariamente el sufrimiento. Una mayoría social creciente en Euskal Herria es totalmente consciente de ello.

Para denunciar estas detenciones y mostrar nuestro apoyo a los detenidos os invitamos a participar en el paro que convocaremos hoy a las 11 en la entrada de la fábrica.

 

 

 

Lan Ikuskaritzak arrazoia eman dio LABi Basurtoko Beilatokiko obratan langilei Bizkaiko Eraikuntzako hitzarmena ez aplikatzeagatik

admin
-
0

Bizkaiko Lan Ikuskaritzak arrazoia eman dio LAB Sindikatuari, honek, Morteros, Solados y Tarimas, S.C. (M.S.T., S.C.) enpresak Basurtoko Beilatokiko obratan bere langilei Bizkaiko Eraikuntzako hitzarmena ez aplikatzeagatik eta, aldiz, Errioxakoa aplikatzeagaitik sartutako salaketan. Langileak kaltetuta suertatu dira Bizkaiko Eraikuntzako Hitzarmeneko soldatak baino soldata bajuagoak ordaindu zaizkielako.

Lan Ikuskaritzak legez kontrako egoera hau konpontzeko exijitu dio.

LAB sindikatuak Herrialdeko Eraikuntzako hitzarmenak aplikatzen ez dituzten enpresen kontrako kanpainarekin zorrotz jarraituko du eta, aldi berean, sektoreko arazoei alternatiba emateko publikoki egin zuen proposamena lantzen jarraituko du.
 

 

 

Gipuzkoako Esku-hartze Sozialeko hitzarmenaren negoziazioa orain

admin
-
0
Gipuzkoako Esku-hartze Sozialeko hitzarmenaren negoziazioa orain

Gipuzkoako Esku Hartze Sozialeko herrialdeko hitzarmenaren negoziazio mahaian ordezkaritza dugun sindikatuok (LAB, ELA, CCOO) PRECO aurrean izan gara gaur hitzarmenaren negoziazioa martxan jarri dadin exijitzeko.

Gipuzkoako Esku Hartze Sozialeko herrialdeko hitzarmenaren negoziazioari 2014ko abenduan eman zitzaion hasiera. Otsailan LAB, ELA eta CCOO sindikatuok plataforma bateratua aurkeztu genuen, baina orduztik, nahiz eta hilabete asko pasa, Hedatzen Patronaletik ez dugu gure aldarrikapenen inguruan erantzun orokor bat jaso. Negoziazioaren blokeoaren aurrean, eta hau aktibatzeko helburuarekin, mobilizazio dinamika batekin hastea erabaki dugu.

Gaur, mahai negoziatzailean ordezkaritza dugun sindikatuok (LAB, ELA, CCOO) PRECO aurrean izan gara, mahai negoziatzailea elkartzen den momentu berean, "ESKU HARTZE SOZIALEKO HITZARMENAREN NEGOZIAZIOA ORAIN!!!" exijitzeko.
 

 

 

Manifestaci贸n en Gasteiz en defensa de los puestos de trabajo de Laminaciones Arregui

admin
-
0
Manifestaci贸n en Gasteiz en defensa de los puestos de trabajo de Laminaciones Arregui

Los trabajadores y trabajadoras de Laminaciones Arregui llaman a la ciudadania, y en especial a toda la clase obrera, a que se manifieste en contra de las imposiciones, de los despidos, de los EREs y a favor de una solución acordada que asegure un futuro digno. La cita para ello es la movilización que han convocado para el día 9 en la Virgen Blanca de Gasteiz a partir de las 19:30h.

NOTA DEL COMITÉ DE EMPRESA DE LAMINACIONES ARREGUI
 Como es conocido, a finales de marzo la Dirección de Celsa Atlantic presentó un nuevo ERE de extinción para ejecutar un total de 79 despidos, 55 de los cuales los ha hecho ya. Pese a los intentos del Comité de Empresa de encontrar el acuerdo, la Dirección ha preferido seguir vulnerando los derechos de los trabajadores, discriminando a aquellos que en el 2012 dijeron NO a sus recortes y ha elegido de nuevo el camino de la judicialización. Desde el Comité de Empresa, tan solo queremos solucionar de una vez por todas el conflicto, y la única manera de hacerlo no es otra que mediante el acuerdo y que este tenga las siguientes bases: voluntariedad, garantía de empleo y garantía industrial. Como dato, solo en el año 2014, y siempre según las cuentas de la empresa, esta se gastó más de 11 millones de € en indemnizaciones, ¿cuantos trabajos se podrían haber generado o salvado si este dinero hubiera sido efectivamente invertido? Está claro que la apuesta por la imposición, además de causar sufrimiento, enfrentamiento, etc. también le ha resultado muchísimo más cara que buscar el acuerdo.

Por todo ello, hoy aquí, queremos denunciar que no todo en nuestra ciudad es verde, sino negro, y en nuestro caso, naranja. Hemos colocado 79 velas ante este emblema de la ciudad, una por cada despido que la empresa nos ha impuesto, para trasladar nuestra dura realidad a la sociedad. Mediante esta puesta de velas, los trabajadores y trabajadoras de Laminaciones Arregui queremos hacer un llamamiento a la ciudadania, y en especial a toda la clase obrera, a que se manifieste en contra de las imposiciones, de los despidos, de los EREs y a favor de una solución acordada y definitiva que nos asegure un futuro digno. La cita para ello es la movilización que hemos convocado para el día 9 en la Virgen Blanca a partir de las 19:30 h.

La semana que viene, el 14 de julio se celebrará en el TSJPV el juicio por este ERE de extinción y el Comité de Empresa cree que las y los trabajadores lo afrontaremos desde una posición reforzada por el informe elaborado por la Inspección de Trabajo en relación a este ERE. En él, se reflejan aspectos importantes en nuestra opinión:
– Despedir ahora a 55 trabajadores que fueron readmitidos por sentencia del T.S. y aplazar a diciembre de 2016 a otros 24 afectados actualmente por el ERE de suspensión “podría ser discriminatorio recayendo las consecuencias de la decisión empresarial exclusivamente en sobre los trabajadores readmitidos por sentencia”, dado que podría no despedir a estos últimos alegando una situación económica distinta.
– “La empresa blinda, de alguna manera, a los trabajadores afectados por el ERE de suspensión de 2014”, firmado por UGT, CCOO y el sindicato de la planta de Laracha CIG, a pesar de que ya en aquel momento ya sabía de la nulidad de los despidos anteriores.
– “No está justificado dilatar en el tiempo la aplicación de las medidas extintivas”, dando a entender su carácter fraudulento.
Por tanto, entendemos que refleja lo que el Comité de Empresa viene denunciando: que bajo una apariencia de legalidad y un proceso disfrazado, se pueden intuir las reales intenciones de la empresa, un plan meticulosamente trazado para no cumplir la sentencia del Tribunal Supremo que ratificaba la nulidad de los despidos ejecutados en el año 2012 y seguir ejecutando una venganza contra el colectivo que se plantó ante sus imposiciones.

Durante estos días, el Comité de Empresa a mantenido reuniones casi todos los partidos políticos y representantes de las instituciones de nuestro territorio para exponerles la situación en que nos encontramos. Esperamos que la buena recepción que hemos tenido se traduzca en una apoyo explícito a las y los trabajadores, tanto el día 9 en la Virgen Blanca como en lo sucesivo, y que utilicen todos los medios a su alcance para que la empresa abandone su estrategia de imposición y se avenga a negociar una solución definitiva.

COMITÉ DE EMPRESA DE LAMINACIONES ARREGUI – Gasteiz, 7 de julio de 2015

 

 

 

1...1,1081,1091,110...1,586Page 1,109 of 1,586

COOKIAK | COOKIES

LEGE OHARRA ETA PRIBATUTASUN POLITIKA | AVISO LEGAL Y POL脥TICA DE PRIVACIDAD

www.lab.eus